منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 عزيزتي الزوجه رجاءا اصمتي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هناء1
عضو ذهبى
عضو ذهبى


عدد المساهمات : 378
تاريخ التسجيل : 18/12/2010

مُساهمةموضوع: عزيزتي الزوجه رجاءا اصمتي   الثلاثاء 14 مايو - 13:07

عزيزتي الزوجه رجاءا اصمتي
عزيزتي الزوجه رجاءا اصمتي

السلام عليكم ورحمة الله وبركاته

ازيكم ياحلى عولت في الدنيا عايزه اكلمكم في حاجه مهمه انهارده

في كتير مننا مش بتاخد بالها منها ايه هي ؟ الصمتتتتتتتت السكوت يعني . برده مش فاهمين طب براحه الصبر يا عدولات بصي ياستي وركزي كويس في حديث للرسول محمد صلى الله عليه وسلم بيقول من كان يؤمن بالله واليوم الاخر فليقل خيرا او ليصمت صدق رسول الله صلى الله عليه وسلم . يعني الرسول الكريم ربط الايمان بالله بالكلام في الخير او الصمت . يعني تسكتي احسن ماتتكلمي بالشر او تقولي كلمه تأذي حد ماشي .. طيب ازاي نطبق ده في حياتنا بشكل عملي بصي يا قمرايه : - لو انتي لسه بنت ومتجوزتيش يبقى الاصل في حياتك السكوووت والكلام فقط في المفيد يعني كلامك هيكون للرد على الاسئله الموجهه ليكي او في مجامله لطيفه بدون نفااااااق وفي ذكر الله واي كلمه طيبه اخرى غير كده لالالالا اقصد مافيش نم على خلق الله ولاشتيمه ولا رغي على الفاضي والمليان لان كل كلمه هتقوليها محسوبه عليكي فممكن يتقال عليكي رغايه او دي نمامه او كداابه او ممله وكل كلامها في التفاهات بالاضافه ان كل كلمه هتتحاسبي عليها سواء بالخير او بالشر فليه بقى تزودي ذنوبك هو احنا ناقصين هههههه وبعدين الناس بتحب البنت الغامضه اللي بتتكلم بحساب ومايعرفوش عنها حاجه فيستفزهم صمتها فيحبوا يكتشفوها ودي عندهم احسن من الرغايه اللي مش بتبطل كلام فيكشفوا عيوبها بسرعه لان الكلام بيكون فيه ذلات الشخصيه فاحترسييييي -نيجي بقى للفتوكه المتجوزه ودي تهمني اكترررر هنقسم تعاملاتها مع الناس ازاي اولا مع جوزها التعامل هيكون ازاي زي ماقلت الاصل في الست الصمت لان الراجل بيكره موووت الست الرغايه او اللي بتسال كتير في اللي ليها واللي ملهاش ياجماعه انا مش قصدي ان الست تعيش خرسه انا قلت كلامها يكون مضبوط وموزووون بالميزان يعني كلام يخلي الزوج مايشبعش منه ويبقى مستنيه يعني يستنى ان مراته تفتح بقها وتتكلم لانه عارف انها هتقول كلام مهم او دلع وحب اوتدي راي مهم في حياتهم وتدعي له دعوه حلوه وهكذا لا تتكلم الا بخير وايضا شوية الغموض اللي بيدي جمال للست اللي برده بيخلي الراجل عايز يكتشف الشخصيه دي وبرضه ماتديلوش الفرصه نيجي بقى في الخناقات والمشاكل ودي مابيخلاش منها اي بيت مصري اصيل لانها زي الملح والفلفل والكمون و و المهم ارجوكيييي بلاش تعملوا ناقر ونقيير لان الراجل مابيحبش الست اللي تكون بالند قصاده وتقف له بالواحده ويكونوا ديكين في البيت وخصوصا قدام العيال طب تتصرفي ازاي شوفي اولا ماتحاوليش تستفزي جوزك اصلا وخصوصا لو كان زهقان من الشغل او اي حاجه تانيه لازم تخففي عنه مش تزودي همه طب اذا غضب الزوج لاي سبب ارجوووووكي اصمتي متردييييش لان الخناق هيزيد وطبعا الشيطان هيستغل الفرصه ويشعلل النار في البيت انتي بقى اغلبيه ومترديش على جوزك وروحي اتوضي وصلي ركعتين وياسلام لو اقنعتي جوزك بالوضوء والصلاه صدقيني البيت هايهدا وتتحل المشكله سريعا وبعدين مهم انك متتخانقيش انتي وجوزك قدام الاولاد لانه بيأثر جامد عليهم وممكن يفقدوا احترامهم ليكم فاياريت تعودي جوزك ان خلافتكم يتم مناقشتها في غرفة النوم فقط بينك وبينه وبرده انصحك انك تصمتي وخلافتكم لاتخرج بره غرفة النوم لاي حد الا لو الموضوع كبيير وانتي مش قادره تحليه لوحدك فاسالي حد ثقه وامييين عشان يديكي نصيحه صح وميفتش سرك . وبعد كده قصدي لما تحسي ان جوزك هدي اما تنسي الموضوع خالصصص ومتفتحهوش تاني اوتكلمي جوزك فيه بصيغة العتاب وتوضحي له الامور من وجهة نظرك لان الانسان وهو غضبان مابيسمعش غير صوت نفسه فعمرك ماهتخدي منه لاحق ولاباطل بالعكس الموضوع هيكبر لو رديتي عليه وهيضيع حقك كماان فارجوكيييي اصمتييييي طيب خلصنا معاملة الزوج بالصمت ميييييين اللي بعده ابنك ياست الستات نعممممم ابنك طيب هتعامليه ازاي ؟ بصي ياستي اكترحاجه بتخلي الاولاد عصبين انك بتقعدي طول النهار والليل بتزعقي وتصرخي فيهم من سبب ومن غير دي حاله والتانيه الابن العصبي او العندي طيب نتعامل في الحالتين ازاي بصي جربي تحطي اعصابك في تلاجه يعني ماتتعصبيش لاتفه الاسباب وامسكي اعصابك وتعاملي معاهم بشويييييش وبهدووووووء على راي عماد اديب اتكلمي معاهم بالراحه وافهمي مشاكلهم وصاحبيهم ولو حد من ولادك قالك سره اوعي تقولي لابوه لانه هيفقد الثقه فيكي وعمره ماهيحكي لك حاجه تاني بس لو الموضوع خطييير ومحتاج لتصرف وانتي معرفتيش اخبري زوجك على الفور ولاتترددي عشان الموضوع يتلحق من الاول بس تفهمي ابنك انك هتقولي لابوه لانه يقدر احسن يحل المشكله وهو رب البيت ومسئول عنكم كلكم عشان الولد ميخافش من ابوه وبعدين تفهمي الاب الموضوع بهدوء وحكمه مش تشعللي الموقف وتقومي الراجل على ابنه وانتي تقفي فرحانه وشمتانه وتقولي احسن ههههههه طيب الابن الزنان او العندي لما يقعد يزن عشان عايز حاجه وانتي مش عايزه تدهيهاله اوعي تسالي فيه ولا كانه جنبك ولا كانك سمعاه اصلا هتلاقيه بعد فتره يمكن طويله شويه يعيط ويصرخ مستني انك تعبريه وبعدين لما ميلاقيش فايده هيسكت لوحده والاسلوب ده ينفع برده عشان تربي ابنك انه مش كل حاجه يطلبها يلاقيها خلاص وبكدا نكون خلصنا الصمت مع الابن ميين اللي بعده فاضل ياستي صحباتك وقرايبك وكذلك سلايفك واخوات جوزك بصي المعامله تقريبا واحده مع اختلاف قر ب الناس دي منك يعني القريبه منك غير الغريبه عنك بيبقى في حدود شويه في التعامل طبعا انتي اللي تحدديه اهم شئ تصمتي عنه ايييه اسرارررررر بيتك يعني متذكريش جوزك لابالخير ولا بالشر لييه عشان لو شكرتي فيه هيحسدوكي ويقارنوا بازواجهم اللي مورينهم الويل ولو اشتكيتي منه هيشمتوا فيكي طب وليه ماتسكتي احسن سبيهم يحكوا زي مهما عايزين ومالكيش دعوه بيهم اصل انا عارفه التجمعات النسائيه دي بتشجع على التقطيع في فروة الرجاله اد ايه ههههه امسكي نفسك يامزه انتي وهي ماشي طيب فاضل مييين اهم واحده في دول كلهم ياترى مين دي ؟ حماتك ياختي انتي نسيتي ولابتتناسي ههههههه المهم ازاي تتعاملي معاها دي بقى محتاجه تخطييييط ليه لانها ام جوزك يافالحه هههههه طيب بصي اول حاجه اوعي تشتكي من ابنها ليها ابدا حتى لو كانت كويسه لانها عمرها ماهتقف في صفك دا ابنها ياناس والقرد في عين امه بقى ولا تشكري فيه برده ادامها ليييه لانها ممكن تغير ياستي فبلاش واسكتي احسن حتى لو هي اشتكت منه او من غيره اوعي تعلقي ابدا الا مثلا بربنا يصلح الحال وهكذا كلام عام بس وممكن تدعي لجوزك ادامها بس برضه تختاري الدعوه يعني اوعي تقولي جوزي ربنا يهديه لانها هتقول لك ليه ياختي هو مجنون ولا ايه انتي كنت طولي وتفتحي على نفسك موشح يبقى وليه ادعي بربنا يخليه مثلا هتحب هي قوي الدعوه دي لانها ام وتحب ابنها يعيش وهكذا خليكي ناصحه يابت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عزيزتي الزوجه رجاءا اصمتي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: منتديات عالم المرأة(Women's World Forum) :: صالون حواء(Salon Eve) :: عالم المتزوجين والثقافة الجنسية (World of married )-
انتقل الى: