ندمانه!!شعر مصرى حزين

ندمانه!!شعر مصرى حزين
ندمانه!!شعر مصرى حزين

كنت فاكره إنك راجعلى زى أى مره فاتت..

ماأفتكرتش يوم تسيبنى وتعتبرنى واحده ماتت..

قولت ياما إن اللى بينّا أقوى وأكبر م الدموع..

ماأفتكرتش مره كنّا مش ح نقدر ع الرجوع..

كنت فاكره إن ليا حاجه عندك..

حاجه أقوى وأغلى من آساك وعندك..

كنت فاكره إن فيا شىء يشدّك..

وإن تأثيرك عليا وهبنى ودك ..

أتاريك ضاحك عليه بوهم حبك..

كنت موهومه بغرام غمض عينيه..

كنت عايشه بعشقك ..وبحسن نيه..

ماأفتكرتش لحظه واحده..

ييجى يوم وتجور عليه..

ماأفتكرتش أبقى واحده..

مش حبيبتك.. وأنت ليه..

كنت فكراهم يومين..زى عادتك من سنين..

تنسى..تغضب..آجى أصالحك..يظهر الشوق والحنين..

مش أقول إنى بحبك..

وإنى ندمانه إنى سيبتك..

وأبقى فاكره إنى وحشتك..

لكن ولا ترمشلك عين..

حبك فيا وحسن النيه..أسباب كل عمايلك فيه

» قلبي حزين مجروح شعر حسني جاد
» اخترتك وانا مش ندمانه!!
» شعر حب مصرى شعر غزل قصيدة حب كلمات حب
» اروع زجل مصرى عن شهر الصيام
» ذكريات الطفولة- شعر مصرى