منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 أنا منتقبة ليه ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شعبان
المدير
المدير


وسام الابداع

اوفياء المنتدى

ذكر عدد المساهمات : 7178
تاريخ التسجيل : 16/06/2010
الموقع :
المزاج المزاج : الحمد لله

مُساهمةموضوع: أنا منتقبة ليه ؟   الإثنين 23 يناير - 10:42

أنا منتقبة ليه ؟
أنا منتقبة - بعد إيماني بأمر ربنا إن الحجاب فرض
على كل مسلمة بقول اغلب علمائنا وشيوخنا الافاضل
كلهم بلا استثناء قالوا
ان النقاب فرض
واجمعوا عليه انه فرض
يا بنتي فرض
انتي بتئاوحي نفسك ليــــــه ؟؟؟
دا حتي انتي مقتنعة انه فرض بس بتخبي ومش عايزة تعترفي عشان محدش يمسكها عليكي .

طيب اقلك دا حتي عجينة الفطير والكحك تشهد انه فرض
عجينة فطير !!!!!

فطير ايه وكحك ايه دا ؟؟؟؟ !!!
هقولك اهو ..
دلوقتي احنا لما بنعمل عجينة فطير او كحك او قراقيش مش بتحتاج لحاجة اساسية جدااااااا الـ هي :
(( الخميرة ))
عارفاها طبعا

طيب كلمة خميرة دي مفكرتكيش بكلمة ( الخمار ) اللي هو اللبس الشرعي اللي الكل متفق انه فرض بعيد عن النقاب
صح ؟؟



يبقي احنا كدة متفقين ع حاجتين :

** ان الخميرة اساسية جدااااا للعجينة .
** ان الخمار فرض علي كل مسلمة .

ماشي

طيب احنا لما بنحط الخميرة علي العجينة بنحطها ع جزء منها بس يعني بنحط ع مكان ونسيب مكان تاني من غير خميرة !!
ولا لاااااازم نحط علي العجينة كلها خميرة والا هتبوظ طبعا


طيب يا ست الكل
اهي الخميرة دي هي الخمار

اذا : الخمار لازم يغطي كل جسمك بوشك وايديكي ولا ايه !!
اذا لو انتي زعلانة من كلمة ان النقاب فرض
سميه الخمار يا سيتي لانهم هم الاتنين واحد

اذا النقاب = الخمار
والاتنين باذن الله فرض
وهو المطلوب اثباته ##
.
.
.
.
.
اسفة جدا للاطالة ودوشة الكحك والقراقيش اللي فاتت دي

طيب الحمد لله وعرفنا ان النقاب فرض


بس في اسباب تانية
اليكي هذه الاسباب :
1- علشان انا حرة … مش من حق حد يشوف مني اللي مش عاوزاه يشوفه إلا بإرادتي
… ومن حقي اختار مين اللي يشوف مني أجمل ما عندي .. واللي علشان يشوف ده
ويبقى حقه وحلاله عن طيب خاطر.. لازم هو كمان يديني مشاعره واللي باقي من
عمره عن طيب خاطر…

2
- علشان أنا غالية .. مينفعش أقلل من قيمة نفسي واخليها عرضة لكل العيون
.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء
مش متغطي مني .. حتى لو مكنش ده قصدي … بس مش حقدر امنعه … (كامل اعتذاري
لغير المحجبات.. ولكن ده اللي حيوصل منك لضعيفي النفوس حتى لو مكنش ده
قصدك.. وده اللي علشانه ربنا فرض الحجاب . علشان ميطمعش الذي في قلبه مرض) …
مع الأخذ في الاعتبار انه “كل من هب ودب ده” مش بس الشباب اللي بيعاكس
البنات في الشارع .. ده يتضمن حتي الزبال اللي بيسوق عربية الزبالة في
الشارع .. كل دول بقى من الممكن انهم يبصوا لي … لأ ده كمان يمكن ماعجبهمش
ويدوروا وشهم إعراضا


3
- علشان أنا باحترم نفسي .. وشايفة نفسي كبيرة قدام نفسي .. ومينفعش أنزل
سوق المنافسة في الأنوثة علشان أفوز في الآخر بنظرة شهوانية أو كلمة غزل
رخيصة أو عرض صحوبية…


4
- علشان انا جمالي مش خارجي وبس.. ومن حقي ان اللي ييجي يتجوزني .. واللي
حاديله الباقي من عمري .. واللي حديله كل مشاعري .. واللي حاقاسمه أحلامي
وأفكاري .. واللي حخلف منه ولادي .. وحاربيهم معاه .. مايختارنيش على
مقاييس شكلية وبس .. أو تبقى هي دي العامل الأساسي في أختياره ليا … علشان
كدة مش ضروري يشوفني في كامل زينتي وجمالي قبل ما يتجوزني . . الأهم انه
يحب روحي ويعجب بشخصيتي .. ويرتاح معايا نفسياً.. (أصل في بنات بتأجل
الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش
حاجة مضمونة في الزمن ده .. واللي اختارها علشان جمالها .. ممكن قوي يتجوز
عليها واحدة أجمل منها.. لأنه أكيد في الأجمل منها يعني)..


5
- علشان أنا باخاف على أخويا في الله اللي بيشوفني في الشغل أو في الكلية
أو في المواصلات أو في الشارع .. ويمكن يكون عاوز يقرب من ربنا .. وبيجاهد
نفسه علشان يغض بصره.. فمرضاش لنفسي اني اكون سبب في اني افتنه..


6
- علشان أنا باشيل هم أخويا في الله اللي نفسه يتجوز ومش قادر لضعف
إمكانياته المادية .. فمش ضروري يعني ازود عليه همومه… وأخيله في الرايحة
والجاية ..


7
- ده غير حاجة مهمة كمان … الكفن بتاع النساء.. فيه حجاب.. فاللي مش
حتلبسه وهي حية بإرادتها طاعة الله.. حتلبسه كدة كدة وهي رايحة قبرها..
وطالما ربنا بيقول اننا نتستر حتى واحنا رايحين قبورنا وخلاص انتهى التكليف
… ومحدش حيشوفنا تاني ولا حد حيطمع فينا .. يبقى مفيش معنى اننا نمشي
مكشوفين لكل العيون واحنا أحياء نرزق.. يبقى الأولى اطيع ربنا بإرادتي
وأقابله وهو راضي عني واخد أجري كامل.. ولاّ اني ملبسوش غير وانا جثة
واقابل ربنا وهو غضبان علياه


والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة..

ميعرفهاش غير اللي داق طعم الستر..

ربنا يهدينا ويهدي بنات المسلمين

اللهم امين



‗۩‗°¨_‗ـ المصدر:منتدي المركز الدولى ـ‗_¨°‗۩‗








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شعبان
المدير
المدير


وسام الابداع

اوفياء المنتدى

ذكر عدد المساهمات : 7178
تاريخ التسجيل : 16/06/2010
الموقع :
المزاج المزاج : الحمد لله

مُساهمةموضوع: رد: أنا منتقبة ليه ؟   الإثنين 23 يناير - 10:50

السلام عليكم ورحمه الله وبركاته
أريد ان اهمس همسه فى أذن كل اخت مسلمه تريد أن تلبس النقاب ومش عارفه دى وصفه سهله تساعدك على لبس النقاب بإذن الله

أولا: قومى
يا اختى صلى فى جوف الليل وأستعينى بربك واطلبى منه التوفيق والسداد
وأكثرى من الدعاء وانت ساجده وابكى وعاهدى ربك انك هتلبسى النقاب باكر بإذن
الله

ثانيا: فى
الصباح ما عليك سوى ان تستعينى بالله و تلبسى النقاب ولا تلتفتى إلى وساوس
الشيطان لأنه مش هيسيبك فى حالك وخلى بالك اختى الكريمه مينفعش انك تعاهدى
ربك بالليل انك هتلبسى ثوب الطهر والعفاف وتخلفى عهدك معاه فى الصباح
البسى النقاب وبسرعه إنزلى الشارع

ثالثا: أول
ما هتنزلى الشارع هتحسى إحساس مش هقدر أوصفه لك انا عايزاكى تجربى الإحساس
ده بنفسك مش هتحسى انك ماشيه على الأرض هتحسى انك طايره فوق السحاب هتحسى
بسعاده غامره لأن دلوقتى مفيش حد شايفك سوى خالقك جل فى علاه دا كفايه
إحساسك إنك لبستيه طاعه و إرضاء لربك عز وجل هتحسى أن ضميرك ارتاح وهتحسى
أن ربنا شرح لك صدرك.... بس إنت جربى ومش هتندمى

رابعا: أى
مشكله خايفه منها ومنها رفض الأهل للنقاب سوف تتلاشى وهتتحل بفضل الله
وكرمه وهتلاقى أن أشد الناس معارضه لك فى مسأله لبس النقاب هما أول الناس
اللى هيفرحوا بيك وهيباركوا لك و متنسيش انت لابساه ارضاء لربك عز وجل ولا
طاعه لمخلوق فى معصيه الخالق,,,,
على فكره الوصفه
دى متجربه قبل كده عايزاكوا تجربوها وكل اخت جربتها عايزاها تكتب وتحكى
قصتها وشعورها مين عارف يمكن تكون قصتك سبب لإلتزام أخت ثانيه وتوضع بميزان
حسناتك يوم لا ينفع مال ولا بنون إلا من أتى الله بقلب سليم,,,,,,,,,
متنسوش تدعوا لى ولجميع أخواتكم المسلمات بالتوفيق والسداد بارك الله فيكم وجزيتم الجنه.
والسلام عليكم ورحمه الله وبركاته



‗۩‗°¨_‗ـ المصدر:منتدي المركز الدولى ـ‗_¨°‗۩‗








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فوزية
عضو فضى
عضو فضى


عدد المساهمات : 222
تاريخ التسجيل : 02/11/2010

مُساهمةموضوع: رد: أنا منتقبة ليه ؟   الخميس 3 يناير - 10:43

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أنا منتقبة ليه ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: ๑۩۞۩๑ (المنتديات الأسلامية๑۩۞۩๑(Islamic forums :: ๑۩۞۩๑نفحات اسلامية ๑۩۞۩๑Islamic Nfhat-
انتقل الى: