خلت دموعي مثل وبل السحابي

يارجم جيتك لدوى من صوابي**من ضيقتن بين المحاني مقيمه
خلت دموعي مثل وبل السحابي**حزت طرى داري وذكرى قديمه
ياويل حالي والضحيه شبابي**يوم الوداع اللي جروحه سقيمه
كن داخل القلب الحزين الجنابي**من ساعة الفرقا ولوع الحريمه
اقفيت يدعيني طويل الغيابي**دعوة غريمن ويتمنا غريمه
جيته وخيل الحظ قدمه كبابي**وستل سيفه والعواقب وخيمه
واللي صفالي من بقايا زهابي**صوره من الماضي ونفحة نسيمه
يال العجب دنيا الشقا والعذابي**يبخل سعدها والتعاسه كريمه
تقبل ونامنها من الانقلابي**تدبر ونبكي من مصايب عظيمه
فيها الاماني مثل ضوح السرابي**نطرد وراها والنتايج عديمه
ياليتني مرتاح في صك بابي**عن هاجس الذكرى ورجوى عقيمه
لاهيب تنجبلي وشوف الثوابي**بعيون ساكنها السهر بالظليمه
اتقول عين اللي بروس الهضابي**ذيبن ترقب طامعن بالغنيمه
او ليت جرحي يوم غنيت طابي**كان المفارق مرتكبي جريمه
لكن ترى ظني بربي ماخابي**ربن رجيته رحمته من جحيمه
مما راق لى

‗۩‗°¨_‗ـ المصدر:#منتدي_المركز_الدولى ـ‗_¨°‗۩‗

» وتسألني دموعي....!