منتدي المركز الدولى


باب النبى قصيدة فى مدح رسول الله بقلم الشاعر إبراهيم  رضوان Ououou11

۩۞۩ منتدي المركز الدولى۩۞۩
ترحب بكم
باب النبى قصيدة فى مدح رسول الله بقلم الشاعر إبراهيم  رضوان 1110
باب النبى قصيدة فى مدح رسول الله بقلم الشاعر إبراهيم  رضوان Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا باب النبى قصيدة فى مدح رسول الله بقلم الشاعر إبراهيم  رضوان 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى


باب النبى قصيدة فى مدح رسول الله بقلم الشاعر إبراهيم  رضوان Ououou11

۩۞۩ منتدي المركز الدولى۩۞۩
ترحب بكم
باب النبى قصيدة فى مدح رسول الله بقلم الشاعر إبراهيم  رضوان 1110
باب النبى قصيدة فى مدح رسول الله بقلم الشاعر إبراهيم  رضوان Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا باب النبى قصيدة فى مدح رسول الله بقلم الشاعر إبراهيم  رضوان 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةأحدث الصورالتسجيلدخول
Awesome Orange 
Sharp Pointer
منتدى المركز الدولى يرحب بكم أجمل الترحيب و يتمنى لك اسعد الاوقات فى هذا الصرح الثقافى

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

 

 باب النبى قصيدة فى مدح رسول الله بقلم الشاعر إبراهيم رضوان

اذهب الى الأسفل 
كاتب الموضوعرسالة
بوسى
نائبة المدير العام
نائبة المدير العام
بوسى


انثى عدد المساهمات : 3044
تاريخ التسجيل : 02/03/2011
الموقع :
المزاج المزاج : تمام

باب النبى قصيدة فى مدح رسول الله بقلم الشاعر إبراهيم  رضوان Empty
مُساهمةموضوع: باب النبى قصيدة فى مدح رسول الله بقلم الشاعر إبراهيم رضوان   باب النبى قصيدة فى مدح رسول الله بقلم الشاعر إبراهيم  رضوان Icon_minitime1الخميس 24 سبتمبر - 11:06

٩


باب النبي قصيدة فى مدح رسول الله بقلم الشاعر ابراهيم رضوان
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
كان لما بيخرج سِيدنا رسول الله م البيت
يقفل فى الباب الدافى وراه بهدوء
وكأنه شروق لشموس الخير على نخل إيمان
الأرض تِحن إليه .. تحضن رجليه بحنان
ويبص بشوق .. سَيِّدنا محمد ع اللى بينده ليه
كل الأشياء حواليه بتبص عليه
يتبسم ليها يردد فى القرآن
ويفوت على كل عباد الله بسلام مبروك
الكل يرد بصوت مشتاق
يا رسول الله يا ضياء
ويبص وراه .. فيلاقى الكل وراه
الناس .. والشمس .. وأرض الله والضوء
الطير والنور والخير والشوق
سَيِّدنا رسول الله .. يُنظر بعيونه يبص لفوق
فيلاقى سحابة ضىّ بتشتى عليه
دمعة أشواق كانت فى عيون السما ..
عايناها لحد ما ( طه ) يفوت
الله على ريحة الجوز والطيب
الله على طعم الهوى والتوت
الله على فضل الله
الله الله الله
إيده تتمد فى جيبه وتخرج فوق الكف رغيف
يقسمه على ميت مليون محتاج .. ويبصوا عليه
فيلاقوا التاج .. قرآن بيردد فيه وبيحفض فيه
ويحفض كل الناس معانيه
إزيك يا ابن أمينه الطاهره يا سِيد الكون
إزيك كان الله فى العون ..بعتك علشان الناس ترتاح
وبعت وياك مفتاح .. للجنه وخلى عنيك مصابيح
نتدارى فى نورهم م الأخطاء
إزيك .. نهر العالم راق
بحضورك بالترياق
وسجودك ويا الناس ع الرمله إمام
تمشى لقدام ..بالدعوه وكل الدنيا وراك
الله وياك .. زارع فى طريقك نخلة حب وورد خشوع
عمرك يا حبيب الله ما شعرت بجوع
وشبعت لأن الآيه معاك
حارساك من رعشة خوف
الله يا حبيب الله لو ضلمه تشوف
أو يبقى حرير الصوف .. علشان يصبح سجاد
الأرض يا طه ( طريّه ) .. تحت جبينك .. تحت جبين القوم
إن نمت تشرف كلمة نوم
وان تصحى .. بتجرى عليكالشمس تبوس فى عنيك
الوحى بييجى إليك فى الغار .. ترجع ملهوف
تحكى لخديجهبأن الله موجود
واحد وأحد وحكيم وعليم وودود
هو المعبود ولا رب سواه
الله على دمع عنيك الله .. نازل ع الشال
لؤلؤ بيزيد الكون مصابيح
ويجيب علشان أبواب الجنه نجوم .. ويكون مفاتيح
يا رسول الله يا فصيح
تمشى ع الأرض تئن الأرض بصوت مبحوح ..
م الخوف على قدمك م الأحجار
تنحنى أشجار السكه وتقطف ليك أزهار
يسبقك الطير بثوانى يوسع ليك السكه ان كان فى السكه عفار
تمشى ع الأرض الأرض بتمشى معاك
فوقك ميت ألف ملاك
بيعيدوا معاك فى الآيه عشان ترتاح
الله يا نسيم فواح
الله يا هلال صداح .. يا رسول وإمام
الكل صبح وياك خدام
وياك مش ليك
دا لأنك كنت لكل الناس خدام وصديق
ويزول الضيق م القلب بلمسة إيد أو نظرة عين
تمشى والرب معين
يا رسول الله فى شعاب مزروعه على الجنبين
صادق وأمين يا رسول الله
وشعاع لرفيق الرحله ان تاه
وأمانه يا عبد الله فى عنيك
وما زال الكون حواليك
مبهور برسالة حب بعتها المولى معاك
سبحان الله أسماك
أحمد ومحمد والمصطفى وختام الوحى ونور النور
مش شاعر أبدا ولا مسحور ولا غير إنسان
ماشى على أرض الكون قرآن
ورقيق ورقيق ورقيق
بتحس بضيق لو شفت ضلام .. أو ظلم لحد ضعيف
أو حد قوى .. أو شفت عُتاه
الله الله الله .. على عبد الله
الجالس مع جبريل فى ( حراء )
العارف بيت الداء ومداوى الروح
ولفين ما يروح الوحى معاه
الله الله الله
على جايب شرع الله لعباد عابدين أصنام
الله الله .. دخل الإسلام .. فتح الأبواب
فدخلنا بفضل المولى نقول " لبيك "
على أعلى مكان كان واقف ديك
بيصحى الكل عشان يرتاح بركوع وسجود
الله على نهر الجود
وإله معبود
وحصاد موجود
وميلاد بيجود
و وداد بيعود
كان لما بيمشى يميل النخل عليه
فيوشوش فيه سيِّدنا محمد ..
بس النخل يوطى يبوس فى إيديه
يتبسم ليه .. ويبص عليه بعيون الشوق والضوء والنور
النخل يقدم بلحه إليه
ياخُد ويقسم فيه .. ويوزع فيه
ويعين لخديجه سبع بلحات قوت الأسبوع
لا بيشبع جدا ولا بيجوع
ولا يكره شئ موجود
كان لما بيمشى بيمشى الجود فى خطاه
الله الله الله
ربك بيزيد فى ضياه
وبيغلى .. ما أغلاه
وبيعلى .. ما أعلاه
وبيحلى ما أحلاه
وما أحلى قُعاد الصُحبه معاه
كان لما بيمشى الشمس تضلل فوقه تراقب فيه
وان ظهر البرد بترمى شعاعها عليه لاجل تدفيه
كان أى قليل م الزاد يكفيه .. كان حتى يفيض
الحصا لو شافه يكون سجاجيد
كان لما بيمشى يهل هلال العيد قبل المواعيد
وتكون النجمه تلت نجمات
كان لما يبات فى مكان بيوسع فيه ..
السنتى معاه يصبح فدان
مع كل أدان يتوضى بدمع عنيه خوفاً م الله
الله الله الله
كان لما بيلمس فى الأشياء
يتغيَّر لونها ويصبح كونها حبيب
ما نطقشى فى يوم العيب ..
ولا كان ( شتام ) ولا كان ( لعان )
كان أقرب قلب بيلمس نور عرش الرحمن
كان ليه .. ؟ دا ما زال
كان لما بيمشى بيسأل واحد واحد ع الأحوال
ويكون على مكه النور والحب وراحة البال
يهمس لبلال .. ريحنا كمان يا بلال
يطلع على سطح الحب ويعلن إن الضوء الطاهر آن
( ولا نفرح غير بلقاك )
يهمسها إليك كل اللى معاك
تفرح بفرحهم بيك يا رسول
الحب الصافى سيول وسيول
والليل لو شافك ضوء بيقول
وينول الصاحب لو فيه حسنه .. عشر حسنات
ويبات الطير على كتفك ليلة دقك ع الأبواب
الباب يتمنى تدق كمان وكمان
واما بينفتح الباب
بتودى الوجه الطاهر ناحيه بعيد
تتأكد إن الصوت لصديق من أهل البيت
تسألُه ع الحال
مليان بحياء وإباء وضمير
توهب فى اليُسر لقلب عسير
ولحد كسير من كتر الدين
تفكير تفكير تفكير
ومشاكل ماليه الروح
الدين فى المهد ما زال محتاج لعتاد
وقلوب الكفره عناد فى عناد
لكنك واثق إن المولى معاك
قادر يهديهم للإسلام
نار الجاهليه فى كل مكان
وف كل مكان .. سيطروا على كل عقول القوم
صحيت يا رسول الله الناس م النوم
وشرحت الدين
وقاسيت من ظلم نفوس عميان
مش قادره تقول الحرف الأول م القرآن
وأذوك .. وهانوك .. وخدوك ..
إلى حيث الجرح الدامى فى كل مكان
يا رسول عدنان طاهر وأصيل
بتدوس ع الليل .. مع إن الليل مليان غربان
وما زال تِعبان بيراقبك ليل ونهار
لازق فى عيونه عليك
ولا صلى عليك غير الطاهرين
يا شفيع وسراج ومنير وأمين
يا عماد الدين وأساس الدين
تجلس فى المجلس شئ من عند الرب مُهاب
فاتح أبواب الجنه لناس فى الليل سانداك
وبتحرس فيك وتصلى وراك
وبتزرع ليك السكه سبع نخلات
وتبات على بابك خوفا م الكفار
مع إن حراستك م الرحمن
مع إن ( فراستك ) كانت منحه من الديان
تقرى القرآن ..
يترعش الكون والسما والأرض وسطح البيت
يترعش الطير فوق الأشجار
والغصن مع الأزهار
والكل يكون محتار .. يرضيك ازاى
ومشاكل كل الدنيا معاك .. بتدور قدامك ..
ترفع قامتك فوق
من بعد الضلمه بييجى الضوء
والفرد بيصبح ألف لحد ما يبقى معاك ملايين
قائد ومنظم جدا .. لك م المولى أساس
والكل يقول إعجاز
وما زلت قانون فى الدنيا بنمشى عليه
تتحرك خطوه يِشِب حصان الصبر يدور حواليك
ويقولك إركب .. تركب .. يمشى الركب معاك
وتحيِّى عداك ما يردوا عليك
تِفشى فى سلام الله وتنول .. فى الخطوه جبال حسنات
ترجع لحراء .. تبكى لله .. لو أخر وحيُه عليك
تسجد لله يديك قرآن وحديث وبيان وكيان
يديك العزوه بناس .. تتمنى يكونوا معاك صامدين
أيوه اتمنيت نور ( العُمرِين ) ..
إداك الله نور ( العُمرين ) فحمدت الله
بقى عندك ( نسر ) شمال ويمين
بقى عندك دفه وميت مقداف
المولى همسلك إوعى تخاف
ولا عمرك خفت من الإنسان
تفرش لغريب الدار فى عبايتك ..
يقعد جنبك إيدك تحضن فيه
يِتْمَلَّى فى نور النور بعنيه .. يفديك بالروح
ولفين ما تروح يا رسول الله .. ولفين ما تروح
تلقى الملايين مستنياك
قائد فرسان .. حامل قرآن .. قاهر بهتان
راكب على ضهر حصان الضىّ وربُه معاه
السكه ما زالت صعبه عليك يا حبيب
بس اللى معاك ..
إختصروا السكه فصبحت سهل رقيق
وريحان ودقيق ومحبه وخير مبدور
علمت الجاهل إنه ما ينطق كلمة زور
حفضتُه آيات النور وازاى يصبح إنسان
وازاى يتعامل مع أولاده برحمه وشوق
وصلتُه لفوق ويا ( الواصلين )
حطيت للناس قوانين
ولا فرق ما بين ( واصل ) و ( فقير )
ووهبت الغير .. الحكمه وحب الناس والله
الله الله .. على وحى بيغسل ..
أرض ما زالت عايزه آيات
كان لما يبات فى الغار .. يرجع مرجوف
مش خوف من شئ
مرجوف من حِمل تقيل
لو فات على أى جبل يفنيه ..ويصدع فيه
قرآن من نور رحمن
والهادى ما زال فرحان
والهادى ما زال قلقان
على كل صحابه من الظالمين
جيش الأصحاب بيزيد
جيش الكفار بيزيد
وطريق الصعب طويل وشديد
قال للأصحاب .. الواحد فيكوا بميّه
ان سيبتوا الإيد فى الإيد
وإيدين المولى بتسند كل ( جماعه ) ..
بتسعى لنشر الدعوى بدون ما تخاف
كان لما بيجلس جوه المجلس ..
يملى الكون ريحة صفصاف
الصوت من فضل الله شفاف .. صافى النبرات
وكأن النسمه الطاهره هاتصبح قول
وكأن السما بتقول
زغلول فى العش يبص عليه
تنزل دمعاته على القاعدين مع أحلى رسول
يتكلم تلقى عبير السكه بيرجف فى الشبابيك
عايز يحضنه ويبوسه عشان يرتاح
يسكت .. فنلاقى الدنيا حط عليها الطير
تنزل من عينه الدمعه تنوَّر للصامتين
يتحول قلب الكل ( ترقب ) ..
بعد ما طال صمت المبعوث
ويعيد الآيه عليهم ..
يشرح ليهم حرف بحرف يزيد فى القول
ياخُد فى آراء الكل ويمشى برأى العاقل ..
يدِّى الفرصه لكل الناس ..
تتكلم حتى تناقش كل ما قال
ويحسن فى الأحوال
وياه يرتاح البال
وينول الكل مناه وهناه
الله الله
على صوت السما لو يحضن ضوء إنسان
على صوت الحق ان دق على الأبواب
كان لما بيجلس جوه المجلس
تجلس جوه الجلسه طيور ألماظ
ونجوم من ماس
وجناح إخلاص .. يفضل مفرود على كل الناس
سورة الرحمن .. سورة الفرقان .. سورة الإخلاص
يُفرك فى إيديه .. الكل يبص عليه .. يستبشر خير
الكل أسير لكلام الله .. والحق مجير
شلال الخير .. يصبح مصابيح على مدد الشوف
وكلام سيِّدنا يزيل الخوف
ويطوف سيِّدنا محمد .. قلبه يزور كل النايمين فى البيت
لفيت يا نبينا وجيت
أعلنت الهجره لأرض الله ومدينة الشوق
مصابيح الضوء مزروعه هناك
مستنياك يا حبيبى بفارغ صبر وعايزه تقيد وياك
ولحد ما تخرج نص الليل من ( فرشك ) قبل الضوء ما يبان ولحد .. لحد وصولك فوق الناقه لبيت معمور
خرج السكان .. بيغنوا لبدر طلع فى الليل
للبدر وللمبعوث .. ولأمر مطاع
ولنور واصل وياك
واخترت مكانك .. زاد النور فى مكانك زاد
وارتحت هناك .. مع إنك كنت بتعشق مكه بشكل غريب
وهناك .. مش قبرك .. أيوه هناك المسجد والعشاق
والراحه مع الزوار
والفرحه مع السُمار
يا رسول الله .. أنا لما حاولت أقول وأقول
أقسمت بنور الله إنك يا حبيب .. أكبر بمراحل م الأشعار







‗۩‗°¨_‗ـ المصدر:#منتدي_المركز_الدولى ـ‗_¨°‗۩‗








باب النبى قصيدة فى مدح رسول الله بقلم الشاعر إبراهيم  رضوان 18839210
الرجوع الى أعلى الصفحة اذهب الى الأسفل
 
باب النبى قصيدة فى مدح رسول الله بقلم الشاعر إبراهيم رضوان
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة منتشرة في ثناياها أمور مكذوبة على رسول الله صلى الله عليه وسلم وعلى أبي بكر وعائشة رضي الله عنهما
» قصيدة شعر ( همسات عاشق ) بقلم الشاعر سيد الدابى
» ياهجرة قصيدة فى مدح الرسول (النبى)صل الله عليه وسلم
» ابيات شعرية فى حق النبى صلى الله عليه وسلم قصيدة رائعة
» قصيدة رثاء أم كلثوم امام الرئيس السادات بقلم الشاعر احمد رامى

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: