بعض الامثال الشعبية المصرية

بعض الامثال الشعبية المصرية
بعض الامثال الشعبية المصرية
أمثال وأقـــوال
لبس البوصة تبقى عروسة.
معاك قرش تساوي قرش ? مامعكش حاجة متساويش حاجة.
لا يلدغ المؤمن من جحر مرتين.
إذا لم تستح فاصنع ما شئت.
من راقب الناس مات هماً.
نظرة إلى ميسرة (عند التعثر).
لا تكتموا الشهادة.
ولا هم يحزنون.
بفلوسك بنت السلطان عروسك.
اخد بنت عمي واتغطى بكمي.
البهيم من ودنه وبني ادم من لسانه.
اخر خدمة الغز علقة.
مصر أم الدنيا.
مصر المحروسة.
اللي بنى مصر كان في الأصل حلواني.
كله عند العرب صابون.
المنوفي لا يلوفي ولو أكلته لحم الكتوفي.
إذا اخدت من الحمار صوف تاخد من المنوفي معروف.
مية مالحة ووشوش كالحة (وصف سكان الساحل).
جوز ابنك لدمياطية ولا تجوز بنتك لدمياطي (يشتهر الدمايطية بالحرص الشديد).
يا مريحة العازف يا منصورة (طبعاً مفهومة).
اسكندرية مارية.
ما حوالين الصعايدة فايدة.
كل شئ ييـجي من الصعيد مليح إلا رجالها والريح (نظراً لشدتهم).
شرقاوي كريم وعبيط.

وفي الاستهانة بالأشياء:
اللي يعرف ابويا يروح يقوله واللي كاتب كتابي يروح يحله.
ما بان مني زكاه عني.
اسرق وصدق يا عبد الله.
اللي راح راح يا قلبي.
ضربوا الأعور على عينه .. قال خسرانه خسرانه.
السجن للجدعان.
السكران سلطان زمانه.
المجانين في نعيم.
خدوا الحكمة من أفواه المجانين.
اعمل ودن من طين والثانية من عجين.
طظ يا عاشور.
كله محصل بعضه.
علقة تفوت ولا حد يموت.
الشقي عمره بقي.
الرشوة حلت عمت القاضي.
الدعوة الزور تفتح كيس القاضي.
ارشوا تشفوا.
حاميها حراميها.
ايش على بال القرد من سواد وشه.
قالوا للقردة اتبرقعي قالت دا وش واخد على الفضيحة.
يفتي على الإبرة ويبلع المدرة.
سألوا القاضي الحيطة اتوخست قال تتهد وتتبني سبع مرات قالوا دي الحيطة اللي بينا وبينك قال اقل الماء يطهرها.
الجنازة حارة والميت كلب.
الميت مش مستاهل القراية.
مفيش عليه الطلا.
ما حد بييجي من الغرب يسر القلب.
ياما جاب الغراب لأمه.
جلاب الكحل الزين.
يعني فتح عكا.
جايب راس كليب.
يعني جايب الديب من ديله.
بعجز اغا ما فيه الا شناب.
يعني بضاعة والناس عليها جواعى.
لو كان فيه الخير ما كان رماه الطير.
يا سلام يعني شفت النبي وأنواره.
كسبنا صلاة النبي.

وهناك أمثال في حالات اللامبالاة:
اخبط راسك في الحيط.
مطرح ما تحط راسك حط رجليك.
بلهم واشرب ميتهم.
اللي يزعل يشرب من البحر.
هم شاريين اسلافنا ?
هو انا الحيطة الواطية ?
وعليّ من ده بايه.
اتـفـلـق .
أعلى ما في خيلك اركبه.
ادي دقني لو حصل.
اقطع دراعي لو حصل.
ابقى تف على وشي لو حصل.
إن كنت ميت ابقى "شخ" على تربتي.
ابقى قابلني لو حصل.
سعد باشا قالها كلمة "مافيش فايدة".
غطيني وصوتي ياصفية.

أمثال في عدم التقدير:
مغني الحي لا يطرب.
لا كرامة لنبي بين قومه.
الشيخ البعيد سره باتع.
اللي تملكه الأيد تزهده النفس.
زي القرع يمد لبره.
سكتناله دخل بحماره.
كلمة "القحبة" تدهيك واللي فيها تجيبه فيك.
الحيطة الواطية ينطوا عليها الكلاب.
أول ما شطح نطح.
خلي لك الجو.
خلا لك الجو فبيض واصفري.

أمثال في سوء التصرف:
من قلة عقله تعبته رجليه.
رزق الهبل على المجانين.
بائعة السوق تقول : نيني نيني فين الخايب ييجي يشتريني.
ماشافوهمش وهما بيسرقوا شافوهم وهما بيتحاسبوا.
لما تتخانق الحرامية يبان المسروق.
دبور زن على خراب عشه.
لو جابوا للمجنون ألف عقل على عقله مايعجبوش إلا عقله.
رايح لطيز الكلب يشمها.
خالف تعرف.
زي الشريك المخالف.
ايش دخل طوخ في مليح.
اشترى وجع قلبه بايديه (إلى من يشتري سهراً بنوم).
جه للموت برجليه (اتتك بجائن رجلاه).
أصحاب العقول في راحة (استراح من لا عقل له).
كانت قاعدة ومرتاحة .. جابت لها مساحة.
اللي يوضيهم زي الي يخريهم.
الصابونة في ايد والنجاسة في ايد.
اللي يقدر يحلها بايديه لن يحلها بسنانه.
ان طلع العيب من اهل العيب ما يبقاش عيب.
قالوا تعرف الهايف بايه ? قال : بكلامه ? وتعرف السقيل بايه؟ قال: بسؤاله.
فار ما وسعه شقة حط في قعره مر**ة.
مخه مركب شمال.
من عجبك يا فتى تلبس هدوم الصيف في الشتا.
عذر أقبح من ذنب.
يغرق في شبر مية.
ودنك منين يا جحا.
زود المبلة طين (زاد الطين بلة).
اجسام البغال وعقول العصافير.
قلة العقل مصيبة.
قحب ما تقحب لكن افعال القحاب تعمل.
خربها وقعد على تلها.
لا منه ولا كفاية شره.
مش ناوي يجيبها لـبـر.
يبيع المية في حارة السقايين.
يدلقوا القهوة من عماهم ويقولوا خير من الله جاهم.
بيقدم رجل ويأخر التانية.
عين في الجنة وعين في النار.
مخه بيجيب وبيودي.
كلمة تجيبه وكلمة توديه.
دوبت هدومك ياهبيل من كتر الغسيل.
زي الجمل اللي يحرته يبططه.
يكري على خرطة زي الملوخية.

أمثال في اجتماع الحمقى :
اتلم المتعوس على خايب الرجا.
حطوا عيشه على أم الخير.
أعمى يقول لأعمى صدفة سعيدة اللي اجتمعنا.
عمية تخفف مجنونة وتقول لها حواجبك سودة ومقرونة.
اتبع اليوم يوديك الخراب.
عايبة بتعلم خايبة الاتنين نايبة.

أمثال في الاهمال :
المال السايب يعلم السرقة.
المفرط أولى بالخسارة.
اللي ما يربط بهيمه ينسرق.
البهيم السايب متروك عرضة.
فاتت ابنها يعيط وراحت تسكت ابن الجيران.
فاتت عجينها في الماجور .. وراحت تضرب الطمبور .

وفي الكسـل :
زي تنابلة السلطان يقوم من الشمس للضل بعلقة.
زي الكلاب يحب الجوع والراحة.
راس الكسلان بيت الشيطان.
طيزه تقيلة (كناية عن قلة الحركة والبلادة والكسل).
اكل ومرعى وقلة صنعة.
قشش على فيك تسخن.
عايز سخم منتوف ومحرقة حنين.

السخرية من التكبر الكاذب:
**ال وفي ايده ورده.
ما لقوش فول يدشوه جابوا عبد يلطشوه.
ما لقوش عيش ينتشوه جابوا عبد يلطشوه.
عرايا مقفقفين جابوا بعشاهم ياسمين.
من بره هللا هللا ومن جوه يعلم الله.
من بره طق طق ومن جوه فاش وبق.
مالقوش عيش يتعشوا جابوا فجل يدشوا.
فقراء ويمشوا مشي الأمراء.
أمه عياشة وعامل باشا.
بدل اللحمة والبتنجان هات لك قميص يا عريان.
فقر وعنطزة.
بواب ومالوش باب.
عمايم على بهايم.
حماراً يحمل أسفاراً.
حسنة وأنا سيدك.
شحات وعايز رغيف طري.
زي شحات الترك جعان ويقول مش لازم.
زي براغيت القنطرة عرى وزنطرة.
زي ديك الخماسين عريان ومزنطر.
قلة وعامل قناطة.
سرباتي واسمه عنبر.
عريان " الطيز" ويحب التأميز ويقول باب الخمارة منين؟
قال ايش ناقصك يا عريان ? قال : الخاتم يا مولاي.
ميغركش الباب وتزويقه بص على نشفان ريقه.
شحاتة بالرومي.
قمل يا كلاب.
تحتيهم اف وفوقهم إف ويقولوا ريحة إف.
اللي شمها هو ابن عمها.
من بره رخام ومن جوة سخام.
الفشر والنشر والعشا خبيزة.
نفخة وشمخة وبصلة في الحبيب.
قاعد على نخ وعمال يجخ.
كلب أجرب وانفتح له مطلب.

عمن يفتخر بشئ بعيد:
زي الأغوات يفرحوا بولاد أسيادهم.
هش يادبانة انا حبلة من مولانا.
اسأله عن ابوه يقول خالي شعيب.

قالوا للحمار ابوك مين ? قال : خالي الحصان.
القرعة تتباهى بشعر بنت اختها.
مالك بتجري ما بتدري ? قال : نسيب نسيبي في الساحل.
يا محلي طولك في اللي ما هولك كمان شوية يفعلوا لك.
اقرع ونُزهي.
غشيم ومتعافي.
زي الطبل صوت عالي وجوف خالي.
منفوخ على الفارغ.
كسحة وتقول للصايغ تقل الخلخال.
اخته في الخمارة وعامل أمارة.
ايش كبرك عنه وانتي بنت عمه.
ايش انتي في الحارة يا منخل بلا طارة.
بعد العركة ينتفخ المفشي.
قالوا للدبة طرزي قالت دي خفة ايادي.
انا وحشة واعجب نفسي واشوف الحلوين تقرف نفسي.
انا كبير وانت كبير ومين يسوق الحمير؟
أنا أمير وأنت أمير ومين بقى يسوق الحمير؟
لما أنا ست وأنتِ ست مين يكب الدست.
الكبر قاتلنا موش بخاطرنا.
كبر النفس قطع نصيب.
زي مرزوق يحب العلو ولو على خازوق.

في عدم الكبر :
بلدنا صغيرة ونعرف بعض.
الشهر تلاتين يوم والناس تعرف بعضها من زمان.
نص البلد ما يعجبني وانا اعجب مين؟
عيشوا عيشة أهاليكم.
نشفت البركة وبانت زقازيقها.

كما يهزأ المثل الشعبي من المتكبرين فيذكر:
الطول على النخل والتخن على الجميز.
زي الطاووس يتعاجب بريشه.
زي الغراب يتعاجب بعوارة عينه.
كلب أبيض وكلب أسود قال .. كلهم كلاب !
ما تتهزيش ما في الوسط إيش.
من عجبه حسن علاه ? ومن عجبه جسمه عراه.
زي قبور الكفار من فوق جنينه ومن تحت نار.
الكلب إن بص لحاله مايهزش ودانه.
لو الجمل شاف صنمه كان اندار قطمه.

وعن الكبر والخيلاء أيضاً :
خرطة الخراط واتدقلج مات.
عامل فرخة بكشك.
عايق ومتضايق ( عايقة ومتضايقة).
عامل عنب والباقي فراطة.
عامل ليمونة في بلد قرفانة.
مايعجبوش العجب ولا الصيام في رجب.
عامل ابن بارم ديله.
عامل سبع البرومبة.
زي قنصل الوز.
عامل قمع.

عامل أبو علي.
عامل قعر مجلس.
قصر ديل يا أزعر ( يقولها المزهو بنفسه إذا لامه من هم دونه).
يا أرض اتهدي ما عليكِ قدي.

الاعتزاز بالذات :
الشاب بسعده لا أبوه ولا جده.
فخر المرء بفضله أولى من فخره بأصله.
إنما أصل المرء ما قد حصل.
الشرف بالهمم العالية لا بالرحم البالية.

كما يدعو المثل الشعبي إلى الحفظ على المظاهر مهما كانت حقيقة الظروف:
املى بطنك بالتبن وبل شفايفك بالسمن.
امشي على عدوك معرش ولا تمشيش مكرش.

ويشير باحثون في مجال الأمثال الشعبية إلى أنه بمقارنة الأمثال التي تسخر
من الزهو والكبر بالأمثال التي تدعو للحفاظ على المظاهر ولو بالكذب نسبة 80
: 2 وبذلك فالإنسان المصري في غالبيته متواضع وإن كانت سمة الفخر والزهو
من السمات العربية السائدة لكنها كما هو واضح من الأمثال غير السائدة لدى
المصريين، رغم اعتزازهم بذواتهم وبكفاءاتهم في السخرية من العمل غير
النافع.
كأنك يا أبو زيد ما غزيت.
كأنك يا أبو زيد لا رحت ولا جيت.
رجع قفاه يقمر عيش.
رجع يامولاي كما خلقتني.
مين داري بيك يا اللي في الظلام بتغمز.
رجع بخفي حنين.
يادي الشيلة يادي الحطة ? رحت على جمل وجيت على قطة.
اكنتا يابدر لا رحنا ولا جينا.
اخرت الزمر طيط.
طلع من المولد بلا حمص.
بينفخ في قربة مقطوعة.
لا طال عنب الشام ولا بلح اليمن.
عمر التشفيط ما يملاش قرب.
يا مستني السمنة من " طيز " النملة عمرك ما حتقلى.
تصوم تصوم وتفطر على بصلة.
يصوم سنة ويفطر على بصلة.
اياك على الطلق ده كله يكون المولود غلام ولا تكنش بنية وتشمت الجيران وهو يعتبر التعب في انجاب البنت عملاً غير مجد.
البقرة بتولد والطور بيحزق ليه ? قالوا أهو تحميل جمايل.
طاهرت أنا عمبر قام فرشح سعيد.
زي جمعية الغربان أولها كاك وآخرها كاك.
زي اللي رقص على السلالم لا اللي فوق شافوه ولا اللي تحت شافوه.
اللي نِبات فيه نصبح فيه.
حلينا القلوع ورسينا وأصبحنا على ما أمسينا.
المركب أم ريسين تغرق.
كان غيرك اشطر.
امير وعاقل لا يهش ولا ينش.
زي الخيلة الكدابة.
لا يودي خبر ولا يجيب اثر.
قاعد ينش.
بيرعى الكلاب بالنص.
لا له في الطور ولا في الطحين.
لا في العير ولا في النفير.
بنقرأ في سورة عبس.
بيدن في مالطا.
لا ينفع ولا يشفع.
لا يحل ولا يربط.
قاعد زي قرد قطع.
خايب وخايب ظله.
زي دلدول الأحزاب.
زي شرابة الخرج.
قاعد يقشر بصل.
لا شغلة ولا مشغلة.
قاعد زي الشيخ اللي انقطع ندره.
سكتم بكتم.
فنجري بق أو كلام.
طلع على فاشوش.
قاعد زي العمل الردي.
زي خيال المآتة.
زي قلته ( قلته أحسن).
وجوده زي عدمه.
كداب زفة ( لا عمل حقيقياً له ).
مهياص أو صبي عالمة.
زي الدلو أو الجردل ( يحملونه على العمل ولا يبادر به).
زي رجل البنطلون.

وهناك أمثال حول تغير الهدف وسوء الحظ الذي يقابل الإنسان:
تيجي تصيده يصيدك.
طمعنجي بنى له بيت فلسنجي سكن له فيه.
مزين فتح براس اقرع استفتح (لسوء الحظ).
قال يا صياد رميت الشبكة طلعت ضفدعة مطلعتش سمكة.
طلع نقبه على شونه.
جوزناها تتاخر راحت وجابته راخر.
جت تكحلها عميتها (جه يكحلها عماها).
جبتك يا عبد المعين تعيني لقيتك عايز تتعان.
اتكل على حيطة مايلة.
جبت الأقرع يونسني كشف راسه وخوفني.
اللي يتكل عليه يبيع هدومه.
اللي تحسبه موسى يطلع فرعون.
فرحنا بالنيل جه النيل غرقنا.
خيراً تعمل شراً تلقى.

في الشماتة :
وقعتم ولا حدش سمى عليكم.
تخفضت يا جمل ولا طولتش أمل.
تروح فين يا صعلوك بين الملوك.
اللي يشيل قربة مخرومة تنز على ضهره.
اللي يشيل قفة مخرومة تخر على دماغه.
ربنا يهني سعيد بسعيدة.
بقى عبرة لمن يعتبر.
الحجر الداير لابد من لطه.
مبروك الطهارة يا معاشر الأمارة.
شاقن ومعزية.
عدوتي وعملت مغسلتي.
الشماتة تبان في عين الشمتان.
اللي تعايرني بيه النهارده تقع فيه بكره.
كله سلف ودين.
ايش حدا فيما بدا ياللي كلامك ضرني ? منين شمت الناس ? ومنين صالحتني؟
يابخت من بكاني وبكى علي ? ولا ضحكني وضحك الناس علي.
حي طلب موت حي مجنون يستاهل الكي (أي لا شماتة في الموت).
ذنبه على جنبه ( فيمن لا يسمع النصيحة).

كله سلف ودين:
كله سلف ودين حتى المشي على الرجلين.

من عايب ابتلى ولو بعد حين.
كلمة الغم سلف ولو بعد حين.
لا تعايرني ولا اعايرك ? الهم طايلني وطايلك.
عامل تعامل .
من حفر حفرة لاخيه وقع فيها.
كل عين وقصادها صباع.
ذنب ناس يخلصوه ناس.
ربنا يسلط أبدان على أبدان.
داين تدان.
عملك عمالك.
على الباغي تدور الدوائر.
يمهل ولا يهمل.
الجزاء من جنس العمل.
من حكى لك حكى عليك.
حط ايدك على عينك زى ما توجعك توجع غيرك.
من قدم شئ بيداه التقاه.
حط اش تلقى اش.
من أعمالكم سلط عليكم.
تدوس على ديل القط يخربشك.
العين بالعين والسن بالسن.
طباخ السم بيدوقه.

أمثال في التدين:
ربنا ما شفناه بالعقل .. عرفناه.
ربنا كبير.
ربنا موجود.
ما يعلم الغيب إلا الله.
ربنا هو المنتقم.
سلم امرك لله تسلم.
اتكل على اللي خلق الخلق.
الخيرة فيما اختاره الله.
خد من عبد الله واتكل على الله.
اللي سترها في الأول يسترها في الاخر.
قول يارب.
النصر من عند الله.
تبات نار تصبح رماد .. لها رب يدبرها.

في التوكل :
اسعى يا عبد وأنا أسعى معاك.
اعقلها وتوكل.
استعنا على الشقا بالله.
اعمل لدنـياك كأنك تعيش أبداً واعمل لاخرتك كأنك تموت غـداً.
إذا عزمت فتوكل على الله.
كبب وربنا المسبب.
اعمل اللي عليك وسيب الباقي على ربنا.

في التواكل :
مطرح ما ترسي دقلها.
اجري يا ابن ادم جري الوحوش غير رزقك لن تحوش.
قال اجري ومد شئ يهد ( دعوة للتواكل).
ربك يرزق الهاجع والناجع والنايم على صماخ ودنه.
اللي خلق الأشداق متكفل بالأرزاق.
من كان رزقه على الله فلا يحزن.
انت تريد وأنا أريد والله يفعل ما يريد.
ربك رب العطا يدي البرد على قد الغطا.
ربنا قبل ما بيبلي بيدبر.
بيخلق في قضاه رحمة.
قلب المؤمن دليله.
النار ما تحرقش مؤمن.
إن حلى لك زادك كله كله هاييجي يوم ما تقدر تشمه.
اصرف ما في الجيب يأتيك ما في الغيب.
إن جالك الفرح انهبه نهيبة.
كل الدود قبل ما ياكلك.
من عاش بالحكمة مات بالمرض.
سيبها لما ييجي وقتها. يتبع

وتقول الدكتورة نعمات فؤاد عن الإنسان المصري إن الإيمان الصفة الأولى له
فحضارتها منذ البداية دينية. وتقول: إن حضارة مصر وفلسفتها تقوم على أربعة
عناصر هي: النور والسماء والماء والحجر، فتعلمت مصر من الحجر الصبر ومن
النور البهجة ومن الماء الرقة والعذوبة ومن السماء الرحمة والسعة.

في الإيمان والرضا بالمكتوب:
المكتوب على الجبين لازم تشوفه العين.
المكتوب ممنوش هروب.
اللي منه هلبت عنه.
ساعة القدر يعمى البصر.
الحذر ما يمنعش قدر.
يا هارب من قضايا مالك رب سوايا.
خارج من الحريقة قابله الغراب زغطة (لأن ذلك قدره).
ارضى بالمكتوب.
مقدر ومكتوب.
امتحان من ربنا.
اللي كتب غلب .

في التواكل :
يفتح عينه للدبان ويقول دا قضا الرحمن.
العجز في التدبير يميل على المقادير.
انا كل ما اقول التوبة ترميني المقادير.
خلق ناس وتحفهم وكبب ناس وحدفهم.
قدر ولطف وكبب وحدف.
نزول البلا ولا انتظاره.
قال : نام لما ادبحك . قال " شئ يطير النوم".
مفيش أمّر من الانتظار.

تشير الأمثال السابقة – كما توضح الدكتورة فاطمة المصري في كتابها "الشخصية
المصرية" – أن إيمان المصري بهذه الأقوال يرجع أيضاً لتدينه الشديد فتقول
إن الشعب المصري يؤمن بالقضاء والقدر ويرضي بما قسمه الله. نتيجة لنزعته
الدينية.

أمثال في الحظ والمهارة :
قيراط حظ ولا فدان شطارة.
سبع صنايع والبخت ضايع.
سبع صنايع في ايديه والهم جاير عليه.
ناس تتعب ولا تكسبش وناس تكسب ولا تتعبش.
إن عمل مهما عمل متعوس وخايب الأمل.
الحظ لما يآتي يخللي الأعمى ساعاتي.
بتيجي مع العُمي طابات.
يدي الحلق للي بلا ودان .. ويدي الفول للي بلا أسنان.
حظ في السحاب وعقل في التراب.
اعمل انت يا شقي لدى المتكي.
اجري يا مشكاح للي قاعد مرتاح.
يا حمار العرس بيدعيك قال ( ياللسخرة يالكب تراب).
السعد ما هوش بالشطارة.
جينا نتاجر في الحنا كترت الأحزان.
جيت اتاجر في الكتان ماتت النسوان.

في الحظ الأهوج:
خبطة حظ.
الحظ ابن لحظة.
العناية صدف.
ساعة الحظ ما تتعوضش.
حسك تفوت الحظ أن كان جابك.
ياصابت يا خابت.
صابت يا اتنين عور.
السعـد وعــد.

وفي قلة البخت :
شرد من الموت وقع في حضر موت.
قليل البخت يلاقي العضم في الكرشة.
قليل البخت عضه الكلب في المولد.
جت الحزينة تفرح مالقتلهاش مطرح.
سلم من الدب وقع في الجب.
راحت من الغز هاربة قابلوها المغاربة.
ربنا ما يقطع بيك يا متعوس يروح البرد ييجي الناموس.
جيت اغير البخت لبخت.
المغلوب مغلوب وفي الاخر يضرب بالطوب.
من يوم ما ولدوني ... في الهم حطوني.
على ما يسعد المتعوس يكون فرغ عمره.

أمثال شعبية (1)
J ابن آدم في التفكير .. والرب في التدبير .
J ابنك على ما تربيه وجوزك على ما تعوديه.
J ابنه على كتفه .. وبيدور عليه .
J صاحب بالين كداب.
J ابو البنات مرزوق.
J في الشدة .. أبوك ما هو أبوك .. وأخوك ما هو أخوك.
J خليك ورا الكداب لحد باب الدار.
J بتاع الناس .. كناس.
J البحر بيحب الزيادة.
J بدل ما اقول للعبد يا سيدي .. اقضي حاجتي بايدي.
J صاحب القرش صياد.
J مشورة المرا .. ترجع سنة ورا.
J عيش في العز يوم .. ولا تعيش في الذل سنة.
J عشمتني بالحلق.. خرمت أنا وداني.
J عغينه فيه .. ويقول إخّيه .
J على قد لحافك مد رجليك.
J علم في المتبلم يصبح ناسي.
J في الوش مراية وفي القفا سلايه.
J قرد يسليني ولا غزال يغمني.
J قرد موافق ولا غزال شارد.
J كل شئ بالخناق إلا الجواز بالاتفاق.
J الناس مقامات .. ومن عرف مقامه .. في الهنا بات.
J هِين قِرشك .. ولا تهين نفسك .
J هي الحداية بترمي كتاكيت.
J وجع ساعة ولا كل ساعة.
J ودن من طين والتانية من عجين.
J يابخت من قدر وعفى.
J بدل ما تغشه قول له في وشه.
J تغور العورة بفدادينها.
J التقل صنعة.
J تكون في ايدك وتقسم لغيرك.
J جه يكحلها عماها.
J حاميها حراميها.
J حبيبك يبلغ لك الزلط.. وعدوك يتمنى لك الغلط.
J الحجر الداير لابد من لطه.
J خبطتين في الرأس توجع.
J حوّشي يا خايبه .. للغايبه .
J دبور زن على خراب عشه.
J دخول الحمام مش زي خروجه.
J رب هنا رب هناك.
J العمر واحد والرب واحد.
J زمار الحي لا يطرب.
J سبع صنايع والبخت ضايع.

أمثال شعبية (2)

J ابن الوز عوام .
J لبس البوصة تبقى عروسة.
J يموت الزمار وصوابعه بتلعب.
J اضرب المربوط يخاف السايب.
J شرط المرافقة الموافقة.
J لو صبر القاتل على المقتول كان انقتل لوحده.
J الكدب مالوش رجلين.
J إللي يتجوز أمي أقوله يا عمي.
J ادلعي يا عوجه في السنة السوده.
J الجعان يحلم بسوق العيش.
J اقول طور يقول احلبوه.
J ايه ياخد الريح من البلاط.
J اللي تكره وشه يحوجك الزمن لقفاه.
J من القلب للقلب رسول.
J إذا حبيت داري .. واذا كرهت واري.
J امشي في جنازة ولا تمشي في جوازه.
J يابخت من وفق راسين في الحلال.
J بوس ايد حماتك ولا تبوس ايد مراتك.
J السعد وعـد .
J كله قسمه ونصيب.
J اجري جري الوحوش غير رزقك ما تحوش.
J الاعتبار للمال مش للرجال.
J يدي الحلق للي بلا ودان.
J اللي ما يقدر عليه القدوم يقدر عليه المنشار.
J سكتنا له دخل بحماره.
J اللي يوطي راسه يتركب.
J لقمه هنيه تكفي ميه.
J البلد بلد أبونا والغرب بيطردونا.
J يوم عسل ويوم بصل.
J جنة من غير ما ناس تنداس.
J القفه أم ودنين يشيلوها اتنين.
J اطلب لجارك الخير .. أن ما نلت منه تكتفي شره.
J النواية تسند الزير.
J ساعة الحظ ما تتعوضش.
J المكتوب على الجبين لازم تشوفه العين.
J البخت عارف اصحابه.
J الدنيا زي الغازية .. ترقص لكل واحد شوية.
J دنيا فانيه.
J المتغطي بالأيام عريان.
J عداوة الأقارب زي لسع العقارب.
J عادي أمير ولا تعادي غفير.
J قيس كل حاجة لوحدها .. صوابعك مش زي بعضها.
J كتر النواح بيعلم البكا.
J نجوم السماء أقرب لك.
J الندب بالطار ولا قعاد الرجل في الدار.
J ياحامل هم الناس خليت همك لمين.
أمثال شعبية

هناك أمثال ساخرة ضاحكة حول الحظ العاثر والبخت المنحوس وحتمية هذا البخت وكأنه قدر ومكتوب مثل :

· المغلوب مغلوب وفي الآخر يضِّرب بالطوب.
· من يوم ما ولدوني في الهم حطوني.
· على ما يسعد المنحوس يكون عمره فرغ.
· يابخت مالك من دون البخوت لبخت قال إن ما كنت تسكت هاسقط شوة لتحت.
· بختي لقاني في الطريق يعرج قاللي ارجعي ياخايبة لارقد.
· قلت لبختي أنا رايحة اتفسح قاللي وانا مانيش مكسح.
· قلت لبختي أنا رايحة للجيران قال وأنا مانيش تعبان.
· قلت لبختي أنا رايحة لأهلي قال وأنا أمشي واحدة واحدة على مهلي.
· المنحوس منحوس ولو علقوا على راسه فانوس.
· البخت يتبع صاحبه.
· نحسها معها معها منين ماتمشي يمنعها.
· له في كل خرابة عفريت.
· أرميه في البحر يطل وفي بقه سمكة (عن الحظ الحسن).

وتطرقت الأمثال أيضاً إلى تعريف الحظوظ السيئة والحسنة وتناولتها بسخرية فقالت :
· يابخت من كان النقيب خاله (فالحظ حسن دائماً).
· من سوء بختي حبوني الكلاب.
· عيشك يحلى لي ياخالي قال ده من سوء بختي ياابن اختي.
· عيشك كويس ياخالتي قالت من سوء بختي يابنت اختي.
· بختك يا أبو بخيت.
· أنت وحظك.
· خبطتين في الراس توجع.
· الفقي لما يسعد تيجي له ختمتين في ليلة.
· جارية تخدم جارية دي داهية عالية.

وعن التفاوت في الحظوظ بين الناس تذكر الأمثال:
· ناس تاكل البلح وناس تتضرب بالشماريخ.
· ناس تاكل البلح وناس يترموا بالنوى.
· ناس ليهم العنب وناس ليهم الحصرم.
· شخوا عليّ كلكم ياللي الزمان خلاني لكم.
· من لقى بخته خرى تحته وجاب عدى البخت يمسح له.

وعن الحظ الحسن يقول المثل:
· جت له على الطبطاب.
· باضت له في القفص.

وعن الحظ السيئ:
· من حفرة لطوبة ياقلبي لا تحزن.
· تخلص من حفرة تقع في دحدورة.
· في حزنهم مدعية وفي فرحهم منسية.
· يافرحة ما تمت خدها الغراب وطار.
· جيت ادعي عليه لقيت الحيطة مايلة عليه.
· ياقلة بختي.

كما أن هناك أمثالا تشير إلى أن الحظ مقدر من عند الله ? سبحانه وتعالى ? ولا يد للإنسان في تغييره .. فيقول المثل:
· حد بيقول يارب اتعشى ?
· حد يبقى القلم في ايده ويكتب نفسه شقي؟
· هو حد بيميل بخته بإيده؟

وتوجد أمثال تعبر عن الإذعان للقسمة والنصيب والتي تتحكم في كل شئ:
· كل شئ قسمة ونصيب.
· الجواز قسمة ونصيب.
· اللقاء نصيب.
· أعزم وآكل العيش نصيب.
· اللي من نصيبك لازم يصيبك.
· كل واحد بياخد نصيبه.
· النصيب بيدور على صاحبه.
· {قل لن يصيبنا إلا ما كتب الله لنا} من القرآن الكريم.
· مش هايصيبك إلا نصيبك.
· اللي من نصيبك محرم على غيرك.
· محدش بياخد نصيب حد.
· ده للمقسومين مش للموعودين.
· ارضى بنصيبك تعيش.
وهناك بعض الأمثلة تعكس المعنى السابق حيث لكل مجتهد نصيب ولا يأتي النصيب اعتباطاً بل بناء على جهد وعمل:
· لكل مجتهد نصيب.
· من جد وجد ومن زرع حصد.
· إذا حضرتم القسمة فاقتسموا.
· الغايب مالوش نايب.

وكذلك فقد أرجعت الأمثال إلى أن العبرة دائماً في الحظ للنهاية فنجد:
· تبقى في بقك وتقسم لغيرك.
· تكون في ايدك وتقسم لغيرك.
· قالوا للبايرة جالك عريس .. قالت مش حصدق إلا لما أحضنه.
· ماليس نصيب فيه.
· ده مش نصيبي.
· قسمة ونصيب.
· قسموا القسايم خدت أنا كومي قالوا مسكين قلت من يومي.

ويقول إبراهيم أبو سنة في كتابه (فلسفة المثل) إن الاستخدام العربي قد جعل
كلمة البخت ظلاً قائماً على مصاب الناس التي يلحق بهم الفشل المتكرر في
حياتهم. ويؤكد أن البخت بتعبير أوضح وفي غالب اطلاقاته هو مجموعة الظروف
الفاشلة أما الحظ فهو المصادفة الخارجية.
أما الدكتور سيد عويس فيذكر في كتابه الازدواجية في التراث الديني المصري
أن إيمان المصريين بالبخت وبنمط التفكير الحسي غير العلمي غير مقصور على
الفلاحين والجهلاء بل ان بعض المثقفين والكتاب يتناول في الصحف اليومية
والأسبوعية أموراً عن السحر وقراءة الكف والفنجان والرمل والودع والمندل
وقراءة السحب والبرق وأوراق الشجر والعمل والنفخ في العقد والرؤيا الصادقة
واستحضار الأرواح وتجسيدها ويعلقون على ذلك بأنه ممكن ومعقول ولا يتنافى مع
العلم وأن العقل لا يستطيع أن يرفض ذلك لأنه محدود كما أن الدين يؤكد هذه
المعتقدات ويشير إلى نماذج كتابات أنيس منصور كمثال على صدق كلامه.
وتشير الأمثال إلى أن الإنسان مسيّر وليس مخيرا. وإيمانه بأنه نصيبه في
الدنيا محدود مسبقاً (جفت الأقلام ورفعت الصحف) فهي تأتي من منطلق فيما
يحدث:
· اللي ما يرضاش بالتوت يرضى بشرابه.
· اللي ما يرضى بحكم موسى يرضى بحكم فرعون.
· اللي عاجبه الكحل يتكحل واللي مش عاجبه يرحل.
· لو علمتم الغيب لرضيتم بالواقع (مثل عربي).
· اللي يبص لفوق يتعب أو توجعه رقبته.

كما يدعو المثل الشعبي إلى القناعة فيقول :
· الأعور وسط العميان ملك.
· نص العمى ولا العمى كله.
· الطشاش ولا العمى.
· شئ أهون من شئ .
· الحمد لله اللي جت على قد كده.
· ادى الله وادى حكمته.
· كـده رضـا.
· ما كل ما يتمنى المرء يدركه.
· القناعة كنز لا يفنى.
· القناعة مال وبضاعة.
· عصفور في اليد ولا عشرة على الشجرة.
· بيضة النهاردة أحسن من فرخة بكرة.
· اقع بالحاضر على ما ييجي الغايب.
· ارضى بما قسم الله لك تأتيك السعة.
· من رضى بقليله عاش.
· غنى النفس هو الغنى الكامل.
· عز من قنع وذل من طمع.
· أقله بركة.
· أقل موال ينزه صاحبه.
· اللي عنده عيش وبله عنده الفرح كله.
· إن حضر العيش يبقى المشي شبرقة.
· بخمسة قهوة تقضي الشهوة.
· بيضتها أحسن من ليلتها.
· قليل دائم خير من كثير منقطع.
· افتكاره رحمة (في ضرورة الرضا بالمرض).
· له في ذلك حكم.
· دي إرادة ربنا.
· ادى السما وادى الأرض.

كذلك في الصبر والرضا:
· يشم ضهر ايده يشبع.
· زي بلد أبو راضي المشنى مليانة والسرهاوي.
· السكوت علامة الرضا (يضرب غالباً في الزواج).
· زي أبو قردان صايم عن زاد الدنيا.
· رطل نحاس بيغني عن ناس.
· ما بعد الضيق إلا الفرج.

أما في غير الراضي وغير القانع بما قسمه الله فلهم نصيب أيضاً من الأمثال الشعبية:
· البطر عقبة وحسن.
· البطران عليه قطران.
· رفس النعمة برجله.
· الأكلانه تولد مية وتقول ياقلة الذرية.
· ما يعجبوش العجب ولا الصيام في رجب.
· لما اتفرقت العقول كل واحد عجبه عقله ولما اتفرقت الأرزاق محدش عجبه رزقه.

عواقب عدم الرضا والنظر لما في يد الغير:
· الحسي مسني وابات متهني ولا كبابك اللي قاتلني.
· لقمة جاري ما تشبعني وعارها متبعني.
· قطع الطشت الدهبي اللي أطرش فيه الدم.
· شعيرنا ولا قمح غيرنا.
· كتاتنا ولا حرير الناس.
· لقمة تحت الحيطة ولا خروف بعيطة.
· اللي ينشري ما ينشهي.
· اللي تشتريه الفلوس ما تشتهيه النفوس.

في استنكار الرضا:
· رضينا بالهم والهم مرضيش بينا.

وفي الصبر ترى الدكتورة نعمات فؤاد أن الصبر قدرة مصرية خاصة وهو عندنا
أيضاً نابع من الإيمان الذي له رصيد في قلب المصري وهذا نابع من إيمان بأن
{الله ولي الصابرين} ?{لئن صبرتم لهو خير لكم}.
· يا صبر ايوب.
· الصبر طيب .. بس اللي يرضى به.
· الصبر مفتاح الفرج.
· الصبر جميل.
· الصبر أحسن دوا.
· الصابرين بخير.
· الصابرين لهم الجنة.
· إن صبرتم أجرتم وأمر الله نافذ وإن ما صبرتم كفرتم وأمر الله نافذ.
· إن صبرتم نلتم وأمر الله نافذ وإن ما صبرتم قبرتم وأمر الله نافذ.
· ما ضاقت إلا لما فرجت.
· العوض على الله .
· إذا اشتد الكرب هان.
· اصبري ياستيت لما يخلي لك البيت.
· خليك في عشك لا ييجي حد يهشك.
· شدة وتزول.
· طولة البال تبلغ الآمال.
· المعيشة تحب طولة البال.
· طول البال تهد الجبال.
· من صبر نال ومن لح ملوش.
· اصبر تنول.
· صبر ونال.
· اللي ييجي في الريش بقشيش.
· الله جاب .. الله خد .. الله عليه العوض.
· فرجه قريب.
· اللي يصبر على المر لابد أن يدوق الشهد.
· وجع ساعة ولا كل ساعة.
· المؤمن دايماً منصاب.
· ياقلبي ياكتكت اسمع الكلام واسكت.
· كل شئ دواه الصبر لكن قلة الصبر مالهاش دوا.
· كل شئ في أوله صعب.
· كل عقدة ولها حلال.
· اتقل على الرز لما يستوي.
· مسيرها تيجي البر ولو ألواح (عن المركب).
· خللي أملك في ربنا كبير.
· تيجي على أهون سبب.. بس اصبر.

وفي التحمل .. يقول المثل :
· اللي يحب الدح ميقولش أح.
· مفيش حلاوة من غير نار.
· اللي يحب العسل يستحمل قرص النحل.
· اللي ينزل البحر يستحمل الموج.

وتوجد بعض الأمثال تنتقد الصبر وتدل على عدم القدرة على التحمل:
· الصبر مر.
· الصبر حرق الدكان.
· بعد الصبر القبر.
· ما ورا الصبر إلا القبر.
· فرج حرمه خرج (من الصبر والتحمل).
· فاض بي الكيل.
· الكيل طفح.
· اللي ايده في المية مش زي اللي ايده في النار.
· اللي ياكل الضرب مش زي اللي يعده.
· لو صبر القاتل على المقتول كان اتقتل لوحده.
· يا يموت العبد يا يعتقه سيده.
· صبري على نفسي ولا صبر الناس علي.
· الجايات أكثر من الرايحات.
· اصبر على جار السوء يا يرحل ياتجيله داهية.

ويقول الدكتور سيد عويس إن الصبر كقيمة اجتماعية قد يعني في بساطة (حبس
النفس عن الجزع) والصبر بهذا المعنى قيمة اجتماعية ايمانية فالحياة
الإنسانية لا تخلو من الجزع وهي كذلك لا تخلو من الطمأنينة ومع ذلك فإننا
نلاحظ أن مفهوم الصبر لا يعني حبس النفس عن الجزع دائماً فقد يكون صبراً
على الضيم وقد يكون صبراً على الإهانة وقد يكون إذعاناً إلى حد الذلة
والضعة وقد يكون صبراً على ضياع الحقوق.
وفي الأمثال التي تسخر من الشخص الذي يقحم نفسه في أشياء تؤدي إلى الأذى:
· اللي يكري ( طيزه ) ما يحسسش عليها.
· اللي يعمل ضهره قنطرة يستحمل الدوس.
· اللي يعمل خده مداس يستحمل الدوس.
· اصحاب الميت صبروا والمعزيين كفروا.

والمثل المصري يرى أن من لا يصبر كافر فالصبر هبة من الله:
· الصبر من عندك يارب.
· يارب ألهمنا الصبر.
· يارب صبرنـا.
· من شاف بلوة غيره هانت عليه بلوته.
· اللي يشوف بلاوي الناس تهون عليه بلوته.
· فات الكثير ما بقى إلا القليل.
· كل آت قريب.
· ربنا يقرب البعيد.
· كلها شهر وشهير والتاني قصير.
· كل شئ بأوان.
· آهي ليلة وتعدي.
· آهي ليلة فراقها صبح.
· كل شئ وله آخر.
· اللي له أول له آخر.

وبذلك .. فالمصري ميال إلى الصبر بطبيعته .. وترى ?. نعمات فؤاد أن المصري
تعلم الصبر من الزراعة التي علمته (الصبر الرحيم وسعة الصدر والسكينة
والمسالمة وطمأنينة الرضا وجلال التواضع).
سأصبر حتى يعجز الصبر عن صبري ..
واصبر حتى يأذن الله في أمر..
وأصبر حتى يعلم الصبر أني صبرت على شئ أمر من الصبر.

أمثال في الطيبة والعفوية
· من القلب للقلب رسول.
· إن كان حبيبك في خير افرح له.
· اللي يحب حد يكثر من ذكره.
· اللي يحب ما يكرهش.
· داخل بيت عدوك ليه ? قال : حبيبي فيه.
· إن كان لك حبيب وبدك تتقيه لا تاخد منه ولا تديه.
· لاجل الورد ينسقي العليق.
· من حبنا حبناه وصار متاعنا متاعه .. ومن كرهنا كرهناه يحرم علينا اجتماعه.

وعن المشاعر والحنان :
· الدم يحن.
· الدم ما يبقاش مية.
· عمر الدم ما يبقى مية.
· إذا كانت الداية أحسن من الوالدة كانت تبقى خيبة زايدة.

ويسخر المثل الشعبي من الحنان غير المصحوب بالعطاء .. فيقول:
· ترى حنية لوز حنية من غير بز.
· ادي ابنك للي له أولاد.

وفي العشرة :
· من عاشر القوم 40 يوم صار منهم.
· من عاشر الحداد ينكوي بناره.
· العشرة ما تهونش إلا على ابن الحرام.
· اللي يعاشر الطبيب يموت سقيم.
· اللي يعاشر التعابين لازم يشتغل حاوي.
· تعرف فلان ? أعرفه .. عاشرته ? لا .. تبقى متعرفوش.
· لا تذم ولا تشكر إلا بعد سنة وست اشهر.
· عاشر عاشر مسيرك تفارق.
· جنة من غير ناس ما تنداس.
· معرفة الناس كنوز.

أما عن المعرفة التي تجلب المتاعب .. فيقول المثل:
· البعد عن الناس غنيمة.
· الاقتصار عبادة.
· الوحدة ولا رفيق المتاعب.
· الوحدة خير من جليس السوء.

وكما أن للمحبة والعشرة أمثالها الشعبية فإنه أيضاً للكراهية والعداوة أمثالها:
· أنا واخويا على ابن عمي .. وأنا وابن عمي على الغريب.
· ابن عمك عدوك وعدو اللي يعاديك.
· صديق عدوي عدوي .. وعدو عدوي صديقي.
· عين العدو تبان ولها **ان.
· العين متكرهش إلا اللي أحسن منها.
· عادي أمير ولا تعادي غفير.
· عدو قريب ولا حبيب بعيد.
· نهار العدو ما يصفى يخفى.
· عدو عاقل خير من صديق جاهل.
· عدوك عدو دينك.
· اللي تكره وشه يحوجك الزمان لقفاه.
· اللي تكرهه النهاردة تعوزه بكره.

وعن تجنب العداء وعدم المبالغة في العداوة يقول المثل:
· صباح الخير يا كنيسة واللي في القلب في القلب (بمعنى كره وليس عداوة).
· اقطع لسان عدوك بسلام عليكم.
· امشي دوغري يحتار عدوك فيك.
· حبيبك يمضغ لك الزلط .. وعدوك يتمنى لك الغلط.
· من "شخ" عليك "شُخ" عليه . وآهي كلها نجاسة.
· فوت على عدوك مكسي ولا تفوت عليه محشي.
· امشي على عدوك جعان ولا تمشيش عريان.
· فوت على عدوك معرش ولا تمشيش مكرش.
· كبر الجرن ولا شماتة الأعادي.
· كل عيش حبيبك تسره وكل عيش عدوك تضره.
· ضمة القبور ولا ضمة عدو.

والمصري يخشى من يعاديه .. ولا يأمن له .. ويعبر المثل عن ذلك قائلاً:
· عدو زمان مالوش أمان.
· عمر العدو ما يبقى حبيب .. وعمر الحمار ما يبقى طبيب.

وفي الإصلاح :
· مكتوب على ورق الحلاوة .. ما محبة إلا بعد عداوة.
· بينهما ما صنع الحداد.
· إنت من سكة وهو من سكة.
· قاعد له على السقطة واللقطة.

ومع ذلك توجد أمثال داعية للمصالحة بين المتخاصمين.. ويمثل إلى السِلم والتسامح:
· الصلح خير.
· السلام لله.
· المسامح كريم.
· اللي يدق يتعب.
· أهل السماح ملاح.
· المصارين في البطن بتتعارك.
· اللي انكسر يتصلح.
· الغلط مرفوع والزعل ممنوع.
· هي الشتمة بتلزق.
· عفا الله عما سلف ( آية قرآنية)
· مسير المية ترجع لمجاريها.
· اللي فات مات.
· احنا ولاد النهارده.
· ما شتمك إلا اللي بلغك.
· من جه بيتك جاب الحق عليه.
· العند يورث الكفر.
· الغلط مردود.
· من قر بذنبه غفر له ربه.

وفي السعي للصلح:
· ما ينوب المخلص إلا تقطيع هدومه.
· يا داخل بين البصلة وقشرتها .. ما ينوبك إلا صنتها.
· قاضي العيال اشتكى روحه.
· امسحها في دقني أو امسحها في.
· يخانقني في زفة ويصالحني في عطفة.
· شيل ابوك عن اخوك.
· شيل ده من ده .. يرتاح ده عن ده.
· مخلوش للصلح مطرح.
· حد الله ما بيني وبينك.

وفي الدعوة إلى الأخلاق وعدم التطاول على الآخرين:
· لسانك حصانك إن صنته صانك وإن هنته هانك.
· طاعة اللسان ندامة.
· سلامة الإنسان في حلاوة اللسان.
· لولاك يالساني ما انسكيت يا قفايا.
· الملافظ سعد.
· اقعد عوج واتكلم عدل.
· الادب فضلوه عن العلم.
· اقصر الشر.
· اتق شر غضبة الحليم.
· يا رايح كتر من الملايح.
· خير الأمور الوسط.
· المخزوق يشم السلطان.
· إذا يأس الإنسان طال اللسان.

وبعض الأمثال تعطي العذر لمن يضطر لإساءة الأدب:
· العصا لمن عصى.
· اخليه يمشي على العجين مايلخبطوش.

وعـن الأصـدقاء :
· طول ما انت طيب تكتر أصحابك.
· صديقك من صدقك.
· الصديق وقت الضيق.
· عند الشدة والضيق يبان العدو من الصديق.
· إذا لم تكن لي والزمان شرم برم فلا خير فيه والزمان ترللي.
· صاحبك من بختك.
· البيض الفاسد يتدحرج على بعض.
· الطيور على اشكالها تقع.
· قل لي من صاحبك اقل لك من انت.
· اللي ترافقه وافقه.
· التعبان من رفيقه يوسع.
· صديق صح خير من أخ.
· رب أخ لم تلده أمك.
· صاحبك وجارك ادرى بمالك.
· اختار الصديق قبل الطريق.

وفي التحذير من الأصدقاء تقول الأمثال:
· ما يغصك غير صاحب (وذلك لأنه أدرى بأسرارك).
· حاسب من صاحبك ولا تخونه.
· الصاحب اللي يخسر هو العدو المبين.
· من لقى أحبابه نسي أصحابه.

وكما توجد أمثلة عن الأصدقاء والأحباب فهناك أمثلة عن الجيران:
· اختار الجار قبل الدار.
· النبي وصى على سابع جار.
· إن كان جارك في خير افرح له.
· إن كان لجاري ما يهمني لي.
· اطلب لجارك الخير ?· إن ما نلت منه تكفي شره.
· الجار أولى بالشفعة.
· الجار جار وإن جار.
· جارك قدامك ووراك.إن ما شاف وشك يشوف قفاك.
· قبل ما أقول يا أهلي يكونوا جيراني غاتوني.
· ربك وجارك أعلم بحالك.
· لولا جارتي لانفقعت مرارتي.
· من جاور السعيد يسعد.
· غير من جارك ولا تحسده.
· يا جار الدهر احزن لي شهر.
· الجار للجار ستر وغطا.

وعن الجار السيئ يقول المثل:
· صباح الخير ياجاري .. إنت في حالك وأنا في حالي.
· اصبر على جار السو يا تجيله داهية يايرحل.
· من جاور الحداد ينكوي بناره.
· إن غسلتي توبك انقيه وان خاصمت جارك ابقيه.
· خلصت حاجتي من غير جارتي.
· إن جار عليك جارك حول باب دارك.
· إن كرهك جارك غير باب دارك.
· إن كان جارك بلا بلاء حك به جسمك.
· اياك اعني واسمعي ياجاره.
· الكلام لك يا جاره وانت حماره.

وتوجد بعض الأمثال تحرص على مقابلة العدوان بالعدوان من الجيران فتقول:
· الأبيحة ست جيرانها.
· خلص تارك من جارك.
· ما بعد حرمة الزرع جيره.

وعن التحذير من الجيران:
· البلاوي تتساقط من الجيران.
· جارنا السو ما ارضاه اللي معانا كله واللي معاه خباه.
· دقوا في اوانهم وسمعوا جيرانهم.
· انا رحت الغيط حرست جاري سرق البرسيم وخد حماري.
· الحسد عند الجيران والبغض عن القرايب.
· الجار السو يحسب الداخل ما يحسب الخارج.
· لليهود والنصارى ولاولاد الحارة (تقولها المرأة التي تخاف من كلام الجيران).
· الشاطرة تقضي حاجتها والخايبة تنده جارتها.
· الشاطرة تعمل حاجتها والخايبة قاعدة تحدتها.
· الله لا يجعل لنا جار وله عينين.

في احترام فارق السن:
· الكبر هيبة.
· دول الخير والبركة.
· الدهن في العتاقي.
· أكبر منك بيوم يعرف عنك بسنة.
· اللي ما يسمع كلام والديه يالطمة على خديه.
· أنت ومالك لأبيك.
· الشجرة اللي متضللش على أهلها تستحق قطعها.
· الولد ولد ولو كان شيخ البلد.

وعن احترام الحاكم :
· أنا اول من أطاع وآخر من عصى.
· حد يقول للغولة عينك حمرا؟ (ايا كانت قوة الحاكم).
· الملك من هيبته بيتشتم في غيبته.
· آه يا بلد من غير عمدة (الحاجة دائماً للسلطة).
· اللي مالوش كبير يشتري له كبير.

وهناك أمثال تسخر من السلطة سراً:
· جبناكِ ياحكومة تحمينا .. حميتي النار وكوتينا!

إلا أن هناك أمثالاً ترفض السخرية في الخفاء فتقول:
· في الوش مراية وفي القفا سلاية.
· أبو وشين يلعب على الحبلين.
· بوس الأيادي ضحك على الدقون.
· ده كله مسح جوخ.
· لما تقع البقرة تكتر سكاكينها.
· ضلالي وعامل إمام .. والله حرام.
· يؤدي الغرض وينقب الأرض.
· زي المش كل ساعة بوش.
· تحت البراقع سم ناقع.
· زي القط يسبح ويسرق.

إلا أن هناك أمثالاً تدعو إلى المحاباة وإحناء الرأس للريح.. فتقول:
· إن كان لك عند الكلب حاجة قول له ياسيدي.
· اتمسكن لحد ما تتمكن.
· الايد إلى متقدرش تقطعها بوسها.
· إن لقيت بلد بتعبد عجل .. حِش واديله.
· ارقص للقرد في دولته.
· العب مع القرد لما توفي أيامه.
· من طأطأ لها فاتت.
· علشان ما تعلي لازم نطاطي.
· طاط رأسك ما بين الروس وإلا الماشي عليك يدوس.
· كلمة باطل تجبر الخاطر.
· إن قابلك السفيه داريه بما فيه .. وهات كحكة بسكر وهاديه.
· اتوصوا علينا ياللي حكمتوا جديد .. احنا عبيدكم وانتم علينا سيد.
· معاهم معاهم .. عليهم عليهم.
· لاجل الضرورة اروح للندل البيت .. واقول له العفو ياسيدي.. واشيل مداسه وامسح تراب رجليه.

ويتضح لنا أن الأمثال الشعبية القابلة للنفاق أكبر بنسبة 15 : 10 من الرافضة له.

وفي الاضطـرار :
· المضطر يركب الصعب.
· قال : ايه رماك على المر ? قال : اللي أمر منه.
· الضرورة لها أحكام.
· الضرورات تبيح المحظورات (قاعدة فقهية).
· الجوع كافر.
· ما باليد حيلة.
· الغريق بيتعلق بقشاية.
· علشان بطنه حلقوا دقنه (رضى بالإهانة).
· ادي السما وادي الارض.
· اللوح قال للمسمار : انت قلقتني . قال المسمار: لو كنت تعرف الدق اللي على راسي كنت عذرتني.
· قال : ياللي ابوك مات من الجوع . قال : هو كان لقى أكل ولا اكلش.
· ماله الدستي بيغلي ? قال : من كتر ناره.
· يرضى ورجله فوق رقبته.

وحول من يتحايلون على اضطرارهم بالصلاة والصوم:
كشكل من أشكال النفاق تقول الأمثال:
· زي المراكبية ما يفتكروش ربنا إلا وقت الغرق.
· ما يعرفش ربنا إلا وقت زنقة.
· من صلى وصام لأمر كان فإذا قضى الأمر لا صلى ولا صام.

وفيمن يريد الانفجار في الوضع الراهن لكنه لا يستطيع :
· حاجة تخللي الأخرس ينطق.
· طفح الكيل.
· بلغ السيل ال**د.
· كتر الحزن يعلم البكا.
· هم يضحك وهم يبكي.
· اشكي لي وأنا أبكي لك.
· الأيام الزفت فايدتها نوم.
· انسى الهم ينساك.
· بعد الكتير وبعد ما كنا صار القليل يجبر خواطرنا.

وتوجد الكثير من الأمثال تشير إلى رضا المصريين بالمقسوم وعدم الثورة على الواقع والإذعان له:
· ياجملة الهم ياعم.
· يدق الهم ويتخله.
· قاعد يقلب ويعاير.
· هم ما يتلم.
· اللي فينا مكفينا.
· شر البلية ما يضحك.
· هم يضحك وهم يبكي.
· ضيع الهم ب**يبة.
· إن كترت عليك الهموم .. ارقد نوم.
· اترك الهم ينساك .. تلقى سعدك وتنسى اساك.
· اشكي لمين وكل الناس مجاريح.
· الهم في الدنيا كتير بس مفرق.
· الضحك على الشفاتير والقلب يصبغ مناديل.
· الوش مزين والقلب حزين.
· متعيطوش على فخاركم ده له زي أعماركم.
· وقوع البلا ولا انتظاره.
· قضيت العمر في قهر قال هو العمر فيه كام شهر (دعوة للفرح).
· ماشيلتك يادمعتي إلا لشدتي.
· وتصور الأمثال أن الهم والحزن له أصحابه الذي يسعى إليهم والذين يسعون إليه فيقول:
· جت الحزينة تفرح ما لقيتلهاش مطرح.
· قلوب عليها دروب وقلوب من الهم تدوب.
· من يوم ما ولدوني .. في الهم حطوني.
· مشفتش يوم أحكي عليه.
· رضينا بالهم والهم مرضيش بينا.
· يافرحة ما تمت خدها الغراب وطار.
· نص الفطرة خروب.
· كل هم في البلد .. بييجي عندي ويتسند.
· بيدور على النكد بمنكاش.
أمثال شعبية
ولم يسلم الفقر والفقراء من الأمثال الشعبية الساخرة وتقول الأمثال في الفقر والضيم:
الفقير ريحته وحشة.
لو كان الاسم بيتشري كان الفلاح سمى ابنه خره.
طول ما أنا على الحصيرة لا شايف طويلة ولا قصيرة.
إذا دخل الفقر من الباب خرج الحب من الشباك.
اللي ما يكون سعده من جدوده يالطمه على خدوده (أي أن الغنى يأتي بالإرث).
طلب الغنى شقفة .. كسر الفقير زيره .. جته داهية ما أقل تدبيره.
علشان كبابك أكب انا عدسي.
إذا شفت الفقير بيجري اعرف أنه بيقضي حاجته للغني.
العايز أهبل.
دلع الفقاري يفقع المرارة.
الغنى شكته شوكة بقت البلد في دوكة.. والفقير قرصه تعبان قالوا اسكتوا بلا كلام.
الغنى غنوا له والفقير منين تروحوا له.
غني مات جروا الحبر (العباية) .. فقير مات مافيش خبر.
الفقير لا يتهادى ولا يرادى ولا تقوم له في الشارع شهادة.
الكرشة عند المقلين زفر.
الكسبرة عند الفقراء حلاوة.
إن عاشوا أكلوا الديدان .. وإن ماتوا ما يلاقوا أكفان.
حلم القطط كله فيران (يقال عن المحرومين).
اخذوا من فقرهم حطوا على غناهم.
انضف من الصيني بعد غسيله.
قالوا ياجحا عد غنماتك . قال : واحدة قايمة وواحدة نايمة.
الجعان يحلم بسوق العيش.
سألوا الجعان واحد × واحد بكام ? قال : برغيف عيش.
محدش بيموت من الجوع.
محدش بيبات جعان.
ابن مين اللي محمول ? ابن اللي عندها مأكول. وابن مين اللي ماشي؟ ابن اللي معندهاشي.
غني أكل حية قالوا من حكمته .. وإذا أكلها الفقير قالوا من حموريته.
الفقير قال : الفار كل الورق . قالوا : كداب ده كلام. الغني قال: الفار كل الذهب قالوا تمام أهو ده الكلام!
يتعلم الحجامة في روس اليتامى.
متعلمش اليتيم بكى.
الكحكة في ايد اليتيم عجبة.

وفي تعريف الفقر يقول المثل:
سيدي ما أخفه لا في أيده ولا في طرفه.
العريان في القافلة مرتاح.
فقر بلا دين هو الغنى الكامل.
الفقر حشمة والعز بهدلة.
الفقر مش عيب ما عيب إلا العيب.
فقر المرء في وطنه غربة.
غنى المرء في الغربة وطن.
الغنى غنى النفس.
الله الغني ( تقال في الاستغناء).
إن مال عليك الزمان ميل على دراعك.
لو كان الفقر رجلاً لقتلته.

كما أن المصري يدعو الله دائماً أن يعطيه ويغنيه فيقول:
العين بصيرة والايد قصيرة.
حيلة العاجز دموعه.
العاجز في التدبير يميل على المقادير.
يعني اضرب الارض تطلع بطيخ.
تقول تور يقولوا احلبوه (كناية عن الاستمالة).
عشم ابليس في الجنة.
هو أنا مكفن وضامن جنة.
قالوا للجمل زمر قال ياريت لا صوابعي مبرومة ولا شفايفي مضمومة (يقولها الفقير عن عدم الاستطاعة).

ويسخر المثل المصري من العذر والعوز فيقول :
ما كانش اتعذر ولا باع جزر.
ما كانش ينعز.
قال إيش غرض الأعمى قال قفة عيون.
الحوجة مرة.
المحتاجة غناجة.
ايش ياخد الريح من البلاط.
كلمة بكرة زرعوها مطلعتش (عن تسويف المدين).
شدة وتزول (عن الضيق).
الشكوى لأهل بصيرة عيب.
على لساني ولا تنساني (في السؤال والضيافة أيضاً ).
شحات يكره شحات .. وصاحب البيت يكره الاثنين.
شحات يشمت من شحات تطلع له فيه حسنة.
التاجر لما يفلس يدور في دفاتره القديمة.

في الطيبة :
الطيب أحسن.
اعمل خير وارميه البحر.
اصنع المعروف في اهله وغير أهله.
الساعي في الخير كفاعله.
الباني طالع والفاحت نازل.
الحلم سيد الأخلاق.
سلامة الإنسان في حلاوة اللسان.
ان عملت خير ما تشاور.
خير البر عاجله.
الخير بخير والشر بغير.
زيادة الخير خيرين.
سلامة في خير .. وخير في سلامة.
ما بين الخيرين حساب.
اللي عند الله ما يضعش.
اللي تزرعه تقلعه أو تضمه.

» امثال مصرية مرتبة حسب الحروف الابجدية موسوعة الامثال الشعبية المصرية
» اجمل الامثال الشعبيه شرح الامثال الشعبية
» الامثال الشعبية للفلاح المصرى على الشهور القبطية
» الامثال الشعبية التي تضرب في الأب والأم والولد
» الأمثال الشعبية المصرية