ملف شامل وكامل لعمل جميع انواع اللحم

ملف شامل وكامل لعمل جميع انواع اللحم

لحمه محمره
المقادير
2 ملعقه سمن
3 فص مستكه
3 ورق لورا
4 حبهان
4 فلفل حصى
كيلو لحمه مكعبات
بصله على 4
كرات
كرفس
ملعقه صغيرة ملح
2 لتر ماء مغلى
سمن لتشويح
ملح
فلفل
طريقه التحضير
- فى اناء على النار نشوح مستكه وحبهان وورق لورا وفلفل حصى فى سمن ونضيف مكعبات اللحمه ونقلبهم مع بعض ولمه تاخد لون نضيف بصل وكرات وكرفس وملح ونقلبهم مع بعض ونضيف ماء مغلى ونسيبها تتستوى على نار هاديه لمدة نصف ساعه
- وفى اناء على النار نحمر مكعبات اللحمه فى سمن ونرش عليها ملح وفلفل ونقلبهم مع بعض
- وتقدم وبالف هنا وشفا


اللحمة المشوية
المقادير
كيلو لحمة مقطعة مكعبات متوسطة
بصلة كبيرة
4 فصوص ثوم
2 ملعقة خل
ملح وفلفل
ملعقة صلصة طماطم
قرن شطة صغير
5 حبات طماطم كبيرة
طريقه التحضير
تخلط جميع المكونات فى الخلاط (الطماطم البصل الثوم الخل الملح والفلفل الشطة والخل .
تضع اللحمة بعد غسلها جيدا فى وعاء ويوضع فوقها المزيج المخلوط وتقلب جيدا .
نتركها تغلى على درجة حرارة مرتفعه ثم نهدى النار حتى تنضج .
نضيف اليها الماء إن إحتاج الصوص .
بعد نضجها نضعها فى صينية تحت الشواية على الجانبين .
ونضع بها فحمة ونغطيها بورق الفويل ثم نقدمها ساخنة
وتقدم بالف هنا وشفا


اللحمة المسلوقة

المقادير
1 كيلو لحمه مقطّعه حسب الرغبة
1بصلة وسط مقشره و مقطعه 4 قطع
3 فصوص ثوم مقشرين
2 ورقةلورا
1 ملعقة صغيرة جوزة الطيب مبشورة
2حبوب حبهان
1 ملعقة صغيرة فلفل أسود
ملح حسب الرغبة
2 كوب ماء حسب الحاجة
طريقه التحضير
فى إناء عميق نضع قطع اللحمة مع البصل و الثوم .
نضع الإناء على النار و نضيف إليه الملح و الفلفل الأسود وورق اللورا و الحبهان و برش جوزة الطيب و نقلب حتى يتحول لون اللحمة إلى اللون البني .
ثم نضيف الماء و عندما تغلى و تجف الماء من الإناء تُكرر هذه الخطوة حتى تنضج اللحمة .
وتقدم بالف هنا وشفا


اللحمه بالبصل
المقادير
ربع كوب سمن وزيت(50 جم)
كيلو لحمه مكعبات بتلو
كيلو بصل قاورما
3 فص ثوم شرائح
2 فلفل حار
نصف كوب صلصه(100 جم)
2 ورق لورا
2 قرفه خشب
2 حبهان
2 قرنفل
فلفل اسود مجروش
ربع كوب خل(50 مل)
ملح وفلفل وبهارات وجوزة الطيب
2 ونصف كوب ماء مغلى(500 مل)
طريقه التحضير
- فى اناء على النار نشوح مكعبات اللحمه فى سمن وزيت ولمه تغير لونها نضيف بصل وثوم وفلفل حاروصلصه وورق لورا وقرفه وحبهان وقرنفل فلفل اسود وخل وملح وفلفل وبهارات وجوزة الطيب ونقلبهم مع بعض ونضيف ماء مغلى ونسيبها تاخد غلاوتين
- ونجيب طاجن وندهنه سمن ونصب فى اللحمه بالبصل ونغطى بورق فويل وندخله الفرن على 180 درجه لمدة ساعه ونصف
- ويقدم وبالف هنا وشفا

البفتيك
المقادير
4 شرائح لحمه
(التتبيله)
نصف كوب ماء بصل(100 مل)
نصف كوب ماء طماطم(100 مل)
ربع ملعقه ملح(5 جم)
ربع ملعقه فلفل(5 جم)
ربع ملعقه بهارات(5 جم)
ربع ملعقه جوزة الطيب(5 جم)
كوب دقيق(200 جم)
ربع ملعقه ثوم وبصل بودر(5 جم)
2 بيضه
كوب لبن(200 مل)
ربع ملعقه ملح(5 جم)
ربع ملعقه فلفل(5 جم)
كوب ونصف بقسماط(300 جم)
ربع ملعقه ثوم وبصل بودر(5 جم)
زيت للقلى
طريقه التحضير
- فى بوله نخلط ماء بصل وماء طماطم وملح وفلفل وبهارات وجوزة الطيب ونقلبهم مع بعض كويس ونتبل بيهم شرائح اللحمه ونسيبها فى التبيله لمدة ساعه على الاقل
- وفى بوله نخلط بيض وملح وفلفل ونخفقهم مع بعض ونضيف لين ونقلبهم مع بعض كويس وفى بوله نضع دقيق ونتبله ثوم وبصل بودرونقلبهم مع بعض وفى بوله اخرى نخلط بقسماط مع ثوم وبصل بودر ونقلبهم مع بعض كويس ونجيب شرائح اللحمه ونضعها فى دقيق ثم فى بيض ولبن ثم فى بقسماط ونضغط عليها كويس
- فى اناء على النار فى زيت سخن عميق نقلى البفيتك
- ويقدم وبالف هنا وشفا

كوردن بلو لحمه
المقادير
4 شرائح استيك كبيرة مفروده
نصف ملعقه ملح(5 جم)
نصف ملعقه فلفل(5 جم)
(الحشو)
4 شرائح لحمه باردة
4 شرائح جبنه سويسرى
كوب الاربع دقيق(175 جم)
2 بيضه مخفوقه
نصف ملعقه ملح(5 جم)
نصف ملعقه فلفل(5 جم)
نصف كوب لبن(100 جم)
كوب بقسماط ناعم(200 جم)
نصف كوب زبدة(100 جم)
ربع كوب زيت(50 جم)
طريقه التحضير
- نجيب شرائح اللحمه ونفردها على كيس بلاستيك ونبطها بمبط ونرش عليها ملح وفلفل ونضع شريحه لحمه باردة ثم شريحه جبنه ثم شريحه لحمه باردة ثم شريحه جبنه ونقفلها كويس من الاربع اجانب ونضعها فى الثلاجه لمده ساعه
- فى اناء نخلط دقيق وملح وفلفل ونقلبهم مع بعض, وفى بوله نخلط بيض وملح وفلفل ولبن ونقلبهم مع بعض, وفى بوله نخلط بقسماط وملح وفلفل ونقلبهم مع بعض , ونجيب شرائح اللحمه نضعها فى دقيق ثم فى بيض ولبن ونضغط عليها
- فى اناء على النار فى زبدة وزيت نقلى الكوردن بلو على كل وجه 5 دقائق( لازم نخلى القفله من تحت)
- ويقدم وبالف هنا وشفا

ورقه اللحمه
المقادير
2 ورقه زبدة
2 ورقه لحمه
كيلو لحمه مكعبات
ربع كيلو ليه مكعبات
5 بصل شرائح
5 بطاطس شرائح
5 فلفل رومى شرائح
5 كوسه شرائح
5 جزر شرائح
5 طماطم شرائح
2 فلفل حار
2 فص ثوم مفروم
2 ونصف ملعقه صلصه(60 جم)
2 ونصف ملعقه زيت (60 جم)
ملح وفلفل وكمون وبهارات وجوزة الطيب ورق لورا وحبهان وقرفه
طريقه التحضير
- فى بوله نخلط لحمه مكعبات وليه مكعبات وشرائح بصل وبطاطس وكوسه وجزروطماطم وفلفل رومى وفلفل حار وثوم مفروم وصلصه وزيت وملح وفلفل وكمون وبهارات وقرفه وورق لورا وجوزة الطيب وحبهان ونقلبهم مع بعض
- ونجيب ورق فويل ونفرده ونفرد عليه ورق زبدة ورقه بالطول وورقه بالعرض ونصب فى خليط اللحمه ونقفلها كويس ونضعها فى صاج
- وندخل الصاج الفرن على 200 درجه لمدة ساعه ونصف
- وتقدم وبالف هنا وشفا

المدراس
المقادير
2 ونصف كوب سمن
5 فص ثوم شرائح
3 بصل شرائح
كيلو لحمه بتلو مكعبات
(الخلطه)
ملعقه كارى
ملعقه كركم
ملعقه كمون
ملعقه شطه
ملعقه حلبه بودر
2 ونصف ملعقه ماء
2 ونصف كوب طماطم مكعبات
كوب الاربع ماء مغلى
2 كوب ساور كريم
2 نصف كوب لوز بودر
ملعقه جراماسالا
ملعقه عصير ليمون
نصف ملعقه ملح
نصف ملعقه فلفل
2 ونصف كوب كسبرة مفروم
طريقه التحضير
- فى اناء على النار نشوح ثوم فى سمن ولمه ياخد لون نضيف شرائح بصل ولمه يدبل نضيف مكعبات اللحمه ونقلبهم مع بعض تاخد لون ونضيف ماء
- فى بوله نخلط كارى وكركم وكمون وشطه وحلبه وماء ونقلبهم مع بعض ونضيفهم على اللحمه ونسيبها تستوى على النار
- ولمه نضيف طماطم و وساور كريم ولوز وجراماسالا وعصير ليمون وملح وفلفل وكسبرة مفروم تاخد علاوتين ونرفعها من على النار

النيفه
المقادير
المقادير
2 كيلو لحم ويفضل الضانى
بصل
فلفل
ورق لاورى
عصير طماطم
طريقه التحضير
تسلق اللحم بالبصل والملح والفلفل وورق اللاورى حتى تنضج تماما .
يبشر البصل ويعصر لاخد ماء البصل فقط واضافة عصير الطماطم .
ويتبل اللحم بعصير البصل وعصير الطماطم بالملح والفلفل ويخلطة مع بعض .
تأخذ قطع اللحم وتقلب فى العصير وترص فى صينيه .
ويرش باقى العصير على وجه اللحمه .
بعد ذلك تسقى بعدد 3 كبشات شوربه بحيث تسقى من جانب الصينيه وليس على وجه اللحم .
وتدخل الفرن حتى يحمر وجه اللحمه .
بعد ذلك تقدم ساخنه وتقدم بالف هنا وشفا
مع تحياتي محمد الحلوانى

لحمه على الطريقه الباكتسانى(مدراس)
المقادير
50 جم سمن(2معلقه كبيرة)
750 جم لحمه ضانى مكعبات(كيلو الاربع)
5 فص ثوم شرائح
200 جم بصل شرائح(كوب)
(الخلطه)
80 جم كارى(4معلقه كبيره)
20 جم كمون(معلقه كبيره)
20 جم كركم (معلقه كبيرة)
20 جم شطه(معلقه كبيره)
150 مل ماء(كوب إلا ربع)
500 جم عصير طماطم(2كوب ونصف)
50 جم سودانى بودر(2معلقه كبيره)
25 مل عصير ليمون(معلقه كبيرة)
200 جم صور كريم قشطه حمضيه(كوب)
80 جم كسبرة مفرومه(4معلقه كبيره)
5 جم ملح(معلقه صغيره)
5 جم فلفل(معلقه صغيره)
30 جم جراماسالا(معلقه كبيره ونصف)
طريقه التحضير
1-فى اناء على النار فى سمن نشوح اللحمه ولمه تاخد لون نضيف عليها بصل وثوم ونقبهم مع بعض كويس
2-فى بوله نخلط كارى وكركم وكمون وشطه وماء ونقلبهم مع بعض ونضيفهم على اللحمه ونقلبهم مع بعض كويس
3-ثم نضيف عصير طماطم ثم نضيف سودانىبودر وعصير ليمون وصور كريم وكسبرة ونتبلها ملح وفلفل وجراما سالا ونقلبهم مع بعض ونسيبها تستوى على نار هاديه لمدة 30 دقيقه
4-وفى طبق التقدم نغرف لحمه على الطريقه الباكتسانى(مدراس) ونرش عليها بقدونس مفروم
5-وتقدم وبالف هنا وشفا


بيكاتا بالمشروم
المقادير
4 استيك لحم
(التتبيله)
100 مل ماء بصل(نصف كوب)
5جم ملح(معلقه صغيره)
5 جم فلفل(معلقه صغيره)
5جم روزمارى مفروم(معلقه صغيرة)
(التسويه)
50 جم سمن(2معلقه كبيرة)
( الصوص )
50 جم زبدة(2معلقه كبيرة)
150 جم بصل مفروم(كوب إلاربع)
100 جم مشروم قطع(نصف كوب)
ملعقه دقيق
50 جم ديمجلاس بودره(2معلقه كبيرة)
100 مل شوربه(نصف كوب)
150 جم كريمه طهى(كوب الاربع)
طريقه التحضير
لعمل التتبيله
- على الرخامه نضع الاستيك على كيس بلاسيتك من فوق ومن تحت ونبطه بالمبط نخلى رقيق- فى بوله نخلط ماء بصل وملح وفلفل وروزمارى ونقلبهم مع بعض ونضعهم على الاستيك ونسيبها فى التتبيله لمدة ساعتين على الاقل- فى اناءعلى النار فى زبدة سخنه وناخد الاستيك صدمه تاخد لون بس
لعمل الصوص
- فى اناء على النار فى ناتج التسويه نزود زبدة ونشوح البصل ولمه يدبل نضيف مشروم ونقلبهم مع بعض ونضيف دقيق , وفى بوله ندوب ديمجلاس فى شوربه ونضيفها على الخليط ونقلبهم مع بعض وتاخد غلاوتين ونضيف كريمه ونقلبهم مع بعض ولمه تغلى نضيف قطع الاستيك ونسيبها تستوى على نارهاديه ونرفعها من على النار
- وتقدم وبالف هنا


بيكاتا مالينيز
المقادير
5 شرائح فليتو
5 جم ملح(معلقه صغيره)
5 جم فلفل(معلقه صغيره)
5 جم روز مارى(معلقه صغيرة)
100 مل ماء بصل(نصف كوب)
200 جم دقيق(كوب)
(الصوص)
3 بيضات
5 جم ملح(معلقه صغيره)
5 جم فلفل(معلقه صغيره)
100 جم جبنه رومى(نصف كوب)
5 جم جوزة الطيب(معلقه صغيره)
100 جم كريمى طهى(نصف كوب)
(التسويه)
50 جم زبدة وزيت(2معلقه كبيرة)
(خضار سوتيه)
50 جم زبدة وزيت(2معلقه كبيرة)
25 جم ثوم مفروم(معلقه كبيره)
150 جم بطاطس مسلوقه(كوب الاربع)
50 جم جزر مسلوق(ربع كوب)
50 جم بسله مسلوقه(ربع كوب)
150 جم بروكلى زهر مسلوق(كوب الاربع)
150 جم مشروم سوتيه(كوب الاربع)
150 جم كوسه مسلوقه(كوب الاربع)
طريقه التحضير
1-فى بوله فيها شرائح اللحمه ونتبلها ملح وفلفل وزعتر وماء بصل ونقلبهم مع بعض ونسيبها تتيبل ساعتين على الاقل
2-فى بوله نخلط بيض وجبنه رومى وكريمى طهى وجوزة الطيب وملح وفلفل ونخفقهم مع بعض كويس
3-فى بوله نضع دقيق ونضع البيكاتا فى دقيق ثم فى صوص
4-فى طاسه على النار فيها زبدة وزيت نحمر البيكاتا ولمه تستوى نرصها فى صاج ونغطيها بورق فويل وندخلها الفرن على 200 درجه لمدة 10 دقائق
5-للعمل السوتيه فى اناء على النار فى زبدة وزيت نشوح ثوم ولمه يدبل نضيف الخضار ونقلبهم مع بعض كويس
6-فى طبق التقديم نرص البيكاتا ونضع جمبها خضار سوتيه
7-وتقدم وبالف هنا وشفا


طاجن اللحمه المكمورة
المقادير
طاجن فخار
ملعقه سمن سايحه(25 جم)
كيلو لحمه موزة مكعبات
3 بصل مبشور
3 طماطم مبشورة
2 ونصف ملعقه صلصه(60 جم)
2 فلفل حار مكعبات
نصف ملعقه ملح(10 جم)
نصف ملعقه فلفل(10 جم)
5 بصل شرائح
5 بطاطس شرائح
2 كوسه قطع
5 طماطم شرائح
2 فلفل حار
نصف ملعقه ملح(10 جم)
نصف ملعقه فلفل(10 جم)
نصف ملعقه بهارات(10 جم)
نصف ملعقه حبهان(10 جم)
نصف ملعقه ورق لورا بودر(10 جم)
نصف ملعقه قرنفل بودر(10 جم)
نصف ملعقه جوزة الطيب(10 جم)
ورق زبدة
ورق فويل
(العجينه)
كوب وربع دقيق(250 جم)
كوب وربع ملح خشن(250 جم)
كوب وربع ماء(250 جم)
طريقه التحضير
- فى الميكسر نخلط دقيق وملح خشن وماء ونخلطهم مع بعض ونسيبها ترتاح ربع ساعه ونرش دقيق على الرخامه ونفرد العجينه بالنشابه
- فى اناء على النار نشوح اللحمه فى سمن ولمه تاخد لون نضيف بصل ونقلبهم مع بعض ونضيف صلصه وطماطم وبطاطس وكوسه وفلفل حار ونتبلهم ملح وفلفل وبهارات وحبهان وورق لورا وقرنفل وجوزة الطيب ونقلبهم مع بعض تاخد غلاوتين
- ونجيب طاجن وندهنه سمن ونصب فى خليط اللحمه ونغطيها بورق زبدة ثم ورق فويل ونقفلها كويس ونضيف العجينه ونقفلها كويس ونشيل باقى العجينه الزياده وندهن العجينه ماء
- وندخل الطاجن الفرن على 180 درجه لمدة 4 ساعات
- ويقدم وبالف هنا وشفا

عرق اللحمه الباردة( روست بيف)
المقادير
1 عدد روست بيف(فيليه)
6 فص ثوم شرائح
10 جم قرنفل=2/1معلقه كبيره
20 جم ملح خشن=1معلقة كبيره
20 جم فلفل مجروش=1معلقة كبيره
1 خيط دوباره
100 مل زيت للشوى =2/1 كوب
التسويه
100 جم بصل شرائح= 2بصله
50 جم جزر شرائح=1جزرها
25 جم كرات شرائح=1معلقة كبيره
25 جم كرفس شرائح=1معلقة كبيره
5 ورق لورى
5 حبوب حبهان
2 عود قرفه خشب
5 حبوب فلفل حصى
5 جم ملح=1معلقة صغيرة
5 جم فلفل=1معلقة صغيرة
5 جم زعتر=1معلقة صغيرة
5 جم روز مارى=1معلقة صغيرة
طريقه التحضير
نجيب عرق اللجمه ونعمل بى فتحات ونضع فى ثوم ونتبلها ملح وفلفل وقرنفل ونربطه كويس اوى بالدوبارة
وعلى الشوايه مدهونه زيت نضع عرق اللحمه ياخد صادمه من كل الجوانب
وفى صينيه فيها بصل وجزر وكرات وكرفس وورق لورى حبهان وقرفه وفلفل وملح وزعتر روز مارى ونقلبهم مع بعض ونضعهم فى قاع الصينيه ونضع عليه عرق لبفيليه ونضغطها بورق فويل
وندخل الصينيه الفرن على 180 درجه لمدة نصف ساعه وعلى 150 درجه مدة ساعه
ونسيبه يبرد خالص ونقطعه شرائح
ويقدم وبالف هناوشفا


ستيك اللحم بالفلفل الحار
المقادير
أربع ثمار فلفل حار
أربع فصوص ثوم مقشر
ملعقة صغيرة ونصف فلفل أسود
ملعقة صغيرة ملح
ربع كوب عصير ليمون
ملعقة كبيرة من التوابل المفضلة لديك
500 جم ستيك لحم(نصف كيلو)
طريقه التحضير
احضري خلاطا كهربيا وضعي فيه الفلفل الحار ، الثوم ، الملح ، الفلفل الأسود.
عصير الليمون والتوابل واخلطي جيدا حتى ينتج الصوص .
ضع اللحم في كيس بلاستيك وعليه الصوص واحكمي غلق الكيس.
ثم رجيه جيدا وضعيه في الثلاجة لمدة 8 ساعات.
قومي بإعداد الشواية؛ ادهني الشبكة بالزيت ثم أخرجي اللحم من الثلاجة وضعيها على الشبكة.
قومي بتقليب اللحم على الجانبين حتى ينضج ويصبح لونه بنيا.
ضعي اللحم في طبق التقديم حتى يبرد ثم قدميه
وتقدم بالف هنا وشفا


بيكاتا اللحم بالمشروم
المقادير
لحم مقطع شرائح مثل لحم البوفتيك ويفضل اللحم البتلو -نصف كوب كريمه لبانى
3معلقه كبيره دقيق-ملح- فلفل اسود-بصل-ماء حسب الحاجه-زبدة وزيت -مشروم فريش أو علبة مشروم
طريقه التحضير
1- نقوم بتتبيل اللحم بالبصل والملح والفلفل وخل ونتركها ساعتين فى الثلاجة اواكثر
2- نضع اللحم فى قليل جدا من الدقيق وفى طاسة نضع ملعقه زبدة ومعلقة زيت ونحمر اللحم لحد ما ياخد اللون الذهبى ونرفع اللحم من الزيت ونضعه على ورق لتصفية الزيت
3- فى طاسه اخرى نقطع البصله الصغيره الى قطع صغيره مع ملعقه صغيره سمن وقليل من الزيت ونقلب البصل لحد ما يدبل ونضيف اليه المشروم مع التقليب لغاية ما المشروم ياخد نكهه البصل ويتشوح شويه
4- ونرجع تانى للطاسه اللى حمرنا فيها اللحم ونضيف لها الدقيق ونقلب لحد ما ياخد اللون الذهبى بعدها نضيف المشروم ونقلبه ونضيف فوقها الكريمه والماء حوالى 2 كوب او اكثرونضع الملح و الفلفل ثم نضع اللحم ونتركه على النار حتى السوى مع إضافة ماء كلما احتاجت وممكن إضافة معلقة صويا صوص حسب الرغبة مع مراعاة الملح لأن الصويا صوص مالحة شوية
وتقدم بالف هنا وشفا


كرات اللحم بصوص الباربكيو
المقادير
نصف كيلو لحمة مفرومة
2 حبة بصل مفروم
3 فصوص ثوم مفروم
1 ونصف معلقة صغيرة ملح
نصف معلقة فلفل أسود
1 معلقة صغيرة بهارات
1 معلقة صغيرة بودرة ثوم
1 معلقة صغيرة بودرة بصل
1 معلقة صغيرة بابريكا
2 كوب صوص الباربكيو
زيت
أسياخ خشبية
طريقه التحضير
توضع اللحمة في وعاء، ويضاف إليها نصف كمية البصل والثوم، وتخلط جيداً.
يسخن الفرن على درجة حرارة 180 مئوية، وتدهن الصينية بالزيت.
يتبل الخليط بالملح والفلفل الاسود والثوم البودرة والبصل البودرة، ويخلط مرة أخرى.
يشكل الخليط على هيئة كرات متوسطة الحجم، وترص في الصينية.
تدخل الفرن لمدة 30 دقيقة، وحتى تنضج.
يوضع قليل من الزيت في وعاء على النار، ويضاف إليه البصل.
يقلب البصل حتى يذبل، ثم يضاف إليه صوص الباربكيو، ويقلب قليلاً.
توضع كرات اللحم في الصوص، وتترك لمدة 10 دقائق.
ترص في الأسياخ الخشبية، وتوضع في الصينية.
تدخل الفرن لمدة 10 دقائق وحتى تحمر.
تخرج من الفرن، ثم توضع في الطبق.
يصب عليها الصوص وتقدم بالف هنا وشفا

كرات اللحم السويديه
المقادير
- كيلو ونصف من اللحم المفروم
- نصف كوب بقسماط
- ربع كوب حليب سائل
- بصله متوسطة الحجم
- نصف ملعقة صغيره كمون
- نصف ملعقة صغيره فلفل أسود
- ملعقة صغيره من ملح الطعام
طريقه التحضير
نقوم بغسل اللحم المفروم ومن ثم نتركه في مصفاة حتى تتصفى منه الماء ، ومن ثم نقوم بتقطيع البصل الى قطع صغيرة ناعمه . ونضيف البصل الى اللحم المفروم ونقوم بخلطها جيدآ ونضع عليها الملح والبهارات والقسماط ونقوم بخلطها جيدآ . ومن ثم نقوم بتكوير اللحم ونقوم بصفها بصحن . ومن ثم نحضر مقلاة ونضع بها ملعقتان من زيت الذرة وملعقتان من الزبدة ونقوم بتشويح كرات اللحم في المقلاه حتى تصبح ذات لون اشقر ونقوم بإخراجها من المقلاه .
طريقة عمل الصوص :
نضع في نفس المقلاه وعلى الزيت والزبده ثلاث ملاعق كبيره من الدقيق ونقوم بتحركها جيدآ ثم نضيف كوب من مرقة دجاج او ماجي ونتركها لتغلي لكي تتجانس ، وبعدها نضع كوب من الكريمة الخفق ونمزجها جيدآ مع بعضها البعض . وبعدها نقوم بتصفيف كرات اللحم بصينية تقديم ونقوم بصب الصوص عليها وتدخيلها الفرن لمدة نصف ساعه على درجة حرارة 180* ونقوم بإخراجها من الفرن وتقديمها مع صحن رز ابيض او بطاطا مسلوقة وتقدم بالف هنا وشفا


اللحم بالصوص البنى
المقادير
• نصف كيلو لحم احمر
• 2ملعقة سمن
• 2كوب لبن
• ملعقة ونصف كبيرة دقيق
• جزرة
• بصلة
• ملح وفلفل
• بسلة
طريقه التحضير
تقطع اللحم إلى مكعبات صغيرة
يشوح اللحم في السمن إلى أن يجف ماؤه وينشل
يشوح البصل والجزر وينشل
البني :
يضاف الدقيق إلى السمن ويقلب على نار هادئة حتى يتحول لونه إلى البني
يرفع من النار ويضاف إلية اللبن بالتدريج مع التقليب الجيد
يوضع على النار ويضاف إلية البصل والجزر والبسلة والملح والفلفل وتترك نصف ساعة لتهدئ
ثم يضاف اللحم على الصلصة حتى ينضج مع إضافة الماء كلما احتاجت
ينشل اللحم وتصفى الصلصة المتبقية يوضح اللحم في طبق مسطح على شكل هرم ويجمل اللحم بالصلصة البنية وتقدم بالف هنا وشفا


لحمه مدفونه
المقادير
طاجن فخور
50 جم سمن(2معلقه كبيرة)
(الخلطه)
كيلو لحمه موزه
250 جم بصل مبشور(كوب وربع)
25 جم ثوم قطع(معلقه كبيره)
250 جم بطاطس حلقات(كوب وربع)
فلفل حار
150 جم طماطم مبشوره(كوب الاربع)
25 جم صلصه(معلقه كبيره)
(البهارات)
10 جم ملح(نصف معلقه كبيرة)
10 جم فلفل(نصف معلقه كبيرة)
10 جم بهارات(نصف معلقه كبيرة)
10 جم حبهان(نصف معلقه كبيرة)
10 جم ورق لورا(نصف معلقه كبيرة)
10 جم قرنفل بودر(نصف معلقه كبيرة)
5 جم جوزة الطيب(معلقه صغيره)
(الغطاء)
ورق المونيوم
(العجينه)
250 جم ملح خشن(كوب وربع)
250 جم دقيق(كوب وربع)
125 مل ماء(نصف كوب ومعلقه كبيره)
طريقه التحضير
لعمل العجينه
- فى الميكسر نخلط دقيق وملح خشن وماء ونقلبهم مع بعض حتى الحصول على عجينه طريه ونفردها بايدينا بشكل دائرى
- وفى بوله نخلط لحمه وبطاطس وبصل وثوم وفلفل وطماطم وصلصه ونتبلها ملح وفلفل وبهارات وقرنفل وحبهان وورق لورا وجوزة الطيب ونقلبهم مع بعض ونسيبها فى التتبيله لمدة ساعتين فى الثلاجه
- ونجيب طاجن وندهنه سمن ونضع فى خليط اللحمه ونغطى بورق فويل ونقفله كويس ونضع عليه العجينه ونقفلها كويس
- وندخل الطاجن الفرن على 150 درجه لمدة 4 ساعات
- ويقدم وبالف هنا وشفا


لحمه ضانى
المقادير
2 ونصف ملعقه زيت
كوب الاربع بصل شرائح
كيلو لحمه ضانى مكعبات
ربع كيلو قلوب
2 ونصف ملعقه دقيق
نصف ملعقه ملح
نصف ملعقه فلفل
نصف ملعقه بهارات لحمه
2 كوب شوربه لحمه
زعتر فريش
1 فلفل حار
ورق لورا
ملعقه وشيستر صوص
نصف ملعقه خل
كيلو بطاطس شرائح
2 لتر ماء مغلى
2 لتر ماء مثلج
نصف كوب زبدة سايحه
طاجن
طريقه التحضير
- فى اناء على النار نشوح مكعبات اللحمه فى زيت ولمه تاخد لون نضيف قلوب وزعترفريش ولمه تاخد لون نضيف شرائح البصل ونقلبهم مع بعض ونسيبه ياخد غلاوتين ونضيف دقيق وملح وفلفل ونقلبهم مع بعض ولمه الدقيق يختفى نضيف شوربه وورق لورا وشيستر صوص وخل ونقلبهم مع بعض ونسيبها تغلى شويه- فى اناء على النار تسلق البطاطس قى ماء مغلى لمدة 12 دقيقه ونضعها فى ماء مثلج ونصفيها
- ونجيب طاجن وندهنه زبدة ونرص فى البطاطس ونصب عليها اللجمه والقلوب
- وندخل الطاجن الفرن على180 درجه لمدة 40 دقيقه
- ويقدم وبالف هنا وشفا


شرائح اللحم بالبصل
المقادير
1 كيلو لحم بقري شرائح
6 فص ثوم مهروس
1 ملعقة صغيرة زنجبيل مهروس
1 ملعقة صغيرة ملح
1 ملعقة صغيرة بهار لحم
4/1 ملعقة صغيرة فلفل اسود مجروش
4/1 ملعقة صغيرة قرفة
1 ملعقة صغيرة شطة مجروشة
4/1 كوب سمن
2 حبة كبيرة بصل شرائح سميكة
1 كوب لوز مقلي (اختياري)
طريقه التحضير
1 .بين قطعتين من النايلون ضعي شريحة من اللحم. باستعمال مطرقة اللحم إطرقي عدة طرقات على الشريحة لتصبح رقيقة. ضعيها في طبق واسع.
أكملي طرق بقية الشرائح.
2 .أضيفي الثوم، الزنجبيل، الملح، البهار، الفلفل، القرفة والشطة. قلبي شرائح اللحم لتتغطى بالبهارات. غطي اللحم ودعيها في الثلاجه لمدة ساعتين أو
طوال الليل.
3 .في مقلاة واسعة ضعي السمن وضعي المقلاة على نار قوية ليسخن السمن تماما.
4 .أضيفي شرائح اللحم (على دفعات) مع صلصة النقع. قلبي اللحم على الجهتين ليصبح لونه بني غامق.
5 .أضيفي شرائح البصل على اللحم. لا تقلبي. غطي المقلاة ودعي اللحم على نار هادئة جدا لمدة 40دقيقة.
6 .أسكبي اللحم والبصل في طبق التقديم. أنثري اللوز. قدميها مع البطاطس البوريه أو الأرز الأبيض.
وتقدم بالف هنا وشفا


شرائح اللحم بالكارى
المقادير
1\2 كيلو لحم شرائح
بصلة كبيرة مقطعة مكعبات
ثمرة فلفل رومى مقطع مكعبات
ملعقة كبيرة دقيق أو نشا
ملعقة كبيرة كارى
ملح – فلفل أسود
مكعب مرقة لحم
1/4 كوب لبن
2 ملعقة كبيرة زبدة
ملعقة كبيرة زيت
طريقه التحضير
- تتبل شرائح اللحم بالفلفل الأسود .
- تذاب الزبدة والزيت فى مقلاة كبيرة على النار، وتشوح شرائح اللحم على الجانبين.
- يقطع البصل مكعبات كبيرة والفلفل الرومى ويضاف إلى اللحم .
- تضاف ملعقة الكارى و مكعب المرقة مذاب فى كوب ماء ساخن ، ويترك كى يغلى مع اللحم لمدة 45 دقيقة أو حتي تنضج شرائح اللحم.
- تذاب ملعقة الدقيق او النشا فى اللبن وتضاف إلى اللحم كى يتكون صوص سميك.
- يمكن إضافة المزيد من الماء إذا لزم الأمر.
وتقدم بالف هنا وشفا


اقراص اللحمه بالفريك
المقادير
نصف كيلو لحمة مفرومة
1 كوب فريك
1 كوب أرز
1 حبة بصل مقطع
6 فصوص ثوم مهروس
1 حزمة بقدونس
1 حزمة كزبرة خضراء
1 حزمة شبت
ملح
فلفل أسود
بهارات
2 معلقة كبيرة دقيق
بيضة
زيت للقلي
طريقه التحضير
يغسل الفريك وينقع لمدة لا تقل عن 30 دقيقة، ويصفى.
يغسل الأرز جيداً، ثم يصفى، ويوضع جانباً.
يوضع الأرز والفريك في الكبة، ويطحن جيداً.
يضاف البصل والثوم والبقدونس والكزبرة الخضراء والشبت، وتفرم جميع المكونات جيداً حتى تنعم وتتجانس.
تضاف اللحمة، والملح والفلفل والبهارات وتفرم مرة أخرى.
توضع البيضة في وعاء، وتخفق جيداً، ويضاف إليها رشة ملح ورشة فلفل أسود.
يشكل خليط اللحمة على هيئة أقراص، ويغمس في البيض.
ثم تغمس في الدقيق؛ ليغطيها بالكامل.
يوضع الزيت في مقلاة على النار حتى يسخن.
توضع أقراص اللحمة في الزيت، وتقلب على الجانبين حتى تكتسب اللون الذهبي.
ترفع على ورق مطبخ حتى تتخلص من الزيت الزائد.
ترص في الطبق، وتقدم بالف هنا وشفا


اسكالوب بانيه
المقادير
500 جم لحمه اسكالوب(نصف كيلو)
(التتبيله)
50 مل ماء بصل(ربع كوب)
50 مل ماء طماطم(ربع كوب)
5 جم ملح(معلقه صغيره)
5 جم فلفل(معلقه صغيره)
5 جم بهارات(معلقه صغيره)
200 جم دقيق(كوب)
2 جم ملح(نصف معلقه صغيره)
2 جم فلفل(نصف معلقه صغيره)
2 جم بصل بودر(نصف معلقه صغيره)
2 جم ثوم بودر(نصف معلقه صغيره)
2 بيضه
2 جم ملح( نصف معلقه صغيره)
2 جم فلفل(نصف معلقه صغيره)
150 مل لبن(كوب الاربع)
200 جم بقسماط(كوب)
2 جم ملح(نصف معلقه صغيره)
2 جم فلفل(نصف معلقه صغيره)
2 جم ثوم بودر(نصف معلقه صغيره)
2 جم بصل بودر(نصف معلقه صغيره)
زيت للقلى
طريقه التحضير
- فى بوله نخلط ماء بصل وماء طماطم وملح وفلفل وبهارات ونقلبهم مع بعض ونتبل بيهم الاسكالوب ونسيبه فى التتبيله لمدة ساعتين فى الثلاجه
- فى بوله نخلط دقيق وملح وفلفل وثوم وبصل بودرونقلبهم مع بعض كويس,وفى بوله نخفق بيض وملح وفلفل ولبن ونقلبهم مع بعض,وفى بوله نخلط بقسماط وملح وفلفل وثوم وبصل بودر ونقلبهم مع بعض
- ونجيب الاسكالوب ونضعه فى دقيق ثم فى بيض ولبن ثم فى بقسماط ونضغط عليه ونرصه فى صاج وندخله الثلاجه لمدة ساعه
-وفى اناء على النارفى زيت سخن عميق نقلى الاسكالوب بانيه
- ويقدم وبالف هنا وشفا


مقلوبه الباذنجان باللحم
المقادير
كيلو قطع لحم أحمر متوسطة الحجم أو مكعبات دجاج مخلي
2 كوب أرز مصري أو بسمتي
2 ثمرة باذنجان كبيرة، ويفضل الحبة الطويلة
2 ثمرة بطاطس مقطعة شرائح "حسب الرغبة"
3 بصلات متوسطة إحداها لسلق اللحم
بهارات ( حبهان- حبهان مطحون- قرفة- فلفل أسود- كركم- عود قرفة- ورق لورا)
عود كرفس ، لسلق اللحم (اختياري)
جزر وكوسا وبطاطس .. ثمرة من كل نوع (اختياري)
صنوبر للتزيين
زيت للقلي
طريقه التحضير
١- يغسل الباذنجان ويقطع شرائح طولية ويوضع في مصفاة ويرش بالملح ويترك لمدة 20 دقيقة لينزل منه الماء
٢- يوضع البصل مع قليل من الزيت علي النار لمدة دقيقة ويقلب ثم يضاف إليه قطع اللحم حتى يصبح لونه داكنًا مع البصل ثم يقلب على الجانب الأخر
٣- يضاف الماء الساخن (والكرفس والجزر) وورق اللورا وعود القرفة والحبهان والفلفل والملح وتسلق حتي النضح
٤- نخرج قطع اللحم من الشوربة وتصفي وتوضع جانباً (يمكن تحميرها حسب الرغبة)
٥- تُقلى شرائح الباذنجان ثم توضع علي ورق مطبخ ليشرب الزيت الزائد وتترك جانبا. وتشوح شرائح البطاطس أيضًا ولا يجب تسويتها تمامً
٦- تُقلى شرائح البصل في الزيت حتي تحمر وترفع وتصفى
٧- يُغسل الأرز وينقع لمدة عشر دقائق ثم يصفي
٨- في إناء الطهي، نضع ملعقتين من الزيت ثم نرص شرائح الباذنجان في القاع والجوانب ومعها شرائح البطاطس
٩- في الطبقة الثانية ترص شرائح البصل المقلية
١٠- ترص قطع اللحم المسلوقة أو المحمره
١١- توضع طبقة أخري من الباذنجان
١٢-أخيرًا، يُزين الأرز بالكركم والقرفة ويضاف فوق الطبقات السابقة
١٣- يُضاف مرق اللحم علي مراحل حتي لا تفسدي طبقات المقلوبة (نفس كمية الأرز المصري أو الضعف للأرز البسمتي)
١٤- تُوضع على نار متوسطة حتي يتشرب المرق ثم علي نار هادئة حتي تمام النضج
١٥- تُجهز صينية كبيرة للتقديم تُوضع أعلى الإناء وهو ساخن ثم يقلب ويرفع الإناء بعناية
١٦- يحمر بعض الصنوبر والمكسرات ويرش علي السطح
وتقدم بالف هنا وشفا


لحم ستيك مشوى
المقادير
2 كيلو لحم ستيك
2 كيس سبايسى للدجاج المشوى أو بالفرن
مقدار من فصوص الثوم المقشر المسلوق (اختيارى)
شرائح طماطم (اختيارى)
مقدار من الذرة المسلوقة أو أى خضروات أخرى مسلوقة (اختيارى)
طريقه التحضير
- نضع فى اناء أكياس خلطة سبايسى أو بالفرن مع 3-4 ملاعق كبيرة من الماء حتى تصبح كالعجينة اللينة.
- نغطى اللحم بخلطة سبايسى ثم نتركها لمدة 10 دقائق.
- نقوم بشىّ اللحم حتى ينضج
- نضع الستيك فى طبق التقديم ثم نضع بجانبه شرائح الطماطم و الثوم و الذرة أو الخضار.
وتقدم بالف هنا وشفا


شرائح اللحم بالبصل الأخضر و الجزر
المقادير
1/4 كوب نشا
3/4 كيلو شرائح لحم
3/4 كوب ماء
3/4 كوب صوص صويا
3/4 كوب سكر بني
1/2 كوب جزر مبشور
3 بصل أخضر ، مقطع
2 ملعقة كبيرة زيت زيتون
2 فص ثوم مفروم
1/2 ملعقة صغيرة زنجبيل مطحون
ملح
فلفل اسود مطحون
طريقة التحضير
ضعي النشا في طبق كبير الحجم ثم ضعي شرائح اللحم و قلبيها في النشا ثم ضعيها في كيس بلاستيك محكم الغلق.
في بولة كبيرة الحجم ضعي الماء و صوص الصويا و السكر البني و الجزر.
اضيفي البصل الأخضر و زيت الزيتون و الثوم و الزنجبيل و الملح و الفلفل الى البولة و قلبي جيدا ثم ضعيها على شرائح اللحم في الكيس البلاستيك ثم قلبيها و ضعيها في الثلاجة حتى تتشرب من التتبيلة.
في مقلاة على نار متوسطة ضعي القليل من الزيت يسخن.
ضعي شرائح اللحم في الزيت و قلبيها من حين لآخر حتى تنضج.
قدمي شرائح اللحم بالبصل الأخضر و الجزر مع الأرز بصوص الصويا. وتقدم بألف هنا وشفا
مع تحياتى
#مشرفة_الاسرة_والطفولة
@منتدى المركز الدولى

۩❁#منتدى_المركز_الدولى❁۩