منتدي المركز الدولى


التغذية لدى الأطفال الرضع Ououou11

۩۞۩ منتدي المركز الدولى۩۞۩
ترحب بكم
التغذية لدى الأطفال الرضع 1110
التغذية لدى الأطفال الرضع Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا التغذية لدى الأطفال الرضع 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى


التغذية لدى الأطفال الرضع Ououou11

۩۞۩ منتدي المركز الدولى۩۞۩
ترحب بكم
التغذية لدى الأطفال الرضع 1110
التغذية لدى الأطفال الرضع Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا التغذية لدى الأطفال الرضع 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةأحدث الصورالتسجيلدخول
Awesome Orange 
Sharp Pointer
منتدى المركز الدولى يرحب بكم أجمل الترحيب و يتمنى لك اسعد الاوقات فى هذا الصرح الثقافى

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

 

 التغذية لدى الأطفال الرضع

اذهب الى الأسفل 
كاتب الموضوعرسالة
بوسى
نائبة المدير العام
نائبة المدير العام
بوسى


انثى عدد المساهمات : 3044
تاريخ التسجيل : 02/03/2011
الموقع :
المزاج المزاج : تمام

التغذية لدى الأطفال الرضع Empty
مُساهمةموضوع: التغذية لدى الأطفال الرضع   التغذية لدى الأطفال الرضع Icon_minitime1السبت 30 أكتوبر - 1:11

🔴✍#التغذية لدى الأطفال الرضع✍🔴

✍مدارس كتير وأنظمة مختلفة في بدايات اكل الطفل
امته؟؟ ...وازاي؟؟...وايه؟؟
هنتكلم في الموضوع بحياديه شويه ..

ركزوا بقا🙏

فيه شوية قواعد لازم نكون متفقين عليهم الاول

☝نبتدي ندخل الاكل امته؟
دا رأي كل المنظمات اللي ف المجره بتاعتنا ,, 🌎

١- منظمة الصحة العالمية WHO تنصح بإدخال الطعام للطفل بعمر ٦ شهور.
٢- الأكاديمية الأمريكية لطب الأطفال AAP تنصح بإدخال الطعام للطفل بعمر ٦ شهور.
٣- الأكاديمية الكندية لطب الأطفال تنصح بإدخال الطعام للطفل بعمر ٦ شهور.
٤- الأكاديمية الأسترالية لطب الأطفال تنصح بإدخال الطعام للطفل بعمر ٦ شهور.
٥- الأكاديمية البريطانية لطب الأطفال تنصح بإدخال الطعام للطفل بعمر ٦ شهور.
٦- الأكاديمية الألمانية لطب الأطفال تنصح بإدخال الطعام للطفل بعمر ٥ - ٦ شهور.
٧- الأكاديمية السويدية لطب الأطفال تنصح بإدخال الطعام للطفل بعمر ٤ - ٦ شهور.
٨- الأكاديمية الفرنسية لطب الأطفال تنصح بإدخال الطعام للطفل بعمر ٤ شهور.
٩- الأكاديمية اليابانية و الآسيوية لطب الأطفال تنصح بإدخال الطعام للطفل بعمر ٥ - ٦ شهور.
١٠-الهيئة الأوروبية لسلامة الأغذية تنصح بإدخال الطعام للطفل بعمر ٤ شهور.

��خلاصة القول�
إدخال الأكل كحد ادني ٤ شهور وكحد أقصي ٦ شهور وذلك بشرط يكون الطفل بيصلب راسه برقبته كويس (مش بتطوح) ويقدر يقعد بمساعده 👍

☝أي أكل هنأكله للطفل يكون تدريجي من ٣-٥ ايام مع ملاحظة الطفل لو حصله مغص او اسهال او ترجيع او التهابات في الجلد...فدا معناه انه الطفل متحسس من النوع اللي أدخلناه ولازم نوقفه ...ونستني علي الطفل حتي انتهاء الاعراض اللي ظهرت ونبدأ بعد كده بنوع جديد

☝لما بنأكل الطفل يُفضل يكون الأكل بالملعقه لاننا هنا بنعرفه ان فيه طرق اكل تانيه غير (المص) ..انطباع الطفل في الاول بيكون غير متزن ،، سيبي الملعقه في بقه ٥ ثواني متشيلهاش علي طول واصبري عليه...والاكل بيزيد تدريجي من ملعقه في اليوم الاول لاتنين في اليوم اللي بعده لتلاته ملاعق ودا في خلال ٣-٥ ايام مع بداية ادخال الصنف الجديد زي ما اتفقنا 👌

☝قبل ما نبتدي الأكل لازم نعرف ان الرضاعه هي الأساس وان الاكل عامل مساعد و مهاره جديده بيكتسبها وبيعرفها الطفل ،،يعني لو طفل مأكلش كويس لازم نصبر عليه ومنجبروش علي الاكل,, ((الاجبار بيؤدي للمنع))
ولازم يكون فيه اختلاف بين الاطفال وبعضها في تقبل الاكل ،،صوابعك مش زي بعضها✋

� �العوامل� دي هتساعد علي تقبل الاكل :
🔷الطفل يكون في وضع الجلوس ،،ويُفضل علي كرسي علشان يكون فيه اتصال بصري بينه وبين اللي بيأكله
🔷يُفضل يكون الاكل بيتي وفريش ،،ويكون في اول اليوم علي ١٢ الظهر مثلا علشان لو حصل اي تحسس او رد فعل نلحق نتصرف،، ويكون بعد الرضاعه علي الاقل بساعه 🍼 لاجعان ولا شبعان
🔷الاكل يكون مسلوق من غير ملح ولا سكر ونبتدي بملعقة صغيرة ندخلها من طرف الشفايق للثه من فوق ،، ولو رفض يفتح بقه نحاول من الجنب علشان يعرف ان فيه اكل ..وواحده واحده علي الواد ياطنط 😏

🚫ممنوعات اول سنه :
📍الحليب البقري او الجاموسي ..فيه بروتينات تقيله علي الكليتين وارتباطه بمرض السكري النوع الاول ناهيك عن قلة الحديد اللي فيه
📍العسل..تقيل جداً وبيحتاج مواد مهضمه قوية ولا يستطيع الطفل هضمه قبل سن سنه
📍السكر عموماً..يزود نسبة اصابة الطفل بالتسوس دا غير فقدان الشهيه وياسلام بقا لو حب السكريات بس.. (سمنه) وش
📍الملح.. املاح وعبء زياده علي الكليتين
📍الشيكولاته ..اضطرابات هضميه وممكن يتحسس منها دا غير السكريات والسعرات الحراريه اللي فيها
📍بياض البيض..مكوناته قد تسبب تحسس
📍الشاي والقهوه ...نقص في امتصاص الحديد وفقدان للشهية
📍المسبكات والزيوت
📍الحمضيات زي الليمون ..لكن البرتقال ممكن نبتدي بيه بس يكون مخفف جدا

☑ نيجي بقا لمحل الاختلاف الأعظم:

الزبادي ومنتجات الألبان زي الجبنه
وأضف عليهم المكسرات والفول السوداني (زبده ) والقمح والاسماك والمحار..!!
كل دي أطعمة فائقة التحسس ولازم ناخد بالنا منها كويس واحنا بندخلها للطفل

آخر كلام ٢٠١٥ من الاكاديمية الأمريكية للحساسية والمناعة AAAAI
بيقول اننا ممكن ندخل الحاجات دي للطفل من سن ٦ شهور...ولكن فيه �#�شروووط� لو موجوده بنبعد عن كل ده ،، وهي:
١-ان الطفل يكون ليه أي سابقة لحساسية الطعام (عموماً)
٢-لو الاب او الام متخوفين يكون عنده حساسيه نتيجة وجود قصة في العائلة
٣-او عملوا تحليل يثبت وجود حساسية
٤-او الولد بيجيله التهابات في الجلد متكرره (إكزيما)

🚩أما لو مفيش حاجه من الشروط اللي اتذكرت ندخل للطفل عادي..صح؟؟
لأ !! استني ياعم فيه شرطين مهمين علشان نقدر ندخل الاكل دا برده ✌
١-يكون دخلنا معظم الاكل الصلب للطفل ومحصلش منه أي اضطراب او تحسس
٢-الادخال يكون تحت اشراف طبيب ولو حصل تحسس من منتجات الالبان يفضل تأجليها لسن سنه
ودا المصدر👌

https://www.aaaai.org/…/Librari…/Preventing-Allergies-15.pdf

أذكيا اوي الناس دي ..يعني لما سمحوا اننا ندخل منتجات الالبان والاطعمة فائقة التحسس عادي من ٦ شهور اشترطوا ادخال الاطعمه الصلبه الاول والطفل ميحصلوش تحسس منها .. يعنى بالميت كده يكون الطفل وصل ٨ شهور ع الاقل ..ودا رأيي الشخصي اللي هعتبره
Evidence based medicine
من واقع الشغل والممارسه ..ألا وهو:

*الزبادي من ٨-٩ شهور
*الجبنه علشان الدهون المهدرجه والبروتينات اللي فيها تؤجل لنهاية السنة الأولي ١٠-١١ شهر ومعاهم باقي الاطعمة فائقة التحسس اللي ذكرناها ..

� �يعنى� اللي يأكل زبادي من ٦ شهور صح.. واللي من ٩ شروط صح ..واللي من سنه صح بس !! بالشروووووط السالف ذكرها 👍

وهرجع اذكر وأقول لو حصل حساسية من منتجات الالبان او باقي الاكل فائق الحساسية.. بنوقف لسن سنه .. ودا لأن الاصابه بحساسية الالبان ،، والجلوتين (القمح) ،، وعدم تحمل اللاكتوز،، معدلهم بيزيد يوم بعد يوم ولازم ناخد بالنا..
أظن الكلام كده واضح 😀

**طيب ايه الفرق بين انك منعت اللبن بصفه عامة وبتسمح بمنتاجاته اللي مصنوعه منه؟؟
بص ياسيدي اثناء تحضير الزبادي بيحصل تكسير للبروتينات وسكر اللاكتوز وتحويلها لسكريات سهلة الهضم والإمتصاص وخفيفة علي المعدة بعكس اللبن طبعا

�#�ملحوظه� :كلامنا هنا عن المكسرات والفول السوداني اللي بتكون علي شكل زبده او معجون بس لكن الحبيبات منها ،،لأ !! خوفاً من التعرض للإختناق ..ودخولهم للطفل كحبيبات مش قبل ٤ سنوات

✋حطينا القواعد الاساسية

� �نأكل إيه بقا�؟؟
الأكل الجاهز في السوق علشان الأمهات متتلخبطش..
*سيريلاك ..حبيبات فقط
*نينولاك ...حبيبات فقط
*هيرو ...حبيبات وبرطمانات أكل جاهز وعصاير وبسكويت من ٦ شهور ومن سن سنه
*جربر..برطمانات أكل جاهز
*ريري...(الغالي) اللي اتربينا عليه واعلان هاتلينا ريري 😂...لسه موجود حبيبات

فيه نوع واحد من الاكل زي الارز او القمح
وبعد كده نوعين وبعد كده ميكس ...والكلام دا ينطبق علي الحبيبات والاكل الجاهز والعصاير
ولما بنختار منها بناخد صنف واحد فقط من ٣-٥ ايام للتأكد من عدم وجود تحسس وبعد كده نبدأ نلجأ للصنفين وبعد كده الميكس
📍علبة الحبيبات أخرها أسبوعين من الفتح
📍والبرطمانات والعصاير ٢٤ ساعه من الفتح

طبعا ذكرتها في الاول منعا للاختلاف وللتوضيح ...ولكن تفضيلي واختياري الاول للأكل البيتي والفريش طبعا👍

��نأكل بقا�!!

�من ٤: ٦ شهور�

🚩وجبه او وجبتين بالكتير

☝اكل الطفل من الحبوب
هنبدأ بالارز
ثم الشوفان
ثم القمح علي السادس

☝أكل الطفل من الفاكهة
الموز
الكمثري
التفاح
الأفوكادو
المشمش
الخوخ
الجوافه
ودا طبعاً بعد الغسيل الجيد و السلق والهرس او الضرب في الخلاط ...نخليها طريه ومتماسكة القوام..وممكن عصير من الانواع اللي ذكرناها

☝أكل الطفل من الخضروات
كوسة
بطاطس
بطاطا
جزر
قرع
ودا طبعا بعد الغسيل و السلق الجيد وهرسه

�من ٦:٩ شهور�

🚩 ٣ وجبات ( علي الأكثر )

هنبدأ في الميكسات (نوعين فأكثر) لكل ما سبق ذكره
تفاح مع خوخ
مشمش مع موز
خضار متنوع...وهكذا
حبيبات لنوعين او أكثر هيرو او سيرلاك ...وحاولي تروحي مكان كبير تشتري منه ،، التنوع بيكون فيه اكتر..وبسكويت هيرو من سن ٦ شهور

☝ونزود :

*صفار البيض البلدي
*كبدة الفراخ البلدي
*الفول بعد تقشيره وإعطاؤه للطفل تدريجي بمعني ،، اول يوم نص فوله وتاني يوم فوله وتالت يوم فولتين وبعد كده نوقف ٣ ايام مع ملاحظة اعراض اصفرار العين او البول الغامق او شحوب ( انيميا الفول ) ولو فيه هيستوري في العائله بلاش منه ونعمل تحليل لنسبة الانزيم في الدم نتأكد.
*شوربة العدس
*الفراخ البلدي بعد سلقها ونزع الجلد وطبخها كويس اوي وتقطعيها لقطع صغيره جداً تدووووب في البق
*الفاصوليا الخضرا بعد تقشيرها وسلقها وهرسها
*البسلة بعد تقشيرها وسلقهاوهرسها كويس
*القرنبيط المسلوق
*مهلبيه من لبن الأم او لبن الطفل الصناعي
*عصير برتقال مخفف

�من ٩:١٢ شهر�

🚩 ٣ وجبات ( علي الأقل )

كل ما تم ذكره
☝ونزود:

*اللحم المفروم المطبوخ كويس
**السمك الفيليه المسلوق ويفضل يكون شرايح
*الطماطم عصير او مع الاكل
*الزبادي والجبن
*شوربة الخضار
*المكرونة المسلوقه بدون صلصة
*قطع من العيش سهل الهضم
*كورن فليكس مع نهاية السنه

� �وأخيراً�

*نوعي لإبنك في الأكل واي صنف ندخله تدريجي من ٣-٥ ايام مهما كان
*بلاش تجبريه واخلقي نوع من البهجه وانتي بتأكليه..المعلقه رايحه فين ..حبيب بابا ..كده يعني😁
*شوفي بيحب ايه ورافض ايه وبلاش تجبريه
*الاكل بالطبق والملعقه
*ومتنسيش !! انتي دكتورة ابنك في بيتك ولازم تعرفي اي حاجه بتتعبه من الأكل وتنوهي عنها
منقول
#مشرفة_الاسرة_والطفولة
#منتدى_المركز_الدولى



‗۩‗°¨_‗ـ المصدر:#منتدي_المركز_الدولى ـ‗_¨°‗۩‗








التغذية لدى الأطفال الرضع 18839210

بوسى يعجبه هذا الموضوع

الرجوع الى أعلى الصفحة اذهب الى الأسفل
 
التغذية لدى الأطفال الرضع
الرجوع الى أعلى الصفحة 
صفحة 1 من اصل 1
 مواضيع مماثلة
-
» علاج البرد عند الاطفال الرضع
» علاج الاسهال عند الرضع 7 شهور
» غرف للاطفال الرضع جديدة 2012
» ما أسباب عصبية الرضع أثناء الرضاعة؟
» نصائح فى علم التغذية

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: عالم الطفل(Child's world) :: منتدى الصحة والامراض وتغذية الطفل(Child Nutrition)-
انتقل الى: