كان نفسي أكون فارس

كان نفسي أكون فارس
كان نفسي أكون فارس
كان نفسي أكون فارس

نفسي لبر أوصَلِك يا ريت موجة
تكون جامدة وتدفعني لبر أمان
أكيد هوصل وهعدل رايتك العوجة
كان نفسي أكون فارس
وبجروحك أنا حاسس
وامد الإيد وطبطب لك
بإيدي هسندك واقفة
وقلبي ملاكك الحارس
كان نفسي أكون فارس
تشاوريلي دانا إبنك
راضع نيلك شارب شهدك
ويوم الحشر هشهدلك
وهطلُبْ إني أرجعلك
أعمَر جنتك خضرة
علي ترابك سقط راسي
ولحمي إتربَي من خيرك
مفيش غيرك في إحساسي
بجد بقول مفيش غيرك
وحضنك لمتي الدافية
شيطان من نبتك إتفرعن
تغره الصحة والعافية
ودار بشماله ويمينه
يعكَر مَيِتِكْ صافية
ونفسه يجيب لك الكفية
يكعبل حتي رجليكي
يولَع في اراضيكي
وانا بقلبي أراضيكي
هقاوِمْ شرُه بالعافية
وهمنع مكرُه بالمرة
غزلْت طاقية فوق راسك
وبرنيطة كما الخوجة
ومين عاندِكْ هَشَبْشِبْ له
ولاد فراطيس ومحروجة
وانا جُندك صاين أرضِكْ
وهَكْفي ولادِكْ الحُوجة
كان نفسي أكون فارس
مما راق لى

» ومن أكون ؟
» لا تسألني من أكون
» لاأعرِفَ مَن أكون على الكرخى
» بحلم أكون ... إنسان
» كل منايا أكون وياك