منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 ابن حرام..الدكتور الشاعر صلاح عبدالله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسراء جمال
عضو جديد
عضو جديد


عدد المساهمات : 61
تاريخ التسجيل : 01/10/2010

مُساهمةموضوع: ابن حرام..الدكتور الشاعر صلاح عبدالله   الأربعاء 29 يوليو - 12:54

ابن حرام..الدكتور الشاعر صلاح عبدالله
ابن حرام..
اتنين. أربعة. ستة. تمانية...
دي بيوت. ووراها بيوت تانية...
دي بيوت ناس. والناس زاحمينها...
بيخشوها ويخرجوا منها...
مليانة بشر. وقطط. وفيران...
لكن ما فيهاش مطرح لابن الزانية...
ابن الزانية إلي في هدمته تاه...
مطرود من كل بطايق خلق الله...
مطرود من كلمات الترحيب...
وعيون الناس من قبل ما تفتكره بتنساه...
ومنين ينزل على قلبه أمان...
إذا كان شايل جلاده. ومشنقته. وسجنه دايما جواه!!!...
والشارع لو ليك فيه عزوة يلمع في عنيك...
وتحس بإنك من لمعانه خلاص هاتدوخ...
وإن كنت ضعيف هايبان لعيونك...
أبشع م الوش المسلوخ...
مين يستنى حنان من شارع...
ما ليهوش قلب. وعمره ما حب؟...
الشارع نفسه ابن حرام...
ما ليهوش أم. وما ليهوش أب!!...
مش في قاموسه كلام بنحبه...
أهل. أخوة. نسب. وقرابة...
صاحبه الشارع. كل قرايبه...
باب جامع أو ركن خرابة!!...
والمحفور دايما في طفولته...
باب مكسور. وستاير دايبة...
وسرير بيزيق مخلوع...
ما فيهاش أب بيدعي بحرقة...
وزيطة وناس ومغات وسبوع...
ولا أخ كبير راح يصحى عشان...
يطمن قبل الفجر عليه...
ولا أم تأكله بالراحة...
وأما يَخَلَّص تغسل له إديه...
ولا صاحب يرمي في حضنه دموع...
إكمنه بيشعر بيه ويفهمه...
ولا يدعي لحد الله يخليه...
ولا يدعي لحد الله يرحمه...
ابن حرام رميناه في الملجأ...
لجل نقول حميناه وما ضاعش...
ملجأ زي الصدر الناشف...
الصدر إلي ما بيرضعش...
والملجأ له في حيطانه سنان...
بتعض الأطفال من جواهم...
من طفولتهم. م الحرمان...
الملجأ ما بيضحكشي لحد...
الملجأ توهو ووحدة في وسط ضجيج...
وعيون بتغز وشوش مجهدة...
وابتسامات تشبه للكرابيج...
الملجأ واد جامد فرعون...
يفتري على عيل جسمه قليل...
الملجأ شخطة وخرزانة...
ووشوش منحوت من فوقها ضلام الليل...
الملجأ عيشة بطعم الموت...
ودا خلى قليله تملي كتير...
الملجأ شارع بس صغير...
والشارع ملجأ بس كبير!!!...
ابن حرام. يعني ما ينفعش...
إن الناس يشوفوه يبتسموا...
وأنت إذا اضطريت تنده له...
تروح تغسل بقك من اسمه!!!...
بيبص لكل وشوش الناس...
بعيون مذلولة ومتحايلة...
تستنى وشوشن تقول أهلا...
ووشوشنا تقول لا. مش قايلة...
ابن حرام. وإحنا بنستغرب...
جا له الكره منين والغل؟...
وإحنا يوماتي بنهرس ضله...
لما خلاص بقي ما ليهوش ضل!!...
وأما الهوا بيفوت من جنبه...
بنحس إن الهوا مشبوه!!...
ابن الزانية إلي ما دبرش...
معاد سابق بين أمه وأبوه!!...
ابن حرام. والدنيا هاتخرب...
لو يوم فكر إنه يحب...
علشان قلبه في صدره لقيط...
يبقى أكيد هاينجس معنى الحب!!!...
وتشوفه تمصمص في شفايفك...
وتقول ياه!! أنا شفته حزنت...
بس إن فكر يطلب بنتك...
أنت أكيد هاتتف في وشه...
وتقول غور. أنت اتجننت؟؟!!!...
ابن حرام. ساعة ما يموت...
ما تشوفش في عين الناس دمعة...
ولا تسمع أي كلام يتقال...
يمكن غيره تشوفه عيونك...
أمه صحيح متجوزة أبوه...
جايباه من أبوه...
لكن هو مش ابن حلال!!!...



‗۩‗°¨_‗ـ المصدر:منتدي المركز الدولى ـ‗_¨°‗۩‗








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابن حرام..الدكتور الشاعر صلاح عبدالله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: