هو ايه بقلم د عمرعبد الجواد

..... (( هو إيه ؟؟ ))......
هو طبيبي ودوايا......
و هو أملي ومنايا.......
وضحكة عنيه ....هي سر هنايا
و في بعاده.. كان تعبي و شقايا
وصار قدري ...يطول سهري
ويغيب قمري.. من أرضي و سمايا .

هي دي ...كل الحكاية
حكاية.... قلبي اللي حبه.....
وعاش سنين ...يتمني قربه
وورد حبي يفتح... وانا جنبه
لا قلبه رق ليه ...ولا حد حس بيه
والزمن.... باع واشتري فيه
و من عذاب بعده..... يطول أسايا

هو إيه ...ذنبي في هوايا ؟؟
ذنبي اني حبيته بجد
وملك روحي.... ولا شاركه في قلبي حد
و عايش علي ذكراه ...و م الفكر حالي اتهد
لا انا بلقاه..... ولا جاني منه وعد
تضحك لينا دنيانا ...و نبتدي تانى الحكاية .

مهما طال ..عليا مسايا
و مهما زاد ...حسن الصبايا
ضحكة عنيه........ لقلبي كفاية....
و ان وضعوا الشمس أمامي
والقمر......... جعلوه ورايا
وكنوز الدنيا... كانت هدايا
لا استغني عنه... و لا انسي في يوم حبه
وعشة وانا فى حضنه.... أجمل من اي سرايا .

يأتري أنا ايه ذنبي في دنيايا ؟ ؟
ذنبي اني حبيته بإخلاص
ومن يوم ما عيني..... رأت عينه
وانا قلبي ....اتملي إحساس
وحبيت الدنيا وحبيته ....وحبيت الناس
لا انا لقيته... ولا انا لاقي من حبه خلاص
وعايش وكل منايا... يحن قلبه ليوم لقايا .

د/عمرعبدالجواد