ملف شامل وكامل جميع انواع الكسكسى

ملف شامل (كامل)جميع انواع الكسكسى

🟩الكسكسى حلو وحادق 🟩

المقادير

1كيلو دقيق
معلقه صغيرة ملح
ماء حسب العجن
نصف كوب زيت (100جم)
نصف كوب زبدة سائحه(100جم)

طريقه التحضير

نضع الدقيق فى اناء عميق ثم نرش الميه حبه حبه وندعكه كويس بيكون لا ماسك اوى ولا طرى اوى وبعد كدة نجيب منخول يكون لا وسع ولا ضيق ونضع فى العجين وننخول العجين بيكون زى الحبوب كدة ونضعها فى شاشه فى حله الكسكسى بيكون من تحت ماء بيغلى نضغه العجينه فى المصفه حلوالى 10 دقيقه ونطلعه ننخلها تانى ونضعه فى المصفه على النار تانى لحد ما يستوى ولمة يستوى نخلط عليه الزبده لو عازينه حلو نضع عليه سكر بودره وزبيب وجوز هند لو عايزينه حادق نضع عليه صلصه وبصل محمر
ويقدم بالف هنا وشفا
مع تحياتي

🟩كسكسى سادة🟩

المقادير

2\1 كيلو كسكى جاهز(2كوب ونصف)
100 جم سمن اوزبدة(نصف كوب)
100 مل ماء(نصف كوب)
100 جم سكربودرة(نصف كوب)
50 جم جوزهند(ربع كوب)
50 جم زبيب(ربع كوب)

طريقه التحضير

لعمل الكسكسى
-فى بوله نخلط الكسكسى مع زبدة و الماء ونبثهم مع بعض كويس لحد ما يشرب الماء والزبدة ونسيبها ترتاح لمدة 10 دقائق
-فى حله الكسكى نضع الكسكسى فى مصفاه على بخار الماء المغلى يستوى لمدة 15 دقيقه ولو احتاج ماء نضيف حبه حبه لحد ما يستوى
-ولمه الكسكسى يستوى نصبه فى طبق التقديم ونرش عليها سكرو جوزهند وزبيب
-ويقدم وبالف هنا وشفا
مع تحياتي

🟩الكسكسى الحلو 🟩

المقادير

(العجينه)
2 ونصف كوب دقيق(500 جم)
نصف ملعقه ملح(10 جم)
ملعقه زيت(25 جم)
كوب وربع ماء(250 جم)
(التقديم)
سكر بودر
لبن مغلى
زبدة سايحه
قرفه بودر
مكسرات
جوزهند وزبيب

طريقه التحضير

- فى اناء ندوب ماء وزيت ونقلبهم مع بعض او نضعهم فى بخاخه
-فى بوله نخلط دقيق وملح ونرش عليه ماء حبه حبه ونبثهم مع بعض كويس لحد ما يعمل حبيبات
- ونجيب منخول ونفركه لحد ما ينزل حبيبات ونضعه فى قماش شاش ونقفله كويس
-فى حله الكسكسى نضع الكسكسى فى مصفاه على بخار الماء المغلى يستوى لمدة 10 دقيقه ونضعها فى بوله ونرش عليه ماء حبه حبه ونضعه فى قماش الشاش ونقفله كويس ونضعها فى حله الكسكسى كمان لمدة 10 دقيقه( وهنكرر كدة 4 مرات مع مراعاه كل مرة نرش عليها الماء كل ماء لازم نخلص كميه الماء والزيت فى الا4 مرات لحد ما يستوى)
-ولمه الكسكسى يستوى نصبه فى طبق التقديم ونعمل فى زى حفره فى نصفه ونصب فى لبن مغلى ونرش عليها جوزهند وزبيب او سكر بودر او قرفه بودر او مكسرات
-ويقدم وبالف هنا وشفا
مع تحياتي

🟩الكسكسى باللبن🟩

المقادير

2\1 كيلو كسكى جاهز(2كوب ونصف)
100 جم سمن اوزبدة(نصف كوب)
100 مل ماء(نصف كوب)
100 جم سكربودرة(نصف كوب)
2\1 كيلو لبن مغلى(2كوب ونصف)
50 جم جوز هند(ربع كوب)
50 جم زبيب(ربع كوب)
50 جم سودانى قطع(ربع كوب)

طريقه التحضير

لعمل الكسكسى
-فى بوله نخلط الكسكسى مع زبدة و الماء ونبثهم مع بعض كويس لحد ما يشرب الماء والزبدة ونسيبها ترتاح لمدة 10 دقائق
-فى حله الكسكى نضع الكسكسى فى مصفاه على بخار الماء المغلى يستوى لمدة 15 دقيقه ولو احتاج ماء نضيف حبه حبه لحد ما يستوى
-ولمه الكسكسى يستوى نصبه فى طبق التقديم ونعمل فى زى حفره فى نصفه ونصب فى لبن مغلى ونرش عليها جوز هند وزبيب وسودانى قطع
-ويقدم وبالف هنا وشفا
مع تحياتي

🟩كسكسى مغربى باللحمه🟩

المقادير

(الكسكسى)
كيلو كسكسى مغربى(5كوب)
200 مل ماء(كوب)
100 مل زيت زيتون(نصف كوب)

(المرق)

50 جم سمن(2معلقه كبيره)
كيلو لحمه مكعبات(5كوب)
150 جم بصل مكعبات(كوب الأربع)
50 جم صلصه(2معلقه كبيره)
250 جم طماطم مبشورة(كوب وربع)
10 جم ملح(نصف معلقه كبيره)
10 جم فلفل(نصف معلقه كبيره)
10 جم كركم(نصف معلقه كبيره)
2 لتر ماء مغلى
3 بطاطس قطع
3 جزر قطع
3 بطاطا قطع
3 كوسه قطع
حزمه بقدونس
200 جم حمص مسلوق(كوب)

طريقه التحضير

- فى اناء على النار نشوح مكعبات اللحمه فى سمن ولمه تغير لونها نضيف بصل ولمه يدبل نضيف صلصه وطماطم وملح وفلفل وكركم ونقلبهم مع بعض ونضيف ماء مغلى,
ونسيبها تستوى لمدة 25 دقيقه ونضيف الجزروالبطاطس والكوسه وبطاطا وحمص ونقلبهم مع بعض ونسيبهم يستوا مع بعض كويس
-فى بوله نخلط الكسكسى مع الزيت وزبدة و الماء ونبثهم مع بعض كويس لحد ما يشرب الماء والزيت والزبدة ونسيبه يرتاح لمدة 10 دقائق
-فى حله الكسكسى ونضع الكسكسى فى مصفاه على بخار الماء المغلى يستوى لمدة 15 دقيقه ولو احتاج ماء نضيف حبه حبه لحد ما يستوى
-ولمه الكسكسى يستوى واللحمه تستوى ناخد كبشه من الصلصه ونقليبهم على الكسكسى مع بعض كويس
-وفى طبق التقديم نغرف الكسكسى ونرص عليها الخضار واللحمه
-ويقدم وبالف هنا وشفا
مع تحياتي

🟩الكسكسى باللحمه🟩

المقادير

(الكسكسى)
1 كيلوكسكسى(5كوب)
25 مل زيت(معلقه كبيره)
100 مل ماء(نصف كوب)
100 جم زبدة(نصف كوب)
10 جم ملح(نصف معلقه كبيره)
(اللحمه)
50 جم زيت زيتون(ربع كوب)
2 بصله مقطعه على 4
1 كيلو لحم قطع(5كوب)
50 جم صلصه طماطم (2معلقه كبيره)
250 جم طملطم مبشورة(كوب وربع)
1 عود قرفه خشب
2 حبهان
1 ورق لورا
5 جم ملح(معلقه صغيره)
5 جم فلفل(معلقه صغيره)
1 لتر ماء مغلى(5كوب)
2\1 كيلوقرع قطع(2كوب ونصف)
2\1 كيلو جزر على 4(2كوب ونصف)
2\1 كيلو كوسه على 4(2كوب ونصف)
2\1 كيلو بطاطس على 4(2كوب ونصف)
250 جم حمص مسلوق(كوب وربع)

طريقه التحضير

1-فى اناء على النار نشوج البصل فى زيت زيتون ونضيف قطع اللحم ونقلبهم ونضيف الصلصه وقرفه والحبهان وورق لورا وملح وفلفل ونقلبهم مع بعض ونضيف الماء المغلى ونسيبها تستوى لمدة 15 دقيقه ونضيف القرع والجزر والبطاطس وحمص ونقلبهم مع بعض ونسيبهم يستوا مع بعض كويس
2-فى بوله نخلط الكسكسى مع الزيت وزبدة و الماء ونبثهم مع بعض كويس لحد ما يشرب الماء والزيت والزبدة ونسيبها ترتاح لمدة 10 دقائق
3-فى حله الكسكى نضع الكسكسى فى مصفاه على بخار الماء المغلى يستوى لمدة 15 دقيقه ولو احتاج ماء نضيف حبه حبه لحد ما يستوى
4-ولمه الكسكسى يستوى واللحمه تستوى ناخد كبشه من الصلصه ونقلببها على الكسكسى مع بعض كويس
5-وفى طبق التقديم نغرف الكسكسى ونرص عليها الخضار واللحمه
6-ويقدم وبالف هنا وشفا
مع تحياتي

🟩الكسكسى بالخضار واللحمه 🟩

المقادير

1 كيلو كسكسى(5كوب)
100 جم زيت زيتون(نصف كوب)
200 مل ماء دافئ(كوب)
(الصلصه)
50 جم زيت زيتون(2معلقه كبيره)
2 بصله مقطعه على 4
1 كيلو لحم قطع(5كوب)
50 جم صلصه طماطم(2معلقه كبيره)
1 عود قرفه خشب
2 حبهان
1 ورق لورا
5 جم ملح(معلقه صغيره)
5 جم فلفل(معلقه صغيره)
1 لتر ماء مغلى(5كوب)
100 جم قرع قطع(نصف كوب)
1 جزر انصاف
1 لفت على 4
1 بطاطس على 4
2\1 جزمه بقدونس
5 بيض مسلوق
100 جم حمص مسلوق(نصف كوب)

طريقه التحضير

1-فى اناء على النار نشوج البصل فى زيت زيتون ونضيف قطع اللحم ونقلبهم ونضيف الصلصه وقرفه والحبهان وورق لورا وملح وفلفل ونقلبهم مع بعض ونضيف الماء المغلىونسيبها تستوى شويه ونضيف القرع والجزر والبطاطس والبقدونس ونسيبهم يستوا مع بعض كويس
2-فى بوله نخلط الكسكسى مع الزيت مع الماء ونبثهم مع بعض كويس لحد ما يشرب الماي والزيت
3-فى حله الكسكى نضع الكسكى فى مصفاه على بخار الماء المغلى يستوى
4-ولمه الكسكى يستوى واللحمه تستوى ناخد كبشه من الصلصه ونقلبهم مع بعض كويس
5-وفى طبق التقديم نغرف الكسكسى ونرص عليها الخضار واللحمه ونزينه باللبيض المسلوق والحمص
6-ويقدم وبالف هنا وشفا
مع تحياتي

🟩الكسكسى بالريش الضانى🟩

المقادير
ريش ضانى
كرفس
طماطم
بصل
فلفل حار
ليمون
ثوم
زعتر
روز مارى
ورق لورا
زيت زيتون
فلفل
ملح
بهارات لحمه
بصل مفروم
ثوم مفروم
عصير طماطم
صلصه
كوب كسكسى
2 كوب مرقه
كمون

طريقه التحضير

1-فى الكبه نضيف كرفس طماطم وبصل وفلفل حار ليمونه وثوم وزعتر وروز مارى وورق لورا وزيت وملح وفلفل وبهارات لحمه ونفرومهم مع بعض ونتبيل بيها الريش ونسيبها ساعتين على الاقل
2-فى طاسه فيها زبدةوزيت وبصل وثوم ولمه يدبلوا نضيف عصير طماطم وصلصه ونضيف باقى التتبيلها ونسيبها تتسبك على نار هاديه
3-وفى طاسه فيها زبدة نشوح الريش على الوجهين ولمه تدخل فى السوى نضيف كوب الكسكسى وكوب شوربه وكبشه صلصه ونقلبهم مع بعض
4- ونصب الخليط فى طاجن وندخله الفرن يكمل سوى
5-ويقدم وبالف هنا وشفا
مع تحياتي

🟩الكسكسى المصرى بالفراخ 🟩

المقادير

8 قطع دجاج
كوب و ثلث كسكسي
2 ملعقة زيت
3 ملاعق صغيرة ملح
1/4 ملعقة صغيرة فلفل
1 بصلة مقطعة شرائح رفيعة
1 لفت مقطعة مكعبات صغيرة و مقشرة
2 ملعقة صلصة طماطم
1 ملعقة صغيرة بابريكا
1 ملعقة صغيرة و نصف كمون
6 كوب ماء
3 حبات جزر مقطعة مكعبات صغيرة
1 كوب و نصف حمص
1/2 كوب بقدونس مقطع
ملح و فلفل

طريقة التحضير

يسخن الزيت فى مقلاة واسعة على درجة حرارة متوسطة
ترش الدجاج بنصف ملعقة ملح و فلفل ، ثم تحمرالدجاج لمدة 8 دقائق الى ان يصبح لونها ذهبي ثم ترفع الدجاج
يضاف البصل و اللفت على نار هادئة و يقلب لمدة 3 دقائق ثم توضع الصلصة و البابريكا و الكمون و الملح و يقلب لمدة دقيقة ثم توضع 4 اكواب ماء و الجزر
ثم تضاف الدجاج و يغطى القدرلمدة 20 دقيقة مع التقليب مرتين او ثلاثة من حين لاخر الى ان ينضج الدجاج و الخضار ثم نضيف الحمص و البقدونس و نتركه 5 دقائق على النار
في نفس الوقت في قدر متوسط يحضر 2 كوب ماء و يترك حتى يغلى ثم يضاف 1/4 ملعقة صغيرة ملح والكسكسي و يغطى القدر و يرفع من على النار و يترك 5 دقائق و يفلفل بالشوكة ثم يقدم مع الدجاج والحمص
ويقدم بالف هنا وشفا
مع تحياتي

🟩الكسكسى المصرى 🟩

المقادير

٢ كيلو دقيق
لتر ماء
ملعقه صغيره ملح
ملعقه صغيره سكر
سمن بلدى
حلة الكسكى
قماشه نظيفه تكون قطن مربعه كبيره

طريقه التحضير

نضع فى حلة الكسكسى الماء من تحت لانها عبارة عن طبقتين العلويه للكسكسى والسفليه للماء ونضعهم على النار لكى تغلى
نضع الدقيق فى طبق واسع ناتى بكوب ماء وناخذ منه ونرش على الدقيق ونبسه زى الدقيق ونرش ونبسه الى ان نبس الدقيق كله ولو احتاج ماء تانى ناخذ نصف كوب الى ان نبسه كله
ناتى بالكبه ونضع بها الدقيق ومش نملاها لغايه المنتصف فقط ونشغلها مثل النبضات نغلى ونطفى ونشغل ونطفى ثلاث مرات ثم نخلص الكميه ونضعها فى قطعه القماش ونلمها من الجناب ونضعها فى الحله ونغطيها جيدا
بعد ١٥ دقيقه نشيله ونقلبه فى طبق كبير
ونفركه بملعقه كبيره خشب بالماء مرة اخرى وبياخد حوالى من ٣ الى ٤ كوبايات ماء وملعقه سمن بلدى كبيره ونرجعه الكبه مرة اخرى ونضربه مثل النبضات مرة ثانيه نخلص نرجعه على القماشه وفى الحله مرة اخرى بس خدى بالك انك تزودى ماء مغلى للحله اوعى تنسى علشان البخار والحلة مش تبوظ منك
بياخد حوالى ١٥ دقيقه لغايه اما تلاقى لون الدقيق كله بقا زى بعض مفهوش لون الدقيق
نخرجه من الحله ومن قطعه القماش ونضعه فى الطبق الواسع وننزل عليه ب٤ ملاعق سمن بلدى كبيره بدرجه حرارة الغرفه ونقلب كويس بالملعقه الخشب والسخونيه هتسيح السمن وبعدين ناخذ طبق ونغرف فيه ونرش سكر بدرة ومكسرات
وباقى الكميه فى اكياس وفى الديب فريزر ونخرجه على طبق ونسخنه فى المكرويف رائع

🟥ملحوظة🟥
لاتضعى ملعقه مبتله بالماء او سبق استخدامها فى الكسكسى بعد سواءه لانه سريع الاتلاف
ويقدم بالف هنا وشفا
مع تحياتي

🟩الكسكسى فى الخلاط🟩

المقادير

7كوب دقيق
كوب ونصف ماء
معلقه صغيرة ملح
زبده بلدى كميتها حسب الرغبه
طريقه التحضير
الطريقه التقليديه كانوا بيستخدموا فيها الغربال ويمرروا منه الدقيق بعد ما يرشوه بالميه علشان ينعم ويتكون الحبيبات الصغيره
حاليا بنستخدم الكبه اللي بنفرم فيها البصل .. أسهل واسرع ..
بس باعمله على دفعات في الكبه علشان ما يعجنش لان الكميه كبيره
هندوب الاول الملح في الميه
ونحط الدقيق في الكبه
وبعدين نبدأ نشغل الخلاط بنظام ال pulse (يخلط ويوقف .. ) وننزل بالميه شويه شويه من فتحة الخلاط ..
لحد لما يتكون عندي كرات او حبات صغيره من الدقيق زي الرمل الخشن كده ..
لو فرض مثلا اننا زودنا شوية ميه .. هنلاقي الدقيق بدأ يتعجن زي الصوره .. مفيييش اي مشكله خاالص
نزود شوية دقيق ونضرب بالخلاط .. لحد لما يتفكك مره تانيه
هي المقادير مظبوطه باذن الله مش هيعجن كده .. بس حبيت اوريكم انه ممكن نتحكم فيه بسهوله
المهم انه في الاخر يبقى بالشكل ده .. مفرول زي الرمل الخشن ومش مكلكع ..الطبخ: دلوقتي نبدأ التسويه باذن الله .. وطبعا الكسكسي بيستوي على البخار
لو فيه حلة الكسكسي او حلة البخار .. يكون افضل وأسهل ..ويقدم بالف هنا وشفا
مع تحياتي

🟩الكسكسى البيتى🟩
من طقطق لسلام عليكم .. وشوفوا باكله مع ايه ؟؟ *
اما لو مفيش الحله دي .. مفيش اي مشكله
هنستخدم المصفاه العاديه واي حلة مناسبه لها بس لازم نقفل الفراغات اللي هتبقى بينهم علشان نحبس البخار
نعجن العجينه الي هنسد بيها الفراغات .. دقيق وميه وده شكلها
وهنا بعد ما سديت الفراغات اللي بين الحله والمصفاه .. سهل جدا مش محتاجه مجهود بتعملي اسطوانه من العجين
ونسد بيها الفراغات من جميع الجهات
.. علشان تنزل في الحله
نفرد فوق المصفاه .. قطعة قماشه نظيفه وتكون شفافه او شاشه او طرحة بيضا خفيفه
المهم انها تكون نظيفه وجديده وتخصصيها للموضوع ده
ونحط عليها الكسكسي ونفرده
ثم نغطيه باطراف القماشه .. ونغطي المصفاه بغطا الحله .. علشان يتقفل عليه كويس
بعد ما البخار يطلع .. نهدي النار لتحت ونسيبه ربع ساعه .. وبين فتره والتانيه نقلبه تقليبه بالشوكه ..
وبعدين نشيله من المصفاه ونفرده في صينية يتهوي هيبقى في الاول متكتل زي الصوره
بايدينا او بشوكه نبدأ نفركه وهيتفكك مره تانيه ويبقى كده .. نسيبه يبرد شويه
نزود شوية ميه مره تانيه في الحله ...
ونرجع الكسكسي تاني للمصفاه وتحته برضه القماشه ونغطيه باطراف القماشه ونقفل المصفاه بالغطا ..
ونسيبه مره تانيه ربع ساعه ..
وبعدها هيكون استوى باذن الله
نفرغه في صينية واسعه .. ونفركه بقطعة زبده بلدي معتبره .. هتسيح من الحراره
طريقة الكسكسي
مقاديره وطريقته
3كوب دقيق
رشة ملح
بعدين احط ميه شويه بشويه وافركه مش اعجن اوك
بعدين اجيب الكبه واضربه شويه وطبعا حله السكسى على النار وعليها شاشه او فانله المهم حاجه تعدى البخار
المهم واحط ال اضربه على الفانله وهكذا لحد الكميه ما تخلص واتركه على النار لمده ساعه الا ربع بدون تقليب وبعدين افرغه فى طبق بلاستك كبير ويكون عندى لبن اصب عليه شويه بشويه يعنى قيمه كبايه واقلبه كويس وبعد كده احطه على النار تانى لمده نص ساعه وقت الاكل احط حته سمنه بلدى فى الطبق واغرف عليه الكسكسى واقلبه كويس ده لو هتكليه مع بط وشوربه
ولو عايزه تكليه حلو بعد ما تحطى السمنه حطى عليه السكر البودره وقلبيه وبعدين شويه جوز الهند وشويه بندى ولوز وعين جمل على الوش ( طبعا المكسرات اختاياري ) ويقدم بالف هنا وشفا
مع تحياتي

#مشرفة_الاسرة_والطفولة
#منتدى_المركز_الدولى