تلميع الاثاث - للحصول على بريق ولمعان - نصائح لتلميع بيتك قبل العيد

تلميع الاثاث - للحصول على بريق ولمعان - نصائح لتلميع بيتك قبل العيد
تلميع الاثاث - للحصول على بريق ولمعان - نصائح لتلميع بيتك قبل العيد
تلميع الاثاث - للحصول على بريق ولمعان - نصائح لتلميع بيتك قبل العيد
تلميع الاثاث - للحصول على بريق ولمعان - نصائح لتلميع بيتك قبل العيد

تلميع الاثاث - للحصول على بريق ولمعان - نصائح لتلميع بيتك قبل العيد
[ندعوك للتسجيل في المنتدى أو التعريف بنفسك لمعاينة هذه الصورة]
-1-
لتمليع زجاج الشبابيك والبلكونات
لو عايزة زجاج الشبابيك والبلكونات يلمع يبقى كل اللي عليكي إنك بعد ما تشيلي التراب من على الزجاج تجيبي قطعة قماش قطنية مبللة بالمية الباردة والصابون السائل وتمسحي بها الزجاج، وبعد كده تجيبي قطعة قماش تانية مبللة بالمية الباردة وتمسحي بها الزجاج، ولو حسيتي إن الزجاج مش بيلمع يبقى ضيفي إلى قطعة القماش دي ملعقة خل أو رشي الزجاج بملمع الزجاج، في النهاية استخدمي ورق الجرائد علشان تنشفي الزجاج من أي آثار للمية...
وخدي بالك من إنك تنظفي الزجاج الداخلي بشكل رأسي والزجاج الخارجي بشكل أفقي.
-2-
لتنظيف ولمعان الأبواب
هاتي فرشة وابدأي في إزالة أي آثار للتراب من على الأبواب ... وبعد كده هاتي جردل وحطي فيه مية وملعقة كبيرة صابون وهاتي ليفة أطباق تكون جديدة وخليها لتنظيف الأبواب وابدئي في مسح الأبواب بها وبعد كده هاتي قطعة قماش قطنية مبللة بالمية وامسحي الباب بها وبعد كده امسحي الباب بقطعة قماش ناشفة وده علشان تتأكدي من إن الباب نشف تماما من أى آثار للمية.
-3-
لتنظيف ولمعان الجدران
هتجيبي فرشة علشان تشيلي بها أى تراب موجود على الجدران ولو لاقيتي أي بقعة على الجدران يبقى اكتفي فقط بإنك تمسحي مكان البقعة دي بنفس الطريقة اللي مسحتِي بها الأبواب.
-4-
لتلميع السيراميك
لو عايزة تتخلصي من أي آثار للبقع اللي بتكون موجودة على البلاط أو السيراميك يبقى هاتي فرشاة خشنة وبليها بالكلور والمية وادعكي بها البقع دي أكتر من مرة كويس وبعد كده امسحيها بالمية المضاف إليها صابون سائل وهتشوفي الفرق بنفسك.
5-
لتلميع خلاطات الحمام والمطبخ والأحواض والبانيو
[ندعوك للتسجيل في المنتدى أو التعريف بنفسك لمعاينة هذه الصورة]
من ضمن المشاكل اللي ممكن تقابلك مشكلة انطفاء لمعان الخلاطات الإستانلستيل وفي الحالة دي يبقى هاتي ليفة خشنة أو قطعة قماش صوف وحطيها في صابون أو أي ملمع للحمامات وابدئي في دعك الخلاطات بها وبعد كده اغسلي الخلاطات كويس بالمية.. لو الطريقة ماجابتش نتيجة ممكن إنك تمسحيها بقطعة قماش مغموسة في خل أو زيت طعام وبعد كده تغسليها بالمية والصابون.
وبالنسبة لتنظيف البانيو والأحواض نفس اللي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا..
-6-

للتنظيف ولمعان المرحاض
بالنسبة لتنظيف المرحاض يبقى يا ريت إنك تحطي في المرحاض ¼ كوب (كلوروكس) وتسيبيه لمدة ساعة وبعد كده تجيبي الفرشاة الخاصة به وتدعكيه بها كويس وبعد كده اشطفيه كويس بالمية ده للجزء اللي جوه وبالنسبة للجزء الخارجي نظفيه بنفس الطريقة اللي نظفتي بها البانيو.
-7-
لتلميع النجف والكريستال
[ندعوك للتسجيل في المنتدى أو التعريف بنفسك لمعاينة هذه الصورة]
لو عايزة النجف يلمع كأنك لسه شرياه يبقى هاتي قطعة قماش وبليها بالمية الدافية المضاف إليها معلقة خل وامسحي بها النجف.
لكن لو عايزة تلمعي قطع الكريستال الصغيرة يبقى ممكن إنك تنظفيها من حين لآخر بالكحل المستخدم لتنظيف الجروح.
-8-
للتخلص من البقع الموجودة في قماش الستائر والمفارش القطن
[ندعوك للتسجيل في المنتدى أو التعريف بنفسك لمعاينة هذه الصورة]
لو عندك بقع صعبة في قماش الستائر أو المفارش القطن اللي عندك ومش عايزة تتطلع يبقى ضيفي معلقة من "النشادر" إلى المية اللي هتغسلي بها الستائر أو المفارش وعلى فكرة "النشادر" مش بس هتطلع لك البقع اللي فيها لأ دي كمان هتحمي المفارش القطن اللي عندك من الكرمشة ..

واوعي تعصري الستائر أو الأقطان اللي بتغسليها لأن ده بيخليها تتكرمش زيادة على اللزم وبيأثر على نسيجها.
-9-
للتخلص من البقع الموجودة على رخامة المطبخ
[ندعوك للتسجيل في المنتدى أو التعريف بنفسك لمعاينة هذه الصورة]
لو كانت عندك رخامة المطبخ لونها أبيض وحاسة إنه بدأ يتغير ويميل إلى الاصفرار يبقى كل اللي عليكي إنك تدعكيها بعصير الليمون مع إضافة شوية ملح ناعم إليه وبعد كده امسحيها بقطعة قماش مبللة بالمية.
-10-
للتخلص من بقع الماكياج من على السجاد
[ندعوك للتسجيل في المنتدى أو التعريف بنفسك لمعاينة هذه الصورة]
ساعات كتير وأنت بتحطي ماكياج بيقع منك على السجاد وعلشان تتخلصي من البقع اللي زي دي يبقى رشي البقعة دي بملمع الزجاج "هتلاقيه في السوبر ماركت" وبعد كده هاتي فرشاة الموكيت أو السجاد وضيفي إليها مية وصابون وادعكي بها البقع دي كويس وبعد كده نشفيها بفوطة صغيرة ناشفة.
-11-
لتنظيف الجلد
[ندعوك للتسجيل في المنتدى أو التعريف بنفسك لمعاينة هذه الصورة]
ابقي استخدمي "شمع النحل"، وهي مادة متوفرة ‏بشكل سائل خاص بالمفروشات وامسحي بها أي حاجة جلد عندك، وبعد كده امسحي الجلد بفوطة ناعمة جافة وعلى فكرة المادة دي بتنظف وبتحمي الجلد من التشقاقات.
12-
لتلميع الزجاج
لو عايزة تلمعي أي حاجة زجاج عندك في البيت يبقى ادعكي الزجاج بفوطة مغموسة بعصير ليمون وبعد كده نشفيها بمنديل ورق وبعد كده امسحيها بورق جرائد مبلل ..
ولو عايزة تتخلصي من آثار أي خدوش على الزجاج يبقى ادعكي مكان الخدوش دي بمعجون الأسنان وهتشوفي النتيجة بنفسك.
وفي النهاية أحب أقول لك إن اهتمامك بنظافة البيت أول بأول هيخليكي في غنى عن كل المشاكل دي..

ولو عايزة ريحة بيتك تبقى حلوة على طول ممكن إنك تغمسي قطعة قطن بأي زيت عطري وتحطيها داخل المكنسة الكهربائية وبكده كل مرة لما تيجي تشغلي المكنسة هتلاقي إن المكنسة بتطلع ريحة حلوة والريحة دي هتنتشر في البيت كله...
وبكده تبقي نظفتي بيتك واتخلصتي من كل البقع الموجودة .

تنظيف بقع الملابس - اسهل طريقة لتنظيف البقع بكل انواعها - نظفي البقع بكل سهولة ويسر

تثير البقع على الملابس كثيراً من المشكلات للمرأة ,خصوصاً إذا سقطت على الملابس غالية الثمن.
لا تقلقي فلكل بقعة حل, ما عليك سوى أن تتبعي التعليمات التالية:
* استعملي قطعة من الصوف لإزالة البقع من الأنسجة الصوفية ,وقطعة من التيل للبقع على الأنسجة الأخرى, ولاتستعملي الأنسجة الصناعية لإزالة البقع من أي نوع من القماش.
* أغلي الماء ثم برديه قبل ان تستخدميه في إزالة البقع حتى تتخلصي من الأملاح التي قد تترسب على الأنسجة.
* لاتستعملي الكحول أو الماء الذي تزيد حرارته على 40 درجة لإزالة البقع من الحرير الصناعي.
* استعملي بودرة التلك على الأنسجة قاتمة اللون, ولا تستعملي الخل أو حامض الخليك او الأستون على الحرير الصناعي.
* أزيلي البقعة من ظهر النسيج أولاً, وكلما كانت البقعة حديثة سهلت إزالتها.
* بقعة القهوة والشاي.. يمكنك إزالتها إذا كانت حديثة, بغسلها على الظهر بالماء البارد (أو المغلي إذا كانت الأنسجة تتحمل درجات الحرارة العالية), وإذا بقي للبقعة أثر فانقعيها في قليل من الجلسرين لمدة ساعة , ثم اغسليها بالماء البارد او الساخن حسب نوع النسيج.
* إذا كانت البقعة قديمة فانقعيها في ماء دافىء وبوركس بنسبة ملعقة كبيرة الى كوب ماء وكرري العملية حتى تزول البقعة تماماً, ثم اغسلي الملابس حسب نوعها.
* بقع الدم القديمة تزال بنقع الملابس في ماء مضاف اليه الخل بنسبة ملعقة كبيرة الى لتر ماء, ثم يضاف اليها باكو من "اليسين" ويشترى من الصيدليات ويترك حتى تزول البقعة.
* أما إذا كانت بقعة الدم جديدة فاغسلي الملابس بالماء البارد ,أو الماء بالملح بنسبة ملعقة كبيرة للجالون.
* إذا لصق اللبان (العلك) بفستانك فضعي فوقه قطعة ثلج فيجمد اللبان ويرفع بمنتهى السهولة, ويزال الأثر الباقي على الأنسجة بفركه بالأستون.
أما الحرير الصناعي فيزال أثر اللبان منه بفركه بقطعة من لباب الخبز الأفرنجي.
.

خطوات وإرشادات:
غرف النوم:
بعد الاستيقاظ من النوم.. افتحي نوافذ الحجرات بالمنزل لتهويتها ولتجنب انتشار حشرات الفراش (وهي حشرة دقيقة جدا لا تُرى بالعين المجردة) التي تتوالد في المفروشات بأنواعها مثل الستائر وموكيت الأرضيات.
ثم بعد أن تتم تهويتها: عطري وسائد الرأس على الفراش والمواضع الأخرى بقطرات من العطر من النوع الفوّاح لينتشر الشذا في معظم أرجاء غرفة النوم.
* غرفة المعيشة (ميدان الأسرة!):
يمكن وصف غرفة المعيشة بحق بأنها الميدان العام لأفراد البيت! فهي أكثر ما يزعج ربة المنزل، للحاجة المتكررة لترتيبها.
بداية.. احرصي على عدم الإكثار من قطع الأثاث فيها، إلا الضروري.
ثم أشركي أفراد الأسرة معك في الاعتناء بها، وضعي قواعد لذلك، مثل تحديد أماكن لوضع الأغراض المختلفة، ورفع بقايا المائدة أولا بأول عقب كل وجبة.
وعدم خلع الملابس بها وإلقائها بشكل عشوائي! إلى غير ذلك من القواعد التي تحقق بالوقاية ما هو خير من العلاج المتكرر لأوضاع الغرفة المضطربة!
* غرفة الضيوف (الصالون):
من المهم للغاية الاهتمام بجاهزية غرفة الضيوف لأي استقبال طارئ أو مفاجئ. فاحرصي على ذلك ولا تتهاوني حتى تقع المفاجأة المحرجة!
مع الحرص أيضاً على تركها مغلقة بعد ترتيبها.. بعيدا عن عبث الصغار؛ لتكون مهيأة دائما لاستقبال الضيوف؛ دون حاجة لترتيب متكرر!
وانتظري في الحلقة القادمة مزيدا من الإرشادات مع بقية الأركان في منزلك العامر.

» نصائح مهمة قبل شراء الاثاث
» نصائح للحصول على صدر جميل
» 5 نصائح من خبراء التغذية للحصول على الوزن المثالى
» 7 نصائح للحصول شفاه وردية بدون مكياج
» صور كباش عيد الاضحة مضحكة - صور خرفان العيد مضحكة - اروع صور لكباش العيد - صور لكباش العيد تموت من ا