إنما الدنيا لأربع

إنما الدنيا لأربع

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين
إنما الدنيا لأربع
الحمد لله وكفى وصلاة وسلاما على عبده الذين اصطفى ثم

أما بعد

إزيكو يا شباب كل سنه وأنتوا طيبين
عاملين أيه في رمضان الأخبار أيه سبع ولا سبع معندناش احتمال تالت في رمضان
يا جماعه معندناش حاجه تالته يا سبع يا سبع مفيش أي احتمال تاني بإذن الله
روى الإمام أحمد في مسنده والترمذي وإبن ماجه عن رسول الله صل الله عليه وسلم بسند صحيح "إنما الدنيا لأربعة نفر رجل رزقه الله مالا وعلما "عارف في الدين ومعه فلوس فهو يتقي فيه ربه قاعد يطيع ربنا ليل نهار بالمال دهوت ورجل
أتاه الله علما ولم يأتيه مال فهو يقول لو أن لي مالا لعملت فيه بعمل فلان
فهما في الأجر سواء ورجل أتاه الله مال ولم يأتيه علما فهو يخبط "
قاعد يخبط قاعد يلبخ قاعد يعمل كل المعاصي إلي في الدنيا "ورجل لم يأتيه الله علما ولا مال فهو يقول لو أن لي مال لعملت فيه بعمل فلان فهما الوزر سواء"
يا شباب إنما الدنيا لأربع شاب أتاه
الله عربيه لانسر وموبايل أحدث موديل 60610 ميديلو موبايل أحدث مفيش بعد
كده مديلو أب بيدلو فلوس بلا حساب فهو يركب العربية ويلف بيها ويركب أصحابه
ويشغل أغاني أجنبية لا هو ولا أصحابه فاهمين فيها حاجه وبيلفو يعكسوا
البنات في الشوارع ويلفو في الشوارع بلا هدف وشاب لا مديله ربنا عربيه
لانسر ولا موبايل أحدث موديل ولا أب بيدلو بلا حساب تلاقيه بيبص للتاني وهو
معدي بالعربية والله العظيم عينه فيها كلمة النبي لو أن لي مالا لو أن لي
عربيه لو أن لي موبايل زيه لعملت فيه بعمل فلان فهما في الوزر سواء يارب ده
مركبش عربيه وشغل أغاني تملا شارعين فهما في الوزر سواء يارب ده مركبش
معاه بنات وولاد فهما في الوزر سواء يارب ده معملش المعاصي وراح يعاكس إلي
رايحه وإلي جايه فهما في الوزر سواء ليه يارب عشان قلبه لو إتمنت المعصية
تلاقي نفسك مع إلي عملها يوم القيامة الراجل ده معملش حاجه الشاب ده معملش
معاصي ولكن بقى مع إلي عملها لأنه كان في قلبه حبها وتمنيها

إنما الدنيا لأربع

بنت أتاها الله وش جميل وشعر جميل وأب
بيديها فلوس كوفير وفلوس لبس وفلوس ماكياج وفلوس كل إلي هي عايزه تعمله ولم
يأتيها الله حب ليه ولا خشيه منه وتقوى ليه ولا رغبه إليه لا هي عارفه ولا
هي عايزه سبحان الملك الجليل فهي تذهب إلي الكوافير كل يومين تلاته وتذهب
إلى أكبر محلات الموضه تنقي أضيق ما في المحلات وتذهب لأحدث محلات
البرفانات والمكياجات تجيب إلي هي عايزه وتذهب لمحلات الأحذيه تلبس أعلى
كعب وبنت لم يؤتيها الله درجه من الجمال فهي تنظر إليها تلاقي في عينها لو
أن لي جمال مثل فلانه لعملت فيه بعمل فلانه فهما في
الوزر سواء يارب دا أنا مخرجتش أفتن الشباب في الشارع فهما في الوزر سواء
يارب دا انا مرحتش للكوافير بـ 50- 60 جنيه كل يومين تلاته فهما في
الوزر سواء يارب دا أنا محطيتش برفان ومكياج وعملت شعري وصبغته فهما في
الوزر سواء ملبستش كعب 11 سم ومشيت في الشارع فهما في الوزر سواء يارب دي
ملبستش إلي دي لبسته فهما في الوزر سواء ليه علشان قلبها كان بيتمنى
المعصيه

إنما الدنيا لأربع

شاب أتاه الله عربيه لانسر وموبايل
أحدث موديل وأب بيديلو فلوس زي ما هو عايز فهو عبد ولكن ربنا إدالو حب ليه
وخوف منه وتقوى ليه فهو يركب أصحابه معاه في العربيه وهما رايحين يصلو
التروايح ويفوت عليهم الفجر يخدهم معاه يصلوا الفجر في مسجد من المساجد إلي
بيطول وكل ما يكون فيه درس ديني يفوت يخدهم معاه والمحمول بتاعه علطول
بيبعت مسيجات يصحي أصحابه الفجر ويبعت رسايل دينيه يذكرهم بالله سبحانه
وتعالى وماشي في العربيه مشغل قرآن أو شرايط دينيه ومركب طقم صوت علشان
القرآن يطلع في الشارع كله ومعاه شرايط علشان أي شاب جنبه معدي بعربيه مشغل
أغاني يديلو cd أو
شريط
سبحان الله

وشاب لم يؤتيه الله عربيه لانسر ولا
سوزكي يبص كده ويقول لو أنني أملك مالا مثل فلان لعملت فيه بعمل فلان فهما
في الأجر سواء يارب ده مخلصشي رصيد الموبايل بتاعه كله على إنه يبعت
لأصحابه رسايل دينيه وإن هو يدي مسيجات لصحابه دا مصرفشي على البنزين مرحشي
بالعربيه يلف علشان يجيب الناس يحضرو الدروس فهما في الأجر سواء ليه علشان
قلبه

قلبك فين؟
قلبكِ فين؟
قلبي والله أنا بعمل معاصي خفيفه كده
شوية مسيجات على رحلات على مكالمات على علاقات على بس والله قلبي أبيض وأنا
كل معصيه خفيفه خالص مكياج خفيف على لبس خفيف ولكن أنا قلبي جوه أبيض

قلبك فين؟
قلوبكوا فين يا جماعه؟
قلبنا فين يا جماعه قلبنا فين ياشباب؟
مينفعش يقول لا إله إلا الله عند الموت
مش لسانه إلي بينطق قلبك إلا لو الكلمه دي فيه تطلع على لسانك يا شباب إنت
فكرك وإنت داخل القبر بيقولك من ربك بتقول ربي الله إلي هي بتفتكر مش الذاكره قلبك إلي لو جوه كلمة هينطق وإلا مش هتعرف تجاوب أسئلة القبر ولا مش هتقولي لا إله إلا الله
عند الموت يوم تبلى السرائر العرض على الله عرض قلوب ربنا بيقرا قلبك
ويشوف فيه أيه طاهر قد أيه يعني الواحد ممكن يسقط في إمتحان العرض على الله
إلا قلبه مش طاهر يا شباب دا كل حاجه بالموازين ثقلت موازينه مش ميزانه
موازينه العمل بيتوزن والقلب بيتوزن تخيلوا حديث البطاقه إلي فيها لا إله
إلا الله لما إتحطت قبال 99 سجل سيئات طاشت السيئات ليه طب ما كل واحد فينا
له بطاقه لا قلبه هو بيقولها كان فيه أيه ياترى بتسبيحه من قلبك تطير كم
سيئه يا ترى الركعه من قلبك تطيش كم سيئه يا ترى آيه القرآن من قلبك في
رمضان تطيش كم سيئه قلوبنا يا جماعة قاتل المائه إلي خلى ربنا يقبل توبته
كلمة إنه جاء جاء مقبل على الله بقلبه جاي بقلبه مش برجليه قلوبنا يا شباب
قلوبنا يا جماعة فين هنعمل أيه بقلوبنا فيها أيه الناس دلوقتي عدت بتحاول
تبكي إستغفر الله العظيم بتحاول تخدع الملك الجليل وبتحاول مش تعمل الفهلوه
في الدنيا بقت في الدين أربعه في مسجد أحد مساجد إسكندريه ودخلو جنازه في
مسجد من المساجد الكبيره ووقفو في الجنازه علشان يصلو عليها تلاته وقفو في
جنب وواحد وقف في جنب أول ما جه الإمام يصلي قال لهم يا أيها الناس إستنوا
يا ناس أنا أشهدكم إن الرجل ده مديون وعليه دين ليه وأنا مش مسامحه أبدا
عند ربنا التلاته يقولوله ياعم حرام عليك ياعم الراجل هيقابل ربنادلوقتي
سامحه حرام عليك الراجل مات يقول أنا مش هاسمحه أنا أشهدكم أيها الناس إن
أنا مش هاسمحه وقام إلتفت للإمام وقاله ياإمام إلي يموت وعليه دين عند حد
يبقى عقابه أيه يبقى عقابه كذا وكذا الناس طبعا إترعبت ياعم سامحه مش مسمحه
أبدا ويلموا من بعض لموا ألف جنيه خد لا دا هو عليه لي 3أو4 ألاف جنيه لأ
مخدش غير حقي بدأ الناس يعملو أيه يا عم مفيش فايده لم الناس لحد ما لملو
المبلغ وأخيرا وقفو يصلوا على المرحوم وبعد الصلاه مستنين الا4 يشيلو
الجنازه مفيش حد يشيل يبصوا يدوروا مفيش الاربعه فص ملح وداب طب والمرحوم
سابوا المرحوم ازاي بيشوفوا المرحوم لاقوه مخده ومغطيه بقماش الناس عادت
بتنصب يا جماعه في الدين الناس دي لما ضحكت ضحكت على الناس إنما المصيبه
إلي بيحاول يخدع ربنا

الأتنان الولد والبنت إلي في الجامعه
إلي بيحاولوا يخدعو ربنا ويقولو إحنا حبنا حب طاهر وبرئ ومش زي أي حب ومش
زي أي حاجه إحنا حبنا محترم من النوع المحترم هنوقف في الجامعه وقفه محترمه
وبعد الجامعه هنخرج نتمشى بره في الشارع ونتقابل مقابله محترمه ونقعد على
الكازينو قاعده محترمه فيه كازينو محترم؟؟!!!
ونتكلم أخر الليل 5 ساعات مكالمه محترمه هسألك عن التروايح وإنت تسأليني عن التهجد!!!
قاعدين ينصبوا في الدين هما الاتين كل ده نصب وكل ده حرام وكل ده لا يزيدهم إلا بعدا عن الله سبحانه وتعالى

يا جماعه إحنا قلوبنا فين يا خونا إنت
لو دخلت محل جزاره لقيت واحد لابس أبيض في أبيض هتقول أيه جزار ولو دخلت
مستشفى ولقيت واحد لابس أبيض في أبيض هتقول أيه دكتور يبقى القضيه مش شكل
واحد ولكن القضيه إلي جوه أيه يبقى إذن يا جماعه يبقى إذن يإخونا إنت جواك
أيه إنتي جواكي أيه إلي جوانا أيه ما الكل من بره كويس ما الكل من بره بفته
بيضه ما الكل من بره لسانه جميل ولكن جوه قلوبنا يا جماعه أنا الدرس ده
صيحة تحذير ضدد خطر تمني المعصيه في قلوبنا أوعى تتمنى المعصيه أوعي تتمني
المعصيه
الشاب ألي بيشرب مخدرات وبيعمل الموبقات ويقولك "إِنَّ اللَّهَ يَغْفِرُ الذُّنُوبَ جَمِيعًا "الزمر53
يا حبيبي طب ما إلي قال"إِنَّ اللَّهَ يَغْفِرُ الذُّنُوبَ جَمِيعًا" قاللك إن ربنا أدخل إمرأه النار بسبب هره إلي قال "إِنَّ اللَّهَ يَغْفِرُ الذُّنُوبَ جَمِيعًا"قال إن ربنا عذب إتنين في القبر بسبب إن واحد مستبرئشي من بوله وواحد كان نمام ما إلي قاللك "إِنَّ اللَّهَ يَغْفِرُ الذُّنُوبَ جَمِيعًا"قاللك
إن الله عذب واحد في قبره علشان حتة قماش غلها إن الشمله التي إشتملها
لتستعر عليه نار في قبره ياخونا أنا خايف عليكو امن المعاصي خايف عليك "وَلَيْسَتِ
التَّوْبَةُ لِلَّذِينَ يَعْمَلُونَ السَّيِّئَاتِ حَتَّى إِذَا حَضَرَ
أَحَدَهُمُ الْمَوْتُ قَالَ إِنِّي تُبْتُ الْآَنَ "النساء "18لْآَنَ
بعد أيه عمرك كله متبتش فيه ليه مكنش يقدر المعاصي منعته عارفين لما
الاسمنت يجي عليه ميه ويبقى خلاص تمثال ماعدش القلب يبقى كده صدى يا جماعه
ماعدش عارف يتحرك ماعدش قادر يغير حاجه
زي المنظر إلي الواحد شافه لأحد المدن
الهالكه من كذا ألف سنه المدينه ثار عليها بركان كل إلي فيها إتحرقو ولكن
دخلت ذرات التراب في جسمهم إتثبيتوا على الوضع إلي كانوا ميتين عليه ومنتقم
منهم فيه ناس منهم إتثبتو على وضع الزنا كل واحد في وضع والعياذ بالله وضع
في فعل قوم لوط المدينه مليانه موبقات قلت
سبحان الله القلب يبقى عامل زي الحجر ده كده يثبت هتغيروا الزاي أنا خايف
إن قلبك يشرب المعصيه يا جماعه نخاف على قلوبنا شويه يا جماعه نخاف على
قلوبنا إلي في صدورنا
دا أنا عايز أسألك أنا عايز أسألك أنا
عايز تفتح قلبك وتشقه وطلع إلي جوه وتبص فيه وتشوف أيه إلي جوه قلبك أنا
عايزيك تفتحي قلبك وتشوفي أيه إلي جوه أنا عايز نشوف إلي جوه قلوبنا
ياجماعه أنا عايز أسئلكو أسئله قلوبنا ياخونا أخبارها أيه المعاصي عملت في
قلوبنا أيه زي الرسول عليه أفضل الصلاة والسلام بيقول "تعرض الفتن على القلوب عودا عودا "
الفتن تعرض على أيه على القلوب ألاه
يعني فلانه إلي أنا بصتلها البصه متعرضتش على عيني على قلبي يعني السيجاره
إلي بنشربها إتعرضت على بقه وعلى قلبه يعني الأغنية إلي بنسمعها مش عرضت
على ودنه عرضت على قلبه "عودا عودا" وفي روايه "عودا عودا"يعني
الفتن مش هتسبنا إحنا عايشين في زمان الفتن هنهرب منها فين لازم ننجح
إمتحان ورا إمتحان ولازم ننجح فيه زي الطالب على ما بيخد شهاده الطب بيكون
إمتحن كم إمتحات 6 إمتحانات في إبتدأئي و3 في إعدادي وكم أمتحان في ثانوي
وكم إمتحان في الجامعه كل سنه كم إمتحان وكم ترم لازم ياجماعه لازم ننجح في
الإمتحانات دي كلها لازم وقلبينا هو إلي هننجح بيه بإذن الملك سبحانه
وتعالى تعرض الفتن يا ترى النقط السوده إلي دخلت قلوبنا من شفايفك قد أيه
السيجاره الوحده فيها عشر تنفاس عشر نكت سوده في كل سيجاره شعرك فيه حوالي
40000 شعره القصه بس إلي بينه دي تلاقيها 1000 شعره 1000 نقطه سوده في كل
خارجه بس إلي كشفه شعرها 40000نقطه سوده في اليوم الواحد رجليك كل مشوار
مشيته وكل خطوه بنقطه سوده على القلب طب وبعدين يا جماعه قلبنا زمانه أيه
العين والثانيه في التلفزيون بـ 16 لقطه ف التصوير يعني الدقيقه 960 نقطه
سوده يعني لو إتفرجت دقيقه على التلفزيون على مشهد حرام 960 نقطه سوده يا
جماعه ياخونا إيدينا دخلت لقلوبنا كم نقطه سوده قد أيه كم مره إتكيت على
المحمول تدي مسيد حرام كم مره إتكيت على قناه مش إسلاميه كم مره إتكيت على
بيها على موقع مش إسلامي كم مره شغلت بيها كم نقطه سوده دخلت يا جماعه كم
كلمه حرام وكلمة معازف حرام وأغاني حرام دخلت قلوبنا من خلال ودنه كل ده
قاعد يدخل من هنا ومن هنا نقط سوده والقلب قاعد يسود يسود يسود كفايه قلبك
في خطر قلبيك في خطر عايزين يا خونا نفوق حالك مع الشهوات ايه دا لما قوم
سيدنا موسى لما قارون تخسف بيه قالوا " لَوْلَا أَنْ مَنَّ اللَّهُ عَلَيْنَا لَخَسَفَ بِنَا"القصص82"
ليه علشان قالو" يَا لَيْتَ لَنَا مِثْلَ مَا أُوتِيَ قَارُونُ"الصص97
علشان إتمنو المعصيه علشان إتمنو معصية ربنا يعني تمني المعصيه دي كارثه
يعني تمني المعصيه دي هلكه في الدنيا والدين تستاهل إن الواحد يتخسف بيه
والعياذ بالله عارفين عاملين زي أيه زي كرسي فيه مسمار كل ما الواحد يجي
يقعد عليه البنطلون ينقطع يروح يخيطه ويجي يقعد عليه البنطلون ينقطع هتفضل
تنقطع بالشهوات إلي في قلبك طول ما هي موجوده طول ما هي متنزعتش طول ما هي
متخلعتش طول ما هي مطهريتش لازم نطهر قلوبنا عايزين حمله عايزين يقظه
عايزين نفوق قلوبنا يا شباب عايزين قلوبنا دي تبقى إهتمام حياتنا الأول يا
ترى قلبك عامل في الصلاه أيه حاله في التروايح أيه قلبك حاله وإنت بتصلي
المغرب من شويه كان أيه قلبك حاله في الذكر وقراءة القرآن أيه قلبك إتحرك
قد أيه السلف كان وشهم بيصفر لما يتوضو اويدخلو يصلو أتدرون بين يدي من
نقوم ياترى حب ربنا في قلبك قد أيه ياترى الشاب إلي بيقف مع البنت إلي
بيحبها في الجامعه 5 ساعات رجليه دي مبترتعيش ونص ساعه في التروايح رجليه
تقف يقولك أنا أمنية حياتي أبقى أنا وهي في مكان لوحدنا طب والخلوه مع الله
يقولك أنا نفسي هي تطلب بس وأنا أنفذ لها أي طلب تطلبه وتتمنه طب ربنا
وطلباته وأومره سبحانه وتعالى يقولك أنا بقعد مشتاق المعاد وأول ما يجي
المعاد الشوق بيزيد أكتر ولما أقابلها الشوق بيزيد إنت فرحان وإنت واقف بين
إيديه أنت فرحانه وإنتي بتتجهزي دلوقتي علشان تنزلي التروايح فرحان وإنت
رايح دلواقتي تصلي لربنا سبحانه وتعالى ياترى حال قلوبنا مع خشية الله أيه
إفتح قلبك شويه طلع إلي فيه جوه قدمك وإفضل بص فيه وشوف قلبك فيه أيه من
دلوقتي أحسن الموضوع خطر قوي يا جماعه فهما في الأجر سواء وهما في الوزر
سواء كلام خطير جدا يا جماعه خشية ربنا في قلوبنا شكلها أيه ياترى العسكري
بيقف قدم اللواء وقفه شكلها أيه طب إنت بين إيدين ربنا في الصلاه بتقف وقفه
شكلها أيه حب ربنا خشية ربنا تعظيم ربنا الشهوات "وَاعْلَمُوا أَنَّ اللَّهَ يَعْلَمُ مَا فِي أَنْفُسِكُمْ فَاحْذَرُوهُ"البقرة 235"
فَاحْذَرُوهُأنا
مش عايزيك تسيبي المعصيه أنا عايزك تكرهها أنا مش عايزك تسيبي المعصيه أنا
عايزيك تشمئزي منها تقرفي منها ترفضي إنك ترجعلها حتى لو محطوطه قدمك وجيه
أصل أنا مش عايزها خلاص يارب مش عايزه معاصي وأنا قرفانه من المعاصي
ياجماعه أنا اسألكو سؤال قبل ماخلص حلقة الليله إتعتقت ولا لسه ياترى بعد
الأيام إلي فاتت من رمضان إتعتقت ولا لسه العتق من النار فزنا بيه ولا لسه
أنا والله مش عارفه طب أنا عايزه أعرف يعني أعرفم ترددة ولا لسه إنت قرارتي
إنك تبدائي صفحه جديده مع الله ولا لسه طب إنت قرارتي تتصلحي مع ربنا
وتوبي من كل إلي فات وتسيبي كل المعاصي إلي بتعمليها كلها لسه طب إنت قرارت
خلاص هتبدأ مع ربنا وهتسيب كل حاجه وتعمل الطاعات وهتعيش حياة الدين كامله
لسه يبقى لسه يا جماعه لو لسه مقرارنش يبقى لسه والعياذ بالله قد يكون
والله أعلم الملك الجليل أعلم له في أمره ما يشاء قد يكون لسه متعتقناش يا
جماعه اليوم إلي قلبك هيتغسل فيه اليوم إلي هتحس إن قلبك إتغسل فيه وإنت
بتصلي بين إيدين ربنا وإلي هتحسي إن قلبك إتغسل وطهرونضف هوده يوم العتق من
النار عايزين رمضان يتغسل فيه قلوبنا يا جماعه الإحسان في العباده عايزين
نعبد بقلب عايزين نجيله بقلب نقوله يارب بقلب عايزين نقرأ القرآن بقلب
عايزين نصلي التروايح عايزين نصوم بقلب عايزين نعيش دين نعيش صيام نعيش
قيام نعيش كل معاني الدين يا جماعه عايزين الاحساس في العباده يا جماعه مش
عايزين العباده بتاعت الجوارح أنا مش عايز بطنك تصوم أنا عايز عينك تصوم عن
النظر الحرام ودنك تصوم عن السمع الحرام قلبك يصوم عن تمني الحرام شعرك
يصوم عن أي خصله شعر تبان أنا عايز كل حاجه فيك تصوم كل حاجه فيكي تبقى
منقطعه ومتبتله إلى الله سبحانه وتعالى في نهار وليل رمضان ياخونا كل ليله
فيه عتق من النار دا كلام خطير دا كلام خطير جدا لازم نتعتق من النار
الليله بإذن الله سبحانه وتعالى وكل ليله نجدد العتق من النار بإذن الملك
عايزين يا جماعه نعيش حياة العتق من النار عايزين نقرب من ربنا سبحانه
وتعالى عايزين ليالي رمضان تبقى أخطر ليالي حياتنا ليله واحده ممكن تغير
مستقبلك ممكن تغير مستقبلك ياشباب يوشع إبن نون لما راح
يحرر فلسطين ولاقى الشمس بتغيب قالها إنت مأموره وأنا مأمور أللهم أوقفها
علينا وقفها يارب علشان ندخل نحرر فلسطين
إحنا يا جماعه من حبنا في رمضان عايزين
نقول اللهم أوقفه علينا أللهم أوقفه علينا يارب مش عايزين رمضان يروح يا
جماعه فيه شباب دلوقتي بتتمنى إن رمضان يخلص وشاب نفسه أن السنه كلها تبقى
رمضان قلبك عامل أيه قلبك عامل أيه أيه بتخبطي في المعصيه لسه لسه قلبك فيه
شهوات لسه قلبك لما يشوف منظر وإنت معدي في التليفزيون في الشارع ولا حاجه
ولا تشوف صحبك راكب العربيه ومشغل أغاني لسه بتميل لأيام زمان ولا خلاص
خلاص ولا لسه متعتقناش يا جماعه إلى أن يشاء الله سبحانه وتعالى ياشباب
عايزين نكره المعصيه منتمناش المعصيه عايزين المعصيه دي بنا وبنها تبقى فيه
كراهيه عداء شديد بنا وبين أي معصيه لله عايزين نتمنى الطاعه يا جماعه هي
الأحلام بفلوس هي الأحلام والطموحات بفلوس سابني أتمنى الطاعه أتمنى إن أنت
ربنا يفتح الدنيا في العباده والدعوه الدنيا كلها تتمنى خير بسببك إتمنى
إنك تبقى بطل من أبطال الدين إتمنى إنك تكون صحابي ياخونا الأمنيات دي
عباده من أعظم العبادات إلي ربنا بيحبها الطموحات الدينيه والأحلام الدينيه
عباده الرسول تعبد بها لله عليه الصلاة والسلام الأحلام والأمنيات أحلامنا
وأمنياتنا يا شباب على فين يا شباب

إنما الدنيا لأربع
الشاب إلي أتاه الله عربيه لانسر ياترى إنت بتعمل أيه في الدنيا ياترى إنت في الدنيا ليه إنت بتتمنى الدنيا ليه
زكريا طلب الولد علشان يشيل الدعوه من بعده سيدنا محمد طلب المال علشان
ينفقه على الدعوه سيدنا سليمان طلب الولد علشان يجاهدو في سبيل الله الـ
100 ولد إلي طلبهم من الله سيدنا أيوب طلب الشفاء علشان الناس ماتتفتنش
علشان متقلشي إلي بيجي لربنا بيمرضه يا جماعه كلهم إتمنو الدنيا
علشان ربنا علشان الدين أنا عايز كل دنيا في حياتك على فين يا شباب على فين
ياأبي على فين يا أمي على فين يا ولدي على فين يا أمة محمدعلى كل دنيا في
الدنيا أنا عندي فلوس وأنا عندي عربيه وأنا عندي موبايل وأنا عندي شهاده
وأنا معيا لغه أجنبيه متقنها وأنا عندي مركز في الجامعه وأنا عندي عياده
أللهم أعتق قلوبنا من النار أللم أعتق قلوبنا من النار أللهم من علينا
الليله بعتق رقابنا من النار أللهم أعتق قلوبنا من النار فإنا لا نقوى لا
نارك ولا نقوى على أن نقترب منها ولا على عذبك أللهم رحمك أللهم من تكلم من
تكلم فينا ومن إستمع من إستمع إلا رجاء رحمتك فارحمنا يارب إرحمنا وهدينا
وثبتنا وأعصيمنا أن نعود إلى المعاصي وطهر قلوبنا يارب برحمتك ياأرحم
الرحمين سبحانك أللهم وبحمدك أشهد أن لا إله إلا أنت أستغفرك وأتوب إليك
جيم أفر يا شباب
إنما الدنيا لأربع
جزاكم الله خيرا

‗۩‗°¨_‗ـ المصدر:#منتدي_المركز_الدولى ـ‗_¨°‗۩‗

» أربع أمنيات لأربع نساء أوربيات
» أربع أمنيات لأربع نساء أوربيات
» إنما بغيكم على أنفسكم
» إنما نحن فتنة فلا تكفر
» إنما أشكو بثي وحزني إلى الله