منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 إمتى نتصالح يا بابا؟...الدكتور الشاعر صلاح عبدالله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نجمة خراسان
مشرفة
مشرفة


المشرفة الموميزة

الوسام الفضى

وسامالعطاء

عدد المساهمات : 813
تاريخ التسجيل : 01/10/2010

مُساهمةموضوع: إمتى نتصالح يا بابا؟...الدكتور الشاعر صلاح عبدالله   الأحد 26 يناير - 0:30

إمتى نتصالح يا بابا؟...الدكتور الشاعر صلاح عبدالله
وأنت طول الليل بتعوي في الظلام زي الديابة؟...
وأنت بتفجر بإيدك...
حتى أحلام الغلابة؟...
وأنت بتخلي الصباح يطلع بوش أصفر ومليان بالكآبة؟...
إمتى نتصالح يا بابا؟...
وأنت يوميا بتهرس...
بالجزم حتى الطيابة؟...
وأنت ما بتفرحشي إلا...
وإحنا بين موتة وإصابة؟...
وأنت بتحزن بإيدك...
أم يشبه قلبها الدعوة المجابة؟...
وأنت بتبشر غيطان القمح بقدوم الخرابة؟...
وأنت بتوَلَّع بحقدك...
في الأخوة والقرابة...
إمتى نتصالح يا بابا؟...
يالي قلبك لو غسلته...
ألف مرة مش هايطهر م الجنابة...
يالي بتعلم ~أغاني الدم أوطار الربابة...
يالي ما عندكشي مانع...
كل مصر تموت عشان خاطر عصابة...
يالي نفسك كل واحد...
فينا يتحول لغابة...
يالي مالي الأرض غربة...
يالي مالي عيون ولادنا بالغرابة...
إمتى نتصالح يا بابا؟...
أنت ما بتسألشي نفسك...
إن يمكن طلقة منك جات في جارة من جيرانكم طيبة وكويسة...
أو في طفلة طالعة تجري...
باشتياق ع المدرسة...
أو في راجل قد والدك...
كان بيتبسم في وشك كل ما كان يلمحك...
ولا أشكال المياتم في البيوت بتفرحك!!...
أنت خليت مية النار إلي فيك بتشوهك...
أنت خليت كل حاجة حلوة فينا بتكرهك...
مش بعيد لو رحت مرة تدق باب الباب لوحده يكرشك...
مش بعيد لو تندفن في الأرض تلقى الأرض م الغيظ تطرشك...
مش هاتنضف مهما تقعد تستحمى...
أو تبخر ألف مرة بالبخور...
وأنت شايل بين ضلوعك قلب أنجس من ماخور!!...
نفسي أعرف. لما بتبص في مراية...
أنت بتشوف وشك أنت...
ولا بتشوف وش واحد أنت حطيت له بإديك أبشع نهاية...
وأنت بتفجر بتقرا أنهي آية!!...
نفسي أعرف. هو وشك شكله واحد ولا عندك ألف وش في أي ضلمة بيطلعوا...
إيدك المتعاصة دم...
إزاي بتمسك بيها أكل وتبلعه!!!...
نفسي أعرف...
لما ربك يسألك عن دمنا عندك إجابة؟...
لما وشك ينكسي بلون السواد يوم القيامة...
لما تسمع صرخة اليتم في عيون إلي أنت خليتهم يتامى...
راح تقول كفار يا ربي...
مهما صاموا ومهما صلوا...
وإلي فيهم حي بافرح...
لما أشوف الموت وصل له...
ولا هاتقول له صلاتك...
هي رقصة فوق جراح الناس في يوم ما تكون مصابة!!...
إمتى نتصالح يا بابا؟...
مش غريبة يالي مكتوب فوق جبينك...
الجنيه جنسيتك واليورو دينك...
مش غريبة إنك تكفرنا بفتواك إلي ملياها الخيابة...
مش غريبة. ما إلي زيك قبل منك...
كفروا حتى الصحابة!!...
إمتى نتصالح يا بابا؟...
الطريق إلي إحنا ياما حلمنا نملاه بالورود...
أنت خليته اتملا دم وبارود...
وإلي كنا بنحلم إنه يبقى جنة...
أنت خليته قرافة فيها ناس أموات ودود...
حتى لو سكتنا فاضية...
إحنا من جوا اتملينا بالسدود...
وفر القول والردود...
وفر الحلفان وتزوير الشهود...
دمنا شاهد عليك. من قبل تحقيق النيابة...
إمتى نتصالح يا بابا؟...
أنت عارف إمتى هاتتم المصالحة؟...
يوم ما عطشان يرتوي من مية مالحة...
يوم ما تبقى الصحرا أأمن...
ع الولاد من أي دار...
يوم ما يبقى البور في عين...
الخلق أجمل م الخضار...
يوم ما يبقى الكفر أهدى للخلايق م النبوة!!...
يوم ما يبقى العقم أحسن...
عند راجل م الأبوة...
يوم ما يبقى ابن الحرام...
واقف بيفخر بالبنوة...
والمطر ساعة نزوله...
يستعر من السحابة...
يومها نتصالح يا بابا



‗۩‗°¨_‗ـ المصدر:منتدي المركز الدولى ـ‗_¨°‗۩‗








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إمتى نتصالح يا بابا؟...الدكتور الشاعر صلاح عبدالله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: