منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 يا ام الندى والخير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سعيد ناجى
عضو نشيط
عضو نشيط


عدد المساهمات : 596
تاريخ التسجيل : 31/10/2010

مُساهمةموضوع: يا ام الندى والخير   الخميس 17 أبريل - 8:59

يا ام الندى والخير
يا ام الندى والخير


قومى يا أحلى عروسة
قومى نورى فى الكوشة
وادينى حضن وبوسة
الصبر منى يغير

قومى دى ليلة الحنة
يا عروسة جايه م الجنة
وللفرح ها استنى
أنا ببابك غفير

قومى وشوفى مهرك
جابوه ولاد من ضهرك
عاشوا مرارة قهرك
وعزمهم تحرير

قومى يا ام الشباب
خلاص كتبنا الكتاب
وفتحنا ليكى الباب
سوا ها نبدأ سير

قومى يا حلوة وروقى
واتزوقى لنا وفوقى
إسمك دا دم عروقى
وحبى ليكى كبير

قومى وعلى الفرحة
آدى فستانك والطرحة
يا ام العيون الجارحة
والسحر فيها خطير

قومى واسهرى ويايا
يا فرحتى وأسايا
يا سلوتى ومنايا
يا قلب والله كبير

قومى واتبغددى
والحزن دا بددى
وللفساد ارفضى
ألف باء التغيير

قومى وسوقى الدلال
يا رمز كل الجمال
جمعت كل الخصال
الحلوة يا ام الخير

قومى ودقى البيبان
على إبن ليكى شقيان
ورضيعه الحنان
عندك ولادك كتير

قومى احبكى المنديل
على الجبين بيميل
والطرف شايفه كحيل
عايز له ألف سمير

قومى استحمى فى نيلك
ونورى قنديلك
مهما سافرنا نجيلك
ودمع عينا غزير

قومى غنى ع الأرغول
خلى سمرنا يطول
ولا تسمعى لعزول
خليه يموت ويغير

قومى الصباح أهو بان
وشقشق الكروان
والكل بيكى فرحان
يا ام الندى والخير

قومى يا ست البنات
شوفى ولادك فى ثبات
لو عمرى عدا وفات
إبنى معاكى غفير

قومى وشوفى حراسك
وشربينى من كاسك
شوفى حلاوة ناسك
حلاوة ما لها نظير

قومى ردى ع الشامتين
يا عروسة زين الزين
كانوا زمان فاكرين
اللى إحنا فيه ما يصير

قومى يشوفوكى يا ستى
دول فكروكى كبرتى
أو انحنيتى وشبتى
وتعبتى م التفكير

قومى افتحى المندرة
يا حلوة يا صغيرة
يا أحلى م السكرة
وريقك أحلى عصير

قومى بقى يا أميرة
وحلى أحلى ضفيرة
وانسى زمان الحيرة
عريسك أحلى أمير

قومى بقى مين قدك
كل الزهور على خدك
جاية بتطلب ودك
وتشم أحلى عبير

قومى وصحى الزمان
وقولى له والله زمان
وآن خلاص الأوان
وآدى ميدان التحرير

قومى فى المسا أو فجر
وما تخافيش الغدر
فيه ابن فى كل شبر
حراس وفيهم الخير

قومى يا متغندرة
يا أحلى أرض وثرى
إسمك دا فوق فى الذزى
وشمس فى التنوير

قومى يا أغلى الغوالى
يا ساكنة فوق فى العوالى
نورك علينا يلالى
والبسمة عالية تطير

قومى وافتحى الأحضان
يا حضن كله أمان
كل الهنا والحنان
دا شيئ فى حضنك يسير

قومى على فى البنيان
ودلعى الصبيان
واللى رسم ع الحيطان
النيل وشمس وطير

قومى شوفى الهوجة
ومين أفكاره عوجة
جى يركب الموجة
وإيده فيها جنزير

قومى وشوفى الحرية
يا بنت لسه عفية
يا مؤدبة وشقية
وقصتك بتطير

قومى مفيش غيرك
يستاهل هوا نيلك
واللقمة من إيدك
بتبقى أحلى فطير

قومى وحشتينى
وانت ضيا عينى
أرقد تواسينى
وتيقى ليه سمير

قومى ولا يهمك
يا للى ما شيئ همك
بنتك أهى وابنك
والفعل منهم خير

قومى وقومى وقومى
يا غدايا وهدومى
ودوايا مع نومى
وانتى الهوا وعبير

قومى يا جد يا رقة
خلاص بدأنا بدقة
ولسه ع الحلو زقة
وتلبسى التغيير

مما راق لى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا ام الندى والخير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: