رجاله خايبة!!!

رجاله خايبة
انا عايزه عريس ميكنش خبيث ولا يعرف حتي معني التهيس

ميكنش تقيل ولا حتي بخيل ولا يشغل بالي من التفكير

ميكنش جعان ولا يوم شبعان ولا حتي في ورث ابويا عشمان

ولا يربط حاله برزق عياله وينسي مراته وينسي حياته

وان مد ايده عليا اقطعهاله وان شد شعري شوية هسيبهاله

وان حتي فكر يتعبني انا عندي بردو اللي يقويني

وان مرة فكر يقتلني هديلو بالبوكس في عينو

رجاله خايبة وعايشة عوالة نايمة في البيوت وتقول في بطالة

عالنت قاعدين وفي الشات مبهورين

وعالبنات ملهوفين علي ايه خيبتكم يا مساكين

شباب تعبان عايش غلبان عمال يمثل عالتوهان

وبياكل لبان وعامل فندام وهو في الاصل شباب جبان

مش عايزه عريس يكون كييف بيشرب خمرا وياكل بيف

ولا عايزه سجارة ولا شغل نجارة ولا حتي يقولي علي فين يا سمارة

يعمل سي السيد بره البيت ولما اطلب منه فلوس يعمل فيها راجل منحوس

ويقول منين دنا حتي مفيش في جيبي فلوس وشكلي كده هموت مفروس
مما راق لى

» بلا رجاله بلا خيبه شعر سجال بالعامية بين الشاعرة فاطمة عجيبة وبين الشاعرة الغنائية رضا عبده