منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 همسات للفتيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميره الحروف
المشرف العام
المشرف العام


عدد المساهمات : 337
تاريخ التسجيل : 02/11/2010

مُساهمةموضوع: همسات للفتيات   الثلاثاء 8 ديسمبر - 16:33

همسات للفتيات
همسات للفتيات

ان شاء الله كده عاوزين نتناقش مع بعض فى حاجه مهمة جدااا
بتشغل بال بنات كتييييييير اوى
وهى الجواز والفتره اللى قبله وفترة العقد والخطوبه
بس الاول عندى كلمتين صغيرين
اولا الجواز ده سنة ربنا فى خلقه
وده رزق من ربنا
يعنى مينفعش نوقف حياتنا كلها عليه
ونأجل كل حاجه مهمه فى حياتنا لبعد الجواز
زى الالتزام مثلا وحاجات تانيه كتييير
يعنى تلاقى بنات تنصحيها بالنقاب وفرضيته ومكانته
تقولك بعد اما اتجوز
انتى تضمنى منين انك تعيشى لغاية ما تتجوزى او انك تتجوزى اصلا
وكذلك حفظ القران وغيره كتير
وفى بنات تفضل حزينه لانها متجوزتش وشايفه اللى اقل منها التزام وجمال اتجوزوا
لازم نقتنع ان ده رزق من ربنا
وما عند الله لا ينال بمعصية
تانى حاجه يا بنانيــــــت
انتى دلوقتى لسه مش متجوزة ولا مخطوبه
يبقى تفرحى مش تحزنى
مش بخوفكم انا لا

انتى دلوقتى لسه حره ووقتك ملك ليكى كله
يعنى لو عندك مشروع دعوى او اى حاجه بتخططى تعمليها
انطلقى بسرعه فيها قبل ما تتدبسى

لان الخطوبه او الجواز بياخد جزء كبيييييييييييير من وقتك
انا فعلا مش عرفت كده غير بعد ما اتدبست
كنت بخطط احفظ القرآن واختمه وبخطط لحاجات كتيير
بس الحمد لله
التسويف بيضيعنا
ربنا يرزقنا الهمة العاليه وحسن العمل والاخلاص فيه
نيجى عن الاختيار
لازم تسالوا كويس عن العريس
اسالو ناس قريبه منه واسالو عنه فى شغله

واهم حاجه الاستخاره
صلى استخاره لربنا مره واتنين وعشره
لو من نصيبك ربنا هيسر الموضوع لو مش نصيبك يبقى ربنا مخبيلك حاجه افضل
ومتتنازليش قدام ضغوط اهلك
متفرطيش فى دنيتك واخرتك مهما حصل
يعنى متقبليش بواحد مش ملتزم مهما كانت مواصفاته التانيه
لانه جوزك هو نارك وجنتك
اما ياخد بايدك لغاية ما تدخلوا الجنه سوا او العكس
ربنا يعافينا جميعا
ومتستعجليش
دايما كنا بنسمع كلمه جميله جدا
جوزك محدش هياخده غيرك
ومحدش بياخد نصيب حد
بعد كده المخطوبات يجونى هنا
بصى يا قمر انتى وهى
فترة الخطوبه فتره مهمة جدا جدا جدا
استغليها افضل استغلال هتريحك فى حاجات كتير بعد الجواز
اول حاجه ودى اهم نقطه
اتقى الله فى نفسك وفى خطيبك
بلاش التجاوزات اللى بتحصل فى الفتره دى
زى الكلام فى الفون والمقابلات وغيرها
هتعرفى نتيجة ده وهتندمى
انا بنصحك كأخت ليكى وخايفه عليكى
الحلال طعمه جميل جدا
والحرام له لذه لحظيه مش اكتر لكن بعدها ندم طوييييل
حافظى على قلبك ومشاعرك
وافضل حاجه طالما خلاص كل حاجه تمت واخدتوا قراركم انكم تكملوا مع بعض
يبقى تعقدوا
كده افضل واريح
فترة الخطوبه او العقد
فى حاجات فى الفتره دى لازم تتعلميها
ولو قبل كده يكون افضل
اول حاجه فى دورات تدريبيه وتأهيليه للمقبلين على الزواج
دورى واقريها هتستفادى منها كتيير
اقرأى فى السنه النبويه عن التعامل مع الازواج
وفى موضوعات كتير هنا لاخوات ربنا يبارك فيكم يارب
ويجعله فى ميزان حسناتهم
ولازم تعرفى خطيبك لان كل راجل بيختلف عن التانى
لكن فى حاجات اغلب الرجاله بتتفق فيها
لازم تعرفى اسلوب حياته ايه وتعرفى شغله ايه بالظبط
وطريقة تفكيره حتى عادات اكله
ده تعرفيه ازاى قبل العقد؟؟؟
السؤال يا قمر
لو عنده اخوات بنات صاحبيهم حتى لو كنتى مختلفه معاهم فى الالتزام او الافكار
حاولى تجمعى نقطه تقابل وتصاحبيهم منها
ولازم تكون علاقته باهله فى الفتره دى كويسه
خليهم يحبوكى ويحترموكى
لو مش بيسالو عنك اسالى انتى وقربى منهم
هترتاحى بعد الجواز من الخلاف معاهم
اما فترة العقد
هيكون سهل تعرفى الحاجات دى لان التواصل بينك وبينه مباشر
وفى نقطه مهمه جداااااا
لازم تتفقوا انكم مش تدخلوا حد وسطكم وخصوصا لو مختلفين على حاجه حتى قبل العقد
ازاااى؟؟
طبيعى قبل العقد بيجى عندكم وبتتكلمو فى حاجات تخصكم زى شغلك او لو انتى مرتبطه بحاجات معينه
حلقات مثلا او انشطه دعويه او تطوعيه وهكذا
اتفاهوا بالراحه ومش تدخلوا حد الا اذا تأزم الامر عليكم
وبعد العقد ده شئ اساسى اى حاجه تخصكم لوحدكم محدش يعرف بيها نهائى
مينفعش اول ما تكلمى صحبتك او حتى اختك
دا قالى كذا وقولتله كذا
كده غلط يا قمر
حاجه تانيه يا قمامير
شغل البيت
فى بنات كتير متعرفش حاجه فى اى حاجه
ده غلط
لان مهما كان بيحبك هيزهق منك
لازم تتعلمى النظافه ودى اهم حاجه
الرجاله كلهم متفقين فى الحته دى
وتتعلمى الطهى
مش هقولك اقرب طريق لقلب الراجل معدته
بس الراجل غالبا بيحب ياكل من طبيخ مراته ويحب يفتخر بيها قدام اهله
وفى رجاله بيعشقوا العزومات ودول مشكله
وبعدين هو مش متجوز علشان يروح ياكل عند مامته او يقضيها اكل مطاعم
حاجه تانيه مهمه
مهما كنتوا بتحبوا بعض ومتعلقين ببعض
لازم الاحترام المتبادل وكل واحد يكون عارف حدوده فين
خصوصا فى فترة العقد
لان فى ناس بتتعدا حدودها جدا فى الفتره دى بصوره جامده
وخاصة لو كنتوا قريبين من بعض جدا وكان بيزوركم كتير
يعنى لازم تعرفى ضوابط فترة الخطوبه وفترة العقد
نيجى بقى لفترة قبل الجواز
دى فتره خطيره جدا فوق ما تتخيلى
ليييه؟؟؟
لان كل اللى بعدها بيتبنى عليها
فى الفتره دى لازم تهتمى جدا بعلاقتك مع ربنا
لان فى بنات بتنشغل بالجهاز بتاعها وكل يوم خروج
وكلام التليفونات بيكتر اوى فى الفتره دى
معرفش ليه يعنى
يبقى نهتم جدا بيها
طبعا احنا لازم تكون علاقنا بربنا كويسه على طول
لكن علشان الانشغالات بتكتر فى الفتره دى
فنحاول نركز جدا فيها
لان اى تفريط فيها ممكن يسبب انتكاس والعياذ بالله
حاجه كمان قبل ما انسى
متفكريش ان الجواز ده حياة ورديه كلها حب ورومانسيه
لا طبعا
اه فيها حب ورومانسيه وحاجات جميله جدا خصوصا لما تتبنى على رضا ربنا
وتكونوا متفاهمين
وبركز جدا على النقطتين دول
رضا ربنا ثم التفاهم بينكم
لكن برضو ميمنعش ان فيه مشاكل وخلافات وازمات
وكل ده بيعدى بعون الله
معلش الافكار مش مرتبه انا بعتذر
لكن حاولت قدر المستطاع استجمع الذاكره الضايعه بتاعتى (الله المستعان)
وطبعا الموضوع مفتوح للنقاش
علشان كلنا نستفاد من خبرة بعض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
همسات للفتيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: منتديات عالم المرأة(Women's World Forum) :: صالون حواء(Salon Eve)-
انتقل الى: