منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 طريقة عمل المفتقة الأصلية المصرية بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ضيف سماره
برونزى


عدد المساهمات : 105
تاريخ التسجيل : 12/04/2013

مُساهمةموضوع: طريقة عمل المفتقة الأصلية المصرية بالصور   الجمعة 22 نوفمبر - 20:44

طريقة عمل المفتقة الأصلية المصرية بالصور طريقة عمل المفتقة الأصلية المصرية بالصورطريقة عمل المفتقة الأصلية المصرية بالصور


طريقة عمل المفتقة الأصلية المصرية بالصور
المقادير:-
5كيلو عسل اسود
ربع كيلو تحويجه
ربع كيلو سمسم
نصف كيلو جوزهند
ربع كيلو حبة البركه مطحونه
كتيره ضانى ب 10جنيه
حبه خضراء 6 جنيه
زجاجه زيت
بجنيه لبان قدحه ومسيحات
الطريقه:-
نحمص الحبة الخضرا ونطحنها
ننقع الكتيرة الضانى فى ماء ساخن صغير فى مدة لاتقل عن 6 ساعات
نغسل حبة البركة ونحمصها ونطحنها ناعم
ناخد من زجاجة الزيت كوب نقدح فيه الحبة الخضراء ونصفيه
باقى زجاجة الزيت نقدح فيه لبان القدحة والمسيحات ونصفيها منه
ونحمر فيه التحويجة(المغات)وعليه العسل وحبة البركة المطحونة وعليهم كوب الزيت اللى قدحنا فيه الحبة الخضرا
ونحط عليهم الكتيرة المنقوعة بالميه ونسبكها كويس
ونصف ليمونة نقطة نقطة او ملح ليمون بسيط جدا
قبل ماتتعقد نحط السمسم المتحمص او اى مكسرات احنا بنحبها
وعلى فكرة انا جبت كل المكونات من عند العطار ولقيت عنده نفس الطريقة اللى بعمل بيها
هى عموما منتشرة جدا عندنا فى مدينة الاسماعيلية(مصر)

دى صورة التحويجة وعلى فكرة التحويجة دى هى المغات

ودى صورة الكتيرة الضانى وهوضحلكم بعد كده ليه سموها كده

دى صورة الحبة الخضراء وهى اللى بتدى اللون الاخضر الطبيعى للمفتقة

دى صورة المسيحات ولبان القدحة

دى الحبة الخضراء بعد ماحمصناها وطحناها

دى الكتيرة الضانى بعد مانقعناها فى فنجان ميه سخنة لمدة 6
ساعات وسموها كتيرة لانها بتكتر وبتنفش فى الميه وضانى عشان لما بتنفش
بتبقى عاملة زى اللية الضانى وهى اللى بتدى قوام للمفتقة وعلى فكرة هى كمان
علاج للمعدة

هنا واحنا بنقدح الحبة الخضراء فى الزيت وطبعا بعد كده هنصفيها

هنا واحنا بنقدح المسيحان فى الزيت وبردو هنصفيها

لما قدحنا الحبة الخضرا المطحونة صفيناها وحطيناها على جنب
ولما هنقدح لبان القدحة والمسيحات هنصفيه ونحط الزيت فى الحلة اللى هنعمل
فيها المفتقة
هنا وانا بحمر التحويجة فى الزيت اللى صفيت منه المسيحات

ولما اتحمرت شوية حطيت عليها كمية العسل اللى عندى

فضلت اقلبهم مع بعض على النار لغاية ماكل كلاكيع التحويجة اختفت وبعد كده حطيت عليهم حبة البركة المطحونة

قلبتهم مع بعض وبعدها حطيت عليهم نص كوباية الزيت اللى قدحنا فيها الحبة الخضرا وصفيناه

وقلبتهم طبعا وبعد كده حطيت عليهم الكتيرة الضانى المنقوعة


ولازم افضل اقلب لغاية ماأتأكد ان الكتيرة كلها دابت فى العسل ومفيش كلاكيع

كده احنا خلصنا الاساسيات هعصر على العسل ليمونة واسيبه يغلى على نار هادية من تلت لنصف ساعة وطبعا مش هغطى الحلة
ده والعسل بيغلى

بعد تلت ساعة والعسل بيغلى اخد شوية فى كوباية ان لقيته عمل
قشرة ومسكته لقيته ملصق فى بعضه يبقى كده المفتقة اتعقدت واقدر ساعتها
اضيفلها السمسم وطبعا لسه مشغلة النار مش هطفيها دلوقتى
ده وانا بضيف السمسم بعد مالمفتقه اتعقدت

هقلب السمسم فى المفتقة وهى ع النار

وهنا بعد ماطفيت النار

سبتها تهدا وتبرد
بعد كده حطتها فى برطمانات وسبت مسافة من فوق عشان احط جوز الهند وبندق مطحون او طبعا اى مكسرات انتى حباها
هنا حطيت شوية فى علبة وحطيت عليهم المكسرات

انا تعبت فى الموضوع جدا
يارب يكون عجبكم
لاتنسونى فى الدعاء

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طريقة عمل المفتقة الأصلية المصرية بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: مطبخ - وصفات و وجبات و اطباق اكلات ومعجنات وحلويات(Kitchen) :: مطبخ - Kitchen - وصفات و وجبات و اطباق اكلات(Food Recipes)-
انتقل الى: