احساس خايب مالقى من يواسيه

احساس خايب مالقى من يواسيه
وشعور عاثر مالقى من يلمه
في زوبعة اضغاثي الي تحاكيه
وقت الطفوله راح واصبحت عمه
ابخص حياة العشق والي يوديه
لو هو بعيد اسمع من الناس همه
ماكنت اظن بيوم غصني يوآتيه
كنت اعتقد عندي على الميل همه
حتى رماني سهم مطنوخ راميه
من بين كل الغيد وافقت دمه
حرٍ شربني واستلذيت حاليه
حر ٍ لعينه صرت انا دون ذمه
ماعدت اميز بين حقي من التيه
وماصار يفرق طيب ناسي وسمه
واحد خطفني والمشاريه تدعيه
حتى هجوسي فيه صارت مهمه
صعبه يتوق الترف منفى امانيه
وانا نفيت الصعب واصبحت يمه
اقرب من الشعر لمواري حكاويه
واقرب من كفوفه لاطراف كمه
كف ٍيضم الطيب في بحر اياديه
وحضن ٍ يرش الديم مع كل خمه
لاتنشدون القلب لاصار مغليه
كلي رضى لو قال يابنت صمّه
بصم لو يامر والبي معانيه
عذروب خلي جاب فيني المطمه
بس القهر ماهو بخلي ومباديه
وله الفخر لاقيل ( ؟؟؟ ) امه
هو القهر اني اشوفه واسمّيه
وانا كفيفة حظ ايّست ضمه
مما راق لى

» أشتاق لأني .. أملك احساس
» احساس جميل
» احساس رهيب ......
» احساس غريب
» قالوا ان الكلام احساس