منتدي المركز الدولى


التغنى بحب مصر قصيدة حب وشوق لمصر Ououou11

۩۞۩ منتدي المركز الدولى۩۞۩
ترحب بكم
التغنى بحب مصر قصيدة حب وشوق لمصر 1110
التغنى بحب مصر قصيدة حب وشوق لمصر Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا التغنى بحب مصر قصيدة حب وشوق لمصر 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى


التغنى بحب مصر قصيدة حب وشوق لمصر Ououou11

۩۞۩ منتدي المركز الدولى۩۞۩
ترحب بكم
التغنى بحب مصر قصيدة حب وشوق لمصر 1110
التغنى بحب مصر قصيدة حب وشوق لمصر Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا التغنى بحب مصر قصيدة حب وشوق لمصر 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةأحدث الصورالتسجيلدخول
Awesome Orange 
Sharp Pointer
منتدى المركز الدولى يرحب بكم أجمل الترحيب و يتمنى لك اسعد الاوقات فى هذا الصرح الثقافى

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

 

 التغنى بحب مصر قصيدة حب وشوق لمصر

اذهب الى الأسفل 
كاتب الموضوعرسالة
شرابيات
عضو فضى
عضو فضى
شرابيات


عدد المساهمات : 239
تاريخ التسجيل : 14/04/2011

التغنى بحب مصر قصيدة حب وشوق لمصر Empty
مُساهمةموضوع: التغنى بحب مصر قصيدة حب وشوق لمصر   التغنى بحب مصر قصيدة حب وشوق لمصر Icon_minitime1الجمعة 9 مايو - 10:50

التغنى بحب مصر قصيدة حب وشوق لمصر
التغنى بحب مصر قصيدة حب وشوق لمصر
التغنى بحب مصر
برغم انّ القصايد فيكي تستاهل

وانا عُمْري..
ما كنت فحِرْفتي عاجز ولا جاهل
لكن ساعة ما اقول إني هاقول فيكي..
ألاقي الحرف جوايا ما بين مقتول.. وبين قاتل
وعارفه.. كل دا مِن إيه؟
باحِسّ انّ الكلام عنِّك.. سحابه عالية فُوق فُوقي
وانا واقف على قلبي وْعلى حُبّي وْعلى شُوقي..
وبرضه لسه مش طايل!
ولما يقولوا: "غَنِّلْها..
وقُول الشعر ف عينيها عشان يِرضى عليك نِيلها
وتِعدِلْ بَخْتَك المايل"..
أَرُدّ بْكُلّ إحساسي: مَنِيش قايل..
يا مَصر الشِّعر ف عينيكي ما هوش سطرين بيتقالوا
ولا موّال بيتغنّى وانا قايلُهْ ومِتْقالُه
ولا شوية كلام شعارات بيتحطّوا.. ويتشالوا
يا مَصرالشعر ف عينيكي جبال عالية
وحِمْل تقيل..
يشيلُه إبنِك الفارس
وانا لسّه منَِيش فارس
لكنْ حاسِس..
بإني هابقى يوم هُوَّا
ساعتها يا امَّه تِبقى الكِلْمه مِن جُوَّا
وأبقى قَدّ قُول قلبي
وامِدّ إيديَّا لإْيديكي
ساعتها بسّ أستاهِل.. أقول الشعر ف عينيكي
********
*
يا شايلَة كْتير على اكْتافِك
ومش هَمِّك.. وبتشيلي
وساقيَه الكُلّ من دَمِّك
وبتقولي: "فِدا نِيلي"
يا أيُّوبَهْ..
يا غالبَه وانتِ مغلوبَهْ..
يا نِسمَه ف عِزّ صيف باردَهْ
وحُضن ف عِزّ ليل طُوبَهْ
باحبِّك.. وانتِ مش غيرِك
باحبِّك لماتبقِي انتي
بِطين الزرع وبْخيرِك
ف عِشَّه صْغَيَّرَه سْكِنْتي
باحبِّك وانتِ مش "هانم"
ولا لابْسَه الكعوب عاليَه وماليَه وِشَّها أحمر
باحبِّك وانتِ فلاّحَه..
ولابْسَه الحِشْمَه والطِّيبَه وْعلى جْبِينِك.. عَرَقْ أخضر
واحبِّك لما ألقاكي بتتوضِّي.. بميّة نيلِك الأسمر
وبتصلِّي على التّرْعَهْ.. وفَارْدَه الكُون مِصَلِّيَّه
باحبِّك...
وانتِ مصريَّه
ماتبقيش واحدة منسوخه..
وممسوخه..
ف آخْر الصفّ مَرْمِيَّه
يا أُمّي إرفعي راسِك ودُوسي كل مِن داسِك
وِحِبِّيني..
أنا شعبِك.. أنا ناسِك
أناأرضِك.. أنا فاسِك
أنا العايش بأنفاسِك
أنا العطشان لنقطة فايضة من كاسِك
لا انا طمعان انول دهبِك.. ولا ماسِك
دا انا.. ماسِك..
بإيدي الجمر طول عُمْري
ولا خَيِّبت يوم ظنِّك ولا كدّبت إحساسِك
ولو عايزة.. أكون تاجِك
واكون لو عايزة كَنّاسِك
واكون عَلَمِك..
واكون قَلَمِك..
واكون حِبرك وكرّاسِك
واكون كُرباج على ضَهْر اللي يوم غَشِّك
وقرّب إيدُه مِن وِشِّك
وقال لِكْ إنُّه مِن جُندك وحُرّاسِك
وع الخَدّ اليمين ضَرَبِك... وع الخَدّ الشمال.. بَاسِك!
* * *
يا أُمّي... حِسّي بوْجودي
دا انا الكِلْمة اللي فوق سَطْرِك
طب اعمل إيه عشان خاطرِك؟
عشان خاطرِك..
أكون مَدْفَعْ..
واحارب في صفوف الجيش
واكون أجدَعْ..
واحارب في طابورالعيش
ولو ينفع..
أعيش زيّ الملايكة هاعيش..
ولا آكُل.. ولا أشرب.. ولاأحزن.. ولا أغضب
ولو كان اللي جاي أصعب.. ولا يهمِّك
ما انا اتعودت يا (غالية).. على (الغَلَيان)
وإنّ الفاضي دلوقتي.. صَبَح بيصُبّ ف الملْيَان
وإنّ المَكسي عايز هِدْمَة م العِريان
وإنّ سعادة الشبعان..
بيطلُب لُقمة م اللي مقضّي طول عُمرُه نهار رمضان!
أنا اتعودت ع الدنيا اللي بالمقلوب
وع اللي بيتُه مَبنِي إزاز لكنْ وَاصِل
فيِحْدِف حِلْمِنا بالطوب!
* * *
أنا اتعودت..
ع الجري اللي للمتاعيس
وع الزفّة اللي فوق أرضي ومش ليا
وماشي فيها ألف عريس..
وبنت بنوت..
حِلمت ف يوم تكون ليا.. واكون ليها
حِلمت اسكن على نيل رمشها الصافي
واقابل بُكرة ف عينيها
حِلمت بكل شيء فيها
وفجأة ألاقي أحلامي..
سما عمّالة بتمطّر سيول كوابيس
فاقوم من نومي من فزعي
ألاقي الصبح بيشقشق على وجعي
يصحّيني بُكا الأشعار
فأغسل وشّي بالأخبار
واحضّر من همومي فْطار..
يكفّي قلبي طول الشهر
وابلّع لُقمتي.. بالقَهر
ولما اشبع من الأحزان..
أبوس على إيدي وش وضَهر
واقول.. نِعمَه
هتفرق إيه.. نشوف الدنيا أو.. نِعمَى؟
يا مصر القلب مش قادر يشوف غيرِك
ولا قادر ينول... خيرِك
ولا قادر.. يكون مِن غير جناح طيرِك
لكن برضه بيستحمل يقول.. عادي.. ولا يهمِّك
أنا اتعوّدت يا غالية.. فمدُّقّيش
ما انا هافضل كده عايش على أمل اني بُكرة هاعيش!
واقضّي عُمري مش فارقة..
ألاقي اللقمة.. أو ما الاقيش
وانام برضُه جعان.. لكنْ...
أخاف احلَم...






بسوق العيش!



                                                      للشاعر مصطفى الجزار



‗۩‗°¨_‗ـ المصدر:#منتدي_المركز_الدولى ـ‗_¨°‗۩‗








التغنى بحب مصر قصيدة حب وشوق لمصر 68d255d1057
الرجوع الى أعلى الصفحة اذهب الى الأسفل
 
التغنى بحب مصر قصيدة حب وشوق لمصر
الرجوع الى أعلى الصفحة 
صفحة 1 من اصل 1
 مواضيع مماثلة
-
» كلمات قصيدة “هنكمل ونبنى” للخال الابنودى اهداء لمصر
» قصيدة عن الفراق قصيدة وداع قصيدة عتاب
» حب وشوق...
» قصيدة ألف باء قصيدة عاطفية بالابجدية العربية للشاعر ثروت سليم
» وردة من بلد الورود قصيدة رومانسية حزينة قصيدة حب ووفاء

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: