منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 زيارة إلى ضريح عبد الناصر قصيدة لأحمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dsealover
عضو جديد
عضو جديد


عدد المساهمات : 43
تاريخ التسجيل : 30/10/2010

مُساهمةموضوع: زيارة إلى ضريح عبد الناصر قصيدة لأحمد فؤاد نجم   الإثنين 9 ديسمبر - 16:40

زيارة إلى ضريح عبد الناصر قصيدة لأحمد فؤاد نجم










قصيدة نجم فى رثاء عبد الناصر





زيارة إلى ضريح عبد الناصر





تقول القصيدة





السكه مفروشه تيجان الفل والنرجس


والقبه صهوة فرس عليها الخضر بيبرجس


والمشربيه عرايس بتبكى والبكى مشروع





من دا اللى نايم وساكت


و السكات مسموع


سيدنا الحسين؟


ولا صلاح الدين ولا النبى


ولا الإمام؟


دستور يا حراس المقام ولا الكلام بالشكل دا ممنوع؟


على العموم


أنا مش ضليع فى علوم الانضباط





أبويا كان مسلم صحيح


وكان غبى


وكان يصلى ع النبى


عند الغضب والانبساط





أبويا كان فلاح تعيس


فى ليله ضلمه خلفوه


وف خرقه سودا لفلفوه


وف عيشه غبرا


طلعوه


وعشه مايله سكنوه


ولصموه


وطلسموه


ودجنوه


وجهزوه


وجوزوه على عماه


فكان محير فى هواه ما بين أمى والجاموسة


وكان يخاف يقتل ناموسه


وكان خجول خجول


خجول


وكان دايما يقول استغفر الله العظيم من باب الاحتياط





أبويا طلعتوه حمار فكان طبيعى يجيبنى جحش


لا أعرف نبى من أجنبى


ولا مين ما جاش ولا مين ما رحش


موسى نبى


عيسى نبى


كمان محمد كان نبى


ويا قلبى صلى ع النبى


وكلنا نحب النبى


وكل وقت وله أدان


وكل عصر وله نبى





وإحنا نبينا كده


من ضلعنا نابت


لا من سماهم وقع


ولا من مرا شابت


ولا انخسف له القمر


ولا النجوم غابت


أبوه صعيدى وفهم قام طلعه ظابط


ظبط على قدنا وع المزاج ظابط


فاجومى من جنسنا


ما لوش مرا عابت


فلاح قليل الحيا


إذا الكلاب سابت


ولا يطاطيش للعدا


مهما السهام صابت


عمل حاجات معجزة وحاجات كتير خابت


وعاش ومات وسطنا


على طبعنا ثابت


وان كان جرح قلبنا كل الجراح طابت


ولا يطولوه العدا


مهما الأمور


جابت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زيارة إلى ضريح عبد الناصر قصيدة لأحمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: