منتدي المركز الدولى




۩۞۩ منتدي المركز الدولى۩۞۩
ترحب بكم

عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا
۩۞۩ ::ادارة
منتدي المركز الدولى ::۩۞۩


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةبحـثالتسجيلدخول
Awesome Orange 
Sharp Pointer

منتدى المركز الدولى يرحب بكم أجمل الترحيب و تتمنى لك وقتا سعيدا مليئا بالحب

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

شاطر | 
 

 بلدى وحبيبتى أحمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منى خميس
عضو نشيط
عضو نشيط


عدد المساهمات : 552
تاريخ التسجيل : 05/04/2011

مُساهمةموضوع: بلدى وحبيبتى أحمد فؤاد نجم   الثلاثاء 4 أكتوبر - 1:14

[size= 25] بلدى وحبيبتى
أحمد فؤاد نجم
فى سخونة أحداث 1972
والانتفاضة ومظاهرات الطلبة والمعتقل
كان حب أحمد فؤاد نجم
كانت مصر فى عينه الشمال وحبيبته فى عينه اليمين

بلدي وحبيبتي
الغرام فى الدم سارح
والهوي
طارح معزة
والحنين للقرب بارح
والنوي جارح
يا عزة
يا إبتسامه فجر هلت
بددت ليلي الحزين
يا ندى الصبح اللى سأسأ
فوق خدودي الدبلانين
بلّ شوقهم
صحي لون الورد فوقهم
كل خد
وشم وردة
مين يدوقهم
غيرك انتِ
ومين سواكي
يا حياتي
يا ملاكي
يا نسيم الحب لما هب
هز القلب هزة
يا هوي الاحلام يا عزة
الليلادي جم خدونى يا ملاكي
جوز تنابلة
ونص دستة
من التيران
كنت باحلم يا حبيبتي
كنت باحلم
بيكي انتِ
كنا قال
أنا وإنتِ قال
ف جنينه خضرا
ومحاوطها البرتقان
والسيسبان
وإنتِ جوا قرنفلاية
بالعبير بتستحمي
أجري يمك يا هوايا
تسبقينى وتجري يمي
أحضنك
وأشرب عبيرك
من شفايفك
والغصون
وأقفه وشايفة
بتراعينا
بس خايفه م العيون
والعيون بتقول كلام




والكلام
طاير حمام
بينادينا بالاغاني
ويهادينا بالسلام
كنتب بحلم يا حبيببتي
كنت با حلم
بيكي انتِ
أيوه انتِ
ومين سواكي
يا حياتي
يا ملاكي
يا نسيم الحب لما هب
هز القلب هزة
يا هوى الاحلام يا عزة
وأنطلق فى الجو فجأة
يا حبيبتي
صوت مفاجأة
صوت يخلي الدم يجمد
إصحي يا أحمد
إصحي يا أحمد
وأنتهي الحلم الجميل
وابتدا الهم التقيل
_ فين إمام
_ إنتوا مين
- إحنا ناس مكلفين
تيجي سالك مش ح تتعب
وأحنا طبعا معذورين
- إنتوا دود الأرض
والآفة المخيفة
إنتوا ذرة رمل
فى عيون الخليفة
إنتوا كرباج المظالم
والمآسى
إنتوا علة ف جسم بلدى
إنتوا جيفة
- سكتوه ابن الكلاب
سففوه من التراب
فتشوا كل الأماكن
طلعوا رفوف الدولاب
كمموني يا حبييبتي
كتفوني يا حبيبتي
قومونى .. قعدوني
كل شعرة فى جسمي
بالعين فتشوها
المخدة من جنانهم
شرحوها
وإنتهي التفتيش
ما فيش
صدقيني
ما تخافيش
هو فيه يا عزة عندي ممنوعات
غير باحب الناس
وباكره السكات؟
بص واحد م التنابلة
جوا عيني
وإنتي عارفة
عنية صافية وطيبين
زي كل عيون بلدنا يا حبيبتي
شباكين
ع القلب دوغرى موصلين
كان مناه يلمح علامة خوف بسيطة
طب حييجي الخوف منين ابن
العبيطة
هو مين فينا الجبان
ولا مين فينا اللى خان
اللى قلبه بالمحبة وبالأمانى
وبالربيع لاخضر مزهر
والاغاني
ولا كلب الصيد
وأسياده الأباطرة
أكالين لحم البشر
فوق الصواني؟
هو مين فينا الجبان
ولا مين فينا اللى خان
هو بص فى عينى بصة
إرتجف وف حلقه غصة
واتعوج ومال وقال
جملتين مش مفهومين
أصله شاف صورتين جمال
فى العيون الطيبين
مصر فى العين الشمال
وإنتي فى العين اليمين
[/size][/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شعبان
المدير
المدير


وسام الابداع

اوفياء المنتدى

ذكر عدد المساهمات : 7178
تاريخ التسجيل : 16/06/2010
الموقع :
المزاج المزاج : الحمد لله

مُساهمةموضوع: رد: بلدى وحبيبتى أحمد فؤاد نجم   الأربعاء 30 نوفمبر - 5:46

هناك أُنــــــــــاس يعبرون
في هذه الدنيا بصمت

وأيضاً هناك أشخاص تبقى
كلماتهم مخلدة في الذاكرة لرقتها

وهناك أشياء لا نستطيع
استبدالها بكنوز الدنيا

وإحداها كلمة إعجاب صادقة أو
عبارة حلوه

صدقني أنت نسمة ناعمة تحمل
معها عبق ورد نادر

ترسم البسمة بشذاها الرقيق



‗۩‗°¨_‗ـ المصدر:منتدي المركز الدولى ـ‗_¨°‗۩‗








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بلدى وحبيبتى أحمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: