كيف تجهزى مطبخك لشهر رمضان المبارك نصائح مطبخية

كيف تجهزي مطبخك لرمضان

-ابدئي بتنظيف وترتيب أدوات المطبخ تغير مفارش الأدراج غسل الحائط للتخلص من الزيوت تنظيف الشفاط سن السكاكين زيادة عدد الأكواب المستخدمة في العصير اليومي قبل الإفطار
نظفي الثلاجة والديب فريزر وعيدي ترتيبهم لتخزين ما تحتاجينه في رمضان
افكار لرمضان

1- أشتري كيس مسحوق كبير عشان هيبقي في غسيل ستاير وسجاحيد وهدوم ومفروشات كتير وكمان سعره هيتشال من عليكي وكفايه مصاريف الاكل ولبس العيد

2-اشتري فيري او سائل أطباق اكتر من ازازه عشان ما تحتاجي تنزلي مخصوص وطبعا ما فيش اكتر من المواعين في رمضان

3-هاتي لبس الولاد للعيد والوقفه من دلوقتي لان الاسعار بتغلي وبتبقي الجوده أقل وطبعا ده غير الزحمه

4-الستاير والسجاجيد اللي ينفع تتغسل وتتشال اغسليها وشيليها جاهزه ع التركيب( قبل رمضان باسبوع)

5-رتبي دواليب الملابس ودواليب المطبخ (قبل رمضان بيومين او ثلاثه )

6-شوفي هتحتاجي ادوات مطبخ جديده او غيره جهزيها

7-تفريز الاعشاب ذي البقدونس والكزبره والنعناع والكرفس لانهم بيأخدوا وقت ف التنظيف والفرم يبقوا جاهزين ع الاستخدام بعملها مكعبات

8-تفريز مكعبات جزر للطبخ وجزر مبشور للسلطه والتتبيلات

9- فرم كمية ثوم وتفريزها وتاخدي منها بالمعلقه سريعه وجاهزه على طول وكذلك الزنجبيل واي عشب هتحتاجيه

11-عمل كمية من الصلصه ( التسببكه) من غير بصل ولا ثوم وتفريزها اكياس صغيره على أد الاكلات

12-عمل كميه من عصاج اللحم عشان الرقاق والجلاش والبيشاميل وغيره وتفريزها

13-عمل كميه من خلطة الدجاج لحشو السبرنج رول والسمبوسه وغيره وتفريزها

14-تجهيز عجينة السمبوسه وحشوها بحشوات متنوعه وتفريزها وتبقي جاهزه ع القلى لحد ما تغرفى الاطباق (قبل رمضان باسبوع)

15-تفريز كمية ورق كرنب و ورق عنب جاهز ع الحشو اي وقت تلاقيه متوفر وسعره مناسب بيفضل لحد سنه ذي ما هو

16- تجهيز كمية من خلطة المحشي وتفريزها اقصد الصلصه مش الرز طبعا

17-أعملي كمية من الفول المدمس وعجينة الفلافل والقلابه وقسميهم أكياس وفرزنيهم (قبل رمضان بيومين)

18-عمل كميه من مكعبات الليمون والبرتقال للاستخدام

19- سيحي الزبده و حوليها سمن وحطيها في علب ف الثلاجه

20- تفريز كمية من البطاطس نص مقليه

21- خبز كميه رقاق او تشتريها براحتك بخبزه قبل رمضان باسبوعين

22-تجهيز كمية من الشيره (شربات الحلويات) خفيف وتقيل

23-تجهيز كميه من صوص الشيكولاه هنحتاجه في بعض الحلويات

24-تجهيز كميه من صوص التوفي

25-المكسرات جهزيها متقشره كل نوع لوحده في علبه مقغوله وع الثلاجه

27-تجهيز كميه من الطحينه

28-أطحني كميه من كل التوابل اللي بتستخدميها وخليها جاهزه

29-اطحني كميه من السكر عشان هنحتاجه في بعض الحلويات
وكمان لكحك العيد والبيتيفور واشتري كميه سكر

30-جهزي أطباق كفته وكبه وفرزنيهم وطلعيهم ع التسويه

31-خلي عندك مجموعه متنوعه من الاطباق البلاستبك الديسبوزالول عشان لو عزومه كبيره

32-جهزي كميه من مكعبات مرقة الدجاج

34-فرزني كميه من عصاير جاهزه ع الشرب على طول لان الصيام السنه دي الجو حر

35- الفراخ واللحوم قسميهم على أد أستخدامك أكياس مغسلوين تخرجيهم ع الحله

36- جهزي تتبيلة السمك والسي فوود وفرزنيها

37- جهزي البانيه متقطع ومتقسم أكياس وكذلك الشاورما متقطعه وبس تتبليها ف دقايق

38- الفلفل الأخضر والأحمر افرمي شويه من كل نوع وفرزنيهم وخدي منهم بالمعلقه لاي أكله أو سلطه

39-لو الارز محتاج تنقيه نقيه وخليه جاهز ع الاستخدام

40- راجعي كل محتويات مطبخك وبيتك وشوفي ايه اللي ناقص هاتيه عشان ما تبقيش محتاجه تنزلي كل شويه وبالكتير تنزلي مرتين ف الشهر تجيبي خضار وخلاص

41- اعملي قمر الدين اول ما المشمش يظهر وفرزنيه اكياس

43- لو بتحبوا البيتزا والمعجنات اعملي كميه وجهزيهم ف اطباق ديسبوزابال وفرزني وطلعيه ع الفرن

44- هاتي الدقيق ولوازم حلويات وتسالي العيد قبل رمضان باسبوع

45- الخضار اللي هتحتاحيه نظفيه وفرزنيه اكياس جاهزه للاستخدام (باميه بسله فاصوليا قلقاس)

46- جهزي مخللات رمضان قبلها بشهر ع الاقل عشان تستوي على مهلها ف الثلاجه

47- لو عندك عزومات اعملي جدول لها حسب وقتك وظروفك وفي ورقه اكتبي كل عزومه هتعملي فيها ايه عشان تبقي مرتبه دماغك

48-خلصي اي مجاملات وراكي قبل رمضان وكفايه اوووي العزومات

49- جهزي جدول لوجبات افطار الشهر عشان مش كل يوم نقول هاااه هنفطر ايه

50- شوفي زينة رمضان اللي عندك باقيه هتنفع ولا لا وممكن تعملوا افكار للزينه انت واولادك بعد ما يخلصوا امتحانات وعلقيها قبل رمضان بيومين

🟢قبل كل اللي فات

جددي نيتك للصيام وأحتسبي أعمالك كلها
أفطار صائم
وأعانه مسلم ع العمل
وإماطة الاذى عن الطريق
واسعاد زوجك وأولادك
وخلي رمضان غير
يعني ايه غير يعني لازم كلكم تحسوا ان غير اي شهر
فهمي الولاد قيمة وعظم الشهر الفضيل واذاي لازم نتغير ونحسن من نفسنا واذاي نبقي في الشهر ده من العتقاء من النار
اعملي اي حاجه جديده ف البيت تخليهم دايما كل ما يشوفوها يفتكروا رمضان
ممكن تجيبي مفرش سفره جديد مش لازم غالي ممكن اللي ذي المشمع ده ويبقي عليه رسومات مبهجه ويا سلام لو عليها فوانيس مثلا
تعليقه كهربا فانوس للشقه
غيري قعده الاكل في رمضان
اي فكره جديده بس تخلي رمضان في ذهنهم على طوول
-اشتري جميع المستلزمات الأساسية للمطبخ لمدة شهر كامل كي لا تضطري للتسوق طويل وفي رمضان اكتفي بشراء الخضار والفواكه الطازجة فقط

-يمكنك عمل العديد من صواني المكرونة بالباشميل والبطاطس البورية والكوسه بالباشميل أيضا المسقعة باللحمة المفرومة على أن يدهن الوجه بطبقة خفيفة من الباشميل ثم غطي وجههم بقليل من الزيت أو السمنة وضعي كل صينية داخل كيس محكم الغلق وخزنيهم في الفريزر لحين استخدامهم عند الاستعمال خرجيها من الفريزر وضعيها على رف الثلاجة حتى تصبح لينه واخبزيها في الفرن

-قطعي كمية كبيرة من البصل وقلبيه في الزيت ثم ضعيه بأكياس الثلاجة مع الضغط علية كي تستطيعي كسرة بسهوله

-اعصري الطماطم وتركيها تسبك واحتفظي بها داخل أكياس ثلاجة أو علب الحفظ واستخدميها في الطبخ

-قومي بعمل كمية من المعجنات والسمبوسك والفطائر والقطائف ثم ضعيها على صينية مرشوشة بالدقيق وضعيها بالفريزر حتى تتجمد ثم وزعيها داخل الأكياس بأعداد متساوية حسب الحاجة

-اشتري الفواكه المستخدمة في عمل العصائر للإفطار وخزنيها مثل المانجو الفراولة والجوافة والأناناس... قومي بغسلها جيدا وتقطيعها وتخزينها في أكياس ثلاجة بالكمية التي تحتاجينها في المرة الواحدة

-انقعي لفائف القمر دين بطبق به كمية قليلة من الماء ثم أغلية على النار وجمديه بالفريزر وعند الاستعمال إضرابية في الخلاط مع إضافة السكر والماء

-اعملى البانية والبفتيك المستخدم طوال الشهر ورصيه على أكياس مفرودة وضعي طبقات البلاستيك بين كل طبقة على أن يكون كل كيس لوجبة واحدة حسب عدد أفراد الأسرة

-اعملى الكبيبة والكفتة وضعيها في الفريزر حتى تجمد ثم وزعيها في أكياس وتقلى في زيت حار بعد إخراجها من الفريزر بساعة أيضا الطعمية قسميها حسب الرغبة وجمديها وعند الاستعمال ضعي بيضة وربع ملعقة بكينج بودر

-جهزي العصاج بكمية وجمديه ليكون جاهز عند الحاجة

-جففي النعناع والريحان بغسلهما وتخفيفهما في الشمس

-تأكدي من توافر البهارات من حبهان وفلفل والكزبرة الجافة وجميع العناصر المستخدمة في الطبخ

_أعدي الكنافة دون تحمير أو شربات وتوضع بالفريزر وعند الاستخدام توضع بالفرن وتسقى بالشربات وتقدم

-جففي الخبز وحمصية ثم قومي بطحنة لعمل البقسماط للتحمير... كل عام وانتم بخير 
مع تحياتي محمد الحلوانى 

.
🟢تجهيزات و تفريزات لشهر رمضان

من أهم الخطوات التي تشغل ربه البيت في شهر رمضان ، تجهيز الإفطار اليومي ، و العزومات ، و تحضير الحلويات ، و لكن بقليل من التنظيم ، و التخطيط ، يمكنك التغلب علي هذه المشلكة .. و الحل هنا هو التفريز و التحضير من قبل رمضان للأكلات ، حتي لا يكون هناك وقت كبير مهدر بالمطبخ ..

يمكنك البدء بالتحضيرات من قبل بأسبوعين ، بحيث يأتي الشهر الكريم ، و أنت مستعده تماما ، و لا يشغلك شيء سوي التعبد ، و التقرب لله .

🟢�إليك مجموعة من الأفكار للتجهيزات و التفريزات ، للأستعداد لشهر رمضان :

تقشر المكسرات ، و تحمص و تطحن خشن، و تحفظ في أوعية محكمة الغلق بالثلاجة .. ، و يمكنك تحضير خلطة ( جوز الهند ، المكسرات ، الزبيب ) معا ، مخلوطة في علبه منفصلة جاهزة لحشو القطائف ، و تزيين الحلويات مثل المهلبية و الأرز بحليب . .

إذا توفرت لديك القطائف ، يمكنك حشوها ، و تفريزها ، و عند الحاجة ، تخرج من الفريزر ،علي خطوة القلي مباشرة .

جهزي السيرب ( القطر ) في أوعية زجاجية محكمه الغلق .

يفصص التمر ، و يحفظ في أوعية محكمة الغلق بالثلاجة .

تجهز الطماطم ، و تسبك مع البصل ، و الثوم ( حسب رغبتك ) أو تسبك لحالها بدون إضافات ، و تحفظ بأكياس بالفريزر .

إذا توفرت خضروات بأسعار معقولة ، تجهز و تفرز ( ورق عنب ، بطاطس ، ثوم ، ملوخية ، قلقاس … ) .

يمكنك تفريز الحمص ، اللوبياء ، الفاصوليا ( البقوليات ) ، بنقعها ثلاث ايام ، مع تغيير الماء مرتين باليوم ، ثم تسلق نصف سلقة ، وتصفي ، و تعبأ بأكياس في الفريزر .

يمكنك حشو السمبوسك ، و حفظها في علب بلاستيكية ، و تفصل بكيس بلاستيكي بين الطبقات حتي لا تلتصق ، و تخرج علي القلي مباشرة .

يعصج اللحم ، و يحفظ بالفريزر ، جاهز لعمل المكرونات ، و الكوسة بالبشاميل ، و غيرها من الأطباق .

يمكنك تجهيز الكبة ، و كفته الأرز ، و تشكيلها ، و حفظها بأطباق بلاستيكية ، و تغطي و تفرز، تكون جاهزة علي خطوة القلي .

يتبل البانية ، و البوفتيك و يغطي بالبقسماط ، و يحفظ في علب بلاستيكية ، و يفصل بين الأدوار بأكياس بلاستيكية .، و يحفظ بالفريزر جاهزا علي القلي .

يمكنك تتبيل الدجاج ، و اللحوم ، و حفظها بالتتبيلة في الفريزر ، و تخرج جاهزة علي وضعها بصينية الفرن للشوي .

يمكنك سلق كمية من اللحم ، و حفظها بالفريزر مع المرق ( كميه تكفي وجبة واحدة ) ، تكون جاهزة للأستعمال فور أخراجها ، مع مراعاة إحكام غلق العبوة جيدا .

تفريز الفاكهة المتوفرة في السوق ( مثل الفراولة ، و غيرها ) و غسلها و تقطيعها ، و حفظها بالفريزر ، لعمل العصائر .

تجهيز الكفتة ، و تتبيلها ، و تشكيلها و رصها في الأطباق ، و تغلف بالبلاستيك ، و تحفظ بالفريزر.

تجهز قطع اللحم، القطعيات المناسبة لكل أكلة ، و تحفظ في أكياس بلاستيك ، مكتوب عليها من الخارج ، الكمية ، و نوع اللحم .

يفرز السجق ، البسطرمة ، لتكون جاهزة لوجبات السحور .

تحفظ شاورما اللحم و الدجاج ، متبلة و تفرز ، لتكون جاهزة علي الطبخ .

يدمس الفول ، و يحفظ في أكياس بلاستيكية ، بحيث يكفي الكيس وجبة سحور واحدة .

يمكنك شي الباذنجان ، و تقشيرة ، و عصر القليل من الليمون عليه ، و يحفظ بالفريزر ، و يخرج لإستعماله فورا ، لعمل البابا غنوج و المتبل .

و أخيرا ، علي قدر إمكانك ، جهزي جدول أكلاتك ، و عزوماتك ، و رتبي جدول التفريز ، ليكون مسعفا لك ،، حتي لا يكون المطبخ هو مكان إقامتك الجبريه خلال الشهر الكريم
دعوة حلوه من قلبك كل عام وانتم بخير 

🟢ازى توفرى فى رمضان 

1-ممنوع رمى اى اكل متبقى هنشيله فى الفريزر ليوم زنقه.

2-السمك نشتريه بالواحده عشان ميفضش منه ويترمى.

3-هنشيل حتتين من البانيه او البوفتيك .. هنشيل معلقتين من اللحمه المفرومه..ليوم تانى نعمل بيهم بيتزا .

4-اللحمه تتقطع وتتكيس بالعدد يعنى لو 3 هنشيل 3 حتت وسط ده لو اكله ليوم واحد.

5-الفراخ بالعدد يعنى لو 3 هتحطى 3 ارباع فقط فى الكيس لو الاكله ليوم واحد.

6-الفراخ هتيجى بالشهر وهتجمعى القوانص والكبد ليوم غدوه تانى والجوانح ليوم غدوه غيره.

7-الخضار هنشترى وقت الرخص ونخزن فى الفريزر.

8-الجبن نشتريها ساعه العروض ومش بكميات.

9-الخزين من مكرونه وسكر وشاى وزيت وارز برضه ساعه العروض ونجيب كميه ونخزنها لانها بتبقى فرص.

10-شهر نخليه خزين مكرونه وارز وسكر وشار وزيت والشهر ايلى بعده نخليه لخزين المنظفات عشان منتزنقش.

13-المشتركين فى التموين ملهومش علاقه بالعروض ايلى بتكلم عليها وايلى معندهومش هايبر يشوفوا محلات البقاله بالجمله.

14-اللبن ييجى بمقدار يوميا لو خلص منجبش غيره .

15-نبيت الاكل يومين مش لازم كل يوم اكل جديد.

16-الحلويات تتعمل مره واحده فى الاسبوع.

17-الفاكهه مره واحده فى الاسبوع.

19-الشوربه تحوشيها ليوم كشك او ملوخيه قرديحى.

20-ليكى نص كيلو من كل حاجه كل شهر نص مفروم ونص بانيه ونص كبده ونص سجق ونص بوفتيك .

21-لو جبتى جبن خزين للشهر تحطيها فى الفريزر مش هيجرالها حاجه عشان متبوظش

25-نقلل شويه من العزومات والبهرجه ايلى بتحصل فى العزومات لو لزم الامر همه صنفين فقط.

26-نقلل شويه من الخروج الفاخر ونكتفى بخروجه حلوه والباقى تمشيه وايس كريم مش هتقول لا.

28-نقلل شويه من شراء الاكل الجاهز ونركز على اكل البيت اضمن وانضف.

31-نقلل شويه من الشيبسى والشيكولاته والحلويات بتاعه الاطفال دى بتسحب جامد غير انها مضره.

33-هتجردى البيت كل شهر وتكتبى الناقص فى ورقه كده هتبقى عارفه نازله عاوزه ايه.

34-هتحطى قدام كل حاجه فى الورقه سعرها بالرينج ايلى عندك عشان متنزليش بفلوس زياده تتفرتك ولا بفلوس قليله وتتحرجى.

35-البيبسى والعصاير الجاهزه مفيهاش فايده قللى منهم على اد ما تقدرى.

36-كيلو اللبن يعملك 7 كوبايات زبادى شوفى لو جبتيهم من برا يتكلفوا كام.

37-خلطه المحشى متترميش لو اتبقت بتتشال فى الفريزر لمره تانيه 

39-خلى دايما هدفك اولوياتك غير كده استغنى عن ايلى ملوش فايده.

40-متنسيش بدائل الكالسيوم وبدائل البروتين لان جسمنا لازم تدخله فايده حتى لو بنوفر او الراتب على الاد.
كل عام وانتم بخير 
مع تحياتي محمد الحلوانى 

مينو رمضان 30 يوم
الجدول السابع عشر لشهر رمضان 2022----------------
1443 هجرى...............................
كل عام وأنتم بخير ...................مع تحياتى محمد الحلواني

ازاى تتصرفى مع اى عزومه لشهر رمضان 

كنصيحة عامة و عن تجربة فى أى عزومة كل حاجة تطلع حلوة ان شاء الله ..
قسمى العزومة ﻷصناف
:1. المقبلات
2. السلطات ومخللات
3. الشوربة
4. الطواجن او الخضار
5. النشويات
6. البروتين
7. الحلويات
8. المشروبات
1. بالنسبة للمقبلات :-
*******************
.سمبوسك باختلاف الحشوة ( جبن مع زعتر أو نعناع ، بسطرمة ، لحمة مفرومة ، خضار)
كانلونى باختلاف الحشوة بردو (لحمة ، سبانخ ، جبن و خضار ، سوسيس )-
كبيبة شامى (اقراص او رول او صوانى )
- بطاطس ببوريه سادة أو مع لحمة مفرومة
- بطاطس محمرة أو كفتة بطاطس
- بطاطس مشوية
- سبرنج رولز ( محشية فراخ قطع مع جبن ، خضار مشكل مع زيتون )
خضار مشوى أو سوتيه
2. بالنسبة للسلطات و المخللات :
***************************
سلطه زبادى ( اساسى لو فى محشى)
سلطه طحينة ( اساسى لو فى مشويات)
سلطه بابا غنوج ( اساسى لو فى أسماك)
سلطه كول سلو ( ظريفة لو فى بانيهات )
سلطه ثومية ( لو فى اصناف سورى او فتة او شاورما او مشويات )
سلطة باذنجان مقلى - سلطة بنجر- تبولة - فتوش- بطاطس بالمايونيز- بطاطس بالكزبرة و التوم- مكرونة مسلوفة باردة بالمايونيز و التركى و الزيتوالعزومه
لفل- سلطة تونة- سلطة خضراوحطى كل اصناف الخضار
- سلطة حمص
- باذنجان مخلل- طرشى بلدى- زيتون مخلل- خيار مخلل- لفت مخلل
3. بالنسبة للشوربات :-
**********************
شوربة لسان عصفور (مضمونة لان غالبا ناس كتير بتاكلها)'
شوربة كريمة ( سواء فراخ او مشروم او الاتنين مع بعض و بردو ليها جمهور كتير )
- شوربة بصل ( سهلة و ظريفة )
- شوربة طماطم ( مختلفة و بتنفع مع اصناف كتير )
- شوربة بطاطس ( مش مشهورة بس طعمها حلوة )- شوربة عدس
- شوربة سى فوود ( فى حالة السمك )
4. بالنسبة للطواجن او الخضار
**************************
- ملوخية ( و دى محدش ما بيحبهاش و 100% بتتاكل)
- بامية سادة او باللحمة
- تورلى
- مسقعة باللحمة المفرومة او من غيرها
- طاجن لسان عصفور
- بسلة
- فاصوليا
- كوسة
_سبانخ
5. بالنسبة للنشويات :-
******************
_محاشى( اساسى ورق العنب لانه ناس كتير بتحبه .. ممكن معاه كرنب او باذنجان أو كوسة )
_ ارز بالخلطة- ارز صيادية (فى حالة الاسماك)- ارز بالكبد و القوانص- ارز معمر- ارز بسمتى بالزعفران _ الكبسة- ارز بالبسلة-أرز بالبشاميل
_ مكرونة بالباشميل- مكرونة بالصلصلة (حمراء او بيضاء)
- لازانيا باللحمة المفرومة
- كوسة بالباشميل
- جلاش باللحمة المفرومة
- رقاق باللحمة المفرومة
- كشك
ممبار
6. بالنسبة للبروتين لحوم:-
*********************
عرق لحمة باردة
- بيكاتا بالمشروم
- اسكالوب او بفتيك-
_ريش ضانى او بتلو فى الصينية او مشوية
- لحمة بتلو او ضانى مشوية
_ ستيك مشوى او باى صوص
- لحمة محمرة
لحمة بالبصل
- فخدة
-كبدة
_شاورما لحم
الطيور :-
**********
حمام محشى ارز او فريك
- بط محمرة او محشى
- ديك رومى
- ارانب
دجاج:-
بانيه ( ترضى جميع الاطراف)
- كوردن بلو او تشيكن رول
- فراخ مشوية
- فراخ فى الصينية
-بيكاتا فراخ بالمشروم- فراح بالكارى- فراخ بالتوم و الزعتر- شاورما فراخ- فراخ تندورى هندى
*اسماك:-
************
سمك مشوى او مقلى او طاجن بالصلصه او صياديه- سمك فيليه مقلى - جمبرى مشوى او مقلى- سنجارى- كابوريا - كاليمارىالاسماك هتبقى عزومة لوحدها من غير اى اصناف بروتين غير الارز بالشعريه او أرز صياديه
* اصناف متنوعة :
***************
كفتة مشوية- كفتة بانيه- كفتة داوود باشا- كفتة ارز- كفتة فراخ - كفتة جمبرى ( فى حالة الاسماك )
7. بالنسبة للحلويات
*****************
نصيحة يأما تكون جاهزة او حاجات سهلة و سريعة ﻷنها مولد و بتاخد وقت كتير و لازم تتعمل فى الاخر و مش بينفع تتشال فى الفريزر او التلاجة
* شرقى: -
*********
اصناف من الفاكهة- ام على- بسبوسة- كنافة - بلح الشام- بقلاوة او جلاش- صوابع زينب- مهلبية- ارز بلبن - كيك ( برتقال ، زبادى ، قدرة قادر ، روانى ، شيكولاتة ، ماربل ، تايجر )- بتيفورات
* غربى :
***********
-جيلى ( سهل و ممكن يتعمل قبلها بيوم و عملى )- كريم كراميل- جاتوه عادى او سواريه- تورتة بلاك فورست او عادية- تارت باى حشوة- سينابون- تشيز كيك-تيراميسو- تورتة ايس كريم-براونيز- اكلير او ميل فى- سويسرول
8. بالنسبة المشروبات حمام محشى ارز او فريك
- بط محمرة او محشى
- ديك رومى
- ارانب
دجاج:-
بانيه ( ترضى جميع الاطراف)
- كوردن بلو او تشيكن رول
- فراخ مشوية
- فراخ فى الصينية
-بيكاتا فراخ بالمشروم- فراح بالكارى- فراخ بالتوم و الزعتر- شاورما فراخ- فراخ تندورى هندى
*اسماك:-
************
سمك مشوى - سمك فيليه مقلى - جمبرى مشوى او مقلى- سنحارى- كابوريا - كاليمارىالاسماك هتبقى عزومة لوحدها من غير اى اصناف بروتين
* اصناف متنوعة :
***************
كفتة مشوية- كفتة بانيه- كفتة داوود باشا- كفتة ارز- كفتة فراخ - كفتة جمبرى ( فى حالة الاسماك )
7. بالنسبة للحلويات
*****************
نصيحة يأما تكون جاهزة او حاجات سهلة و سريعة ﻷنها مولد و بتاخد وقت كتير و لازم تتعمل فى الاخر و مش بينفع تتشال فى الفريزر او التلاجة
* شرقى: -
*********
اصناف من الفاكهة- ام على- بسبوسة- كنافة - بلح الشام- بقلاوة او جلاش- صوابع زينب- مهلبية- ارز بلبن - كيك ( برتقال ، زبادى ، قدرة قادر ، روانى ، شيكولاتة ، ماربل ، تايجر )- بتيفورات
* غربى :
***********
-جيلى ( سهل و ممكن يتعمل قبلها بيوم و عملى )- كريم كراميل- جاتوه عادى او سواريه- تورتة بلاك فورست او عادية- تارت باى حشوة- سينابون- تشيز كيك-تيراميسو- تورتة ايس كريم-براونيز- اكلير او ميل فى- سويسرول 
. بالنسبة المشروبات
*****************
عصاير جاهزة او فريش حسب الموسم :- برتقال- مانجو- تفاح- فراولة- اناناس- كوكتيل
عصاير شرقية ( مش لازم رمضان )- كركديه- خروب- تمر هندى- صوبيا- عرقسوس
مياه غازية :
*************
- بيبسى او كوكولا- ميرندا او فانتا برتقال او تفاح- سفن او سبريت
كنصايح عامة :
****************
1. جهزى من قبل العزومة ب3ايام على الاقل و حددى الاصناف اللى حتعمليها من كل مجموعة
2. اشترى كل طلباتك بتاعت الاكل من قبلها عشان متتزنقيش
3. اى حاجة ممكن تتبل او تتحشى او ختى خضار حيتقطع او توم حيتقشر او مكسرات حتتقطع .. تتعمل و تتشال فى الفريزر اعمليها و خليها جاهزة على التسوية بس
4. حاولى تعملى توازن بين الاصناف .. ميكونش كل حاجة محشية لحمة مفرومة او كل حاجة معمولة بالبشاميل او كل حاجة فيها بطاطس عشان يبقى فيه تنوع و ميبقاش في تكرار
5. فى اصناف اكل بتليق مع بعض .. يعنى مينفعش مثلا اعمل شوربة سى فوود مع الديك رومى .. مش حيبقى ليها مجال .. و فى حاجات بتبقى متناغمة مع بعض
6. متحاوليش تجربى صنف عمرك معملتيه قبل كده لاول مرة فى عزومة عشان طبيعى و بتحصل ان ممكن اول مرة متظبطش او يبقى ناقصها حاجة فبلاش تجربى فى الناس
7. جهزى كل حللك و طاساتك و اتأكدى ان عندك اللى يكفى و يناسب كل الاصناف
8. اتأكدى ان البوتجاز يستوعب كل الاصناف سواء من فوق او فى الفرن عشان متتزنقيش فى الوقت
9. حاولى تفضى التلاجة والفريزر على قد ما تقدرى قبلها بيوم او اتنين عشان حتحتجيها يوم العزومة اوى .. بحيث كل ما يخلص صنف تحطيه فيها او لما تتبلى حاجة معينة و عايزة تشليها
10. حاولى ما يبقاش في اصناف كتير محتاجة تتحمر عشان متفضليش واقفة لغاية اخر لحظة بتقلى و عشان الحاجات دى يفضل تتاكل سخنة .. فمتزنقيش نفسك.
11. متكتريش التوابل فى الاكل عشان مش كل الناس بتحب البهارات الكتير بالذات الملح و الشطة عشان يكونوا اقل احسن ما يكونوا كتير و متعرفيش تعالجى الموضوع و فى كل الاحوال حطى ملح و فلفل على السفرة .. اللى عايز يزود .. يزود فى طبقه احسن
12. لو حتستخدمى الصينى بتاعك طلعيه من قبلها و جهزى على اد عدد الناس و حضرى السيرفيسات و المعالق و الشوك و المغارف و الكوبيات و الكاسات و اطباق الحلو .. و يفضل تحطى زينة على السفرة .. ورد فى نص الترابيزة و ميكونش ارتفاعه عالى عشان الناس تبقى شايفة بعضها او شمع فى اول الترابيزة و آخرها و مناديل جنب كل طبق
13. و رأيى لو العدد حيزيد عن 10 اشخاص .. ممكن تجيبى اطباق بلاستيك و معالق و شوك و كوبايات .. عشان تسهلى على نفسك و دلوقتى بقى فيه حاجات شكلها حلو و شيك و عملية جدا .. و تريحى نفسك من عذاب المواعين بعد العزومه
كل عام وانتم بخير 


#مشرفة_الاسرة_والطفولة 
《#منتدى_المركز_الدولى》