نصائح تربوية للأولاد

نصائح تربوية للأولاد
علمى بنتك


1- علمى بنتك تقول كلمة (شكراً) لما حد يجيبلها هدية....

2- علمى بنتك تبص في الطبق اللي قدامها مش في طبق غيرها..

3- علمي بنتك تبطل ترمي ودانها للناس طول الوقت حتى لو كانوا الناس دي أنتي (مامتها)..

4- علميها أبسط قواعد اﻷصول والواجب يعني مافيش مانع حتى تقوم بالواجب مع ناس مختلفة معاهم حتى لو نفس الناس دي مقاموش بنفس الواجب معاها في عز ما كانوا زيي السمن على العسل..

5- علمي بنتك تطنش سخافات الناس بابتسامة رقيقة، ومتدخلش في جداﻻت عقيمة مع عقول مريضة..

6- علمي بنتك متاخدش أي حاجة حتى لو كانت بسيطة من غير استئذان بحجة أنها محتاجها بسرعة..

7- علمي بنتك متدخلش في شئون الغير بأسئلة فضولية سخيفة...

8- علمي بنتك أزاي تفرق بين الماس واﻷزاز من أول وهلة من خلال تقييم الناس (وفقاً لكل النقاط اللي تم ذكرها أعلاه)..

9- اﻷهم أنك تعلميها أزاي تتعامل مع الماس واﻷزاز بذكاء وأزاي تقدر تتكيف في كل اﻷحوال، فترتقي بأخلاقها في كل اﻷحوال..

10- علمي بنتك أنها غالية اوووي، فمينفعش تصغر نفسها للوصول إلى أي هدف حتى ولو كان راجل..

11- علمي بنتك أن وجود الراجل ﻻ يجب أنه يكون غاية وهدف للدرجة اللي تعميها وتخسرها رقيها وأخلاقها حتى في أبسط التصرفات..
12- علمي بنتك أن اللي تخسر صديقة جدعة عشان راجل تبقى أكبر حمارة في الدنيا..
13- علمي بنتك تتجوز لما تلاقي الراجل اللي هيسعدها مش تتجوز وخلاص عشان تبقى حامله لقب مدام..
14- علمي بنتك أن تعتز بأسم أبوها ولقب عيلتها حتى بعد الجواز ﻷن الراجل اللي عملك بني أدمه مهما كان هو اﻷحق بأن اسمه يجي بعد أسمك مش راجل غريب لسه متعرفه عليه..
15- علمي بنتك أنها تغض البصر لما حد يكون بيعد فلوس، بيأكل طفل، علميها تسد ودنها أو متركزش في الكلام الذي ﻻ يعنيها..
16 علمي بنتك أن التصنت على الغير حتى لو كان مكالمات جوزك أكبر عيب، يعني متخسريش أخلاقك عشان راجل (لو عايز يخون هيخون عادي أنتي مش هتقدري تمنعيه ﻷن الراجل لما بيتعمي أمه نفسها لو وقفت قصاده هيدوسها ويكمل عادي)...
17- علمي بنتك متكملش في جوازه بتخسر فيها كل يوم كرامتها..
18- علمي بنتك لما تلاقي صحبتها جريت على بلوزة حلوة حتى لو عجبتها هى في اﻷول قبلها تسيبهلها عن طيب خاطر، يعني البلوزات مغرقه السوق..
19- علمي بنتك أن بس في اﻷوقات الصعبة بتظهر معادن الناس، فلازم تكون دايما ألماس حتى لو كانت بتتعامل مع أزاز مكسر ومرمي في الشارع على اﻷرض..
20- علمي بنتك متدخلش في جداﻻت ونقاشات مع من هم أقل منها في المستوى اﻷخلاقي وحتى على مستوى الذكاء..
21- علمي بنتك تكبر بأخلاقها حتى على من هم أكبر منها سنا واللي أحياناً بيتصرفوا بأخلاق الصغار..
22- علمي بنتك متبينش أطماعها تجاه أي شئ عشان لو محصلتش عليه متبقاش خسرت كرامتها..
23- علمي بنتك متخسرش كرامتها وبرستيجها عشان قرشين زيادة هتدفعهم..
24- علمي بنتك فضيلة اﻷستغناء اللي هى أسهل الطرق للغنى النفسي والاجتماعي وحتى المادي..
25- علمي بنتك يكون لها أولويات تحميها من اﻷنسياق ورا فلانة جابت وعلانة عملت وأنا ﻻزم أكون زيهم وأعمل زيهم..
26- علمي بنتك أن المعرفة والعلم والعمل هما طريقها الوحيد عشان تبقى بني أدمه لها قيمة في الحياة..
27- علمي بنتك تفرق بين اللي بيحبها بجد وبين إنسان كل اللي بيجمعه بيها شوية رغبات ومصالح..
وأخيراً علميها أن تتعامل أولاً بأخلاق أميرة قبل أن تطلب من الناس أن يعاملوها كأميرة ツ
لتصلك كل النصائح اتركي (10)ملصقات
تحياتي لكم أصدقائي ومتابعين صفحتي

برنس