#الشخصية_النرجسية..
نظرة عامة
اضطراب الشخصية النرجسية عبارة عن حالة مرَضية تؤثر على الصحة العقلية للمريض الذي ينتابه حينها شعور مبالغ فيه بأهميته. ويحتاج إلى الاهتمام والإطراء من الآخرين بشكل زائد ويسعى إلى ذلك. قد يفتقر الأشخاص المصابون بهذا الاضطراب إلى القدرة على فهم مشاعر الآخرين أو الاهتمام بها. لكن وراء هذا القناع من الثقة المفرطة، فهم ليسوا متأكدين من تقديرهم لذاتهم ويمكن أن ينزعجوا بسهولة من أقل انتقاد.
شخصية معقدة...
كثيرة ايقاع الأذى بالمحيطين به
لديها القدرة على تحطيم نفسية اي إنسان..
حتى لو كان اقرب المقربين له..
من سوء حظه..أنه لا ينجح في إيذاء أصحاب...
النفسيات الصلبة القويه...
هتقولولي..ممكن نعرف شوية تفاصيل عن هذه الشخصية..
اولا..
بيحب نفسه بطريقة أزيد من اللازم...يعني ماتتوقعش
إنه ممكن يجي على نفسه حتى لو كان غلطان علشانك
استحاله يعترف بتقصيره ولا يبدأ في مصالحتك
ثانيا..
دايما علاقاته مع غيرة قايمه على المنفعه والمصلحه.
لو عمل معاك ديل او علاقه اوعى تتصور إنه هيخليك
تاخد او تفوز بحاجه، أهم حاجه عنده هو وبس
ثالثا..
شايف نفسه بيفهم في أي حاجه وكل حاجه ..
يحسسك على طول إنك غبي ومابتفهمش ..
ويشكك في قدراتك وتصرفاتك
رابعا..
طول ماهو بيتكلم معاك يفضل يفخم في نفسه.
ويهول في انجازاته لدرجة تحسسك إنك قدام ظاهرة فريده وهو في الحقيقة اجوف وفارغ من جواه
خامسا..
على طول عاوز منك تعامله معامله خاصة ومتميزة
ولو معملتش تبقى مش عارف قيمته ولا قامته ..
ويتهمك بالجهل والغباء وإنك مش فاهمه
سادسا..
يحقد ويحسد على أي انسان يتمايز ويتفوق..
ويعتقد إنه هو الأجدر بالنجاح ده...
سابعا..
خياله خصب وواسع ومرحرح قوي..
وهو بيتكلم عن نفسه ممكن المواضيع توسع منه
من كتر خياله لدرجة التهويل( بينخع)
ثامنا..
يميل دائما لعقد المقارنات خصوصا مع الأقل منه ..
علشان يثبت تفوقه عليهم أما الأفضل منه ..
مابيجيبش سيرتهم خالص وكأنهم مش موجودين..
ولو جاب سيرتهم يقلل من شأنهم ومايديهمش حقهم...
ويتهمهم بالنصب والاحتيال والتزوير
ازاي نتعامل مع الشخصية دي...؟
اوعى تبان قدامه انك ضعيف وفي حاجه لمساعدته..
اوعى يحس إنك متردد ومش قادر تاخد قرار
اوعى تحسسه بأهميته اوفر
اوعى تخليه ياخد قراراته منفردا..
اوعى تعتذر ليه وانت مش غلطان في حقة
اوعى تسكت عن مطالبتك بحقك اللي عنده
اضطراب الشخصية النرجسية مشكلات في كثيرٍ من نواحي الحياة، مثل العلاقات أو العمل أو المدرسة أو الشؤون المالية. قد يشعر المرضى المصابون باضطراب الشخصية النرجسية بالتعاسة وخيبة الأمل بشكل عام عندما لا يتم منحهم الامتيازات الخاصة أو الإعجاب الذي يعتقدون أنهم يستحقونه. قد يجدون علاقاتهم مضطربة وغير مُرضية، وقد لا يستمتع الآخرون بالتواجد حولهم.
يتمركز علاج اضطراب الشخصية النرجسية حول العلاج بالحوار، المعروف أيضًا بالعلاج النفسي.
يؤثر اضطراب الشخصية النرجسية على الذكور أكثر من الإناث، وغالبًا ما يظهر في سن المراهقة أو في بداية البلوغ. قد تظهر سمات النرجسية على بعض الأطفال، ولكن هذا غالبًا ما يكون عاديًا بالنسبة لأعمارهم ولا يعني أنهم سيصابون باضطراب الشخصية
۩❁
#منتدى_المركز_الدولى❁۩
الخميس 11 أبريل - 2:17
