منتدي المركز الدولى


المصريين اهم Ououou11

۩۞۩ منتدي المركز الدولى۩۞۩
ترحب بكم
المصريين اهم 1110
المصريين اهم Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا المصريين اهم 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى


المصريين اهم Ououou11

۩۞۩ منتدي المركز الدولى۩۞۩
ترحب بكم
المصريين اهم 1110
المصريين اهم Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا المصريين اهم 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةأحدث الصورالتسجيلدخول
Awesome Orange 
Sharp Pointer
منتدى المركز الدولى يرحب بكم أجمل الترحيب و يتمنى لك اسعد الاوقات فى هذا الصرح الثقافى

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

 

 المصريين اهم

اذهب الى الأسفل 
كاتب الموضوعرسالة
ايه
مشرفة
مشرفة
ايه


المشرفة الموميزة

شعلة المنتدى

اوفياء المنتدى

وسامالعطاء

عدد المساهمات : 1343
تاريخ التسجيل : 04/11/2010

المصريين اهم Empty
مُساهمةموضوع: المصريين اهم   المصريين اهم Icon_minitime1الخميس 13 نوفمبر - 9:47

المصريين اهم

الغنوة دي للسجن
والسجن دمه تقيل
الضحكة فيه ميّته
واليوم بتاعه طويل
السجن مش للبدن
السجن سجن القلب

وانا قلبي ينفع سكن
إلا لولاد الكلب
يامصر يامؤلمة
ياموجبة بالسلب
الغنوة دي غنوتي
من مطلع الموّال
من أول اللي اتحكي
ولآخر اللي اتقال
من بدلة اللي اتخلع
للحية اللي اتشال
ولغاية العسكري أبو دبابات واقفال
الغنوة دي غنوتي
لصحابي دول بالذات
اللي ضميرهم وطن
يحيي الوطن لو مات
لصحابي في المعتقل
كلٍ ولاد وبنات
كُل السجون أنبيا
كل السجون دعوات
فيه ف السجون أدوية
واغاني وفيونكات
زرعوا العيال حلمهم
وسقوه هنا بـ دمهم
اخدوا البلد منّهم
زرعوها معتقلات
عربية التراحيل
مليانة صبر جميل
وساعات غُنا ونشيد
وساعات صراخ وعويل
يوسف ف سجنه عزيز
وعزيز مالوش تأويل
ومراة عزيز البلد
عملت لها تعديل
قدَّت قميص الولد
عملتله شق طويل
ضوافرها حين خربشت
رسمت ف ضهره النيل
الورد عمره ماخان
والرك ع البستان
وبلدنا دي طيبة من سالف الأزمان
من عهد مينا زمان
ولحد حد الان
لو شعب غيرنا ده كان -
أكَل البشر والزرع
والجدر جدره أصيل
الغلطة غلطة فرع
واللي ف قلبه حليب
بيعود لنفس الضرع
السيرة م المبتدي
من عند ناس فرعون
من شعبنا اللي اهتدى
ولحد نابليون
وجيوش كليبر بحالها
طالبه نجدة وعون
ولحد لما الملك استنى ع التليفون
وقالوله خد مركب وارحل إلي روما -
ومافيش يابلدي غبي قامتله يوم قومه
أحمد عرابي اتهزم وعبيد ماسابش الفرس
وسعد باشا بُغاشة شد حبل الجرس
مصر القديمة التي لسانها يوم ما انخرس
ولا عمرها سلّمت
لجيوش ف يوم أوحرس
واسأل محمد فريد نايم ف مرضه عليل
قاسم أمين الذي حرّر بنات النيل
وشوف ياعمي بعينك مصطفى كامل
أبو عود نحيل واقف
ف أوروبا لجل النصر
مصر اللي لو مالت بتميل ف ناحية مصر
واذكر حيطان السجون الطيبة الطاهرة
اللي جدارها هتاف ورصاصة ومظاهرة
وحيي ناس السجن الطيبين كُمّل
ناس يدخلوا للقبح فيخرجوا أجمل
زينة عيال البلد دي مربعات الطين
أهل الكرم والطيابة وزينة الميادين
ناس دخلوا فيها وخرجوا وهما مصريين

من قصيده

#عمرو_حسن
الرجوع الى أعلى الصفحة اذهب الى الأسفل
 
المصريين اهم
الرجوع الى أعلى الصفحة 
صفحة 1 من اصل 1
 مواضيع مماثلة
-
» صور بعض القراء المصريين.
» اضحك مع غرائب صور المصريين
» مسلسل خطف المصريين فى ليبيا
» اسماء القاده المصريين والاسرائيليين في حرب اكتوبر1973
» عادات وتقاليد المصريين لاستقبال عيد الفطر

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: