منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 كفاية شعر لطارق المحياس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شموسه
عضو فعال
عضو  فعال


عدد المساهمات : 498
تاريخ التسجيل : 21/09/2011

مُساهمةموضوع: كفاية شعر لطارق المحياس   الإثنين 16 ديسمبر - 20:47


شعر لطارق المحياس " كفاية"
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذا انها عالصبر والله وغلاتك عندي راح أصبر
أبتحمل عنا فرقاك وحالي يرثي لحالي
معني والله لين اليوم مدري ليش بس تهجر
أبعرف شالسبب أرجوك وشاللي بس يجرالي
أنا شسويت ياربي عشان اتثور وتتفجر
أنا والله ما أستاهل أبد كل اللي يجرالي
أقل مافيها بس قلي سبب خلاك تتغير
أبعرف بس شالموضوع علامك صرت ماتبالي
بذمت كل أهلك فيوم شفتني بشي أنا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وأنا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا أمسح رسالاتك أتم أقراها وأفكر
وأحلل كل كلمة بالمسج الله ياغربالي
وأقول بخاطري معقولة حاسس فيني ويشعر
وأرد أقول لا يمكن تذكرني واهو سالي
لأني توني مطرش مسج ..طرش مسج يشكر
وأرد أقول لا أدري يبيني وحاسس بحالي
وأرد أقول لا ماظن على باله أنا أخطر
الين اني أنا اتأكدت قلبه بالفعل خالي
ولا غيري أنا فقلبه يحبني موت ويقدر
لأني مرة من المرات طرت فكرة على بالي
نويت أزعل بدون اسباب وأشوفه لو بيتأثر
أبعرف قدري بقلبه بيهمه وضعي الحالي
أو انه راح يطنشني ولا يسأل ويستفسر
وفعلا دق ماجاوبت حرقلي والله جوالي
3 آلاف مرة دق وأنا مطنش ولا معبر
كتب لي بالمسج اطلع آنا عند بابك الحالي
قسم بالله ما تطلع لأخربها أنا واحدر
ومشكلتي أحرفه زين يسويها ولا يبالي
نزلت وخاطره مكسور يقول شفيك متغير
وقلت له بس أبتأكد اذا قدر معك عالي
ضحك لي وقال لي اتأكدت ودمعه بلل المحجر
وطارت فيني الدنيا لمكاني صاحبي جالي
تعذر لي وأنا الغلطان وأنا اللي لازم أتعذر
وبعدها عشت أحلى أيام في قربه هنيالي
وصلنا لمرحلة مانفترق عن بعضنا وأكثر
بعدها فجأة خلاني ولايسأل عن أحوالي
وأنا في خاطري أدري مو حالف يوم يتغير
أدقله مايجاوبني بديت أشك في حالي
أخاف انه حصل له شي أخافه بس متكدر
لعب في قلبي الوسواس خياله ماتهيالي
حوالي 1000 مسج طرشت حبيبي ياعسى ماشر
ولا جاوب وأنا قاعد على أعصابي وغربالي
حبيبي صارله اسبوع وفيني حتى مافكر
الين اني عرفت شلون أخلي خلي الغالي يكلمني
وجت فكرة بعد مامت وأنا أفكر
وفعلا اتصل فيني وبدت أحزاني وأهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له وشفيك مامن شر يالغالي
وشاللي صار بالدنيا علامك ليش متبعثر
أو انك يعني ماتدري بدونك صرت أنا لحالي
ولا لي خلق أي انسان كثر مافيك أنا أفكر
وجاوبني وقال أرجوك أبي هالدنيا تصفالي
أنا مليت من وضعي وأشوف الكل متغير
أنا ضاقت بي الدنيا وأبي أبقى أنا لحالي
خلاص اتركني لا تسأل وأنا برجع عقب أشهر
وقلت له مو علي تكذب أعرفك تضعف قبالي
تكلم قول شالموضوع بدا قلبي يدق أكثر
سكت لحظة وقال أرجوك ابعد عني يالغالي
وخلني أذكرك بالخير وانت مثلي اتذكر
ولا اتطرش مسج واحد ولا اتدق لي أبد تالي
واذا لي خاطرٍ عندك لا تتكلم أبد سكر
وقلت له والله ماسكر الين اتقول وتصفالي
وقال لي والله ماتكلم ولو تبكي دمع أحمر
ولكن شوف ربعك وانت تعرف وش جالي
خلاص افهمها عالطاير لاتحرجني بعد أكثر
وسكر والدمع فيني على الخدين همالي
قسم بالله ماأدري علامه قلبه اتحجر
فؤادي انهار وأنا حملي يهد جبال واجبالي
في لحظة صارت الدنيا في عيني هالكبر وأصغر
حسافة ماتوقعته يصدق فيني عذالي
حسافة ماهقيته يوم يصد عني ويتغير
بعدها صار لي ماصار وربي يعلم بحالي
فؤادي باقي بس شوي وأحسه من الجسم يظهر
بديت أعرق مدري ليش و خابت كل آمالي
أنا توقعت كل الناس ولا توقعت اهو ينكر
وقلت بخاطري خله مصيره يرجع الغالي
أكيد انه سمع أي شي وجوه صار متعكر
ولكن طول غيابه وزادت فيني اعلالي
مرض قلبي تعب فكري وأحسه جسمي متخدر
وقلت خلني أطرش له مسج وأشكيله أحوالي
وطرشت المسج وشوي دق لي ودون مافكر
هلا والله يا أغلى الناس هلا والله بالغالي
ألو طارق ماقلت لك لا تذكرني أو أذكر
أبي بس أذكرك بالخير ياخي خلني في حالي
وقلت وخاطري مكسور أنا آسف وماكرر
قسم بالله لين اليوم وحالي يرثي لحالي
قسم بالله لين اليوم ولا أدري ليش اهو تغير
قسم بالله ماغضت عيوني ولا هدا بالي
قسم بالله مامر يوم الا وفيه أنا أفكر
قسم بالله قلت بنساه بس طيفه يتهيالي
قسم بالله لو حاولت أنا أنساه أتذكر
الين اليوم أنا عندي أمل يرجع ويصفالي
أقول الشوق بيرده على فرقاي مايقدر
الين اليوم وضحكاته وبسماته على بالي
الين اليوم ما أرقد كثر مافيك أنا أفكر
أبعرف شالسبب أرجوك وشاللي بس يجرالي
أنا شسويت ياربي عشان تثور وتتفجر
أنا والله ما استاهل أبد كل اللي يجرالي
أقل مافيها بس قلي سبب خلاك تتغير
أبعرف بس شالموضوع علامك صرت ماتبالي
بذمت كل أهلك بيوم شفتني بشي أنا مقصر
أنا راح أنتظر ردك ولو حتى بمسج خالي
واذا ماجاني منك الرد وغلاتك عندي راح اصبر
سنة سنتين اللي هم أشوف ثاني قبالي
ثلاث سنين أو أربع أبصبر يعني راح أصبر
ولكن حكم احساسك وجاوب يا أغلى كل غالي
بذمة كل أهلك بيوم تنساني ولا تذكر
يهون انك تخليني ولا تسأل ولا تبالي
يهون انك تنام الليل وتتركني أنا أسهر
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذا انها عالصبر والله وغلاتك عندي راح أصبر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كفاية شعر لطارق المحياس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: الادب والشعر - القصائد( Poems)-
انتقل الى: