المثلين والشذوذ الجنسى

المثليين_الجنسيين الشذوذ_الجنسي

المقال اللي الفيسبوك مسحه بعد ما وصل لآلاف اللايكات، شيرات كتير بقى لأن الشير هو اللي هيخلي البوست يعدي تاني..
لما نشوف آخرتها.

من زمن بعيد قوي، زمن المعجزات والأنبياء، زمن ملوش مثيل، كان لكل شيء دلالات قوية، ومن حكمة ربنا إنه لما كان بيبعث نبي كان بيكون له حكاية مؤثرة، قصة نتعظ من خلالها، نتعلم منها شيء مهم، وأحيانًا الأنبياء نفسهم كانوا بيغلطوا غلطات صغيرة علشان نتعلم، زي لما سيدنا (داوود) سمع لشخص واحد ومسمعش للتاني وحكم حكمه، زي لما سيدنا (يونس) ساب قومه، زي لما سيدنا (آدم) ارتكب المعصية الأولى.

كل نبي نزل بحكاية، كل نبي كان لزمنه مغزى قوي، كل نبي قدم لنا هبة في هيئة أخلاق، مواقف نتعلم منها ونفهم، علشان حياتنا تمشي صح.

سيدنا (لوط) اتولد في زمن صعب، وبُعث لقوم أصعب، ناس بترتكب كبيرة من الكبائر وبيتفاخروا بيها، بل كانوا بيجهروا بالمعصية، زنا، ومثلية جنسية، وبيرتكبوها في أي مكان، بيت، شارع، بيتسامروا ويتحاكوا بيها، ومفيش رادع لأخطائهم، ولذلك كانت مهمة النبي الكريم عليه السلام صعبة جدًا، وتقبلها من الله بقلب طاهر، وحاول بكل السبل، ولكن!!

تعالوا نشوف...

-

سيدنا (لوط) عليه السلام أصله من قوم سيدنا (إبراهيم) عليه السلام، بل كان ابن أخوه، وهو أول شخص آمن بسيدنا (إبراهيم)، وأغلب الظن إن سيدنا (لوط) والسيدة (سارة) بس اللي آمنوا بسيدنا (إبراهيم) في القرية بتاعتهم، (فَآمَنَ لَهُ لُوطٌ) سورة العنكبوت.

بعدها هاجر الاتنين من أرضهم واستقروا في الشام، ولكن سيدنا (لوط) ساب عمه وراح فلسطين، بالتحديد في قرية سدوم، فربنا نزل عليه النبوة علشان يكون مكلف بهداية قوم قرية سدوم والقرى اللي جنبها، ويُقال إنهم سبع قرى!

الناس دي كانت بتعمل كل حاجة حرام حرفيًا، بيقطعوا الطريق ويخونوا الصديق ويساعدوا بعض على الإثم، ولو حد نهاهم عن المنكر مبيسلمش من شرهم!!
والأبشع من كل المعاصي دي إنهم زادوا بكبيرة من الكبائر ماحدش عملها قبلهم، (أَتَأْتُونَ الْفَاحِشَةَ مَا سَبَقَكُم بِهَا مِنْ أَحَدٍ مِّنَ الْعَالَمِينَ (80)) سورة الأعراف.

استبدلوا الإناث بالذكور، فبقت شهوة الرجل للرجل وامتنعوا عن لمس النساء، ولو حد طلع كويس من القرية وتقي يطردوه، (أَخْرِجُوهُم مِّن قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (82)) سورة الأعراف.

والأدهى من كل ده إنهم كانوا بيعملوا المعصية في أي مكان، حتى لو في الشارع، أو النادي "والنادي هو المكان اللي بيجتمعوا فيه بالنهار يتناقشوا، ولو اجتمعوا فيه بليل يبقى اسمه سامر"، (أَئِنَّكُمْ لَتَأْتُونَ الرِّجَالَ وَتَقْطَعُونَ السَّبِيلَ وَتَأْتُونَ فِي نَادِيكُمُ الْمُنكَرَ) سورة العنكبوت.

وصلت إنهم قالوا لسيدنا (لوط) خد إنتَ النساء عندك وسيب لنا الرجال، وكان قلب سيدنا (لوط) عليه السلام بينفطر بسبب تصرفاتهم، هو رسول مبعث ليهم بالهدى، ولكن أنهي هدى ده اللي يستحقوه بعد كل أخطائهم البشعة!!
واللي حصل إن مفيش ولا شخص آمن بدعوته إلا أهل بيته، كمان زوجته كفرت وكتمت كفرها، وكانت في الأصل من أهل سدوم، اتجوزها سيدنا (لوط) بعد ما استقر هناك بعد وفاة زوجته الأولى.

قوم (لوط) ماقتصرش كفرهم على رسالته بس، بل تمادوا في الخطأ والكبائر وكمان هددوه لو مش هيسكت عن دعوتهم للهداية والتقوى هيطردوه خارج القرية، (قَالُوا لَئِن لَّمْ تَنتَهِ يَا لُوطُ لَتَكُونَنَّ مِنَ الْمُخْرَجِينَ (167)) سورة الشعراء.

كان رد سيدنا (لوط) عليهم ثابت مافيهوش خوف ولا تردد، وفضل على موقفه وإنه ضد كل أفعالهم (قَالَ إِنِّي لِعَمَلِكُم مِّنَ الْقَالِينَ (168)) سورة الشعراء.
وبعدها لجأ لربنا بالدعاء، (رَبِّ نَجِّنِى وَأَهْلِى مِمَّا يَعْمَلُونَ(169)) سورة الشعراء.

وفضلوا على أفعالهم بل كمان مابقوش بيشوفوا غير شهوتهم ومابيفكروش غير في دنيتهم ونسيوا الآخرة اللي كلمهم عنها سيدنا (لوط) عليه السلام، وكمان تمادوا واستعجلوا عذاب ربنا وكأنهم بيتحدوه، فقالوا له بكل بجاحة (ائْتِنَا بِعَذَابِ اللَّهِ إِن كُنتَ مِنَ الصَّادِقِينَ (29)) سورة العنكبوت.
هنا ربنا استجاب لدعوة سيدنا (لوط) ولعلمه سبحانه وتعالى إن الناس دي عمرها ما هيصيبها الهداية.

ربنا أرسل ملائكة العذاب لقوم سيدنا (لوط)، ونزلت الأرض، راحت الأول لسيدنا (إبراهيم) عليه السلام وبشروه بمولود جديد هو سيدنا (إسحاق)، وقالوا له إنهم مرسلين لقوم قرية سدوم، وهيعذبوهم عذاب شديد، ورغم سعادة سيدنا (إبراهيم) ببشرة ابنه (إسحاق) إلا إنه فكر في سيدنا (لوط)، فحاول يجادل معاهم وقال لهم إن سدوم فيها (لوط)، ردوا عليه إن الله أعلم بما فيها، ولا تخف سينجيه هو وأهله، ولا تجادلنا في أمر الله المكتوب، (وَلَمَّا جَاءَتْ رُسُلُنَا إِبْرَاهِيمَ بِالْبُشْرَىٰ قَالُوا إِنَّا مُهْلِكُو أَهْلِ هَٰذِهِ الْقَرْيَةِ ۖ إِنَّ أَهْلَهَا كَانُوا ظَالِمِينَ (31) قَالَ إِنَّ فِيهَا لُوطًا ۚ قَالُوا نَحْنُ أَعْلَمُ بِمَن فِيهَا ۖ لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ (32)) سورة العنكبوت.
(فَلَمَّا ذَهَبَ عَنْ إِبْرَاهِيمَ الرَّوْعُ وَجَاءَتْهُ الْبُشْرَىٰ يُجَادِلُنَا فِي قَوْمِ لُوطٍ (74) إِنَّ إِبْرَاهِيمَ لَحَلِيمٌ أَوَّاهٌ مُّنِيبٌ (75) يَا إِبْرَاهِيمُ أَعْرِضْ عَنْ هَٰذَا ۖ إِنَّهُ قَدْ جَاءَ أَمْرُ رَبِّكَ ۖ وَإِنَّهُمْ آتِيهِمْ عَذَابٌ غَيْرُ مَرْدُودٍ (76)) سورة هود.

خرجت الملايكة من عند سيدنا (إبراهيم) عليه السلام واتجهوا لقوم سيدنا (لوط) عليه السلام، وقتها كانت بنت سيدنا (لوط) بتملى ميَّه من بير، فوقفوا قدامها بعد ما اتشكلوا في هيئة بشر وقالوا لها:
- هل من الممكن أن نبيت عندكم ليلة؟!

بنت سيدنا (لوط) شافت ملامحهم والوسامة اللي همَ عليها خافت عليهم من أهل القرية وقالت لهم مايتحركوش من مكانهم، هجيب والدي ولو أذن لكم بالدخول ادخلوا، لو مأذنش ترحلوا.

ولما عرف سيدنا (لوط) جيه بيجري وخايف لا حد يشوفهم فيطمع فيهم، ولما شافهم خاف عليهم وحمل همهم على أكتافه، (سِيءَ بِهِمْ وَضَاقَ بِهِمْ ذَرْعًا وَقَالَ هَٰذَا يَوْمٌ عَصِيبٌ (77)) سورة هود.

حاول يعرف منهم رايحين فين علشان يوجههم لطريقهم من غير ما يدخلوا القرية، فرفضوا يقولوا وطلبوا منه الضيافة، استحى منهم سيدنا (لوط) ومشي قدامهم ودخلوا مع بعض القرية، ولكنه حاول يغير فكرتهم فقال لهم:
- لا أعلم على وجه الأرض أخبث من أهل هذا البلد.

لقاهم صامتين فحاول يرجعهم بلطف، فحكى لهم عن طغيانهم، وغلب قلبه صراعين ما بين إنه يطردهم من غير ما يجرحهم، وبين إنه يكرم ضيافتهم.
ولكنهم فضلوا صامتين وهما ماشيين جنبه، لحد ما دخلوا معاه البيت من غير ما يشوفهم حد من أهل القرية، ولكن زوجة سيدنا (لوط) تسللت من وراه من غير ما يعرف ونشرت الخبر إن فيه رجالة غاية في الجمال في بيت (لوط)، فحضر أهل القرية بسرعة مهولة، (وَجَاءَهُ قَوْمُهُ يُهْرَعُونَ إِلَيْهِ) سورة هود.

طلبوا منه بتبجح إنه يخرج لهم الضيوف فقال لهم (هَٰؤُلَاءِ بَنَاتِي هُنَّ أَطْهَرُ لَكُمْ) سورة هود. المقصود هنا ببناته نساء القرية كلها فالنبي هنا بيكون كأنه والد لقومه.

وبعد محاولته في إقناعهم حاول يذكرهم بالله، (فَاتَّقُوا اللَّهَ) سورة هود.
وفي محاولة يائسة منه في لمس النخوة بدواخلهم قال (وَلَا تُخْزُونِ فِي ضَيْفِي) سورة هود.
ماتلحقوش بيا العار والذل قدام ضيوفي، ولكن لا حياة لمن تنادي، (قَالُوا لَقَدْ عَلِمْتَ مَا لَنَا فِي بَنَاتِكَ مِنْ حَقٍّ وَإِنَّكَ لَتَعْلَمُ مَا نُرِيدُ (79)) سورة هود.
إنتَ عارف إننا مش عاوزين النساء، وعارف إن احنا عاوزين الرجالة اللي عندك في البيت.
ازداد حزن سيدنا (لوط) وحس بوحدته لعدم انتمائه في الأساس للقرية، فدخل البيت وقفل الباب.

الضيوف كانوا هاديين جدًا من غير خوف أو ريبة فاتعجب سيدنا (لوط) منهم خصوصًا بعد ما سمعوا كل حاجة، وبدأت الناس تخبط على الباب، في عز ضيقة سيدنا (لوط) اتمنى لو كان بيمتلك عشيرة أو رجال أو أبناء يحمي بيهم ضيوفه أو مكان يحتمي فيه منهم، (قَالَ لَوْ أَنَّ لِي بِكُمْ قُوَّةً أَوْ آوِي إِلَىٰ رُكْنٍ شَدِيدٍ (80)) سورة هود.
سيدنا (لوط) كان عارف إنه تحت حماية الله وقوته، ولكن المقصود هنا أي شيء فوري يقوم بيه من خلاله لحماية ضيوفه في نفس اللحظة.

ومن رحمة الله على سيدنا (لوط) وصدق نيته، ربنا استجاب لطلبه على الفور، فقالت له الملائكة:
- لا تخف يا لوط، أنتَ بالفعل تحت حماية ركن ربك الشديد، نحن ملائكة والله قد بعثنا لننجيك، (وَقَالُوا لَا تَخَفْ وَلَا تَحْزَنْ ۖ إِنَّا مُنَجُّوكَ وَأَهْلَكَ إِلَّا امْرَأَتَكَ كَانَتْ مِنَ الْغَابِرِينَ (33)) سورة العنكبوت.

أشار سيدنا (جبريل) بإصبعه أو بجناحه فأصيبت الناس ورا الباب بالعمى، (وَلَقَدْ رَاوَدُوهُ عَن ضَيْفِهِ فَطَمَسْنَا أَعْيُنَهُمْ فَذُوقُوا عَذَابِي وَنُذُرِ (37)) سورة القمر.

التفتت باقي الملايكة لسيدنا (لوط) وقالت له خد أهلك واخرج من المدينة فورًا، وماحدش يلتفت خلفه مهما حصل، هتسمعوا أصوات تهتز من رهبتها الجبال، ماتلتفتوش واللي هيلتفت هيُصاب بالعذاب.
لك أن تتخيل قوة العذاب اللي هيصيب كل شخص يشوفه بس بعينيه.

وقتها الملايكة قالت لسيدنا (لوط) عن كفر زوجته، وإنها هتخرج معاه ولكن هتلتفت ويصيبها العذاب، (فَأَنجَيْنَاهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ (83)) سورة الأعراف. الغابرين معناها الهالكين.

وفيه تفسير تاني بيقول إن سيدنا (لوط) ماقلهاش إنه هيخرج لما عرف بكفرها وسابها ومشي.

استعجل سيدنا (لوط) العذاب لأهله وسألهم عن ميعاده فقالوا له، (إِنَّ مَوْعِدَهُمُ الصُّبْحُ ۚ أَلَيْسَ الصُّبْحُ بِقَرِيبٍ (81)) سورة هود.

وكان التأخير له حكمة، وكأنه مهلة لسيدنا (لوط) علشان يلحق يخرج هو وأهله، وفعلًا بليل خد أهله ومشي لحد ما الصبح طلع، وهنا بدأ العذاب.

بدأ بإن سيدنا (جبريل) اقتلع مدنهم السبعة بجناحه ورفعها للسما، وقلبهم وأسقطهم مرة واحدة على الأرض فاتقلبت المدن، ووقت ما كانت بتتقلب كان فيه حجارة من جهنم بتسقط عليهم من السما، ومن شدة كفرهم خصص الله ليهم حجارة وكتب عليها اسمائهم، (مُّسَوَّمَةً عِندَ رَبِّكَ لِلْمُسْرِفِينَ (34)) سورة الذريات.

استمر المطر، واستمر العذاب، وماتوا كلهم، وانقلبت المدن، وفضلت المدن تدِفن في الأرض لحد ما انفجرت الميَّه وغرقتهم كلهم.

وبعدين اتسمى مكانها بالبحر الميت، وده لأن مفيش سمك جواه لزيادة نسبة الأملاح فيه، اللي بتوصل لـ34% من النسبة الطبيعية.

فضل العذاب قائم وسيدنا (لوط) بيسمعه هو وأهله من غير التفات، لحد ما التفتت زوجته راح جسمها تآكل في نفس اللحظة.

وبعد ما انتهى العذاب وانتهت القرى، ربنا ساب مكانهم عبرة للناس بعدهم.

-

وآخرًا كلها اجتهادات من العلماء في تفسير كتاب الله، والله أعلى وأعلم بصحتها.

-

الصور مش لقوم (لوط) لأن مفيش حد كان موجود في الزمن ده علشان يصور، الصور تقريبية.

تعديل:
الصورة الأخيرة في البوست صورة راجل وجايبها من جوجل، مش صورة البنت لأن ده مش أسلوبي.

- لو وصلت لحد هنا يبقى المقال انتهى، ولو مهتم بالمقالات الغريبة والمثيرة للاهتمام، تابعني واعمل (شاهد أولًا)، بنزل مقال يومي باستمرار..
وادخل البروفايل هتلاقي مقالات كتير جدًا ممكن اقرأها براحتك.
ويا ريت متنساش الشير والتفاعل مع المقال لو حابب إني استمر كدعم ليا، وكمان اعمل منشن لصديق ليك بتحبه يقرأ معاك ورشحه يعمل فولو للبروفايل I love you

ولو مهتم بمحتوى مختلف بينزل بشكل يومي في البيدج بتاعتي اعملها لايك وده اللينك بتاعها: https://www.wy99

ولو مهتم تكون موجود في بيت العيلة والجروب الخاص بينا كلنا اللي ممكن تنشر فيه أي حاجة تخصني براحتك ده اللينك انضم: https://www.22

ولو ليك في الإنستجرام علشان هيبقى فيه شغل عليه الفترة الجاية ده اللينك: https://ird_sawy19ej979

ولو بتحب تويتر ده اللينك بتاعي برضه شغال عليه: https:/om/Mohamed10975091

الشير متاح، ولكن ممنوع الكوبي بيست، لأني بتعب جدًا في المقالات اللي بكتبها، بسبب صعوبة الحصول على المعلومات وربطها ببعض وتنسيقها بالشكل ده، فيا ريت متبخلش بالشير ومتأذنيش بالكوبي بيست.

مهم تشوفوا أول كومنت I love you

#مقالات_محمد_صاوي!¡
#محمد_صاوي!¡

‗۩‗°¨_‗ـ المصدر:#منتدي_المركز_الدولى ـ‗_¨°‗۩‗

» البكتيريا الأكلة للحم البشر والشذوذ الجنسي إعداد الباحث محمد لجين الزين