منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

  ملف كامل لاشعار ايمان البكرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: ملف كامل لاشعار ايمان البكرى   الجمعة 2 مارس - 17:57

ملف كامل لاشعار ايمان البكرى
كلنا بنحبك ياحمار


بيقولوا في مطرب مكار...بيغني بحبك يا حمار
الواد ده وصولي وكداب..ومنافق وكمان نعار
وإشمعنى لوحده اللي يحبك...كلنا بنحبك يا حمار
ده لأنك فعلا متفاهم... ومبرطع فينا ومش فاهم
وبتبعد عن أي تفاهم .. بعزيمة غبية وإصرار
العِشرة ما بينا ما بتهونشي..وإن هانت..برضو ما نقدرشي
محكمة العدل ما تحكمشي..وإن حكمت.. هتولع نار
مثلتوا علينا الثلاثية.. وبطولة وكانت جماعية
وعشان ما تكمل سداسية..عملتوا ألف حصار وحصار
وفي وسط ميدان الحرية..فيه شعلة مسكاها وليّة
متكنش دي ليزا المخفية..مدية إشارة إنذار
وعلى العموم أنا حبيتك
وإلهي يا بعيد يخرب بيتك
لو يوم هتشُك في إخلاصي..وتصدق ده من الأشرار
هو سؤال ومافيش هزار....هو أنت يعني حمار يا حمار
علشان تصدق إن الفار.. ممكن يقول لأسد يا حمار
وبعاهدك والعهد أمانه..هتّنَّك على طول ويانا
حمورية أهلك عجبانا..يا واخدنا من الدار للنار
كل الحمير هنا عملت سين...واتفقت انك بغل عظيم
هيوزعوا شربات برسيم ...علي العربخاني وعلي الزوار
أنا مش حمّار هتخاف مني
مانا برضو حمار وأحمر منك
ما تنهق..قول أي حوار
بنقولك شيي..ما بتمشيشي....والحااا..بنقولها ما بتجيشي
ونقولك هيييسس...ما بتهيسش..ومكمل بينا المشوار
وعلشان كده إحنا إخترناك..وعلى حياتنا إستئمناك
ولا يوم هيجي يفرقنا...وهنفضل دايما وياك
يتبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 17:58

مافيش حاجة

مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليس ولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا و أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
[size=21]يلا يا اخونا مفيش حاجه
[/size]


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 17:59




النساء و منصب الوزارة

قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 18:00

دستور

دستور يا اخوانا يا بعدا‎

لأ سوري دستور م البعدا‎

محبوس حابس يا سيادنا‎

و بكاكي من فوق مدنة‎

و ورايا ديوك بيكاكو‎

حرصوا عالباقي معاكو‎

بركة مولانا هولاكو‎

حلت و علينا اللعنة‎

طرطور طرطر طراطير‎

بيغيروا فالدساتير‎

و لا عاد في الحتة كبير‎

و يا وارث تورث مين‎

ما الورث إتباع و إتبعنا‎

نرجع تاني لموضوعنا‎

و بيان لديار الإفتا‎

من جمهورية زفتا‎

لِعبو و عملوها إستفتا‎

صوت ياللي سامعنا‎

و قوللي ملك ولا كتابة‎

أسد شبل ف الغابة‎

و أحلف وحياة راس بابا‎

زفة فمولد كدابة‎

و الله يجازي اللي خدعنا‎

للجوكر ألف تحية‎

ملعون خاش الحرية‎

يحيا قانون العبودية‎

و القوانين الوضعية‎

و الحكومات الشمولية‎

لها مني ألف تحية‎

وحِياة أمي دي رجعية‎

و لو صوتنا و جَعجَعنا‎

واحد ولافيش غيره هوه‎

قاعد متربع جوة‎

و بكيفك أو بالقوة‎

لو سوبر مان و فتوة‎

روح قٌله بقى يودعنا‎

عصابات شغل فتوات‎

و استعباط على حركات‎

و السقا أبوه لو مات‎

حيقوم يسقي الشربات‎

و يكمل على مواجعنا‎

مزيكة و تَرَابَاتَّتو‎

و نفديك بالدم.. إفدوه‎

بس إحنا و رحمة أبوه‎

مين ده اللي حَيلوي دراعنا‎

روح هاتلي لمون بالصودا‎

انا حاسة بريحة شوطة‎

حيصعدوا فصل الروضة‎

و الورث حيصبح موضة‎

لم الجدعان و اتبعنا‎

على قهوة ساقية مكي‎

نصرخ نلطم و حنبكي‎

ده ناويها و بيتلككلي‎

قبل ما حتى يودعنا‎

زقطَطُوا يا عيال قولوا هييه‎

الحكم صبح تيك أواي‎

لو عايز قول أوكيه‎

و لو رافض قول أوكيه‎

في كلا الحالتين نوو واي‏‎

غير كودية و زار ينفعنا‎

لأنا عايزة بخور م الجاوي‎

و حمار أرمل و حصاوي‎

و دراع برغوت مش غاوي‎

تنطيط عفريت و مخاوي‎

شلة مقاطيع يقطعنا‎

حابس من شر الكرسي‎

من شر عزيزة و مرسي‎

من قرص النمل الفارسي‎

م الأحياء و الأموات‎

من كايرو إلى بغداد‎

أشتات أشتوت أشتات‎

حرصوا من لعب السيكا‎

م الحكشة و م البولوتيكا‎

و لا تشمت يومًا فيكا‎

مارشيل بنت أم ماريكا‎

قول حاجة الله يهديكا‎

و ادعي معايا يخليكا‎

حِلُّوا بقى عن أوجاعنا‎

و انصرفوا عليكوا اللعنة‎

انصرفوا عليكوا اللعن
ة‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 18:02


البغبغان
آخر بيان للبغبغان اللي ف بلاد العم سام كان بهبهون مافهمناهوش

بعبع وقال بُقين كلام والمعني إيه ماعرفناهوش


معقول يكون البغبغان اللي تبغبغ من زمان صماويل جنابه اتلخلخوا


طول عمره سايق في الجنان والعقل عامل شقلبان قام جاب له أورطة يمغمغوا


عملوا وطن من غير بيبان اتملكوا فيه الغيلان


ووطن جعان ازاي ينام والطمعجية ف خيره ناموا وأنتخوا


والبغبغان يكره يموت يسمع سكوت المخروسين


إن قلت بم قفاك يرن عليه أيادي المحروسين


بيجرجروك أنت وذووك زي الخروف ويسمعوك يادي الكسوف لستة كلام !! ماأبوخه


والبغبغان اللي تبغبغ كل من قرب حداه اتبغبغوا


جوم طرمخوا ع الطرمخان واللي يطرمخ يبسطه وينغنغو


وف مجلس البغابيغ بنلقي البغبغان قاعد يبغبغ بالكلام يضحك وهما يسخسخوا


ماتقلش يعني البغبغان اللي ف بلاد الألعبان هوا اللي كان بيزغزغو


إلهي يهدي البغبغان واللي تبغبغ يوم معاه تقصف رقبته ودغدغو

وإلهي يوم المعمعان ألقاه هناك وكتير معاه م البغابيغ اللي افتروا يوم أو بغوا


ياخلق لأو اللأه قوموا اتلحلحوا


شوفوا الكلاب !! حتي الكلاب لو شافوا يوم واحد حرامي بينبحوا


وانتو اللي مسروق عمركم


وانتوا اللي ضايع حلمكم


ولا حتي يوم تتلحلحوا


ونصيحتي ليكم تروحوا




سبحانه من حكم عليكو البغبغان


تستاهلو ميت مليون كمان


وان شفتم مرة بغابيغ جايين عشان يبغبغوكم


اتبغبغوا


اتبغبغوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 18:03

الزجلية

غنيوة متسلطنه


على ضفتين النيل


والصورة متبروزه


متحزمه بمواويل


نسمة طرية وشجر


رافع عيونه بشوق


بينادى ضى القمر


ويبص له من فوق


مخطوف يا لون السما


عاشق يا ضى الليل


سبحه وطاقيه وأمل


بيشابى ع الشطين


مرسى ومراكبى وسمك


ما يطقشى سد الحنك


ده مزاجه شيشه عجب


والشايه ف الخمسين


شايفه صبيه وولد


قاعدين على الكورنيش


يتقاسموا كوز الذرة


ويهزروا بشويش


غنوا يا عينى يا ليل


يا قلعة يا أهرام


يا سيدة يا حسين


ألفين مدد يا امام


يا مشربية أمل


يا رنة الخلخال


يا بت يا مدندشة


يا مرقصه البلاص


عامله النهار سكتك


وحواية فوق الراس


يا طارحه فلك أمل


يا قلة العطشان


نزلت دموع القلم


رسمت عيون فنان


فلاح أصيل مجعوص


قاعد أمير سلطان


على عود سريس اتفطم


بيدندن الموال


زقزق ف قلبه الأمل


” صوت العروبة أدان “


يا محسنين لله


عاجز ضرير الشوف


ومأنجج العكاز


موكوس بقصر النظر


ولا شفش م الغربال


يا محسنين اختشوا


مين ينصف الغلبان


زفة وعروسه ونار


درويش وحضره وزار


وكركعة وهزار


والدم زى العسل


حنطور طالع له حمار


بعيون تطق شرار


وسرينه للحمار


وإشاره حمرا خطر


والعسكرى مرزوق


فى الزحمه كان مزنوق


وأما يا دوب بيفوق


بيشوف له سكة سفر


جنب الرصيف مركون


ضى لشعاع لمبه


من فوق عمود مكسور


باصص بعين واحدة


والست صوتها يقول


أنا بالأمل .. وعيال


متروشنين بعقال


وبيرقصوا سامبا


هون علينا يا خال


يا عم يا جمال


قوم رجع الموال


فيه ديب طالع له عيال


وبياكلوا بالشوكه


وف نشرة الأخبار


قالوا البلاد أسرار


واتخمدوا يا شطار


فيه محتمل أمطار


والسكه معكوكه


أصل الكلام بأوان


ولكل عصر أدان


والدنيا إيه ؟ حدوته


عش الغراب موضه


والفينو والباتيبان


والشيبسى والسوبريم


والبانجو والصودا


والقهوجى فهمان


قام سمكر الدكان


وانا وانت والجدعان


من فوق سطوح الزمن


على فرشة الأحزان


ومأجرين أوضه


من خرم إبرة أمل


بصينا ع القمه


شفنا الفتوه أمام


جدعان ومش جدعان


شبطه وأونطه وشوم


على معمعه ولمه


والمفترى النمام


طول عمره ندل جبان


لطع وعريض القفا


ولا عندهوش ذمه


وكفوف تقول لله


وام الشهيد إياه


قاعدة بتستناه


تدعى لرب الكون


يارب يا ستار


يا عالم الأسرار


بدل لنا الأحوال


واكشف لنا الغمه


ودى عجلة ماشية لورا


وراكبها واد مفعوص


بفنلة متشحورة


ف الزحمه راح مدسوس


والسارق المسروق


يلهف رغيف مسروق


ترقع قفاه بالجوز


يصرخ يقول : بالذوق


ما الكل يابا لصوص


عود القصب ممصوص


والبرتقان بفصوص


والطرح عنابى


أدباتى فقرى صريح


واسمه البعيد حابى


طول عمره أصله فصيح


خدم الزمان تصريح


وإداله تعسيله


وفى جذع شجر التوت


أحلامه مربوطه


بيعيد حساب الزمن


والضحك ع النوته


علق ف صدره حجاب


وفتح ف قلبه كتاب


مافهوش ولا صوره


قال الزمن كداب


قسمنا ع الأحزاب


كداب فى إيد كداب


يمشوا ورا الكداب


مركوب أبوهم داب


ولا عدلهوش قومه


فيه ناس تربى كلاب


لا مؤاخذه أنا الكداب


والقافية محكومه


سجع وبحور بتدور


يلى عليك الدور


دى السكة محصورة


جلاليب وجينز .. دقون


بارتى .. وسبوع وطهور


حبره وحجاب ومايوه


دايو وعيون وبيجو


عربيه كارو بنور


كرباج ورا وحدور


شباك بشيش مكسور


حبل وغسيل منشور


منديل بأوية سبور


وعوافى أو بنجور


ما عادتشى تفرق شور


سمعنا يابا داكور


خلى الحقيقه تبان


واقرا لى ف الفنجان


واكشف لى ع المستور


يمكن ساعتها أقوم


أنوى الصلاه والصوم


وآخد معاك صورة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 18:04

سـلام مربـع
للي ربّع
او مدوّر
للي دوّر
في البلد دي ع الأمانـي
سـلام مربـع للأمانـي
وجمهورية كانـي مانـي
ولنظامها البرلمانـي
سـلام مربـع للكبير اللي استربّع
فوق دماغ مشّش و صدّع
من كـلام عمال بيرسم
دنـيا حلوة فـ الأغانـي
سـلام مربـع للأغانـي
سـلام و داير ع الصوانـي
كـلام و ماشي في ديل كـلام
ولحن تايه في الزحام
غنّى النظام علشان ننام على صوته
نمنا ما قومنا تانـي
سـلام مربـع للي ناموا ماقاموا تانـي
اللي طافوا واللي خافوا
واللي شد عليه لحافُه
وغمّى عينه ع اللي شافه
و راح يقدم للي كمم صوتنا
ولابنه التهانـي
سـلام مربـع للتهانـي
ابن وز وغصب عنا في نيل هوانا
سوا برضانا او المهانه
راح يعوم
ابن حاكم يبقي حاكم
بالوفاق او بالمحاكم
في القانون المستحيل لازم يهون
والوريث يصبح رئيس
بشكل شرعي و فـ ثوانـي
سـلام مربـع للثوانـي
تشريعات على كيف هواهم شرّعوها
وعود قالوها و ضيّعوها
و لعبة بايخة اتعودوها
ناس بترضى وناس بتخضع
ناس مُناها تحب تسمع
يبقى تسمع على مزاج
خطبة تخلق الف مصنع
خطبة تروي و خطبة تشبـع
خطبة تبنـي
فوق رمال الصحرا ألَفات المبانـي
سـلام مربـع للي بانـي
بانـي مجد عشان طموح
مجـروح جمـوح
ظالـم أنانـي
اللي علّى لاجل يعلا
واللي غنّى لاجل يغنا
واللي لما وريده يعطش
يملا بدمانا القنانـي
واللي عمّر واللي دمّر
واللي فكّك واللي سمّر
واللي حزّر واللي فزر
واللي عارض واللي هزّر
واللي شاف الباشا مصلح
واللي شافه وضيع وجانـي
سـلام مربـع للي جانـي
شيء يحزّن
لما صاحب الحق يشحت
لما لون الصدق يبهـت
لما يصبح في البلد دي
الشمال زي اليمين
شيء يحزّن.. شيء يحزّن
لما نرضى و نستكين
و لما يرقص طول السنـين
أراجوز لعيـن
بشكل سافر بهلوانـي
قال هوانـي.. وزاد هوانـي



سـلام مربـّع
للي قال انه هوانـي
وزاد هوانـي
للوعود البهلوانـي
للوريث المعجبانـي
للنظام البرلماني الكاني ماني



سـلام مربـع
للي قطّع واللي ربّع
و اللي مزّع و اللي وزّع
و اللي قلّع و اللي ولّع
و اللي دلّع..
و اللي شخلع في البلد دي
لاجل تبقي
صورة أفظع
للنظام الامريكانـي
سـلام مربـع
للنظام المصر كانـ
ي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو امين
عضو جديد
عضو جديد


العطاء الذهبى

وسام التواصل

العضو المميز

اوفياء المنتدى

عدد المساهمات : 90
تاريخ التسجيل : 19/01/2011

مُساهمةموضوع: رد: ملف كامل لاشعار ايمان البكرى   الجمعة 2 مارس - 18:06

الديك دا طور

ايها السادة اللى مش سادة

اليكم نشرة الهم المعادة

فى حديث خاص لاذاعة هس هس العالمية

صرح الوالى المعظم من ولاية ننا ننا

للولاية بتاعنا احنا

اللى عارف كل حاجة

واللى فاهم كل حاجة

والى مش محتاج لحاجة

الا لشوية عزيمة على حبة من ارادة

بس عايزين الصراحة

كان حديثة نيلة خالص

سورى عفوا

كان حديثة حلو خالص

والمذيعة حلوة خالص

والكلام كان حلو خالص

بس كان هايس ولا يص

خدنا فيه الساعتين بطوله

مش لاقى حاجة يقوله

واللى بيقوله يعيده واللى بيعيده يقوله

خلت العثمان بتاعنا عقله خلبت خلطة بيطة

قاله يخرب بيت ابوكى قولى حاجة يا مصيبة

انتى ويانا عليهم ولا وياهم علينا

تنح المذكور وقاله يا بلاوى افهمونى

انا طول عمرى حيادى

اعشق اللون الرمادى

بس فكرى كان ضرورى يكون احادى

زى فكر الى جبونى كان ضرورى يكون احادى

قالع عفوا يا عظمتك يعنى قصدك ديكتاتور

قاله ديك ده اللى قصادك

ولا طور

قاله ديك

قاله يبقى انت اللى طور
اتمنى انها تعجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ملف كامل لاشعار ايمان البكرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: