![:red_circle: 🔴](https://cdn.jsdelivr.net/emojione/assets/png/1f534.png?v=2.2.7)
#ملاحظات عند عمل القراقيش
![:writing_hand: ✍](https://cdn.jsdelivr.net/emojione/assets/png/270d.png?v=2.2.7)
![:red_circle: 🔴](https://cdn.jsdelivr.net/emojione/assets/png/1f534.png?v=2.2.7)
![:writing_hand: ✍](https://cdn.jsdelivr.net/emojione/assets/png/270d.png?v=2.2.7)
انا جايه فى بوست دا واقولك على اى مشكله ممكن تقابلك وانتي بتعملي القراقيش والمقادير المظبوطه الى هطلعها زى ما انتى حبه
🟥أولا كده السؤال الاشهر بنحطله خميره ؟؟!!
طبعا لازم نحط خميرة علشان تبقا هشه ومتبقاش معضمه وتقلب بقسماط بس طبعا النسبه فى الشتا غير الصيف فى الشتا لازم نحط معاها ماده رافعه تانى زى البيكنج بودر علشان العجينه تفتك اما فى الصيف بأكتفى بمعلقه واحده ممسوحه علشان العجين ميحمضش خاصتا لو عمله كميه
🟥ثانيا القراقيش تنفع من غير ريحة الكحك ؟؟
طبعا استبدليها باى ريحه تحبيها ريحة موز ريحة فانيليا رشة محلب بس الاصل ريحة الكحك
🟥طب ممكن اعجن بالماء بدل الحليب ؟؟
طبعا ممكن وافضل كمان دا بيطول مدة الصلاحي
ة اكتر
🟥اعملها على البارد ولا اسخن السمنه ؟
الافضل تسخنى السمنه وتبقا داخله على غليان كمان بس دا فى حالة لو عمله كميه كبيره كده هتحافظى عليه اكتر اما لو عمله مقدار قليل عادى اشتغلى على البارد بس الاطعم انك تشتغلى على السخن
🟥طب بحط الخميرة امتى فى الاول مع العجين قبل ما ابثه؟؟
لا الخميره بتتذوب فى السؤائل ومعلقة سكر
🟥احط مايه قد ايه ؟؟
الكيلو بياخد من كوبايه وربع لكوبايه ونص واختبار السوائل عن طريق اننا نكور حته عجبنه ونضغط عليها لو شققت كده تبقا محتاجه سوائل تانى
🟥ايه المادة الدهنية الى استخدمها ؟؟
الماده الدهنيه حسب الرغبة زيت او سمنه اهم حاجة ان كل كيلو دقيق بياخد نصف كيلو مادة دهنية فى حاله لو عوزين القراقيش ناشفة نزود الزيت عن السمنه لو عوزنها دايبه نزود سمنه عن الزيت بس الاعتدال حلو ربع زيت وربع سمنه يبقا فل اوى وقوام هتتدعولى عليه
🟥طب القراقيش بتتخمر ؟
احنا بنسبها عشر دقائق ترتاح بعد كده نقطع ونرص فى الصوانى ونسبها تخمر نص ساعه مش هترفع اوى فى الشتا بس متسبوهاش اكتر من نص ساعه علشان متنفش اوى فى الفرن وتقلب قرص
🟥الحشو ليه بيننشف؟؟؟
اخلطى الحشو بماده دهنيه واعجنيه كأنك بتعجنى عجينه كده عمره ما ينشف
![:large_blue_circle: 🔵](https://cdn.jsdelivr.net/emojione/assets/png/1f535.png?v=2.2.7)
ملحوظة القراقيش الكحك القرص الفلاحى مش بتتعجن يادوبك بتتلم بالسوائل عن طريق التقطيع وليس العجن
اتمنى ابقا قولت كل الاسئله الى بتواجه اى حد عوز يطلع قراقيش هشه ونفس الوقت ناعمه
#مشرفة_الاسرة_والطفولة
@منتدى المركز الدولى
![:octagonal_sign: 🛑](https://cdn.jsdelivr.net/emojione/assets/png/1f6d1.png?v=2.2.7)
۩❁
#منتدى_المركز_الدولى❁۩
![:octagonal_sign: 🛑](https://cdn.jsdelivr.net/emojione/assets/png/1f6d1.png?v=2.2.7)