طريقة عمل فايش الأفران

طريقة عمل فايش الأفران
المقادير
نصف كيلو دقيق
7 جم خميره (نصف معلقه كبيره)
5 جم ملح (رشه)
20 جم سمنه(معلقه كبيره)
20 جم سكر (معلقه كبيرة)
15 جم لبن بودره(معلقه كبيره)
290 جم ميه للعجن وناخد حسب العجينه (كوب)
10 جم كركم (نصف معلقه كبيرة)
25 جم محلب (معلقه كبيرة)
طريقه التحضير
- ندوب الخميره فى شويه ميه من بتاعه العجن
- نخلط كل المقادير معا ونحط ثلاث اربع الميه ونعجن ونشوف العجينه لو احتاجت ميه نحط شويه شويه وما تستعجلش ونحط يه
- نترك العجينه متغطيه تريح نص ساعه
- نفرد العجينه ونقسمها نصفين متساويين ونفرد الجزء الاول ونطرد الهواء منها ونتنى الطرف ونخبط عليه ونتنى ونخبط عليه برضه حتى يبقى شكل الصوره ونضغط عليه بايدينا حتى لما يخمر ويدخل الفرن يبقى بالشكل ده
- نحطه فى صاج فى فرن مطفى وتحته صينيه مليانه ميه ساخنه فى درجه حراره 30 درجه لمده ساعه تقريبا او حتى يتضاعف حجمه
- ندخله فرن ساخن على درجه حراره 150 درجه وبياخد حوالى 45 دقيقه
- ولما يطلع نسيبه يبرد تماما ويستحسن يبات ليله وبعدين نقطعه زى الصوره ونحطه فى الصاج ويدخل الفرن تانى يتحمص على درجه حرارخ 130 درجه
ملاحظات هامه جدا
- النص كيلو عمل 2 لوف كبيره واصبح وزن كل واحده 435 جم لانه لما يدخل الفرن بيفقد 10 فى الميه من وزنه
- نعرف ازاى انه استوى لما يخرج من الفرن نقلبه على ظهره ونخبط عليه هنسمع صوت زى ما يكون فاضى
- نعجن كويس حتى نصل لتكوين شبكه الجلوتين
- المحلب عباره عن حبوب فيه منها نوع غالى وفيه نوع رخيص وبنجيبها من العطار ولازم نعرف اذا كان من النوع الغالى يبقى نحط نص الكميه لانه غنى براحته ولو رخيص نحط نفس المقدار
تشكيل الفايش وطرد الهواء منه حتى الخميره
- وتقدم بالف هنا وشفا
#مشرفة_الاسرة_والطفولة
۩❁#منتدى_المركز_الدولى❁۩