ما اقدرش أكدب عليك

ما اقدرش أكدب عليك

مكتوب على شط قلبى

ما اقدرش أدّيك حنانى

انا شوقى زمان نهيته

بالحب الأولانى

خلــّينى بقلبى حٌرّه

ولا أحسْ بلحظه مٌرّه

دا أنا عيشت الحب مرّه

ما اقدرش أحب تانى

,,,

ما اقدرش أكدب عليك

والزّاى ح انسى اللىّ فات

وصراحتى مابين ايديك

أحسن لى من السّكات

العشْ انهار ياطيرى

روح شوفلك حدْ غيرى

لا ف يوم حاتحسْ خيرى

ولا تتـْهنىّ بحنانى

د أنا عشت الحب مرّه

ما أقدرش أحب تانى

,,,

ماتعوّدتش ياغالى

أعشق من غير ضمير

وأوصف بالكدب حالى

أو قلبى يساع كتير

دانا احساسى وصراحتى

فى هوايا همّا راحتى

ولا يوم ترْخص بضاعتى

لو حتى الشوق نادانى

دا انا عيشت الحب مرّه

ما اقدرش أحبْ تانى
كلمات/أم مدحت الشرقاوى
لحن وغناء أ/محمد الألاتى