منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 السفينة بتغرق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شعبان
المدير
المدير


وسام الابداع

اوفياء المنتدى

ذكر عدد المساهمات : 7178
تاريخ التسجيل : 16/06/2010
الموقع :
المزاج المزاج : الحمد لله

مُساهمةموضوع: السفينة بتغرق   الخميس 26 يناير - 22:34


المركِبه بتغرق
ـــــــــــــــــــــــ

يا مركِبه في وسط أمواج المحيط
حيرانه وبتتطوَّحي
وتترنحي
وانتى على وشك الغريق
مش لاقيه ربَّان يمشي بيكي
حتى لو ضاع الطريق
مالكيش شراع
يمخر عباب الريح
يجرجر في القِلاع
ويخرَّجك من وضع ضِيـِق
مليانه ناس مش دريانين
إن الخطر
فارد شباكـُه المغزولين
على شكل جوبيه أو كمين
مستني لحظة إنهيار
علشان يشدِّك للقرار
ومعاكي كل الغفلانين
راكبين معاكي ومشغولين
مع بعض بيخوضوم صراع
لكن صراع بين مين ومين !
بين الشقيق ضد الشقيق
أو بين صديق قـُدَّام صديق
وف وسطهم لابد شيطان
عمَّال يشعلل ف الحريق
ميهمهوش غير النزاع
والانصياع
لإرادته والمركب تغوص
في مكان غريق
بعد امَّا كل الناس تلوص
والكل يصبح ف الضياع
ويروح فطيس
ياكلوه قروش
زي الوحوش
لاكِن جياع
أو يتئسِر من أخطبوط
له ألف إيد
والباقي هيكون للسمك
مطعم جديد
أو يبقى مغنم للحيتان
علشان تصيد
والكل هيكون كسبانين
إلا اللي راكبين السفينه وعميانين
هُمَّا اللي من كـُتـْر الجنان
هيكونوا أكبر خسرانين
ــــــــــــــــ
هـِيَّا السفينه عاوزه إيه
غير إن كل البحارين
فيها يكونوم مُخـْلصين
ويقودها ريِّس بوصلتـه
مظبوطه دايمًا للأمام
ويكون هـُمَام
صادق أمين
يعرف يحرك دفـِّتـُه
ناحية طريقـُه وسِكـِّتـُه
حتى ولو كان فيه ظلام
وبحكمته
تفضل سفينته في الأمان
والبحارين متوحدين
على منهجه وعلى كلمتـُه
والمركبه هتسير بإيه
أو تمشي وسط الموجه ليه
لو كان مفيش ناس مُخـْلِصَه
ومفيش هدف واحد لها ومربوطه بيه
واللي بينشـِّذ تحتويه
فيها النوايا خالِصَه
للحق ولعدل الميزان
وان يوم حصل فيه مُشكله
أو إختلاف في مسأله
ليه يبقى فيه حالة احتقان
او يسمعوا لغوْ الشيطان
ليه يتـْوقِف تِرس الزمان
والدنيا تبقى مشعلله
والأخ ليه يشتِم أخوه
بسبب كلام ناس سخـَّنوه
ليه ناس بتطلع م الجحور
مخصوص تكبّر ف الأمُور
وان لقيوا صُلح بيوْئِدوه
أو سمعوا رأى يخوِّنوُه
علشان جميع الناس تتوه
في فِتنه م النوع الخطير
وبدال ما مركِبهُم تسير
علشان تروح بر الأمان
وبدال ما يلقوا ويجنوا خير
من غير مذلـَّه أو هوان
الكل يتحوِّل فقير
منهوب من القطط السِمان
ويضيعوا في البحر الكبير
ما بين قروش ضاريه وحيتان
يا أهل مصر الطيبين
يا خير أجناد الزمان
المركِبه بتغرق ف طين
بسبب خروم من حد خان
لا كنيسه قالت هـُوَّا مين
ولا حد ذاع بعد الأدان
مما راق لى




‗۩‗°¨_‗ـ المصدر:منتدي المركز الدولى ـ‗_¨°‗۩‗








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زوزو
عضو مميز
عضو مميز


عدد المساهمات : 888
تاريخ التسجيل : 31/10/2010

مُساهمةموضوع: رد: السفينة بتغرق   الخميس 16 فبراير - 0:44

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السفينة بتغرق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: