ملف شامل وكامللعمل جميع انواع البط

ملف كامل وشامل لعمل لجميع انواع البط

🟩البط 🟩

المقادير

10 كوب ماء مغلى(2 لتر)
( بصل \ كرات \ كرفس \ جزر \ حبهان \ ورق لورا \ فلفل حصى \ ملح )
بطه
(الغطاء)
2 ونصف ملعقه سمن(60 جم)
2 ونصف ملعقه زيت(60 جم)
2 ونصف ملعقه صلصه(60 جم)
2 ونصف ملعقه عسل ابيض (60 جم)
نصف ملعقه ملح(10 جم)
نصف ملعقه فلفل(10 جم)
زعتر \ روزمارى

(الحشو)

بصل \ بهارات \ ملح \ فلفل
طريقه التحضير
- نجيب البطه ونحشيها بصل متبل ملح وفلفل وبهارات
- فى اناء على النار فى ماء مغلى وكرات وكرفس وجزر وبصل وورق لورا وحبهات وملح وفلفل وتغلى ونضيف البطه ونسيبها تستوى على نارهاديه
- فى بوله نخلط سمن وزيت وصلصه وعسل وملح وفلفل وزعتر وروزمارى ونقلبهم مع بعض وندهن بيهم البطه
- ونضع البطه فى صينيه وندخلها الفرن تحت الشوايه تاخد لون
- وتقدم وبالف هنا وشفا
مع تحياتي


بط بصوص البرتقال

المقادير

بط منظف
(الحشو)
4 ملعقه كبيرة زبدة(80جم)
كوب الاربع كرات مكعبات(250جم)
3 فص ثوم مكعبات
ملعقه زعتر مفروم(25جم)
4 برتقال فيليه شرائح
ليمونه فيليه لحم
ورق لورا
2 ملعقه سكر(50جم)
2 ملعقه بشر برتقال(50جم)
كوب وربع عصيرعنب(250جم)
نصف ملعقه ملح(10جم)
نصف ملعقه فلفل(10جم)
ملعقه نشا(25جم)
ربع كوب ماء مثلج(50جم)
(التسويه)
صاج( بصل- جزر- كرات- كرفس - حبهان - طماطم)

(الغطاء)

2 ملعقه عصير برتقال(50جم)
2 ملعقه زبدة(50جم)
2 ملعقه زيت(50جم)
2 ملعقه صلصه(50جم)
2 ملعقه عسل ابيض(50جم)
( ملح- فلفل - زعتر- روزمارى)

طريقه التحضير

- فى اناء على النار نشوح كرات وثوم وزعتر فى زبدة ونضيف ليمون وبرتقال فيليه وورق لورا و وسكر وبشر برتقال وعصير عنب وملح وفلفل ونقلبهم مع بعض وتغلى ونضيف نشا مدوب فى ماء مثلج ونقلبهم مع بعض ولمه تتقل نسيبها تبرد ونحشى بيها البطه وندهنها من برا بالخليط
- ونجيب صاج ونرص فى شرائح بصل و جزرو كرات و كرفس وحبهان و طماطم ونضع عليهم البطه وندخلها الفرن على 180 درجه لمدة ساعتين
- فى بوه نخلط زبدة وزيت وصلصه وعسل وعصير برتقال ونقلبهم مع بعض وندهن بيهم البطه وندخلها تحت الشوايه تاخد لون
- وتقدم وبالف هنا وشفا
مع تحياتي


🟩بط بالبرتقال 🟩

المقادير

فلفل مجروش
ملح
خل
زعتر
روزمارى
زنجبيل
ماء بصل
ماء طماطم

(الحشو)

كرات مكعبات
كرفس مكعبات
جزر مكعبات
بصل مكعبات
برتقال مكعبات
ملح وفلفل
زعتر
روزمارى
عسل ابيض
عصير برتقال وعصير ليمون
طريقه التحضير
- فى بوله نخلط ماء بصل وماء طماطم وملح وفلفل وخل وزعتر روزمارى وزنجبيل ونقلبهم مع بعض ونتبل بيهم البطه
- فى بوله نخلط كرات وكرفس وجزر وبصل وبرتقال ونتبله ملح وفلفل وزعتروروزمارى وعسل ابيض وعصير برتقال وعصير ليمون ونقلبهم مع بعض ونحشى بيهم البطه ونقفلها برتقاله كبيرة
- وعلى شوايه او جريل نضعها تاخد صدمه
- ونجيب صاج ونضع فى كرات وكرفس وجزر وبصل
- ونضعها فى صاج وندخلها الفرن على 150 درجه لمدة 3 ساعات
- وتقدم وبالف هنا وشفا
مع تحياتي

🟥 بطه بالمرتة🟥

المقادير

بطه كبيرة
(الحشو)
ربع كوب سمن(50 جم)
5 بصل شرائح
نصف ملعقه ملح(10 جم)
نصف ملعقه فلفل(10 جم)
نصف ملعقه كمون(10 جم)
مكعب مرق
كوب ونصف زبيب(300 جم)
2 كوب ماء دافئ
(للسلق)
10 كوب ماء مغلى
( مكعبات بصل وجزر وطماطم وحبهان وورق لورا ومستكه وملح وفلفل)

(الغطاء)

ربع كوب سمن(50 جم)
ربع كوب زيت(50 جم)
ربع كوب صلصه(50 جم)
ربع كوب عسل ابيض(50 جم)
( ملح وفلفل وزعتر وروزمارى)
طريقه التحضير
- فى اناء على النار نشوح شرائح البصل فى سمن ولمه يدبل نضيف ملح وفلفل وكمون ومكعب مرق ونقلبهم مع بعض( فى بوله ننقع الزبيب فى ماء لمدة ساعه ونصفى ) ونضيفه على البصل ونقلبهم مع بعض ونسيبه يبرد خالص ونحشى بى البطه ونقفلها كويس
- فى اناء على النار فى ماء مغلى وبصل وجزر وطماطم وحبهان وورق لورا ومستكه وملح وفلفل ونقلبهم مع بعض تغلى ونسلق فيها البطه لمدة ساعه
- فىى اناء على النار ندافئ سمن وزيت وعسل وصلصه وملح وفلفل وزعتر وروزمارى ونقلبهم مع بعض وندهن بيهم البطه لمدة تتسلق
-ونجيب صاج ونضع فى البطه وندخله الفرن تحت الشوايه
- وتقدم وبالف هنا وشفا
مع تحياتي


🟥بط الدمياطى🟥

المقادير

دكر بط
(الحشو)
100 جم سمن(نصف كوب )
كيلو بصل
250 جم زبيب منقوع(كوب وربع )
500 مل ماء مغلى(2كوب ونصف)
5 جم ملح(معلقه صغيره)
5 جم فلفل(معلقه صغيره)
5 جم كمون(معلقه صغيره)
5 جم شطه(معلقه صغيره)
(التسويه)
100 جم سمن(نصف كوب )
5 حبوب مستكه
5 حبهان
5 فلفل حصى
3 ورق لورا
2 لترماء مغلى
25 مل عصير ليمون(معلقه كبيره)
5 جم ملح(معلقه صغيره)
5 جم فلفل(معلقه صغيره)
(التوبينج)
25 جم صلصه(معلقه كبيره)
25 جم زيت(معلقه كبيره)
25 جم سمن(معلقه كبيره)
25 جم عسل(معلقه كبيره)
5 جم ملح(معلقه صغيره)
5 جم فلفل (معلقه صغيره)
5 جم زعتر(معلقه صغيره)
5 جم روزمارى(معلقه صغيره)

طريقه التحضير

- فى اناء على النار نشوح بصل فى سمن ولمه يدبل نضيف ملح وفلفل وكمون وشطه ونضيف ماء مغلى وزبيب ونقلبهم مع بعض ونسيبه يبرد خالص ونحشى بى البطه ونقفلها كويس
- فى اناء على النار نشوح مستكه وحبهان فى سمن وورق لورا وفلفل حصى ونضع البطه تاخد صدمه ولون
- فى اناء على النار فى ماء مغلى وعصير ليمون وملح وفلفل ونضيف السمن اللى كانت بتحمر بها البطه ونضع البطه تتسلق لمدة ساعة , فى اناء على النار ندافى وسمن وزيت وصلصه وعسل وملح وفلفل وزعتر وروزمارى ونقلبهم مع بعض وندهن بيهم البطه وندخلها تحت الشوايه تاخد لون
- وتقدم وبالف هنا وشفا
مع تحياتي


🟥البط البورسعيدي 🟥

المقادير

بطه
اربع بصلات كبار مقطعين مربعات صغيره جدا
ربع معلقه صغيره كمون
اقل من ربع معلقه صغيره فلفل
اقل من ربع معلقه صغيره بهار لحمه
4 فصوص مستكه
4 فصوص حبهان
4 ورقه لوري
معلقه كبيره سمنه
نصف معلقه صغيره ملح
جزريه مقطعه
عود كرفس
** مقادير دهان البطه قبل دخولها الفرن للتحمير :-
2 معلقه كبيره كاتشب
ربع معلقه صغيره فلفل اسود
ربع معلقه صغيره ملح
نصف معلقه كبيره زبده
ليمونه
(ثم تخلط هذه المكونات مع بعض ونضعها في طبق لحن لحين الاستخدام )

طريقه التحضير

اولا - يتم نقع البط في خل وملح وميه لمده نصف ساعه عشان نشيل من الزفاره بتاعتها ثم اشطفي البطه جيدا ونضعها في المصفه لا يتم تصفيتها
ثانيا - ازاي نعمل المراته

( حشوالبطة )

نجيب حله نضيفه ونضع فيها نصف معلقه سمنه و نصف كوب ماء ثم نضع فيها البصل المقطع والملح و الكمون و بهار اللحمه 2 فص مستكه و 3 فصوص حبهان و الفلفل ورقتين لوريثم نسيبها تغلى على النار لغايه لما الميه تختفي من الحله هيبقى كده المراته استيوت خلاص بعدين نطفي النار عليها ونسيبها تبرد
ثالثا - نجيب البطه بعد ما شفناها ونحشي فيها المراته ونقفلها بالخله او بالخيط بخياطتها حسب الرغبه ثم نضعها في حله فيها ماء مغلي تغلى غلوتين ثم نكب الميه بتاعتها ونشطفها ونسبها تتصفي
رابعا - نجيب حله نضيفه تانيه نضع فيها نص معلقه السمنه المتبقيه و2 فص المستكه و 2 فص الحبهان واتنين ورق لوري ثم نضع البطه ونقوم بالتقليب دقيقتين ثم نضع عليها الماء المغلي لحد ما يغطيها ونضع عليها اقل من ربع معلقه صغيره فلفل و اقل من ربع ملعقه صغيره كمون ثم نضع الجزر المقطعه وعود الكرفس ثم نسيبها تغلى غلوه ونوطى النار عليها و قبل تسويه البط بنصف ساعه نضع نصف معلقه ملح صغيره
رابعا - بعد تسويه البطه نقوم بدهان جانب واحد من البطه بالدهان المجهزلها ثم نضعها في صينيه مدهونه زيت في الشوايه في الفرن واول لما يتحمر الجانب ده يتم قلب البطة ع الجانب الاخر ثم نعيد نفس الخطة ونقوم بدهان الجانب الثاني من البطة بالهان المجهز لها ونرجع تاني ندخلها الفرن وعند تحمير البطة ع الجانبين تكون جاهزة للأكل
وتقدم بالف هنا وشفا
مع تحياتي


🟥بط محمر 🟥
المقادير
50 جم سمن(2معلقه كبيره)
5 مستكه
4 حبهان
1 ورق لورا
بصله على 4
4 فلفل فصوص
1 بط
2 لتر ماء

(التحمير)

100مل زيت(نصف كوب )
100 جم سمن(نصف كوب )
100جم عسل ابيض(نصف كوب )
100جم صلصه(نصف كوب )
5 جم زعتر(معلقه صغيره)
5 جم روز مارى(معلقه صغيره)
5 جم ملح(معلقه صغيره)
5 جم فلفل(معلقه صغيره)

طريقه التحضير

1-فى اناء على النار فى سمن ناخد البط صدمه من الجانبين ونضيف مستكه وحبهان وورق لورا وفلفل وبصل ونقلبهم مع بعض ونضيف الماء المغلى ونسيبها تستوى على نار هاديه
2-ولمه البطه تتستوى ندهن البط سمن
3-وفى بوله نضيف الزيت والصلصه والعسل وزعتر وملح وفلفل وروز مارى ونقلبهم مع بعض وندهن بيهم البطه
4-وندخلها الفرن تاخد وش جيرتان
5-وتقدم وبالف هنا وشفا
مع تحياتي


🟥البط بصويا صوص🟥

المقادير

بطه حوالى 2 كيلو
2 بصل جوليان
1 ملعقه زنجيبل مبشور(25جم)
1 ملعقه ثوم مفروم(25جم)
4\3 كوب عسل اسود(150جم)
4\3 كوب خل(150جم)
2\1 كوب صويا صوص(100جم)
2 عصير ليمون(50جم)
2\1 معلقه قرفه(5جم)
2\1 معلقه قرنفل(5جم)
1 معلقه بابريكا(25جم)
1 ملعقه فلفل احمر حار(25جم)
2\1 ملعقه شمر مطحون(5جم)
1 ملعقه فلفل اسود(25جم)
2 ملعقه زبدة(50جم)
طريقه التحضير
1-فى بوله نخلط التوابل مع بعض نضع القرفه والقرنفل والبابريكا والشمر والملح والفلفل ونقلبهم مع بعض كويس
2-نغسل البطه بالدقبق والملح والخل ثم نفتح بين الجلد والعظم ثم نضع فيها التوابل من برا ومن جوا
3-وفى حاله نضع البصل ونحمر فى السمن ونضع الثوم والزنجيبل ونحشى بيهم البطه من جوا
4-فى بوله نضع الخل والصويا صوص والعسل وعصير الليمون ومن التوابل
5-وندهن بالنصف من الصويا صوص البطه من جميع الجوابب
6-وندخلها الفرن على 240 درجه لمدة ساعتين ولازم نغطيها بورق فويل
7-وفى اخر نصف ساعه نشيل ورق الفويل وندهن البطه بباقى الصويا صوص
8-وندهنا بالزبدة ونضعها تحت الشويه وتترك حتى تحمر
9- وتقدم وبالف هنا وشفا
مع تحياتي


🟥البط الرستو🟥

المقادير

بطه حسب الوزن
(التتبيله)
بصل مبشور
طماطم مبشورة
جزرمبشور
ثوم مفروم
صلصه
زعتر
زيت
ملح
ففلل
بهار
(الحشو)
شرائح بصل
شرائح جزر
شرائح كوسه
شرائح طماطم
شرائح برتقال
صلصه
كرفس
بقدونس
زيت
ملح
فلفل
بهار
(التوبينج)
صلصه
عسل ابيض
زيت
سمن سايحه
زعترمفروم
ملح
فلفل
**
طريقه التحضير

لعمل التتبيله
- نجيب بطه ونغسلها كويس بماء وخل وعصير ليمون ودقيق ونشطفها كويس اوى
- فى بوله نخلط بصل مبشوروطماطم مبشورة وجزر مبشورة وثوم مفروم وصلصه وزعتروزيت وملح وفلفل وبهارونقلبهم مع بعض ونتبل بيها البطه من برا وجوا وبين الجلد ونسيبها فى التتبيله لمدة ساعتين على الاقل

لعمل الحشو

- فى بوله نخلط شرائح بصل وشرائح برتقال وشرائح كوسه وطماطم وجزروصلصه وكرفس وبقدونس وزيت وملح وفلفل وبهار ونقلبهم مع بعض ونحشى بيهم البطه ونقفلها ببصله كبيرة
- ونجيب صاج او صينيه ونضع فيها باقى الحشوونضع البطه عليها ونضيف ماء مغلى ونغطيها بورق فويل
-وندخل البطه الفرن على 180 درجه لمدة من ساعه لساعة ونصف لعمل التوبينج
- فى بوله نخلط صلصه وعسل وزيت وسمن وزعتر وملح وفلفل ونقلبهم مع بعض وندهن بيها البطه وندخلها تحت الشوايه تاخد لون
-وتقدم وبالف هنا وشفا
مع تحياتي




🟥فته الكشك بالبط🟥
المقادير
(الحشو)
1 دكر بط
1 بصله شرائح
1 جزرشرائخ
1 كرات شرائح
1 طماطم شرائح
ورق لورا
حبهان
ملح
فلفل
1 ملعقه صلصه(25جم)
100 مل زيت(نصف كوب )
(السلق)
50 جم سمن(2معلقه كبيره)
1 بصل على 4
1 جزر شرائح
كرات
كرفس
حبهان
ورق لورا
مستكه
حبوب فلفل اسود
ملح
فلفل
ماء مغلى
(التوبينج)
100 جم سمن سايحه(نصف كوب )
100 مل زيت(نصف كوب )
100 جم صلصه(نصف كوب )
100 جم عسل ابيض(نصف كوب )
ملح
فلفل
زعتر مفروم
روز مارى مفروم
(الارز)
50 جم سمن(2معلقه كبيره)
500 جم ارز مصرى(2كوب ونصف)
1 لتر ماء مغلى
10 جم ملح(نصف معلقه كبيره)
10 جم فلفل ابيض(نصف معلقه كبيره)
1 مكعب مرق
(الكشك)
3\4 كوب دقيق
2 كوب زبادى
500 مل شوربه بط(2كوب ونصف)
100 جم ارز(نصف كوب )
10 جم ملح(نصف معلقه كبيره)
10 جم فلفل(نصف معلقه كبيره)
5 جم جوزة الطيب(معلقه صغيره)
1 مكعب مرق
( الصوص الاحمر)
50 جم سمن(2معلقه كبيره)
50 جم ثوم مفروم(2معلقه كبيره)
50 جم صلصه(2معلقه كبيره)
250 جم طماطم مبشورة(كوب وربع )
نصف مكعب مرق
100 مل شوربه بط(نصف كوب )
ملح
فلفل
شطه
سكر
خل
(الخبز)
2 كيس خبز شامى قطع
50 مل ثوم قطع
50 مل زيت
طريقه التحضير
للعمل الحشو
- فى بوله نخلط بصل وجزروكرات وطماطم ونتبله ملح وفلفل وحبهان وورق لورا وزيت وصلصه ونقلبهم مع بعض ونحشى بيهم البطه ونقفلها ببصله كبيرة وعلى الشوايه نضع البطه تاخد صدمه
للعمل السلق
-فى اناء على النار فى سمن نقلب بصل وجزر وكرات وكرفس وحبهان ورق لورا ومستكه وملح وفلفل ونضيف ماء مغلى ونضع فى البطه ونسيبها تستوى على نار هاديه لمدة ساعه على الاقل
للعمل التوبينج
-فى اناء على النار نخلط سمن وزيت وصلصه وعسل وملح وفلفل وزعتر وزرمارى ونقلبهم مع بعض وتاخد غلاوة وندهن بيهم البطه ونضعها فى صاج وندخلها الفرن تاخد لون
للعمل الارز
-فى اناء على النار فى سمن نشوح الارز ونتبله ملح وفلفل ومكعب مرق ونضيف الماء المغلى ولمه يشرب الماء نخفض عليه النار ونسيبه يستوى على نار هاديه
للعمل الصوص الاحمر
-فى اناء على النار فى سمن نشوح الثوم ولمه يدبل نضيف الصلصه والخل والطماطم ونتبله ملح وسكروفلفل وشطه ومكعب مرق ونضيف الشوربه ونسيبها تتسبك على نار هاديه
للعمل الكشك
-فى اناء على النارشوربه ولمه تغلى نضيف لبن وفى بوله نخلط زبادى مع دقيق ونسيبها تخمر ساعه فى المطبخ ونضيفها على الشوربه واللبن ونضيف ارز ونتبله ملح وفلفل وجوزة الطيب ومكعب مرق ونسيبه يستوى على نارهاديه
للعمل الخبز
- فى بوله ندوب زيت وثوم مع بعض ونتبلهم ملح وفلفل والعيش فى صاج نضيف عليه الخليط الزيت والثوم وندخله الفرن يتحمص شويه
-فى طبق التقديم نفرد نصف العيش ونضيف عليه كبشه من الصوص الابيض وكبشه من الصوص الاحمرونضيف نصف الارز ونضيف عليه كبشه صوص الابيض وكبشه صوص احمر ونضيف باقى العيش وصوص ابيض وصوص احمر وباقى الارز ونضيف عليه صوص الابيض والاحمر ونضع عليه البطه
وفى طبق التقديم نغرف الكشك ونرش على الوش بصل محمر شرائح
-وبقدم وبالف هنا وشفا
مع تحياتي


بط محشى ارز

المقادير

بطه متنضفه ومغسوله
بصل مبشور
زبدة
زيت
ثوم مفروم
فلفل حار
1 كوب ارز منقوع ومغسول
ورق غار
فلفل
ملح
جوزة الطيب
كبدة وقوانص قطع صغيرة
صلصه
ربع مكعب مرق
(حشو البطه)
كسبرة ناشفه
زعتر
حبهان مطحون
بصل مبشور
ملح
فلفل
كمون
طريقه التحضير
1-فى حله على النار نشوح البصل فى زبدة ولمه تدبل نضيف فص ثوم وفلفل حار ونقلبهم مع بعض كويس
2- ونضيف عليهم الارز وورق الغار وملح وفلفل ونضيف الكبدة والقوانص وجوزة الطيب وصلصه ونقلبهم مع بعض كويس
3- ومكعب المرق ونقلبهم كويس اوى ونسيبها تبرد هنحشى بيها الطه
4- ونجيب البطه ونتبلها ملح وفلفل
5-,فى بوله نضع ملح وكسبرة ناشفه وكمون و فلفل وحبهان مطحون وورق غار وزعتر وبصل مبشوره ونقلبهم مع بعض ونتبل بيها قلب البطه
6- ونحشى البطه بالارز ونقفلها علشان الحشو ميخرجش منها
7-وفى حله على النار بيها ماء مغلى وجزر وبصل وكرفس وكرات وطماطم وفلفل وحبهان وورق لورا نسلق فيها البطه ونسيبها لحد ما تستوى وتاخد ساعه على النار
8- ونجيب صينيه ونضع فيها البطه وندهنها صلصه وملح وفلفل
9- وندخلها الفرن على 180 درجه لمدة 10 دقائق
10- وتقدم مع ارز اللى باقى من الحشو
11- وتقدم وبالف هنا وشفا
مع تحياتي محمد الحلوانى

االبط بالفريك
المقادير
بطة كوب فريك
2 بصله مفرومة
معلقه كمون
وربع معلقه فلفل أسود
وطرف معلقه بهار لحمه
ونصف معلقة ملح
2 فص مستكه
2 فص حبهان
و3 ورقات روري
معلقه كبيره سمنه
طريقه التحضير
ينقع الفريك في ماء ساخن وتكون البطة مغسلول كويس جدا وفي طبق آخر نبشر البصل ويضع عليه البهارات كلها ونصف معلقه السمنه وتدعك باليد كويس جدا ويصفي الفريك بعد النقع ويضاف اليها ونحشي البطة وتكون في حله علي النار تغلي فيها الماء ونضع البطة تغلي غلوه ونكب الماء في الحوض ونشطف البطة كويس جدا ونضع في الحله نصف معلقة سمنه وحبهان ومستكه ويقبل ونضع عليهم البطة قبل السواه تضعي الملح ولما تستوي البطة تضع في صينية و تدهن معلقه صلصة كبيرة ملح فلفل أسود زعتر ونصف معلقه زبدة وتدخل الفرن
وتقدم بالف هنا وشفا
مع تحياتي

🟩بط مارته🟩

المقادير

دكر بطه
(الحشو)
2\1 كيلو بصل شرائح(2كوب ونصف)
150 جم زبيب(كوب إلا ربع)
5 جم ملح(معلقه صغيره)
5 جم فلفل(معلقه صغيره)
5 جم بهارات(معلقه صغيره)
5 جم جوزة الطيب(معلقه صغيره)
2 لتر ماء مغلى
بصل على 4
1 جزر شرائح
1 كرات
1 كرفس
2 حبهان
2 ورق لورا
5 جم ملح(معلقه صغيره)
5 جم فلفل(معلقه صغيره)
(التوبينج)
50 جم صلصه(2معلقه كبيره)
50 جم سمن(2معلقه كبيره)
50 مل زيت(2معلقه كبيره)
25 جم عسل ابيض(معلقه كبيره)
5 جم ملح(معلقه صغيره)
5 جم فلفل(معلقه صغيره)
5 جم زعتر(معلقه صغيره)
5 جم روزمارى(معلقه صغيره)

طريقه التحضير

- فى بوله نخلط بصل وزبيب وملح وفلفل وبهارات وجوزة الطيب ونقلبهم مع بعض كويس
- نجيب دكر بطه ونحشى بالخليط السابق ونتبله بالخليط من الخارج كمان ونقفله كويس من البطن بخيط وابره
- على الشوايه وندهنها زيت نضع البطه تاخد لون بس
- فى اناء على النار فى ماء مغلى وبصل وجزروكرات وكرفس وورق لورا وحبهان وفلفل وملح ونضع البطه ونسيبها تستوى على نار هاديه لمدة ساعه
- فى اناء على النار نضع سمن وزيت وصلصه وعسل وملح وفلفل وزعتر وروزمارى وتاخد غلاوة ونرفعها من على النار, ونجيب صاج ونضع فى البطه وندهنها بالخليط السابق , وندخلها الفرن تحت الشوايه تاخد لون
- وتقدم وبالف هنا وشفا
مع تحياتي


🟥بط البرتقال🟥

المقادير

بطه كيلو ونصف
(التتبيله)
150 مل عصير برتقال(كوب إلا ربع)
25 مل خل(معلقه كبيره)
25 جم بشر برتقال(معلقه كبيره)
5 جم ملح(معلقه صغيره)
5 جم فلفل(معلقه صغيره)
5 جم بهارات(معلقه صغيره)
(الحشو)
بصل شرائح
برتقال شرائح
كرات شرائح
زنجبيل قطع
زعتر
ملح
فلفل
روزمارى
بشر برتقال
بشر ليمون
(بصل\ جزر\كرات\كرفس)
250 مل ماء مغلى او شوربه(كوب وربع )
(الصوص)
ناتج التسويه
25 مل خل(معلقه كبيره)
25 مل عصير ليمون(معلقه كبيره)
50 جم عسل ابيض(2معلقه كبيره)
200 مل عصير برتقال(كوب)
200 مل شوربه(كوب)
طريقه التحضير
نجيب بطه ونغسلها كويس برا وجوا ملح خشن وفلفل ودقيق ونشطفها كويس بماء وخل ونصفيها
- فى بوله نخلط عصير برتقال وملح وفلفل وبهارات وخل وبشر برتقال ونقلبهم مع بعض ونتبل بيهم البطه برا وجوراا ونسيبها فى التتبيله لمدة ساعتين فى الثلاجه على الاقل
- على شوايه ساخنه قويه نضع البطه تاخد صدمه من كل الجوانب
- فى بوله نخلط شرائح بصل وكرات وزنجبيل وبرتقال وزعتر وملح وفلفل وروزمارى وبشر برتقال وبشر ليمون ونقلبهم مع بعض كويس ونحشى بيهم البطه ونقفلها كويس
- ونجيب صينيه ونرص فيها شرائح بصل وجزر وكرات وكرفس وعصير برتقال وماء مغلى او شوربه
- وندخل البطه الفرن على 180 درجه لمدة ساعتين على الاقل
- فى الخلاط ناخد ناتج التسويه اللى هو البصل والجزر والكرات الكرفس اللى كانوا فى تسويه البطه ونضيف عليه خل وعصير ليمون وعسل ابيض وشوربه وعصير برتقال ونخلطهم مع بعض كويس ونضعها فى اناء على النار تغلى مع بعض شويه
- وتقدم وبالف هنا وشفا
مع تحياتي



🟥 بط محشى بالفرن 🟥

المقادير

1 عدد دكر بط منظف
(الحشو)
100 مل زيت نباتى(نصف كوب )
5 عدد حبوب مستكه
500 جم بصل احمر شرائح(2كوب ونصف)
5 جم ملح(معلقه صغيره)
5جم فلفل(معلقه صغيره)
5 جم كمون(معلقه صغيره)
250 جم زبيب(كوب وربع )
500 مل ماء مغلى(2كوب ونصف)
2 عدد ليمون
50 جم صلصه(2معلقه كبيره)
1 عدد ابرة وخيط
(التسويه1)
150 جم سمن+ زيت(كوب إلا ربع)
2 عدد بصله على 4
5 عدد مستكه
5 عدد حبهان
5 عدد قرانفل
5 عدد ورق لورا
25 مل عصير ليمون(معلقه كبيره)
2 لتر ماء مغلى
(التسويه2)
50 جم سمن(2معلقه كبيره)
50 جم صلصه(2معلقه كبيره)
50 جم عسل ابيض(2معلقه كبيره)
5 جم ملح(معلقه صغيره)
5 جم فلفل(معلقه صغيره)

طريقه التحضير

1-فى اناء على النار نضع سمن ونضع فى البصل والمستكه والزبيب والملح والكمون والفلفل ونقلبهم مع بعض كويس
2-فى بوله نضع الخليط السابق ونقوم بوضعه فى البطه ونخيط عليه
3-فى حله على النار نضع الزيت والمستكه والحبهان وورق الورا
4-ثم نضع البطه وتحمر على جميع الجهات ثم نضع عصير الليمون
5-ثم نضيف الماء المغلى على البطه ثم نضع الملح والفلفل تستوى بعد ساعه تقريبا
6- ولمه تستوى نعمل التسويه التانيه
7-فى بوله نضع السمن والصلصه والعسل والملح والفلفل ونقلبهم مع بعض كويس
8- وندهن بيها البطه من الخارج
9-وتدخل الفرن لمدة 25 دقيقه
10- وتقدم وبالف هنا وشفا
مع تحياتيتنا

#مشرفة_الاسرة_والطفولة
(#منتدى_المركز_الدولى)