منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 بقيت عاطل كالعادة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت بلادى
مستشاره ادارية
مستشاره ادارية


انثى الابراج : الثور عدد المساهمات : 2239
تاريخ الميلاد : 29/04/1977
تاريخ التسجيل : 17/08/2010
العمر : 39
المزاج المزاج : الحمد لله على نعمته

مُساهمةموضوع: بقيت عاطل كالعادة   الثلاثاء 13 نوفمبر - 15:20

قالوا تذاكر تكون
قال يعنى لو ما ذاكرتش مش هكون ...!
فى الأخر دة زى دة
والفرق مش مضمون

أنا قولت أسمع برضو الكلام
وبقيت أسهر على الكتاب ولا أنام
يمكن يفيد فى يوم من الأيام

وذاكرت بالساعات
واهتميت بالساعات
وحسبت الحسابات
ونكرت الذات
واستعديت للأمتحانات
وقدمت لها كل الأحترامات
ولا قيت كل الأهانات

عشان بعد الشهادة
يدوب نطقت الشهادة
وبقيت عاطل كالعادة
وع القهوة بشربها سادة

بلعبها محبوسة
وأنفاسى محبوسة
مع شيشة منفوسة
والرمية منحوسة
يا هابيك يا دوسة
يا نيلة ويا حوسة

شافنى الكبير قاللى
انا بشوفك تملى
ع القهوة مستحلى
قولتلو ادينى متخلى

قال سيبك من الشيشة
مش هتبقى دى العيشة
ميت فى تعبان
زى البريزة والفيشة


لازم تكون فاهم
ان الدراسة حاجه
وان الشهادة حاجه
واللى انت عايزه حاجه
وإن الوظيفة حاجه وحاجه

قولت أنا دة كلام موزون
يمكن يكون مضمون
أما أعمل بيه وأشوف
لحد ما شئ يكون

وقومت أجرى وأمر
على كل حلو وكل مر
وأفتش ورا كل سر
فى الجو أو فى البحر

ولاقيت اعلان مطلوب
شخص لبق موهوب
له مظهر ومالوش عيوب
من باب لباب محبوب
هيكون لينا مندوب
قولت مندوب .. مندوب

وعملت بسرعه مقابله
قبل ما حد يقابله
لا استاذ ولا أبله
ولا شاطر ولا آبله
المهم أكون أنا قبله

وقابلت واحد شيك
لابس لبس أنيق
وقاللى : ها يا ابنى
ليك فى اللف ولا ما ليك
قولتله هيك وهيك
وبمرتب وعمولة
شغلتك مقبولة
لو حتى مش ليك



واستلمت العمل فى الحال
ومزاجى عال العال
وقاللى خد شنطتك
وأما تخلص تعال

خبط ع البيبان
واتقاللى يا جبان
ودة قاللى امشى غور
ودة شتم كمان
ودة قاللى الله يسهلك
ولا خد منى كيس لبان
والشغلة كات جنان فى جنان

وحسبت حسبتى
ولا قتنى زى أبلتى
حتى الفلوس خسران
ما أنا برضو ببيع لبان
ولمين .... ؟ _ لأبلتى

ولا جنيه دخل جيب
ولا حد بيستجيب
ولا كرامتى محفوظة
والله دة يبقى عيب

أنا بخسر كل حاجه
يخرب بيت الحاجه
اللى تخلى الديك دجاجة
دة النملة محتاجه

وأنا معايا الشهادة
يعنى ليا الزيادة
ومش هى شغلتى
ولا هى السعادة

يلا الوظيفة ضاعت
وياريتها أصلآ ما كانت
وريما رجعت ع القهوة
زى ما كانت


ع القهوة مبسوطة
لعبتها محبوسة
بالقرع وبالكوسة
ما أنا قاعد ع النوتة

والدنيا أنفاس
والشيشة برضو أنفاس
وأنفاس فى أنفاس
وشربت من الكاس
ولا فى احساس

مش باين الدكتور
مين لابس الطرطور
ما السمكرى دكتور
والقهوجى دكتور
دستور يا ناس دستور

وأنا قاعد فى مرة
بشرب قهوتى المرة
عدت قدامى بنت حوا
لابسه العبايا السمرا
قومت وراها بسرعه

قولتلها نتعرف
وبحضرتك نتشرف
ضحكت نسيت نفسى
ولازم أتصرف

قولتلها أنا الولهان
وطول الليل سهران
قالت وأنا كمان
على بابا لو فهمان

قولت ماشى أقابله
وأطلب ايدك وأواجهه
وأجيب بابا معايا
ويشوف ايه اللى عايزه



وجريت على بابا
وبوست ايد بابا
قولتله عايز أخطب
قاللى انت اللى بابا

يا ابنى عيب اتلم
انا ورايا كوم لحم
مين يعلمهم
مين يكسيهم
دة هم ما يتلم

اخواتك دول وخمسة
والحالة إلا خمسة
والساعه مش خمسة
يا ابنى بدرى لسه

حسيت انى انتهيت
وحلمى ماء وزيت
وبموت من غير ما أحس
والوزن قل النص
ونشفت واستويت

وأنا واقف وشاهد
ولازم أتشاهد
ع الدنيا وما فيها سلام
راحل بلا عائد

وبعد تفكير عميق
قولت همشى الطريق
زى ما تيجى تيجى
احسن ما اكون صفيق

أروح لأبوها وأقوله
وأطلب إيديها منه
واخّبط على بابكم
يمكن يكون بوابكم
أحن من ناس غيره

وبعد الترحاب
رد أبوها : طلباتك
قولت انت اللى طلباتك
انا اللى جاى لبيتك
بطلب إيد بنتك
ويشرفنى إنى أناسبك
مهو أنا بس اللى أناسبك

و سألنى كالعادة
ع الشغل والشهادة
والشقة والشبكة
والنجفة والسجادة
أنا قولت نهارنا أبيض
أنا لسه يا عمى أبيض
يا باشا يا أبو قلب أبيض
راح مكشر فى وشى
ومن يومها مشفتش أبيض
عشان عمو طردنى
ومن الشباك حدفنى
وقال معلشى يا ابنى
معنديش بنات
انا عندى يا اسود يا أبيض
ويلا نهارك أبيض

وأدى كمان الجوازة
طارت هو فى قزازة
وبقيت واخد أجازة
من الدنيا كلها
حتى القهوة أجازة

مما راق لى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زوزو
عضو مميز
عضو مميز


عدد المساهمات : 888
تاريخ التسجيل : 31/10/2010

مُساهمةموضوع: رد: بقيت عاطل كالعادة   الأربعاء 2 يناير - 7:14

ماأروعك ...ماأروع وصفك ....ما أروع قلبك ..
كلماتك تخرج منك لنتعايش مع حروفها ونذوق نكهتها ...
عابقة الورد انسامك
شعلة من شوق تضيء فنارات الحب
شكرا لكم الله يعافيك و يسعدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بقيت عاطل كالعادة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: