يسالوني الناس عليكا ولسع فاكرنك حبيبي
هم ما عارفين عينيكا طولت مي هي وقريب
يسالوني الناس سؤالا زي تكنو وراهو ريبي
زي شمات زي قالو قولن لو مو طيب وكلو طيبي
يسالوني الناس واجاوب زي تودي معاي تجيبي
الله غالب والله غالب فرقتك بالحيل صعيبي
يا حليل وقتي البجيكا حامي بالساساق دريبي
رامي جنبك ومشتهيكا وطامي بالاشواق قليببي
من مطر لي ريح وشيكة طل ورد لي شوك وحيبي
مي انت روح بي وشيكا وانقطع راس همبريبي
النقول نحنا اختلفنا زنبو ايه البيني بينك
زنبو ايه ريدنا وولفنا والوداد الشايفا عينك
المحنة الفي سلامي والحنان الشايله ايدينك
صنتي وقطعت كلامي وسرحتك يا زولي وينك
السحاب ان جاني هامي انهمو اول يسقي طينك
ياعرق من بين مسامي وما مرق غير شان يعينك
هس يا عملات غناي وجرو فوق جور الحبيبي
احكي قيس واحضني نايا نادبا حظي ونصيبي
والله بتروجل بي رايا وزي عد تختي وتصيبي
للبعيد البالو عاين وكيف بيسها من القريبي
المحك فطن امي داخل نار وبنبر وقرقريبي
ولي طيور الجني تاكل منها وترتع قريبي
يا التحني علي البتركد والتتايم في الزريبي
والعليك والافةقفيتركض وانت سالي الليل سبيبي
ماكي تربات البتهرع جملة شان ترفع نصيبي
والتشيل بعضا وبتشفع مالو بالك علو طيبي
يا مواثيقي التلاتيي الساندي سعن الدنيا سيبي
بالصبر رواب حياتي وماكي اولن التسيبي
في صقيعة الليل رؤايا تلفح القمرة وتغيبي
وياما غابن من سماي وما اتلقن كمين حبيبي
يا ما بقن في سماي وبغبقن كمين حبيبي
مما راق لى
الإثنين 14 مايو - 3:37
