نصائح للعروسة نصائح رائعة للعروس

السلآم عليكم ورحمه الله وبركاتهه
نصائح للعروسة نصائح رائعة للعروس
نصائح للعروسة نصائح رائعة للعروس
هآذي نصايح مرا استفدت منها طبعا جمعتها من امكان كثيره
المهم انو حبيت تستفيدو ي العرايس مثل م انا استفدت وان شاء الله يكون شامل
وم ابي منكم الا دعواتت في ظهر الغيب ومن قلب صادق
واتوقعع مستحيل تطلعي من هنا الا وانتي مستفيده لو معلومه وحده ع الاقلللل
ايوه ولاتنسو اللي كتبوا النصايح من دعواتكم
ويلا نبدأ
بسم الله
نصيحه لكل عروس وغيرها جربي على نفسك رسمات عين مختلفه وانواع مكياج حتى تتدرب يدك و تتفادين الاخطاء التي نقع يها دائما وبرائي عندما تعملين مكياج التقطي صوره لك بكاميره الديجتل لتري نفسك بأشكال مختلفه وعندها تقريرن ما يصلح لك
الطبخ ضروري جدا اهم شئ تتعلمين الاساسيات كعمل الرز والمكرونه وانواع من السلطات والحلويات
وعموما هناك بعض الاكلات يمكن عملها ووضعها في الفريزرفهذه تفيد وتحل ازمات >>>>>>>> فترة بقائك في بيت اهلك اجعليهم حقل تجارب لطبخك ولن تخسري ابدا

اذا قارن زوجك وبين غيرك انهم افضل منك خصوصا اذا كانوا اكبر منك في العمر فردي بكل بساطه (الانسان يتعلم شوي شوي ولو سمحت انا ما قارنتك بأحد فلا تقارني بأحد لكل انسان شخصيته المستقله)...... وكلامي هذا لايمنع من اخذ نصائحه وانتقاداته لك ففي نصائحه لك فائده بأن تتفادي ما يكره وتعملي ما يحب والمثل بالمثل اي من الواجب عليك ان توضحي له ما يعجبك فيه وما لا يعجبك بطريقه السحر الحلال مثلا لوكنت في منزل اهله وضايقك بكلام لا تردي عليه امام اهله بل انظري اليه نظره حازمه دون اي كلمه وعند عودتك اشرحي له الموضوع بكل هدؤ وبهذا تصل الفكره دون خصام والرابح دائما من يستخدم لغه الحوار الهادئ >>>>>> شكلي طلعت عن الموضوع

فيه شئ مهم قبل ما انساه حاولي بقدر الاستطاعه ان تكون ملابسك الداخليه بلون واحد ان لم تكن اطقم

قبل السفر لشهر العسل اكتبي قائمه بالاغراض الي لازم تأخذينها والقائمه هذي تكتب على ايام يعني كلما ذكرتي شئ اركضي اكتبيه

*
واهم شي تسويه الحمام المغربي او التركي قبل زواجها بيومين او ثلاثه واهم شي انو يكون قبل ما الوحده تحف جسمها بالحلاوه عشان لما تسوي الحمام المغربي تطلع كل الوساخه من المسام ولما تشيل بالحلاوه تشيل كل شي ما قدر عليه الحمام المغربي او التركي وراح تصير بشرتها مثل الحرير عشان لما تكون بشهر العسل تكون راضيه من ملمسها

*
انصح اي وحده مافي داعي انها تقلق وتشيل هم ***** الله كل شي يتيسر ولاتسمعين لزميلاتك لمن يهولون الامور ترى كل شي بسيط وعادي بس انت خليكي ريلاكس وهاااااااااديه وتوكلي على الله ومن توكل على الله فهو حسبه المهم بالنسبه لترتيب الفرح انا انصحك انو كل شي يكون مرتب وجاهز من قبل اسبوع على الاقل واسبوع الفرح خليكي مرتاااااااااااحه واهتمي بنفسك ونامي كثير واذا ماجاك نوم خذي دوا كحه عشانه ينوم ههههههه ترى امزح المهم ابعدي عن الاظافر الصناعيه والتسريحه اللي مليانه بنس لانك بتقعدين انتي وعريسك تفكفكون فيها ساعتين وقبل ماتبدؤن سهرتكم الساحره انتي والعريس لاتنسون تبدأون بركعتين لله تعالى وانو الله يوفقكم ويسهل اموركم ويحببكم في بعض وادعي اللي خاطرك ياغاليتي واهم نصيحه لاي عروس انها تبعد عن المنكرات في يوم حفلتها وتحيهيا بما يرضي الله لانها اول ليله في العمر وحلو انها تكون بدايه صح ميه ميه وبعدين اقول لكل عروس لاتتكلفين في يوم عرسك وتجعلين عريسك يتدين عشانك انا اقترح انو بدل ما تسرفين فلوس عريسك في ليلة الفرح استغليها في شهر عسل وسافروا او دلعي بيتك لانك انتي وعريسك اولى بالفلوس من الناس واللي يرضي الناس يتعب كثير لان ارضاء الناس غايه لاتدرك واعذروني طولت عليكم بس اتمنى الاستفاده والله يوفق الجميع ولاتنسوني من الدعاء .
******
بدايه التجهيز وماأدراك مالتجهيز حوووسه للراس قسم بالله اني ليوم الزواج مرسله بنت خالتي تشتري لي شي من سوق من الحوسه بس
بالنسبه للمكياجات لا تصيرون مثلي ترى انا مره ندمانه الان على الاشياء اللي شريتها كل المكياجات اللي شريتها ماركه قسم بالله راح ربع المهر على مكيااااااااااااااااااااااج فقط طبعا قمه الدلاخه والسباهه فانصحكم يابنات مو لازم ماركات كلها مثلا عشان الايام العاديه وعشان مايشوفك ابو الشباب:
إلا وانت في احلى طله طبعا طله طبيعيه عندك ميك اب ميبي لين اللي على شكل موس مره مره مره حلو ويعطي شكل طبيعي وطبعا سعره مره ممتاز تقريبا 50 وحجمه صغير ممكن ينحط في شنطه اليد احتياط في الخرجات
مكياج السهرات عادي اشتري ماركه جربي جريلان او شانيل بس اذا حابه تسمعين نصيحه انا اشوف ديرما كول تغطيه مره مره ممتازه وطبيعيه
حلو يصير عندك لونين اساس واحد على برونز وواحد اللي يناسبك عشان التغيير في الطله
البلاشرات والله انا اشوف بلاشرات برجواز مره مره حلوه خذي لك الوان حلوه 3 او 4 الوان بالكثير يعني مشمشي وزهر ودرجه برونز وبس ترى اللي على احمر وبني وفوشي مره ماهي حلوه ومتصنعه وحنا نبي شي شوي طبيعي وبعدين ترى ذا الالوان الرجاجيل مهنا زود عليها ومن تجربه
المسكارا ماكس فاكتور مره مره حلوه وجربي هلينيا روبنشتاين بعد حلوه للسهرات ونصيحه خذي الشفافه من بودي شوف لمظهر طبيعي عند زوج المستقبل
كثري من القلوزات تراها حلوه كمظهر طبيعي وسهره بعد ونصيحه بعد ترى والله مهوب لازم ماركه لان عند البودي شوب وستي بلازا قلوزااااااااااااااات جنان وانا من تجربه لقيتها احلىىىىىىىىىى من اي ماركه بصراحه قسم باللله
الشدوهات عندك لوح الشدو اللي يصير فيه كذا لون في مطفي وبلمعه بعد ومايكلف علبتين تقريبا ب100 ريال ولا تضيع فلوسك على شدوهات ماركه وهي نفس الشي
كثري من البودرات المعطره والشور جل وخلي استخدامك من العطور في اوقات معينه لان البودرات المعطره تعطيك ريحه مره حلوه ولاهي قويه تزكم بالخشم جربي بودرة الجسم من زهور الريف بريحه الشاي الاخضر وخذي عطرها بعد وجربي بودرة دهن العود من اجمل بعد مره حلوه وعاد يكثر البودرات اللي ريحتها حلوه
عطورك نصيحه خليها دائما الحجم الصغير مهوب بخل لا بس عشان يناسب حجم الشنطه وترا مصيرك تشترين وقريب بعد يعني بتشترين بعد الزواج بتشترين
اشتري فواحات وشموع وشمعدنات هالحركات ترى إذا راح جهازك للبيت وشافها زوجك قال وشذا الرومنسيه :llove
في مكياج شفته مره في صيدليه مستشفى دله يوم اني حامل الصيدليه اللي برا هالمكياج مايروح إلا بمزيل معه حلو للسيقان واليدين يعطيها لون واحد إذا لبستي قصير ولا شورت وكان عندك كم لون مالهم داعي ولا فيه تناسق تسوي تناسق للون ======== طبعا راحت على ولا شريتها يوم اني عروس مادريت عنها على فكره وللامانه انا ماجربتها بس قالت لي اللي في الصيدليه انها حلوه روحوا شوفوا عاد
خذي احتياطك في الفوط الصحيه نصيحه لله ترى قسم بالله يوم جتني الدوره في شهر العسل طاح وجهي قلت لابو الشباب تكفى ابي الصيدليه قام عاد وقعد يتليكع ليش وش عندك قولي لي واشتريه لك انا زوجك عيب عليك وعليها لين كتبتها له في ورقه وحلفته مايقراها الا في السياره من الفشيله قسم بالله كنت خبله
الملابس الداخليه طبعا احلى شي تكون فخمه واطقم يعني شغل قص ولزق ماله داعي خلي كل ملابس الداخليه اطقم ترا احلى واكشخ وفي ترى عند نعومي شي لصف وترتيب الملابس الدخليه يجي قطعه قماش ستان من ظهره وبلاستك شفاف في الوجه وبسحابات مقسم لكذا قسم لترتيب ملابس الداخليه وممكن تعليقه في الدولاب بصراحه مره مره حلو
اذا جتك الهدايا لا تفتحينها إلا معه في بيتك الجديد ترا حركه حلوه بصراحه انا ماسويتها بس وحده من زميلاتنا سوتها رتبت طاوله وحطت شموع وكم حركه وجمعت الهدايا بكروتها وفتحتها معه
حركه حلوه كمان انك تجيبين لزوج المستقبل هديه حلوه مغلفه بطريقه حلوه === عاد برضه هاذي راحت علي
وش بعد وش بعد يافتو
ايه في عند محل ابو ريالين اللي في البديعه بودره بعشره ريال بودره سائبه فيها لمعه مب طبيعيه مره حلوه ورخيصه عشان تلمعين جسمك للبستي قميص نوم ولافستان سهره هاذي جابتها لي وحده قسم بالله ماتقولين من ابو ريالين يعني اشتري خمس ولا ست علب وحطيها في علبه فاضيه شكلها حلو تصير والله كانها بودره ماركه خاصه احنا بنستخدمها للجسم بس فمامنها مضره ان شاء الله ولا اقولكم اشتروا بودره جونسون وحطو عليها شوي ملمع اللي ينباع عند محلات المكياج الناعم وخليه في علبه ومتى مابغيتي استخدميه لأنك بصراحه بتستخدمين هالحراكات واجد عزايم على لبس بيت يعني خابرين عاد انتم
ايه بصراحه انا بعد غلطت في شي كثرت ملابس الخرجات على ملابس البيت وبصراحه ملابس البيت اهم لأنها هي الشي اللي بيشوفه زوجك عليك يعني مهوب كل شي قمصان ننوم لا في ملابس تلبسينها في الضحى في العصر في المغرب قبل الطلعات فكثري منها وترا عند ستي بلازا حركات حلوه
كثري من الاكسوارات الناعمه الاستراسات على سلاسل البطن على الخلاخيل اللي في الرجول ترى هاذي اشياء تلفت النظر بالنسبه للرجال مو لازم اكسسورات فخمه وعقود واساور لا وترى اكسوراتك وانتي بنت ترا حلوه بعد تاخذينها معك مهوب لازم كلش جديد خذوها نصيحه
وش بعد وش بعد يافتو اممممممممممممممممممممممممممممم مممممم
بصراحه في حاجه بعد ماسويتها بنات ترى شيل الوجه والجسم بالليزر اريح واحسن وانعم وافضل وهذا من تجربه زميلتي تقول خلاااااااص مرتاحه كلها جلستين وارتحت مره
بعد نصيحه إذا زواجك قبل شهر سوي حمام مغربي كل اسبوع مره وقبل الزواج بيوم شيلي جسمك كله لأن الحمام المغربي مره مره مره حلو ينعم ويفتح ويشد مهم عاد هذا الحمام مره مهم
الجزم لا تكثرون منها يابنات لأنها بتقعد على قلبك والله شوفي مليت دولاب الجزم اكرمك الله وهالحين وديتها للمبره قسم في شي مالبسته بس شفاحه شريتهم ...
بعد شي مهم قد قالت عنه الاخت سديم الله يسعدها وهي كانت صادقه فيه لا تجيبين الجهده في التمكيج لانك بعد كم شهر خلاص بتملين يعني خليك نعووووووووووومه حكل على ماسكرا وقلوز زهر ترى هاذا اللي يحبونه وحافظي على بشرتك وتغذيتها وتنظيفها والعنايه بها وبشره جسمك بعد والتزين خليه في اوقات معينه يعني في البيت على خفيف في الوقت الخاص دعجي العيون أذا طلعتي تتعشين تزيني عشان مايبقق عيونه في البنات
الزبده في هالموضوع لا تجرين ورا الماركات في كل شي زي ترا والله في اشياء مره حلوه مره حلوه ولاهيب ماركه والفلوس اللي تزيد عندك وفريها اكثر في الاهتمام بصحه بشرتك بعمل كورسات لها في مراكز متخصصه عشان تطلع احلى ىىىىىى بشره ولا خليها للمراكز اللي عندهم عمل اقنعه الطحالب للجسم كله ونظام تنعيم الجسم وشده بالاجهزه لأن هذا الأهم وهاذي نصيحه

خوذي بعد معجون اسنااااان و3 فرشاة للاحتياط اما تضيع او شي

وخوذي موووس للحالات الطارئة اذا كنتي مستعجلة اسرع لك واسهل

ولاتنسين الحلاوة او الماكينة اللي انتي مرتاحة عليه لان في ناااس تطول

بشهر العسل ومو معقولة هات جيب وخصوصا ها الاموووووووور

وخوذي معك مبخره صغيره وفحم سريع الاشتعال <<بس انتبهي لاتوليعين بـ

وطبعا بخور علشان تبخرين و بعض الفنادق والشقق ريحته ماهي حلوه فتبخرينها

مزيلات العرق هذي مهمة خوذي لك 2اما يضيع او شي يمار به سبير

طبعا الاغلبية من المتزوجين يروحون عمره فلازم تكونين عارفة كل شي عن العمرة

من .......................الى الاخر مو تصيرين داااااجة ماتعرفين شي

وحبووب لوجع الراس ..وفوط صحية لتشرف الي ماتتسمى وانتي .....

وبطاقات اتصال ..وشحن واللي جواله مقطوووع تسدده

*******

(الخلخال)وما ادراك مالخلخال هذا اقوى مؤثر للفت انتباه الزوج لاتخلين رجولك من دون خلخال حتى مع القمصان ولا العطر.......
وخمريه الشعر اللي هي العطر الخاص بالشعر لازم تحطينه بشعرك علشان اذا تحركتي او تدلعتي بشعرك او حتى مخدتك تصير ريحتها مميره وعلشان اذا دخلتي المطبخ وطلعتي مايلبق ريحت الطبخ في شعرك ممكن تتعرضين لضمه مباشر بعد خروجك من المطبخ وتلاقين ريحت شعرك روعه...

********

: وخل وياكم دهن عود بشنطتكم احلى شي مع علك من جميع النكهات بعد الاكل وقبله

ومناديل معطره للايدي ومناديل تنظيف مكياج عالسريع ومناديل معقمه للمناطق الحساسه في
: عطورات الشعر مهمة جدا اذا جت الوحدة تتدلع وتتغنج وتتحرك ويشم زوجها وااااااااو
فيه خلطة يمدحونها البنات هنا اسمها العروس من نكتار
برضو خمرية القرشي وأجمل
ونبخره بالعود طبعا مانستغني عنه

******
خذي معك ملين بسيط او اطلبي عصير منجا فيه وحده ابتلشت بالمسااااااااااااك
جاها شديد وهي مستحيه مررررررره منه المهم سوتها بعد اربع ايام من زواجهم وصارت ريحة الحمام والغرفه عدممممممم خذو معكم ديتول علبة صغيره ومعطر الفم الي يكون اقراص اوراق اصغر من البخاخ وحلو بنكهات وخفيف تحمليه بكل سهوله

******

نبدي بالجسم.... لازم تكون البنت على طول نظيفه حتى لو كان زوجها ما يهتم بنفسه حيل ومو من النوع اللي يحط عطوووور .... لازم اهي تحط انواع حلوه من العطور والبخور والبودرات انا انصحكم في بودره شانيل للجسم صراحه حلووووووه انا خذيتها بشهر العسل وكانت تعطي جسمي ريحه حلوه
والاظافر لازم تنقص على طول او تترتب للي تبي تطول اظافرها ويستحسن بعد صبغ الاظافر بألوان يعني كل يوم لون غير علشان يحس انج تحبين تهتمين بنفسج

ثاااااااااني شي الشعر .... لازم تمشيط الشعر على طول وغسله علشان يكون نظيف وريحته حلوه خاصه بالصيف يعرق الشعررررر .... وبعد اختيار شباصات حلوه وملونه للشعر واكسسوارات للشعر او تيجان كريستال ( حلووووووووه حيييييييل )

ثالث شي المكياج .... اذا الزووج ما يحب المكياج حاول تحطين اشياء ما تبين بس تخلي شكلج حلو بس من غير لا يتضايق بس اذا يضايقه الموضوع اتركي المكياج !!!!!!!! وحطي كريمات مرطبه للوجه
واذا يحب المكياج حطي المكياج اللي ما يخرب شكلج ويكون مناسب لج ولا تغامرين بخطات مكياج جديده جدامه ( امامه ) لانه يمكن يطلع شكلج مو حلووو ويضحك عليييج

رابع شي الملابس .... اهم شي تعرف البنت الملابس اللي تصلح على جسمها وتكون مناسبه .... حتى لو كانت البدله حلوه بس مرات ما تناسب البنت فلا تشترون الا لما تتأكدون ان الملابس مناسبه لكم ولازم تكون ريحه الملابس معطره وحلوه

خامس شي الاكسسوارات .... احلى شي الحلق والخواتم والساعات واكسسورات القدم والعقوود الناعمه اذا كنتي بالغرفه معاه اما بالمناسبات عااااااادي الاكسسوارات الفخمه والبارزه ....

والاحذيه نوعوااا فيها يعني ناعمه وكشخه وكعب عالي وكعب منخفض

ولا تنسوون اللمعه مالت الجسم تراها حلووووووووووووه خاصه على قمصان النوم

والعدسات

وتنظييييييييف الاسنان بصوره مستمره

وتغييييييير الملابس الداخليه بصوره مستمره والتأكد من نظافتهم على طووووول

يعني اللي تبي تتزوج تكثر من الملابس الداخليه لانها راح تتغي رباليوم مرتين تقريبا
التوقيع
إضافة تعليق ...
الصورة الرمزية سيزا
سيزا

عضوة
تاريخ التسجيل: 19-04-1436 هـ المشاركات: 105
05-05-1436 هـ, 07:51 مساءً
اهم اهم اهم شئ حياتك الخاصه بينك انت وزوجك يجب ان تكون كتاب مغلق بمفتاح لا يعلم مكانه غيرك فلنفرض ان لديك سؤال خاص وتبحثين له عن جواب لدى اقاربك فليكن سؤالك وكانه عن صديقه لك او سؤال قرأتيه في المنتدى

التجمل للزوج يكون باستمرار حتى بعد سنوات الزواج الاولى لأنه من والواقع نشوف الأغلبية يتزينون في بداية الزواج بعدين يبدون ينسون أنفسهم لكن حاولي تكونين حلوة في نظر زوجك لآخر العمر ولا تظنين انه مايلاحظ لأنه مايعلق (الرجال يلاحظون كل شي بس مايتكلمون) مع الحرص ان يكون التجمل في حدود متفاوته حتى لا تكوني مطالبه بالتانق حتى في اصعب حالتك كالتعب والانشغال ( هذا من تجربه )

اعود للكلام عن النظافه الشخصيه هناك بعض الاجسام تحتاج الى اهتمام اكثر من الاخرى بالاخص صاحبات البشره الدهنيه ( وللمعلوميه البشره تطلق على كافه الجسم وليس الوجه فقط ) فنصيحتي للجميع عمل تفريك للجسم اسبوعيا وليس بالضروري خارج المنزل فيمكن لي واحده عمل حمام مغربي او وضع الطين البحري لكافة الجسم اواقل شئ فرك الجسم باليفه والصابون اهم شئ ان الفرك يفتح المسام وينضفها ويقضي على الروائح الكريهه التي يفرزها الجسم .... بعدين عاد افركي جسمك بالمسك والوشن ضروري بعد الفرك وبمكانك بشر المسك الجامد بالبشاره العاديه اصغر فتحات في البشاره وخلطه مع اي كريم تستخدمينه وشوفي الريحه ايش راح تكون..........
بعض البنات تكون ملابسها الداخلية نظيفه خارجيا او تكون لابستها لبس خفيف وترجع تلبسها مره ثانيه بعد الاستحمام ما تدري الن الرائحه عالقة في الملابس يعني كانها ما سوت شئ ولو تحلف انها مستحمه ما احد راح يصدقها

على طاري المسك فيه حركات مره حلوه جيبي المسك وابشريه بعدين جيبي لك قماش شيفون واعمليه اكياس صغيره واحشيها بلمسك المبشور وحطي الاكياس في دولابك وبين ملابسك الداخليه وفي شنطه السفر وشمي الريحه .........أذا كان ماعندك وقت لعمل الاكياس قطعي المسك قطع صغيره ووزعيه بين الملابس خصوصا الملابس الداخليه وقمصان النوم......... لازم تحطي المسك بين ملابسك اول بأول عشان يكون فيه وقت تسحب الملابس ريحة المسك ....

عودي لسانك على الكلام الحلو فهذا هو السحر الحلال بالكلمه الحلوه تنالين ما تريدين وبنفس راضيه

اهل زوجك المفروض ان يكون اهل لك وليس اعداء فلا يكون مجال حديثك مع زوجك مواقف اهله معك فهذه الاحاديث تجلب الملل وهروب الزوج من منزله ( خصوصا من تفتعل المشاكل حتى تبعد زوجها عن اهله وتستحوذ به لنفسها )

******

بنات المنطقه الحساسه اهم شي تكون نظيفه وابتعدو عن الغسولات الخاصه فيها لانها تقتل الميكروبات الطبيعيه الي تحارب الفطريات ...............تشطفو بمويه وملح (ملعقه ملح مع جيك مويه ) او بمنقوع مره بمويه والمسك الي عند القرشي يخلي ريحتك تهبل نقعوه بمويه وامسحو المنطقه الحساسه والرسول وصى بالمسك لبعد الدوره .... بسسسس .........نصيحه ابتعدو عن الغسولات والله مضرتها اكثر من نفعها
واهم شي اذا فيك عيب لاتنبهين زوجك يعني مثلا سمينه لاتقعدين كل شوي قدامه بصلح رجيم.......نحيفه لاتنبهينه وكل شوي تقولين ليت اسمن
وفي وحده توها عروس مسكينه من كثر ماتقراء بمشاكل الحريم بحواء بالمنطقه الحساسه قامت تتوهم واوهمت زوجها هذا اكبر غلططططط انتبهو كثر المشاكل بعد الحمل والولاده لاتوسوسون

*******

اهم شئ النظافه ثم النظافه والرائحه الجذابه فهذا اهم شئ عند الزوج فما فائده الاناقه بروائح الله اعلم بها >>>>>>>>> مثل ما قال المثل ( من برا هلله الله ومن جوا يعلم الله )

اسمعوا حبايبي بعض النساء حتى وان كانت توها منتهيه من الاستحمام تخرج منها رائحه عرق فهذه لها حلول اولا يمكن دعك الابط بليمون خصوصا عند السفر وهناك خلطه اخذتها من المنتدى وصراحه جربتها وانصح بها الجميع ( بس ما اقدر اعطيكم ايها الحين الا بعد ما ارجع لبيتي )
هذي الخلطه يا طويلات العمر تستخد بعد الاستحمام تفرك بها الابطين وبين الافخاذ وبتشوون النتيجه .

^

^

^
المنطقه الحساسه وما لها من عنايه بسيطه لكن مفيده عباره عن غسول كتبته لي احدى الطبيبات احرصي على استخدامه فله رائحه ممتازه ويبيض المنطقه كذلك ساكتب اسمه عند عودتي للمنزلي .

فيه نصيحه مهمه احرصي على تنشيف المنطقه الحساسه فعدم نشيفها يودي الى ظهور الروائح .

^

^

المفروض على الزوجان علاج الاسنان قبل الزواج فهي من جد سبب للروائح الفم الكريهه ولا يشعر بها الا الطرف الثاني .

شهر العسل وحلاوته :

فكرة العطر المميز لشهر العسل فكره مررررررره خطيرة ولها ذكرياتها الخاصه بعد شهر العسل ( بس عاد استعملوه بعد الزواج بسنه على الاقل )

اكتبي مذكراتك في شهر العسل وفي سنه زواجكم الاولى اقرأوها مع بعض>>>>>> صح انا ما جربتها بس الي جربوها يمدحونها

اذا سافرتي لشهر العسل اختاري بلد مميز يمكن ما تسافرين له مره ثانيه .

اذا خذتي كاميرا فيديو احرصي على تصوير انفسكم وليس الاماكن

ملابس النوم :

لا تكثري منها حتى يتسنى لكما بعد الزواج شرائها مع بعض وعلى ذوقكما خصوصا انها ملابس ما يشوفها غيركم وكما احسن من انك تخسرين فلوسك على شئ ما يعجبه وما تلبسينه .

النوم بالستيان على حسب حجم صدرك وشكله وفيه اشكال من الستيان تجنن وسعرها رخيص .

الاخت الي تسأل عن بدله العرس اقترح تلبسينها في الفندق بس بدون جيبونه احلى تقعدين فيها شوي بعدين تبدلينها بلبس النوم.

ايه نصيحه للي توها مخطوبه او مكتوب كتابها انها تطول الفتره خصوصا اذا كانت تكلم خطيبها او تطلع معه فهذه احلى ايام في حياتها ولو حصل تحتفظ ببعض المسجات والصور

********

اول شي هومعطرات الفم
شرايح بالنكهات
لبان لامي وشامي
بخاخات بنكهات
حلويات ** بنكهة الفراوله او النعناع
^
^
^
هذي الخرابيط ماتفضى من بيتي عندي في درج التسريحه وفي الحمام وفي الشنطه اللي اطلع فيها

ثاني شي

المناديل المعطره
دايما موجوده في شنطتي تخيلي رحتي انتي وعريسك مطعم واتعشيتو وبعد العشا يبغا يبوس يدك الا كلها ريحة شوي وزفر والله فشلللللله خخخخخخخخخخخ

اممممممممممم ايش كمان!!!!!!!!!

ايوه افتكرت
الملابس الداخليه وقمصان النوم انا اشتريها بسعر معقول وبعد كل فتره ارمي الملابس الداخليه واشتري مجموعه جديده ماعدا الحمالات الخاصه بالخروج هذي لازم تكون ماركه حلوة عشان تعطي مظهر حلو وماترميها الا اذا هريتي ابو جدها
اما قمصان النوم بصراحه انا ارمي اللي يستاهل الرمي اما اللي حلوة بس مليت منها عندي لها طريقه:

وهي اني اخذ كل اللي مليت منها واغسلها واعطرها واكويها والفها بقماش زبده << المتر ب10 ريال
واحطها في صندوق خشبي واحط فيها الاكياس الخاصه بتعطير الملابس<< تلقوها في سيتي بلازا
واقفل الصندوق وبعد ماامل من المجموعه اللي في الدولاب ارفعها بنفس الطريقه السابقه واطلع اللي في الصندوق واستخدمها والله ان زوجي يحسبها قمصان جديده يقوللي انتي فاتحه محل قمصان كل فتره اشوف عليكي شي جديد خخخخخخخخخخخخ

في بعد شغله مفيده
طبعا كلنا نشتري كريمات معطره وتكون حجمها كبير كيف ناخذها معانا في كل مكان؟

ان عندي علبه صغيره فاضيه لمرطب الشفاشف اللي من بودي شوب <<< اخترتها لان غطاها موثق مايكب اللوشن مهما كان خفيف
اعبي من اللوشن في العلبه واحطها في شنطتي وين ماخرجت واستعملها وكل مافضيت اعبيها ثاني

لا تقولي امه زي امي و ابوه زي ابوي
مافي احد بالدنيا زي امك و ابوك
حبيه بس مو اكثر من امك و ابوك و نففسسك
احترميه امدحيه من وقت لآخر حتى امدحيه قدام اهله
خلي علاقتك مع اهله رسمية
خليه يحس بوجودك في حياته
لاااااتكوني غثيثة
حاربي النكد وقاطعيه
اتعاملي مع زوجك مثل لو كان صديقك
لاتكثري العتاب و لا الملامة
خليكي عقلانية في التعامل معاه
الغيرة مطلوبة بحدود
ولا تنسي ابنك على ماتربيه و زوجك على ماتعوديه يعني منرالبداية خليلك أسلوب واضح تعوديه عليه
خليكي مرتبة و نظيفة في بيتك و نفسك
خليلك ريحة مميزة من عطر او بخور عشان يذكرك اذا شمه
لاتكثري الاتصال و السؤال
الرجل يحب المرأة القوية مو الطفله العجزانة
لا تنسي قوة المرأة في ضعفها
كوني مرأه في الفراش تشبعه و تغنيه
لاتحاسبيه على كل شي انتي مو ربه
التمسي له العذر سبعين مره
لاتفتشي بأغراضه و لاتكوني مثل الكتاب المفتوح قدامه
الصبر ثم الصبر ثم الصبر

هنا طريقه لتثبيت العطور اول ماتشتري العطور جربيها واعطيني خبر لسى ماجربتها معاينة الصورة

الفكرة هي :

هاتي العطر أول ما تشتريه يعني ما تكونين سمتخدمته ( ما رشيتي منه اي رشه ) و تحطينه 3 أيام في الثلاجة و بعد ما تطلعينه من الثلاجة حطيه 3 أيام في مكان مظلم يعني مثلاً في خزانة أو أي مكان و بعدين رشي منه و شوفي شلوون تثبت الريحة

انا جربتها بالدهن العود حطيه بالفريزر أسبوع كامل وما تطلعينه لا تخافين موب جامد وبعدها اذا حطيتيه ريحته تثبت وحتى يطلع الدهون العود بارد وبنفس الوقت روعه اللي عندها دهن عود مو حلو قوي تسوويها

هنا عندي اشياء حنسخها لكي متل مانسختها من النت بتمى تفيدكي

ستانسوا وانبسطوا بكل لحظة ووثقوها سواء بصور او اي شي , الذكريات حلوه

بالنسبه للشنطه لا تكبرووووووووونها, خذو حجم متوسط.... وحاولوا تكون مميزه, انا شناطي سوداء وتوهقت يالله القاها
حاولوا تميزونها بشيء, اربطوا عليها شريطه حمرا او فسفوري او اي شي فاقع عشان ما تضيعونها

الي بتسافر برى,, خوذي معتس علبه سبراي فاضيه, عشان اذا بغيتي تتوضين في الحمام تعبينها مويه وتستخدمينها, انا تبهذلتا وتحسفت اني ماحسبت حساب هذا الشي

خلي بشنطتك الآتي:
- مقلمه مكياج صغيره, انا خذت (3 قلوسات, مسكره شفافه, كحل, مرايه, بلش)
- سجاده صغيره
- حلاو نعناع
- كريم يدين
- شاحن جوال
- فازلين
- لزق جروح (خوذي كم حبه)
- كاميرا, وذاكره زياده لها
- معقم يدين
- مناديل
- كتاب تقرين اذا طفشتي
- علك
- محفظة
- بنس وربطه شعر
اشياء استفدت منها + اطلق الاشياء:
- بيبي جل
- مناديل الجيب
- قلوس من ميك اب فوريفر وردي فاتح
- بنادول نايت
- فازلين
- خمريه من زهور الريف (اسمها اديكتد)
- عطر love of pink
- لمعه للجسم من (سيد جنيد) اسمها لمسات, روعه..

غراض الصيدلية ..
مو شرط كلها من الصيدلية .. بس أنا أسميّها كذا ..
لكم .. لستتي .. إذا ناقصة شي قولوا لي ..
اللي ما يناسبكم .. اطمروه .. لا تعلقون علّي ..
ترطيب .. ..
كريم مرطب حجم كبير للبيت وواحد للشنطة - لوشن جسم .. "الكريم أستخدم سيتافيل .. واللوشن BABE"
كريمات ..
فوسيكورت "أبو أسد" .. صديقي ..
دالاسين تي .. لمواجهة أي حبّة ..
ميبو .. حرايق .. بعيد الشر ..
بانديج = بلاستر " لصقات جروح" .. مسحة طبية ..
قطرات للعيون .. زي ريفريش مثلاً ..
فيمنن ..
فوط صحية يومية - فوط صحية عادية - بانتيات استخدام يومي - غسول -
شورت قطني .. كل وحدة واللي يكفيها .. شرّابات ..
تعطير ..
سبراي جو - كبريت - مبخرة كهرب .. فوّاحة .. ولاّعة .. وملحقاتهم طبعاً ..
فيس وميك أب ..
مناديل أو أي شي مزيل للمكياج .. أنا أحب حق العين يكون لحاله .. غسول للوجه .. سن بلوك ..
مرايا صغيرة - مرايا مكبّرة ..
أعواد قطن "أذن" .. دواوير قطن .. ..
شعر ..
شامبو - بلسم - كريم قبل وبعد .. سبراي .. موس .. جل .. على راحتك ..
بُكل - بينس - لفافات - شباصات ..
استشوار ..
شاور ..
اسفنجة وليفة للشور .. وشاور جل .. ومستلزماتك .. مزيل عرق "ديودرانت" ..
كهربائيات ..
شاحن للجوال ..
فيش جميع الأنواع .. ثنائي .. ثلاثي .. رباعي .. .. مو من الصيدلية طبعاً .. من كارفور ..
أظافر ..
مبرد - مقص أظافر - أسيتون "مزيل طلاء الأظافر " ..
أسنان ..
خيط أسنان - عود أسنان - فرشاة أسنان - معجون - غسول فم ..
بولو - علك - وما إلى ذلك ..
صابونات ومنديلات ..
صابون شرايح .. صابونة عادي .. آنتي سيبتك اللي زي ديتول .. صابونة صغيرة أو ورق اللي تنحط في الشنطة .. مناديل صغير .. مناديل ديتول ..
إزالة شعر ..
مكينة براون حلق أو نتف.. ملقاط .. مقص صغير .. موس وشفرات ورغوة "نسائي طبعاً" .. وكيسة أمواس أم 15 .. من جيليت كلهم .. مو أي كلام .. .. موس وجه أو حواجب ..
أخرى //
شبشب حمام .. شرابات ..
أكياس للملابس اللي مو نظيفة .. وحق المرحاض "الله يكرمكم " ..

فوط صحية يومية - فوط صحية عادية - بانتيات استخدام يومي -
مناديل مزيل للمكياج [ وجهه + عيون ] غسول للوجه .. سن بلوك ..
أعواد "أذن" .. دوائر قطن - شامبو - بلسم - جل - كريمات تجعيد -
مقص أظافر - أسيتون "مزيل طلاء الأظافر " ..- خيط أسنان - فرشاة أسنان ولسان - معجون - غسول فم - صابون شرايح - ديتول مطهر - مناديل صغير - موس نسائي مع رغوه - أكياس للملابس اللي مو نظيفة .. وحق المرحاض - نظاره - كيرفري- شرايح النعناع - معطر جو

امممممم حبيت اقولكم عن حاجه تجنن اسمها مسك الجسم او مسك فرنسي انا اخذها من ديره العود
بالعقاريه الثانيه يبيعها عبدالصمد ب200 وعندهم ب100
الزبده انه يجنن ..انا احطه بالاماكن الحساسه والملابس الداخليه مايضر ابد
وكمان مسك الطهاره عندهم مره اسعارهم فرق وعطوراتهم اصليه ومضمونه ..

اتبهي ياقلبي هنا في نوعين من المسك

مسك العروسه اللي يجي شفاف ويتحط على الجسم او الشعر

وفيه تاني مسك الطهاره اللي كتير بيحكوا عنو

هدا بيستخدم بعد العاده الشهريه لمده تلات ايام بتمسحي على المنطقه الحساسه من برى

لعطر:
لبقاء العطر مدة اطول نقوم بدهن المنطقه المراد تعطيرها ب (فازلين)
بطبقة رقيقه منه وثم رشها بالعطرالمراد

عطر الفيروز يجنن يجنن اتعب وانا اقول يسطل ريحته مميزه جدا وفخمه وثااابته من كشك علي أصغر اغلب فروعهم بالبحرين معروفه اخذته من الرياض ب 130 ريال

النسبه لمجموعة نكتار الي سئلو عنها الاخوات , بصراحه هيا مره حلوه , انا عجبتني الي بالفراوله اكتر شيء حسيتها مره دلع
انا اخدت لزواجي ايامها كريم الجسم والبودره اللاماعه ومعطر الجسم وعطر للملابس كلها بريحة الفراوله
ممكن يوم ماتستخدميها , تلبسي قميص نوم احمر ,
وكتري من عطر الفراوله , واستشوري شعرك وافتحيه لاتعملي فيه اي حركه
خليكي ناااااعمه مره ,
وكحلي عينك بالاسود وحطي روج احمر وفوقه قلوس بنكهة الفراوله ,
حتطلعي تجنني كاانك قطعة فراوله قدامه .

كمان حاولي تشتري مقشر للجسم "سكرب" وخليه مع دبشك
, لانك اول الزواج تقريبا شهر او شهرين وامكن اكتر
ماحيكون عندك وقت تسوي خلطات ولا اي شيء لجسمك وبشرتك ,
فالسكرب يفك ازمه كبيره , يعني وقت مايروح العمل او يكون نايم ,
ادخلي اتروشي وحطي لجسمك كلو ورجلك سكرب عشان يسير جسمك نااا

وبالنسبه لقميص الدخله , انا انصحك بعد ماتلبسيه طبعا يوم فرحك ان شاء الله ,
تغسلي القميص وترفعيه لغااية يوم عيد الفطر ,
ويسير تلبسيه مع صندله والاندر وير تبعه ,
الحركه دي سويتها مررررره عجبت زوجي ,
ميزة الحركه انها حركه حلوه تعيد الدكريات ,
ومنها حتعيدي بقميص مره فخم وغالي ,
وغير كدا وفرتي على نفسك قيمة قميص للعيد.

على فكره عطر وصال من اجمل ريحته خرافييييه جدا لو استخدمته مع البخور او العوده
, تخلي ريحتك من جد عروسه
وفي عطر اسمه رين دروبز من اجمل برضو , ريحته بالضبط بالضبط زي عطر كوكو شانيل
, بس الفرق ان كوكو شانيل سعرو 400 , ورين دروبز سعره 45 ريال
وريحته ثابته , لايفوتوكي روحي اجمل وشمي الاتنين.

كمان العطور انا اشتريت لكل عطر المجموعه الكامله , وبرضو ندمت
لان في كدا عطر مررررره ماعجبو زوجي , وكرهني فيهم , فحسيت اني ضيعت فلوس على الفاضي
هذا غير اني اكتشفت انه الي يقولك الشاور جل او الصابون حق نفس العطر ضروري
عشان تسير ريحتك مره فواحه كداب,
لانه الي فعلا يفرق في الريحه هو العطر وكريم الجسم بس , اما الباقي فتضييع فلوس والله.

وزي ماقلت مجموعات نكتار حق النكهات خدي وحده بس

العطووور يكفي ثلاثة
ومجموعات الاستحمام وحدة تكفيك وجيبي لزوجك بعد مجموعة وحدة
بنات لاتفووووتكم
مجموعه سنسرد من مكياجي لون المجموعه احمر
هي مكونه من بودره وكريم جسم وعطر وعطر زيتي للشعر
رووووووعه وخاصه البودره فيها لمعه ذهبيه رايقه
جربوها وادعوا لي
وطبعاً ارجع أقول ( مجموعة برايد ) من نكتاااااار اللوشن والعطر والخمريه وكل المجموعه ( وهـ بس وهـ ) تخقق
شفت هالشئ قبل شوي وعجبني .. قلت انزل هنا _ للفائده _

هذي طريقه لدخون الفم دخون دوسري درجه اولى بس يتاكل مايتبخر به
وهذي الطريقه انا شاطره مرررره فيها لا وتوزيع مجان اهم شي الي يكلمني ماتجي انفاسه ع انفاسي الا واحسها عطر
الطريقه هذي متعارف عليها عند الاهل واخذتها من الوالده الله يحفظها ويحفظ لكم والديكم كانت تعمل كميه وتخليها بالثلاجه واول مانصحى نفرش الاسنان
وطيران لها واحيان اكلها اذا اكلت شي فيه ثوم او بصل من بعض السلطات ع طول تقضي عليه
هذي الطريقه
تزيل رائحه الفم الكريهه والنفس المزعج .. حتى الي عندهم مشاكل بالمعده بتحلها باذن الله
وطبعا تنفع للكل .. ومكوناتها لها فوائد عظيمه
نبدا بالمكونات بالصور

1/ واحد فنجال بشر ليمون ناعم جدا
2/ ملعقتين كبيره هيل مطحون ناعم
3/ ملعقتين قرفه مطحونه وناعمه
4/ ملعقه قرنفل (عويدي ..مسمار) مطحون وناعم
5/ ملعقه كبيره مستكه مطحون وناعم
6/ ربع فنجان ماء ورد او ماء زهر
8/ 3 ملاعق عسل اصلي ...او عادي
:::::::::::

تخلط جميع ماذكر بزبديه .. حتى تتجانس

وتحرك حتى تكوني قادره ع تكويرها اذا كانت العسل قليل باإمكانك وضع ملعقه عليه

وتكورينها بايدك مثل المعمول وتكون صغيره كثير.. وكل يوم خذي حبه
شوفي كيف انفاسك بتصير
دخوووووووووووووون
حتى عرقك بيصير
دخوووووووووووووون

ابقول لكم عن مجموعه الشاور .. اخذت برايد من نكتار ..
ريحتها حلوووووه مررررررررررره ..
اكثر شي استخدمته الشاور جل + والديودرنت + الكريم المركز ..
هذا الكريم المركز رهييييييييييييب مره احطه بامكان النبض وتبقى ريحته ..
وحتى لو جيت من برا ادخل الحمام على طول ووادهن بشكل سريع وتطلع ريحتك
السبريه ماعجبني مره بس استفدت منه بالتعطير .. اعطر الحمام بعدي .. واعطر السرير والغرفه ..
الكريم العادي .. ماستخدمه غير مره ..
ونصيحه لاتشترون اكثر من مجموعه .. وحده بس تكفي
وعلى طاري الريحه بنات لاتفوتكم معطرات فلوريت ..
حلوووهـ للبيت خصوصا تروبيكانا
عطور روعه لهذاك اليوم
Black XS
Agent provocateur
عطر آلور سنشول من شآنيل

عموما بيوم عرسك .. لازم لوشن ع الجسم وبعدها وجسمك وشعرك مبلول بخري نفسك بعوده عشان تمسك ريحة البخور بجسمك وشعرك ..
وبعدها دهن العود والعطر

عطربرايفت مررة حلوة ريحتة من عطوري المفضلة اول ماتشمينة ماراح يعجبك بس خلية نص ساعة بتبان ريحتة واهم ميزة فية يقعد يومين وثلاث بالملابس
ونفس مستواة عطر بيوتفل لوف الجديد
عطر امبر مررة حلوة ريحتة مركز بس شيء
عطر انترنتي من كلفن كلاين كان الاسبوع الي فات رقم 1 بالمبيعات بسيفورا ينفع يومي وللزيارات
من باث بودي وركس لاتفوتكم الماركة فية اشياء افضل من بودي شوب بالروايح زي مجموعة الجبانيس
هالمجموعة ريحتها مرة خطيرة
اسمها Black Amethyst
بودرتين ريحتها عود على عطور فرنسيه للمناسبات للبيت تهبل من اجمل / اسمهم
عشيم , هدير
عطر ايفوريا من كلفن كلاين
--
فلور بومب
قوتشي باي قوتشي
روبرتو كفالي الذهبي
ألور من شانيل
يقولون N5 من شانيل بس أنا ما حبيته !
ديور ميد نايت
بيوتفل من استي لودر
هذول اللي جاوا ع بالي ألحين ..
أهم شي للعروس إن العطر يكون قوي ، مو من الروائح البارده أو اللي منتشره كثير !
وحده هنا قالت اكس اكس باي اكس << بطططططططل و يجنن بس ابددددن ما ينفع ..
ريحته حلوه بس منتشرررررررره كثيييييييييير : /
و أحس أهم شي في العروس التميز
الأكياس المعطره حقت الدواليب والملابس استخدمت الكور واستخدمت الأكياس من سنتر بوينت
الأكياس أقوى وأطول مفعول
نا معتمده عطر ايفوريا لـ الهوني مون
واذا بدك طريقتيفي تعطير الملابس انا اغسل ملابسي بموية وكومفرت او اي سائل معطر وبعدين اذا جيت اكويها ارش عليها مويه مخلطة مع كومفورت وزيت عطري طبعا احطها بالتشاش (كذا نسميه)
وتطلع ملابس واااااااو
شوفي أنا أقولك طريقة
الحين بالنسبة للمكعبات تلاقينها عند عبدالصمد القرشي
وبالنسبة لملابسك بشهر العسل اكيد قبل ماتحطينها اكيد بتكوينها شفتي بموية البخار الخاصة بالمكوى حطي نقطتين بالضبط دهن عود واكوي الملابس
وغير كذا نفس الشنطة من الداخل ادهني الحواف بمنديل مغمور بعطر مركز عندك وحطي ملابسك وعلى طول قفليها وبتدعينلي
وفي عطور جيورجو ارماني موجوده في هارفي نيكلز ،، عطور مركزه تنفع تستخدمينه عطر يوم الزواج ،، انا اخذت الياسمين المصري ريحته عذااااااااااااااااااااااب
شوفي الشموع المعطرة تعطيك ريحة للعرفة حليوة ماعليها لكن الفواحات أفضل
خذي من هالشموع الريحة المفضلة من نفس الريحة خذي الفواحة وخذي كمية منها لأنها تخلص بسرعة وخذي شي اسمه بخاخ شكله (زي معطر الغرف) مضغوط بخيه في المفرش من داخل والستاير من داخل وشوفي شلون
تجلس الريحة باليومين بالثلاث ولو استمريتي على هالطريقة بتكون غرفتك زي زهور الريف
بالنسبة للأكياس المعطرة لها طرق كثير
ممكن تحطينها بنفس العلاقة اللي تتعلق فيها الملابس
وممكن حطينها بالرفوف الخاصة بالملابس المطبقة
وممكن تحطينها على المخدات اللي تنامين عليها
وممكن تحطينها بالدرج الخاص بالأندر ويرات وانعمي برائحة عطرية تدوم وتدوم وتدوم
نجي للزيوت العطرية ترا انواع منها تحطينة بالبانيو يسويلك استرخاء
ومنها نوع يستخدم للمساج ومنها نوع يستخدم بالفواحات
الظاهر والله اعلم انك تقصدين اللي تنحط بالفواحات تجي قارورتها صغيرة
بقولك الطريقة
أنا عن نفسي أفضل الفواحات اللي عند ذابودي شوب واللي تجي على شكل فخار هذه روعة وعملية
اذا ماحبيتيها اختاري اللي تبين بس انتبهي لازم تكون المسافة اللي بين الشمعة اللي تحت والقاع اللي ينحط فيه الزيت العطري مسافة قصيرة
والشي الثاني برضو عند ذابودي شوب فواحات اشكال مررررة خيالية اخذت من عندهم شي لونه ذهبي وكله نجوم سعره الظاهر 60 ريال
اذا حطيتي الزيت العطري وحطيتي الشمعة ضيفي للزيت العطري نقطتين بالضبط موية تخفف من حدة الريحة في الغرفة وماتخليها تكتمك من شدة التركيز
موفقة
بخاخ سالي هانسون جواه كريم اساس ثابت مايروح تبخينه على جسمك يطلع لونك موحد وفيه لمعه ومشدود
وبالنسبه للمفارش انا شاريه من زهور الريف معطر للمفارش مرا حلوه ريحتها اسمه فالنتينو
عطر آقنر البنفسجي خقآآآق جربوه ..
في بودرة عطر بيوتفل روووعه ها البودره وريحتها تسطل
بس سعرها ما أدري يناسبك أو لاء...اذكر شريتها بـ200وشئ
بتمنى اكون افدتكي

معاينة الصورة

منقوووووووول

» نصائح للعروس ليالي الزفاف , افضل نصائح للعروس
» احدث دبل للعروسة دبل لعريس خواتم للعروس
» تشكيلة رائعة من اكسسوارات شعر للعروسة
» نصائح اساسية للعروس قبل الزواج
» احذية نسائية للعروس رائعة