ملف شامل وكامل لعمل جميع انواع السجق

ملف شامل وكامل لعمل جميع انواع السجق

🟢السجق
المقادير
4\1 كيلو لحمه مفرومه
10 جم بصل بودرة(نصف معلقه كبيره)
10 جم ثوم بودرة(نصف معلقه كبيره)
10 جم بهارات سجق(نصف معلقه كبيره)
5 جم ملح(معلقه صغيره)
5 جم فلفل(معلقه صغيره )
5 جم جوزة الطيب(معلقه صغيره)
2\1 كيلو امعاء ضانى(ممبار ضانى)
طريقه التحضير
1-فى الكبه نضع لحمه مفرومه وبصل وثوم بودر وبهارات سجق ونتبلها ملح وفلفل وجوزة الطيب ونخفقهم مع بعض لحد تجانس الخليط
2- ونجيب الممبار ونجيب قمع ونضع فى الخليط السابق ونحشى بى السجق ونربطه من الاحراف من كل حرف ونربطه حسب المقاس اللى انتى تجبيى
3- وعلى اى استاند عندى فى المطبخ و نضع السجق 10 ايام برا ( بس المهم ان المكان يكون جيد التهويه ونستعمله بعد 10 ايام لازم ياخد رطوبه)
4-ويقدم وبالف هنا وشفا

🟢سجق اسكندرانى

المقادير
2 ونصف ملعقه زيت(60 مل)
كوب سجق(200 جم)
بصل شرائح
فلفل حار مفروم
ثوم شرائح
طماطم لحم شرائح
ملح وفلفل وكمون وشطه
ربع كوب ماء مغلى(50 مل)
بقدونس مفروم
طريقه التحضير
- فى اناء على النار نشوح السجق فى زيت ولمه يغير لونه نضيف بصل وفلفل وطماطم وثوم وماء مغلى ونتبلها ملح وفلفل وكمون وشطه وبقدونس مفروم ونقلبهم مع بعض لحد ما السجق يتسوى والماء تتبخر
- ويقدم وبالف هنا وشفا

🟢سجق شرقى
المقادير
50 مل زيت (2معلقه كبيره)
250 جم سجق قطع(كوب وربع)
25 جم ثوم قطع(معلقه كبيره)
100 جم بصل شرائح(نصف كوب)
25 جم فلفل حار(معلقه كبيره)
100 جم طماطم مبشوره(نصف كوب)
25 جم صلصه(معلقه كبيره )
50 مل ماء مغلى(ربع كوب)
5 جم ملح(معلقه صغيره )
5 جم فلفل(معلقه صغيره )
5 جم بهارات(معلقه صغيره )
طريقه التحضير
- فى اناء على النار نشوح سجق فى زيت ولمه ياخد لون نضيف ثوم ولمه يدبل نضيف بصل وفلفل وطماطم مبشوره وصلصه وماء مغلى ونتبلها ملح وفلفل وبهارات ونقلبهم مع بعض لحد ما السجق يستوى
- ويقدم وبالف هنا وشفا

🟢سجق بالخلطة
المقادير
25 مل زيت(معلقه كبيرة)
150 جم بصل مكعبات(كوب إلا ربع)
25 جم ثوم قطع(معلقه كبيره)
25 جم فلفل حار قطع(معلقه كبيره)
25 جم صلصه(معلقه كبيره)
250 جم سجق قطع( كوب وربع)
5 جم ملح(معلقه صغيره)
5 جم فلفل(معلقه صغيره)
5 جم شطه(معلقه صغيره)
ماء مغلى
ماء مثلج
فلفل رومى اصقر قطع
فلفل رومى اخضر قطع
فلفل رومى احمر قطع
طماطم لحم قطع
طريقه التحضير
- فى اناء على النار فى ماء مغلى وبصل وكرات وكرفس وملح وفلفل وكمون وخل ونقلبهم مع بعض ونضع السجق فى مصفاه ونعه فى الماء المغلى ونعد من 1 الى 10 ونضعها فى ماء مثلج يبرد ونقطع السجق قطع
- فى اناء على النار نشوح بصل فى زيت ولمه يدبل نضيف ثوم ولمه يدبل نضيف فلفل حار ونتبله ملح وفلفل وشطه ونقلبهم مع بعض ونضيف صلصه ونقلبهم مع بعض ونضيف سجق ونقلبهم مع بعض ونضيف فلفل رومى احمر واخضر واصفر ونقلبهم مع بعض ونضيف طماطم ونقلبهم مع بعض
- وتقدم وبالف هنا وشفا

🟢صينيه سجق بالبطاطس
المقادير
سجق
بطاطس شرائح
بصل شرائح
فلفل شرائح
فلفل حار شرائح
زبدة
ملح
فلفل
كمون
شطه
هريسه شطه
ثوم مفروم
ورق لورا
حبهان
كسبرة ناشفه
عصير طماطم
طريقه التحضير
1-فى طاسه على النار نضع السجق ونقلبه كويس لحد ما ينزل الدهون اللى فى ونصفى منوا الدهون ونضع عليه ربع كوب مياه ونسيبه يستوى فيهت
2-فى بوله نضع البطاطس والبصل والفلفل والفلفل الحار و ملح وفلفل وكمون وشطه وهريسه الشطه والثوم والكسبرة والملح والفلفل والكمون والحبهان وورق الورا ونقلبهم مع بعض كويس
3-ثم فى اناء على النار نضع السجق على خليط البطاطس ونقلبهم مع بعض
4-ثم نضع عليهم عصير الطماطم ونقلبهم مع بعض ياخدوا غلاوه
5-ونجيب صينيه ونصب فى كل المقادير
6-وندخله الفرن على 180 درجه لمدة 25 دقيقه
7-ويقدم وبالف هنا وشفا
-


السجق الاسكندرانى 2
المقادير
½ كيلو سجق بلدي.
ثمرتا فلفل أخضر، مقطعتان شرائح رفيعة.
بصلة متوسطة، مقطعة شرائح رفيعة.
قرن فلفل أخضر حار، مقطع حلقات رفيعة.
½ كوب ماء.
3 ملاعق كبيرة زيت.
ملعقتان صغيرتان صلصة طماطم.
ملح وفلفل أسود.
طريقه التحضير
على نار متوسطة سخني الزيت، ثم أضيفي البصل وقلبيه حتى يذبل.
أضيفي الفلفل الأخضر وقلبي لمدة دقيقتين، ثم أضيفي السجق والملح والفلفل الأسود، وقلبي لمدة 5 دقائق.
أضيفي الماء والصلصة والفلفل الحار وقلبي جيدًا، ثم اتركيه على نار هادئة لمدة 10– 15 دقيقة حتى تجف السوائل، ثم قدميه ساخنًا.
وتقدم بالف هنا وشفا

السجق فى البيت
المقادير
نصف كيلو لحم مفروم نسبة الدهن فيها 200 جرام - قرن فلفل احمر - بهارات سجق - ملح - فلفل اسود -فصين ثوم مفروم - تلت تربع كوب ماء - معلقة كبيرة بابريكا - نصف كوب فول صويا منقوع ومطحون -ممبار ( امعاء )
طريقه التحضير
اغسلى الممبار من الداخل واجعلى الماء داخلها نظفيها من الداخل وتأكدى من نظافتها
بان تقلبيها و تبدأى بكحته بالسكين بهدوء حتى لا تتقطع ثم ينقع فى الماء والخل والدقيق ونضرب المقادير فى الكبة ونضيف عليهم اللحمة مع إضافة الماء ثم يحشى بالقمع ثم نربطه او نلفه على بعض ثم يعلق فى اى حاجة ونتركها ينزل مائه لمدة 3 ساعات او ممكن تفرزيه على طول وكده يكون جاهز واعملى بالطريقه العاديه بتاعتنا ..... وتقدم بالف هنا وشفا

السجق فى المنزل
المقادير
نصف كيلو لحم مفروم
نصف كيلو ممبار
5 فص ثوم
فلفل حار
ملعقة صغيرة بهار
ملعقة صغيرة قرفة
ملعقة صغيرة كزبرة ناشفة
ملعقة صغيرة بابريكا
ملعقة صغيرة ملح وفلفل
رشة كمون
رشة جوزة الطيب
طريقه التحضير
يتبل اللحم بقطع الفلفل الحار والثوم والتوابل والملح والفلفل جيداً
يحشى الممبار بحشو اللحم وبذلك يكون السجق البيتى جاهزاً للإستخدام فى عمل وصفات مختلفة من السجق.
وتقدم بالف هنا وشفا

السجق الشرقى 2
المقادير
سجق
بصل
ثوم
طماطم
فلفل اخضر
صلصة
هريسة
فلفل حامي
زيت
ملح وفلفل
طريقه التحضير
يقطع البصل ثم يوضع مع الثوم فى وعاء على النار به ملعقتان من الزيت ويقلبوا جيدا
يضاف السجق إلى البصل ويقلب جيدا
يضاف الفلفل الأخضر والفلفل الحار إلى خليط السجق مع التقليب
تضاف الهريسة والصلصة والطماطم إلى خليط السجق الشرقي
يضاف قليل من الملح والفلفل حسب الرغبة
يضاف القليل من عصير الطماطم المسبكة
يترك السجق الشرقى على النار قليلا حتى تمتزج المكونات
يقدم السجق الشرقى ساخنا
وتقدم بالف هنا وشفا

مكرونه بالسجق
المقادير
سمن
سجق
بصل شرائح
ثوم مفروم
فلفل الوان شرائح
مشروم شرائح
دقيق
جبنه كريمى
كريم فريش
مكرونه شريط مسلوقه
ملح وفلفل
مكعب مرق
شوربه فراخ
جبنه رومى مبشورة
بقدونس مفروم
طريقه التحضير
- فى اناء على النار نشوح السجق فى سمن ولمه ياخد لون نضيف بصل وثوم ونقلبهم مع بعض لحد ما يدبلوا ونضيف مشروم وفلفل الوان وملح وفلفل ونضيف دقيق ونقلبهم مع بعض ونضيف جبنه كريمى وفريش كريم وشوربه ونقلبهم مع بعض تاخد غلاوتين ونضيف مكرونه شريط مسلوقه ونقلبهم مع بعض
- وفى طبق التقديم نغرف المكرونه ونرش عليها جبنه رومى مبشورة وبقدونس
- وتقدم وبالف هنا وشفا

فراخ ملفوفه بالسجق والمشروم
المقادير
فرخه مخليه من العظم
(التتبيله)
100 مل ماء بصل(نصف كوب)
100 جم بشر طماطم(نصف كوب)
25 جم صلصه(معلقه كبيره)
5 جم ملح(معلقه صغيره)
5 جم فلفل(معلقه صغيره)
5 جم بهار(معلقه صغيره)
100 مل زيت(نصف كوب)
(الحشو)
50 مل زيت(2معلقه كبيرة)
150 جم بصل شرائح(كوب الاربع)
250 جم سجق شرائح(كوب وربع)
250 جم مشروم شرائح(كوب وربع)
25 جم كسبرة مفروم(معلقه كبيره)
5 جم ملح(معلقه صغيره)
5 جم فلفل(معلقه صغيره)
(السلق)
2 لتر ماء
2 بصله على 4
جزرة شرائح
كرفس شرائح
5 جم حبهان(معلقه صغيره)
2 ورق لورا
5 جم ملح(معلقه صغيره)
5 جم فلفل(معلقه صغيره)
طريقه التحضير
لعمل التتبيله
- فى بوله نخلط ماء بصل مع بشرطماطم وصلصه وملح وفلفل وبهاروزيت ونقلبهم مع بعض ونتبل بيهم الفرخه لمدة ساعه على الاقل
لعمل الحشو
- فى اناء على النار نشوح بصل فى زيت ولمه يدبل نضيف سجق ولمه يستوى شويه نضيف مشروم وكسبرة ونتبله ملح وفلفل وجوزة الطيب ونقلبهم مع بعض ونرفعه من على النار ونسيبه يبرد
- نجيب ورق فويل وبلاسيتك فيلم ونضع عليه الفرخه المخليه ونضع عليها الحشو ونلفها رول ونقفلها كويس
لعمل سلق الفرخه
- فى اناء على النار فى ماء مغلى وبصل وجزروكرفس وحبهان وورق لورا وملح وفلفل نضف الفرخه ونسيبها على النار لحد ما تستوى ونشيل من عليها الورق الفويل ونضعها فى صينيه وندخلها الفرن تاخد لون ونقطعها شرائح
-وتقدم وبالف هنا وشفا

ارز بالسجق
المقادير
40 مل زيت(2معلقه كبيرة)
100 جم بصل قطع(نصف كوب)
2 فص ثوم مفروم
ملعقه صلصه
150 جم سجق(كوب الاربع)
100 جم طماطم لحم قطع(نصف كوب)
50 جم كسبرة مفرومه(2معلقه كبيرة)
2\1 كيلو ارز(2كوب ونصف)
5 جم ملح(معلقه صغيره)
5 جم فلفل(معلقه صغيره)
5 جم بهار(معلقه صغيره)
نصف مكعب مرق
1 لتر ماء مغلى
طريقه التحضير
1-فى اناء على النار نشوح بصل فى زست ولمه يدبل نضيف ثوم ومله يدبل نضيف صلصه ونقلبهم مع بعض ونضيف سجق ونقلبهم شويه ولمه السجق ياخد لون نضيف طماطم وكسبرة ونقلبهم مع بعض ونضيف الارز ونتبله ملح وفلفل وبهار ومكعب مرق ونقلبهم مع بعض ونضيف عليهم ماء مغلى ولمه يشرب الماء نخفض عليه النار خالص ونسيبها يستوى على نار هاديه
2-وفى طبق التقديم نغرف الارز بالسجق ونرص عليها سجق
3-ويقدم وبالف هنا وشفا

سجق بالبيض
المقادير
50 جم سمن(2معلقه كبيرة)
150 جم سجق بلدى(كوب الاربع)
50 جم زيت(2معلقه كبيرة )
150 جم بصل مكعبات(كوب الاربع)
5 فص ثوم مفروم
150 جم فلفل اخضر شرائح(كوب الاربع)
2 فلفل حامى
150 جم طماطم مبشورة(كوب الاربع)
50 جم صلصه(2معلقه كبيرة)
150 مل شوربه(كوب الاربع)
5 جم ملح(معلقه صغيره)
5 جم فلفل(معلقه صغيره)
5 جم شطه(معلقه صغيره)
5 جم بهارات(معلقه صغيره)
50 جم كسبرة مفرومه(2معلقه كبيرة)
5 بيضات
50 جم جبنه شيدر مبشورة(2معلقه كبيرة)
طريقه التحضير
1-فى اناء على النار نشوح بصل فى سمن وزيت ولمه يدبل نضيف فلفل اخضر وحامى ولمه يدبل نضيف صلصه ونقلبهم مع بعض ونضيف طماطم ونضيف سجق ونضيف شوربه ونقلبهم مع بعض ونتبله ملح وفلفل وشطه وبهارات وكسبرة مفرومه ونقلبهم مع بعض وتاخد غلاوتين ونرفعها من على النار
2- ونجيب طاجن ونصب فى الخليط ونيض عليه البيض ونرش عليها ملح وفلفل وجبنه شيدر مبشورة
3-وندخل الطاجن الفرن على 150 درجه لمدة 10 دقائق
4-ويقدم وبالف هنا وشفا

الفطير الشرقى الحادق بالسجق
المقادير
(العجينه)
5 كوب دقيق (كيلو)
نصف كوب زيت(100 مل)
2 ونصف كوب ماء(500 مل)
نصف ملعقه صغيرة ملح(10 جم)
(الدهن )
كوب سمن سايحه(200 جم)
كوب قشطه بلدى(200 جم)
كوب زيت لفرد(200 مل)
( البشاميل )
1معلقه كبيرة ونصف سمن (30 جم)
1معلقه كبيرة ونصف دقيق (30 جم)
1معلقه صغيره ملح (5 جم)
1معلقه صغيره فلفل(5 جم)
1كوب ونصف لبن دافئ(300 جم)
1كوب وربع جبنه موتزرايلا(250 جم)
(الحشو)
1معلقه كبيرة سمن(25جم)
ربع كوب بصل مكعبات(50 جم)
نصف معلقه كبيرة ثوم مفروم(10 جم)
1كوب سجق قطع(200 جم)
1معلقه كبيرة صلصه(25جم)
ربع كوب فلفل رومى الوان مكعبات(50 جم)
ربع كوب طماطم لحم مكعبات(50 جم)
1معلقه كبيرة فلفل حارمكعبات(10جم)
1معلقه صغيره ملح (5جم)
1معلقه صغيره فلفل (5 جم)
1معلقه صغيره بهارات (5جم)
نصف مكعب مرق
ربع كوب ماء مغلى (50 جم)
طريقه التحضير
السجق
- فى اناء على النار نشوح بصل فى سمن ولمه يدبل نضيف ثوم ولمه يدبلوا نضيف سجق ولمه يغير لونه نضيف صلصه وطماطم وفلفل الوان وفلفل حار وملح وفلفل وبهارات ومكعب مرق وماء ونقلبهم مع بعض ونسيبه يستوى على نارهاديه
البشاميل
- فى اناء على النار نشوح دقيق فى سمن لمه ياخد لون ذهبى فاتح نضيف لبن وملح وفلفل ونقلبهم مع بعض حتى الحصول على بشاميل ثقيل ونسيبه يبرد
العجينه
- فى الميكسر نخلط دقيق وملح وزيت ونضيف ماء ونخفقهم مع بعض حتى تجانس الخليط ونلفها رول طويل ونغطيها ونسيبها ترتاح نصف ساعه, ونقطعها على 6 كرات ونلفهم كرات متساويه ونضعها فى بوله مدهونه زيت وندهن كرات العجين زيت ونغطيها ونسيبها ترتاح نصف ساعه تانى
- على الرخامه مدهونه زيت نفرد العجينه بعد ما ندهنها زيت بايدينا اوبالنشابه(هنعمل 3 كرات كبيرة و3 كرات صغيرين)
- ونجيب الكرات الكبيرة ونفردها ونضع فى الكوره الصغيرة بشاميل ونضيف حشو السجق ورشه جبنه موتزرايلا, وفى بوله نخلط زبدة وقشطه ونقلبهم مع بعض وندهن بيهم الفطيرة ونضع ونقفلها على شكل ظرف, ونجيب صينيه وندهنها سمن ونضع فيها الفطيرة على الفقله( لازم نخلى الفقله من تحت ) ونسيب الفطيرة ترتاح ربع ساعه ونفردها بايدينا وندهنها سمن وقشطه
- وندخل الفطيرة الفرن على 220 درجه لمدة 15 دقيقه
- وتقدم وبالف هنا وشفا

حواوشى سجق بلدى
المقادير
4 خبز بلدى مسواه نصف سوا
2 ملعقه سمن سايح(50 جم)
(الحشو)
2 كوب ونصف سجق قطع(500 جم)
2 بصله مبشورة
نصف كوب ليه مفرومه(100 جم)
2 فص ثوم مفروم
1 فلفل رومى قطع
1 فلفل حار قطع
1 طماطم لحم قطع ناعم
نصف ملعقه ملح(5 جم)
نصف ملعقه فلفل(5 جم)
نصف ملعقه بهارات حواوشى(5 جم)
نصف ملعقه جوزة الطيب(5 جم)
2 ونصف ملعقه كسبره مفرومه(60 جم)
طريقه التحضير
- فى بوله نخلط سجق وليه وبصل وثوم مفرومين وفلفل رومى وحار وطماطم وكسبرة مفرومه وملح وفلفل وبهارات حواوشى وجوزة الطيب ونقلبهم مع بعض كويس حتى تجانس الخليط
- ونجيب سمن سايحه وندهن بيها العيش من برا ومن جوا و وناخد الحشو ونفرده فى العيش ونوزعه كويس ونضغط عليه كويس
- ونجيب ورقه زبدة ونضع فيها الحواوشى ونقفله كويس ونجيب صاج ونضع فى الحواوشى(لاوم تكون قفله ورقه الزبدة من تحت فى الصاج)وممكن على الشوايه او فى طاسه على البوتجاز(بدون ورقه زبدة)
- وندخل الصاج الفرن على 200 درجه لمدة 25 دقيقه
- ويقدم وبالف هنا وشفا

كريب السجق
المقادير
(الطريقه الشعبى)
كوب دقيق(200 جم)
ربع ملعقه صغيرة ملح(5 جم)
ملعقه كبيرة زيت(25 جم)
كوب ونصف ماء دافئ(300 جم)
(الطريقه الفرنساوى)
3 بيضات
2 ونصف ملعقه زيت(60 جم)
2 ونصف ملعقه زبدة سايحه(60 جم)
نصف ملعقه صغيرة ملح(10 جم)
نصف ملعقه صغيرة فلفل(10 جم)
كوب ونصف دقيق(300 جم)
2 كوب ونصف لبن دافئ(500 مل)
(الصوص الابيض)
ملعقه ونصف زبدة(60 جم)
ملعقه ونصف دقيق(60 جم)
مكعب مرق
نصف ملعقه ملح(10 جم)
نصف ملعقه فلفل(10 جم)
3 كوب لبن دافئ(600 مل)
كوب جبنه موتزرايلا(200 جم)
كوب رومى مبشور(200 جم)
كوب شيدر مبشور(200 جم)
(الصوص الاحمر)
2 ونصف ملعقه زيت(60 جم)
3 بصل مكعبات
3 فص ثوم مفروم
2 ونصف ملعقه صلصه(60 جم)
2 ونصف كوب طماطم مبشورة(500 جم)
نصف ملعقه ملح(10 جم)
نصف ملعقه فلفل(10 جم)
نصف ملعقه سكر(10 جم)
نصف كوب ماء مغلى(100 جم)
(الحشو )
ملعقه ونصف زيت(50 جم)
كوب سجق قطع(200جم)
2 بصل شرائح
5 فص ثوم شرائح
فلفل رومى شرائح
فلفل حار قطع
طماطم لحم شرائح
نصف ملعقه ملح (5 جم)
نصف ملعقه فلفل (5 جم)
نصف ملعقه بهارات (5جم)
ملعقه بقدونس مفروم (25 جم)
جبنه مشكله
طريقه التحضير
لعمل عجينه الكريب الشعبى
- فى الميكسر نخفق دقيق وماء وملح وزيت ونخفقهم مع بعض ونصفى
ونجيب طاسه ونسخنها وندهنها زيت ونمسحها بمناديل مطبخ ونضع كبشه عجينه ونوزعها ولمه تستوى نقلبها ونضعها فى بوله ونغطيها بفوطه اوكيس بلاسيتك
لعمل عجينه الكريب الفرنساوى
- فى الميكسر نخفق بيض وملح وفلفل وزيت وسمن ونخفقهم مع بعض ونضيف لبن دافئ ونخفقهم مع بعض ونضيف الدقيق ونخفقهم مع بعض حتى تجانس الخليط
- ونجيب طاسه ونسخنها وندهنها زيت ونمسحها بمناديل مطبخ ونضع كبشه عجينه ونوزعها ولمه تستوى نقلبها ونضعها فى بوله ونغطيها
لعمل الصوص الابيض
- فى اناء على النار نشوح دقيق فى سمن ولمه ياخد لون ذهبى فاتح نضيف لبن وملح وفلفل ومكعب مرق ونقلبهم مع بعض حتى الحصول على بشاميل ثقيل بارد ونضيف جبنه موتزاريلا ورومى وشيدرونقلبهم مع بعض ونسيبها تيبرد
لعمل الصوص الاحمر
- فى اناء على النار نشوح بصل فى زيت ولمه يدبل نضيف ثوم ولمه يدبل نضيف صلصه وخل وسكرونقلبهم مع بعض ونضيف طماطم مبشورة ونتبلها ملح وفلفل وماء مغلى ونقلبهم مع بعض ونسيبها تتسبك على نار هاديه
لعمل حشو السجق
- فى اناء على النار نشوح السجق فى زيت ولمه ياخد لون نضيف بصل وثوم وفلفل رومى وحاروطماطم ونتبلها ملح وفلفل وبهارات وبقدونس ونقلبهم مع بعض ونسيبه يبرد
لعمل لكريب السجق
- هنجيب الكريب ونفرده ونضع فى صوص ابيض ونفردها على الجزء اللى تحت ثم نضيف ملعقه من الصوص الاحمر ورشه من الجبنه المشكله ونضيف
حشو السجق
ونضيف رشه طماطم وفلفل رومى وجبنه مشكله وكاتشب ومايونيز ونقفله على شكل مثلث او رول
- وعلى الشوايه ساخنه او طاسه ساخنه تاخد مارك
- ويقدم وبالف هنا وشفا

فول بالسجق
المقادير
25 مل زيت(معلقه كبيره)
15 جم ثوم مفروم(معلقه كبيره)
100 جم بصل مكعبات(نصف كوب )
100 جم فلفل الوان مكعبات(نصف كوب )
100 جم طماطم مكعبات(نصف كوب )
25 مل عصير ليمون(معلقه كبيره)
100 جم سجق مكعبات(نصف كوب )
200 جم فول(كوب)
5 جم ملح(1معلقه صغيره )
5 جم كمون(1معلقه صغيره )
5 جم شطه(1معلقه صغيره )
25 جم بقدونس مفروم(معلقه كبيره)
طريقه التحضير
- فى اناء على النار نشوح بصل فى زيت ولمه يدبل نضيف ثوم مفروم ونقلبهم مع بعض ولمه يدبل نضيف فلفل الوان ومله يدبل نضيف طماطم ونتبله ملح وكمون وشطه وعصير ليمون ونقلبهم مع بعض ونضيف السجق ونقلبهم مع بعض ولمه يغير لونه نضيف الفول ونقلبهم مع بعض وياخد غلاوتين ونرفعه من على النار ونضيف سلطه طحينه ونقلبهم مع بعض
- ونجيب عيش شامى ونفتحه ساندوتش ونضع فى فول وسلطه طحينه وسلطه خضراء
- وتقدم وبالف هنا وشفا

البيتزا الايطالى بالسجق
المقادير
(العجينه)
5 كوب دقيق(كيلو)
2 ملعقه ونصف زيت(60 مل)
ملعقه ونصف خميرة(35 جم)
ملعقه محسن خبز او خل(25 مل)
نصف ملعقه سكر(10 جم)
نصف ملعقه زعتر(10 جم)
نصف ملعقه روزمارى(10 جم)
2 ملعقه عسل ابيض(50 جم)
2 كوب ماء دافئ(400 مل)
نصف ملعقه ملح(10 جم)
(الصلصه البارده)
5 طماطم مبشورة
ملعقه زعتر(25 جم)
ملعقه روزمارى(25 جم)
ملعقه ملح(25 جم)
ملعقه فلفل(25 جم)
ملعقه زيت(25 مل)
ملعقه سكر(25 جم)
ملعقه ريحان مفروم(25 جم)
(الصلصه الساخنه)
2 ملعقه ونصف زيت(60 مل)
2 بصل مفروم
2 ثوم مفروم
2 ملعقه ونصف صلصه(60 جم)
10 طماطم مبشورة
نصف كوب شوربه او ماء مغلى(100 مل)
ملعقه زعتر(25 جم)
ملعقه روزمارى(25 جم)
ملعقه ملح(25 جم)
ملعقه فلفل(25 جم)
ملعقه سكر(25 جم)
(الحشو )
25 مل زيت(ملعقه كبيره)
50 جم بصل شرائح(2 ملعقه كبيره)
15 جم ثوم شرائح(ملعقه صغيره)
150 جم سجق شرائح(كوب الاربع)
1 طماطم مبشوره
25 جم صلصه(ملعقه كبيره)
5 جم ملح(ملعقه صغيره)
5 جم فلفل(ملعقه صغيره)
5 جم بهارات(ملعقه صغيره)
50 مل ماء مغلى(2 ملعقه كبيره)
3 طماطم حلقات
3 فلفل رومى حلقات
50 جم زيتون شرائح(2 ملعقه كبيره)
150 جم جبنه موتزرايلا(كوب الاربع)
طريقه التحضير
لعمل العجينه
- فى الميكسر نضيف دقيق وملح وسكر وخميرة ومحسن خبز وروزمارى وزعتروزيت وعسل ونخلطهم مع بعض ونضيف ماء ونخفقهم مع بعض حتى الحصول على عجينه متماسكه طريه ونقطعها كرات وفى بوله ونرشها دقيق ونرص فيها كرات العجينه ونسيبها تخمر لمدة ساعه
لعمل الصوص البارد
- فى بوله نخلط طماطم وسكر وملح وفلفل وزعتروروزمارى وزيت وريحان مفروم ونقلبهم مع بعض
لعمل الصوص الساخن
- فى اناء على النار نشوح بصل فى زيت ولمه يدبل نضيف ثوم ولمه يدبل نضيف صلصه ونتبلها ملح وفلفل وزعتروروزمارى وسكرونضيف عصير طماطم وماء مغلى ونقلبهم مع بعض ونسيبها تتسبك على نارهاديه
لعمل حشو
فى اناء على النار نشوح شرائح بصل فى زيت ولمه يدبل نضيف ثوم ولمه يدبل نضيف سجق ونضيف طماطم مبشورة وصلصه وماء مغلى وملح وفلفل ونقلبهم مع بعض
لعمل بيتزا
- على الرخامه نرش دقيق ونفرد العجينه بسمك نص سم
- ونجيب صينيه وونرشها دقيق سميد ونضع فيها العجينه ونخرمها بشوكه ونضعها فى مكان دافى تخمر نصف ساعه ولازم نغطيها ونضعها فى مكان دافئ ونضع عليها صوص الساخن او البارد ورشه جبنه موتزاريلا
وجبنه رومى ونرص شرائح طماطم وفلفل رومى وزيتون ونضع عليها حشوالسجق
ونرش عليها جبنه موتزرايلا
- وندخل الصينيه الفرن على 250 درجه لمدة 20 دقيقه
- وتقدم وبالف هنا وشفا

سمبوسك السجق
المقادير
(العجينه)
2 ونصف كوب دقيق (500 جم)
نصف معلقه صغيرة ملح(5 جم)
نصف ملعقه كبيره سكر(10 جم)
نصف كوب زبده او زيت (100 جم)
كوب ماء مثلج(200 مل)
(الحشو)
ملعقه ونصف زيت(50 جم)
كوب سجق قطع(200جم)
2 بصل شرائح
5 فص ثوم شرائح
فلفل رومى شرائح
فلفل حار قطع
طماطم لحم شرائح
نصف ملعقه ملح (5 جم)
نصف ملعقه فلفل (5 جم)
نصف ملعقه بهارات (5جم)
ملعقه بقدونس مفروم (25 جم)
50 مل ماء للصلق (ربع كوب)
زيت للقلى
طريقه التحضير
العجينه
- فى الميكسر نخلط دقيق وملح وزبده او زيت ونخفقهم مع بعض ونضيف ماء ونخفقهم مع بعض حتى تجانس الخليط والحصول على عجينه سهله طريه ونسيبها ترتاح نصف ساعه ونغطيها
- على الرخامه نرش دقيق ونفرد العجينه بسمك متوسط ونقعطها على شكل دائرى او مربعات او مستطيلات ونجيب السسمبوسك وندهنها ماء ونضع فيها ملعقه حشو
- لعمل حشو السجق
- فى اناء على النار نشوح السجق فى زيت ولمه ياخد لون نضيف بصل وثوم وفلفل رومى وحاروطماطم ونتبلها ملح وفلفل وبهارات وبقدونس ونقلبهم مع بعض ونسيبه يبرد ونحشى بيهم
السمبوسك ونقفلها كويس ونضغط على الحروف بشوكه
- وفى اناء على النار فى زيت سخن عميق نقلى السمبوسك
فى حاله التخزين او التفريز فى الثلاجه نجيب طبق فويل ونرص فى السمبوسك ونغطى ببلاسيتك فيلم ونحتفظ بيها فى الفريزر لمدة شهر كامل( قبل الاستخدام بساعه نخرجها من الفريزر
- وفى اناء على النار فى زيت سخن عميق نقلى السمبوسك
- وتقدم وبالف هنا وشفا

جلاش بالسجق
المقادير
(العجينه)
2 ونصف كوب دقيق(500 جم)
ربع كوب سمن بارده(50 جم)
ربع ملعقه ملح(5 جم)
كوب وربع ماء(250 مل)
2 كوب نشا للفرد
طاجن المونيوم
لفه جلاش
كوب سمن(200 جم)
(الحشو)
ملعقه ونصف زيت(50 جم)
كوب سجق قطع(200جم)
2 بصل شرائح
5 فص ثوم شرائح
فلفل رومى شرائح
فلفل حار قطع
طماطم لحم شرائح
نصف ملعقه ملح (5 جم)
نصف ملعقه فلفل (5 جم)
نصف ملعقه بهارات (5جم)
ملعقه بقدونس مفروم (25 جم)
(الغطاء)
2 بيضه
ربع ملعقه ملح(5 جم)
ربع ملعقه فلفل(5 جم)
كوب لبن(200 مل)
كوب جبنه رومى مبشورة(200 جم)
طريقه التحضير
العجينه
- فى الميكسرنخلط دقيق وسمن ملح ونخلطهم مع بعض لحد ما يكون الخليط رملى ونضيف الماء ونخفقهم مع بعض حتى الحصول على عجينه سهله طريه ونلفها رول ونقطعها 10 كرات متساويه ونرصها فى صاج ونغطى ونسيبها ترتاح 20 دقيقه, ونجيب كل كوره ونعفرها بالنشا ونفردها بايدينا ونسيبها ترتاح 20 دقيقه, ونرش على كل كوره نشا نفردها ونرص 10 كرات على بعض( لازم نرش نشا على كل كورة لوحدها) ونفردهم بالنشابه وهما على بعض يكون بسمك متوسط ونقطع ونشيل الاحراف ونخلى شكل مربع( اللى هو شكل ورقه الجلاش) ونلفه فى ورقه زبدة وفى كيس بلاسيتك( ونحتفظ بى فى الفريزر)
جلاش بالسجق
- فى اناء على النار نشوح السجق فى زيت ولمه ياخد لون نضيف بصل وثوم وفلفل رومى وحاروطماطم ونتبلها ملح وفلفل وبهارات وبقدونس ونقلبهم مع بعض ونسيبه يبرد
- ونجيب طاجن المونيوم وندهن سمن ونرص عليه نصف كميه الجلاش وندهن بين كل ورقه وورقه سمن ونضع حشو السجق وررشه جبنه رومى مبشورة ونرص عليها باقى كميه الجلاش وندهن بين كل ورقه وورقه سمن وقطعها ونغطيها وندخلها الفريزر
- وعند الاستخدام نطلعها تفك قبلها بساعتين ولمه تفك فى بوله نخفق بيض وملح وفلفل ولبن ونخفقهم مع بعض ونصبها على الجلاش ونرش عليه جبنه رومى وندخل الطاجن الفرن على 180 درجه لمدة 25 دقيقه
- ويقدم وبالف هنا وشفا

الرقاق بالسجق
المقادير
(العجينه )
500 جم دقيق(2كوب ونصف)
25 جم زبدة(معلقه كبيرة)
10 جم سكر(نصف معلقه كبيرة)
5 جم ملح(معلقه صغيره)
250 مل ماء(كوب وربع)
200 جم نشا للفرد(كوب)
(الرقاق )
10 رقاق طرى
25 جم سمن(معلقه كبيرة)
500 مل شوربه مغليه(2كوب ونصف)
250 مل لبن دافئ(كوب وربع)
100 جم سمن(نصف كوب)
(الحشو)
50جم سمن(2معلقه كبيرة)
150 جم بصل شرائح(كوب الاربع)
5 جم ثوم مفروم(معلقه صغيره)
250 جم سجق قطع(كوب وربع)
25 جم فلفل رومى قطع(ربع كوب)
50 جم صلصه(2معلقه كبيرة)
1 فلفل حار قطع
1 طماطم مكعبات
50 مل ماء مغلى(2معلقه كبيرة)
5 جم ملح(معلقه صغيره)
5 جم فلفل(معلقه صغيره)
5 جم بهارات(معلقه صغيره)
طريقه التحضير
لعمل العجينه
- فى الميكسرنضع دقيق وملح وسكروسمن ونخفقهم مع بعض ونضيف ماء ونخفقهم مع بعض حتى تجانس الخليط ونلفها رول ونقطعها كرات
- ونجيب بوله ونرش فيها دقيق ونضع كرات العجينه ونسيبها ترتاح نصف ساعه- على الرخامه نرش نشا ونفرد الرقاق بالنشابه بسمك رفيع على شكل مربع او دائرى
-على صينيه او فى صاج على الفرن نضع الرقاق على كل وجه دقيقه ونغطى
لعمل رقاق بالسجق
- فى اناء على النار نشوح بصل فى سمن ولمه يدبل نضيف ثوم ولمه يدبل نضيف سجق ولمه يغير لونه نضيف صلصه وطماطم وفلفل رومى حار ونتبلها ملح وفلفل وبهارات وماء مغلى ونقلبهم مع بعض لحد ما يستوى- فى اناء فى شوربه مغليه وسمن ولبن ونضع الرقاق فى الشوربه
- ونجيب صينيه وندهنها سمن ونرص نصف كميه الرقاق ونضع فى نصفها حشوالسجق ونرص باقى كميه الرقاق ونضغط عليها
- وندخل الصينيه الفرن على 200 درجه لمدة 25 دقيقه
- ويقدم وبالف هنا وشفا

مكرونه بشاميل بالسجق
المقادير
2\1 كيلو مكرونه قلم
لتر ماء مغلى
5 جم ملح(معلقه صغيره)
25 مل زيت (معلقه كبيرة )
(الحشو)
50 جم سمن(2معلقه كبيرة )
100 جم بصل قطع(نصف كوب)
25جم ثوم مفروم(معلقه كبيرة )
25 جم صلصه(معلقه كبيرة )
250 جم سجق قطع(كوب وربع)
5 جم ملح(معلقه صغيره)
5 جم فلفل(معلقه صغيره)
5 جم بهارات(معلقه صغيره)
5 جم كمون(معلقه صغيره)
5 جم شطه(معلقه صغيره)
25 جم كسبره مفرومه(معلقه كبيرة )
(البشاميل)
30 جم سمن(معلقه كبيره ونصف)
30 جم دقيق(معلقه كبيره ونصف)
2\1 مكعب مرق
5 جم ملح(معلقه صغيره)
5 جم فلفل(معلقه صغيره)
600 مل لبن دافئ(3كوب)
150 جم جبنه موتزاريلا(كوب إلا ربع)
طريقه التحضير
- فى اناء على النار فى ماء مغلى وملح وزيت نسلق المكرونه لمدة 8 دقائق ونصفيها
لعمل البشاميل
- فى اناء على النار نشوح دقيق فى سمن ولمه ياخد لون ذهبى فاتح نضيف ملح وفلفل ومكعر مرق ونضيف لبن دافئ ونقلبهم مع بعض حتى الحصول على بشاميل انسيابى
لعمل الحشو
- فى اناء على النار نشوح بصل فى سمن ولمه يدبل نضيف ثوم مفروم ولمه يدبل نضيف صلصه ونقلبهم مع بعض ونضيف قطع سجق ونتبلها ملح وفلفل وكمون وشطه وبهارات ونقلبهم مع بعض ونسيبها تستوى على نارهاديه ونرفعها من على النار
لعمل مكرونه بشاميل بالسجق
- فى بوله نخلط مكرونه مسلوقه مع كبشه من البشاميل ورشه جبنه موتزرايلا ونقلبهم مع بعض كويس
- ونجيب بيركس او صنيه ونضع فى نصف كميه المكرونه ونضع كبشه من البشاميل ورشه جبنه موتزرايلا ونضع حشو السجق ونفرده ونضع عليها كبشه من البشاميل ورشه من الجبنه الموتزرايلا ونضيف باقى كميه المكرونه وباقى كميه البشاميل ونرش عليها جبنه موتزرايلا
- وندخل البيركس الفرن على 180 درجه لمدة 25 دقيقه
- وتقدم وبالف هنا وشفا



طاجن سجق بلدى
المقادير
نصف كيلو سجق(500 جم)
سمن
بصل شرائح
فلفل الوان
فلفل حار
ثوم شرائح
طماطم شرائح
صلصه
بقدونس مفروم
ماء مغلى
ملح وفلفل وكمون وكسبرة ناشفه ووشطه وبابريكا وبهارات لحمه وجوزة الطيب وسكر
طريقه التحضير
- فى اناء على النار نشوح سجق فى سمن ولمه يغير لونه نضيف بصل ونقلبهم مع بعض يدبل نضيف فلفل الوان وفلفل حار وثوم وطماطم وصلصه وماء مغلى وبقدونس وملح وفلفل وكمون وكسبرة ناشفه ووشطه وبابريكا وبهارات لحمه وجوزة الطيب وسكرونقلبهم مع بعض ونسيبه يستوى على نارهاديه
- ونجيب طاجن او بيركس ونصب فى السجق وندخله الفرن على 180 درجه لمدة 25 دقيقه
- ويقدم وبالف هنا وشفا



سندوتش سجق
المقادير
فينو
سلطه طحينه
(السجق)
ربع كوب زيت(50 جم)
ربع كيلوسجق(250 جم)
كوب الاربع بصل شرائح(175 جم)
فلفل حار
نصف كوب طماطم شرائح(100 جم)
ملح و فلفل وبهارات
طريقه التحضير
- فى اناء على النار نشوح سجق فى زيت ولمه ياخد لون نضيف بصل وفلفل حار وطماطم وملح و فلفل وبهارات وماء ساخن ونقلبهم مع بعض و نسيبه يستوى ونرفعه من على النار
- ونجيب فينو ونفتحه ساندوتش ونضع فى ملعقه من سلطه الطحينه ونضيف السجق
- ويقدوم وبالف هنا وشفا

ى

سجق بالبطاطس
المقادير
سجق
بطاطس شرائح
بصل شرائح
فلفل شرائح
فلفل حار شرائح
زبدة
ملح
فلفل
كمون
شطه
هريسه شطه
ثوم مفروم
ورق لورا
حبهان
كسبرة ناشفه
عصير طماطم
طريقه التحضير
1-فى طاسه على النار نضع السجق ونقلبه كويس لحد ما ينزل الدهون اللى فى ونصفى منوا الدهون ونضع عليه ربع كوب مياه ونسيبه يستوى فيهت
2-فى بوله نضع البطاطس والبصل والفلفل والفلفل الحار و ملح وفلفل وكمون وشطه وهريسه الشطه والثوم والكسبرة والملح والفلفل والكمون والحبهان وورق الورا ونقلبهم مع بعض كويس
3-ثم فى اناء على النار نضع السجق على خليط البطاطس ونقلبهم مع بعض
4-ثم نضع عليهم عصير الطماطم ونقلبهم مع بعض ياخدوا غلاوه
5-ونجيب صينيه ونصب فى كل المقادير
6-وندخله الفرن على 180 درجه لمدة 25 دقيقه
7-ويقدم وبالف هنا وشفا

-سجق جريل
المقادير
2\1 كيلو سجق
(التتبيله)
100 مل ماء بصل(نصف كوب)
50 جم طماطم مبشورة(ربع كوب)
100 مل زيت(نصف كوب)
5 فص ثوم مفروم
25 مل عصير ليمون(معلقه كبيره)
25 مل خل(معلقه كبيره)
5 جم ملح(معلقه صغيره)
5 جم فلفل(معلقه صغيره)
5 جم شطه(معلقه صغيره)
5 جم جوزة الطيب(معلقه صغيره)
طريقه التحضير
1-فى بوله نخلط ماء بصل مع طماطم مبشورة وزيت وثوم وعصير ليمون وخل وملح وفلفل وشطه وجوزة الطيب ونتبل بيهم السجق لمدة ساعتين على الاقل
2-على الجريل او فى طاسه وندهنها زيت نرص السجق ونسوى على كل وجه 5 دقائق
3-فى طبق التقديم نرش بقدونس مفروم ونرص عليها السجق
4-وتقدم وبالف هنا وشفا

سجق شرقى بالفلفل
المقادير
½ كيلو سجق شرقى
3 حبات بصل صغيرة الحجم
5 حبات بطاطس (بطاطا) صغيرة الحجم
½ ملعقة صغيرة ثوم مفرى ناعماً
1 حبة فلفل أحمر حلو كبيرة الحجم
2 حبة طماطم صغيرة الحجم
1 ملعقة صغيرة بابريكا
1 ½ ملعقة صغيرة ملح
¾ ملعقة صغيرة فلفل أسود
2 ملعقة كبيرة زيت نباتى
½ كوب ماء ساخن
طريقه التحضير
تُغسل حبة الفلفل الأجمر وتُجفف بورق المطبخ، ثم تُقطع إلى نصفين ويزال منها العنق والبذور، وتقطع إلى شرائح متوسطة الحجم.
تُقشر حبات البصل وتقطع إلى نصفين، ثم تقطع إلى شرائح متوسطة الحجم.
تُغسل حبات السجق بالماء وتُجفف بورق المطبخ، ثم تقطع إلى قطع متوسطة الحجم.
تُغسل حبات البطاطس وتُجفف بورق المطبخ، ثم تُقطع إلى شرائح متوسطة الحجم.
يُسخن الزيت فى مقلاة كبيرة الحجم على نار متوسطة، ويضاف إليه شرائح البصل ويقلب به لمدة دقيقتين أو حتى يصبح شفافاً وليناً.
تضاف قطع السجق إلى شرائح اليصل، وتقلب به لمدة دقيقتين أو حتى يَتغير لون السجق.
يضاف الثوم المفرى والبابريكا والفلفل الأسود والملح إلى الخليط، ويقلب جيداً.
تضاف شرائح البطاطس إلى الخليط، ويَستمر تقليبه لمدة دقيقتين أو حتى تَبدأ البطاطس فى التَحمير.
تضاف شرائح الفلفل والملح والماء إلى الخليط، ويقلب جيداً ويترك لمدة 10 دقائق أو حتى يَكاد يَنضج السجق.
تُغسل حبات الطماطم وتُجفف بورق المطبخ، ثم تُقطع إلى شرائح وتضاف إلى الخليط، ويقلب ويترك لمدة 5 دقائق أو حتى يَنضج السجق جيداً.
يُرفع خليط السجق من على النار، ويُسكب فى صحن التقديم، ويقدم مع الخًبز. وتقدم بالف هنا وشفا



سجق بيتى
المقادير
نصف كيلو لحمة مفرومة
نصف كيلو ممبار
5 ثوم
فلفل حار
ملعقه صغيره بهارات
ملعقه صغيره قرفه
ملعقه صغيره كزبره ناشفه
ملعقه صغيره بابريكا
ملعقه صغيره ملح و فلفل
رشة كمون
رشة جوزة الطيب
طريقة التحضير
تبلي اللحمة بقطع الفلفل الحار و الثوم و التوابل و الملح و الفلفل جيداً
احشي الممبار باللحمة و بذلك يكون جاهزاً للإستخدام فى أى وقت وتقدم بالف هنا وشفا



سجق بدبس الرمان
المقادير
كيلو سجق شرقي
3 بصلات متوسطة
3 ثمار فلفل ألوان
عصير ليمونتين
ملح وفلفل وبهارات حسب الرغبة
ملعقتان صغيرتان سماق
ملعقتان كبيرتان دبس الرمان
ملعقة كبيرة زيت زيتون
ملعقة صنوبر
طريقه التحضير
شوحي السجق في زيت الزيتون دون تركه ليسخن أولًا
أضيفي البصل ثم الفلفل ثم الصنوبر
أضيفي الليمون ودبس الرمان والسماق والملح والفلفل والبهارات
قلبي لحين النضج ويمكنك إضافة بعض الماء وتغطيته وتركه على نار هادئة جدًا
حتي تمام النضج. وتقدم بالف هنا وشفا

#مشرفة_الاسرة_والطفولة
۩❁#منتدى_المركز_الدولى❁۩