منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

  محاكم التفتيش!الشاعر أشرف الشافعى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عطر البنفسج
مشرفة المنتدى العام
مشرفة المنتدى العام


انثى عدد المساهمات : 314
تاريخ التسجيل : 18/02/2011
الموقع : http://www.tvquran.com/Shatri.htm
المزاج المزاج : بخير والحمد لله

مُساهمةموضوع: محاكم التفتيش!الشاعر أشرف الشافعى   السبت 3 أكتوبر - 14:27

محاكم التفتيش!الشاعر أشرف الشافعى

سألوا الولاد شيخهم
إمتى ياسيّدْنا
ممكن يسود الغيّْ ويَّـا الزيف
والصدق مايظهرش غير تخاطيف
والناس ينوء حملها
من قسوة الشيلة
جاوب بسرعة وقال :
لحظة مايتوَلّى ..
أمر العباد والبلاد ..
خايب قليل حيلة !
***
سألوا الولاد شيخهم ..
إمتى يامولانا
ممكن يموت الحق جوانا ..
والعدل يتعطلْ ؟!
قام رد شيخهم قال :
لحظة ماييجي للبلد دى حكيم ..
يكشف سبب دائها ..
فنقول عليه مجنون
ونسيب عقولنا تصدق الأهطل
***
سألوا الولاد تالت ..
إمتى يكون الكدب له راية
ترفعها كل الناس
وتسيب رايات الصدق مرمية ؟!
بانت علامات الوجع ع الشيخ
وقال وهو بيبلع الحسرة :
لما اللي قاسوا من مرار القهر
يبدّلوا الأدوار ف عز الضهر عينى عينك
ويسبّوا كل اللي قال ف يوم ياحرية
وهما مش حاسين
ببشاعة العورة
ونشوف قطيع العبيد
بيتبع الأسياد
وبيلعن الثورة
وتخاف وتتدارى
وكأنها ممسوكلها ذِلة
ويبقوا أشراف البلد قِلة
متحاصرة أحلامهم
مابين أفاعي الجحور
والطعن م الأوغاد
***
سألوا الولاد الشيخ على استحياء
عن قومة الثورة
طأطأ براسه وقال بصوت واهن
ح ييجي يوم وتقوم
تقطف بإيدها م السما نجومها
وتصحى كل الخلق من نومها
وتصالح الأوطان
فرِحوا الولاد وهللوا بقوة
لكن بنظرة غضب ..
إحتد ونهرهم !
ورفع عنيه فيهم ..
وقال بصوت مدبوح
ساعتها كل الناس
ح تمشى ف ركابها
لكن غرور ناسها
جايز يموت فيها إحساسها
وتعود جيوش الأفاعى تاني تركبها
***
طلبو الولاد نصيحة من شيخهم
قام قال ودمعه مغرّق القُفطان
ماتفرحوش بالنصر ف البدايات
وماتقلقوش من كبوة الأوطان
وماتعملوش زي اللي قاموا قبلكو بثورة
وف نشوة الفرحة ..
سابوها للخفافيش
وجريوا ع الكنز اللى ف الصندوق
واتبروا م الحرافيش
واتخانقوا مين يبقى الأمير فيهم ..
ونصبوا للحلم اللى مكملشي ..
محاكم التفتيش !

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
محاكم التفتيش!الشاعر أشرف الشافعى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: