أعراض السكر التي لا يلاحظها أحد
للأسف كتير من الناس ممكن يفضلوا سنين مرضى سكر وهما ميعرفوش
، خاصة سكر النوع التاني، ومش بيبتدوا يلاحظوا أعراضه غير لما يوصل لمستويات عالية جدا
، وأعراضه تعلن عن نفسها وتقول للي مبيشوفش شوف
وده
مش لأن السكر في بدايته مبيبقالوش أعراض، هو بيبقاله أعراض لكن العيان مبيلاحظهاش
، ولو لاحظها حتى بيرجعها لأي سبب تاني
ويفضل المريض سنة واتنين وتلاتة واربعة، سكره عالي وعمال يسببله
[ندعوك للتسجيل في المنتدى أو التعريف بنفسك لمعاينة هذا الرابط] على كل أجهزة جسمه
، وهو ميعرفش أصلا إنه مريض سكر
أعراض السكر المشهورة كل الناس تقريبا عارفينها وأهمها
جفاف الفم.
العطش الشديد.
كثرة التبول.
إنخفاض الوزن الغير مبرر.
الشعور بالتعب والخمول والإعياء.
فقدان الوعي(غيبوبة السكر).
لكن فيه أعراض للسكر
ممكن محدش يلتفتلها،زي مثلا
الجوع الشديد.
العطش الشديد.
تقلبات المزاج.
بطء التئام الجروح.
إلتهابات الفم والأسنان المتكررة.
تآكل الأسنان وتساقطها.
ضبابية الرؤية.
التهابات المسالك البولية المتكررة خاصة في النساء.
التهابات مهبلية متكررة.
حكة جلدية.
ظهور الدمامل على الجلد.
تنميل الأطراف.
ضعف المناعة وسهولة الإصابة بالعدوى وصعوبة الشفاء منها.
الخمول والإرهاق.
فتور الرغبة الجنسية.
الضعف الجنسي.
طبعا زي ما حضراتكم شايفين
، دي أعراض محدش ممكن يتصور إن سببها مرض السكر
، هو يمكن أول عرضين
اللي ممكن يرتبطوا عند الناس بالسكر لكن برضه غالبا محدش بياخدهم في باله
ولأننا عندنا ناس كتير جدااااا عمرها ما فكرت تقيس السكر حتى في الصيدلية
، فتكون النتيجة إن العيان يفضل سكره عالي بالسنين وهو ولا حاسس بحاجة
لغاية ما بالصدفة البحتة طبيب النساء
يلاحظ إن المريضة بتتكررعندها التهابات المهبل وكل ما تعالجها ترجع تاني🤨، أو طبيب الأسنان يلاحظ إن العيان عنده التهابات لثة مستعصية على العلاج
، فيطلبوا من العيان تحليل سكر
علشان كده تحليل السكر مفروض
يتم بشكل دوري لأي حد حتى لو مش حاسس بأي أعراض مرة
كل سنة على الأقل ولو كل ست شهور يبقى أحسن
كمان مهم يا جماعة
إن اللي يعمل تحليل سكر بالصدفة ويلاقيه عالي
(ميضحكش على نفسه)
يعني إيه
يعني ساعات العيان يعدي على الصيدلية مع صديقه مريض السكر مثلا
، فيقيس السكر مع صديقه بالصدفة فيلاقيه عالي
هل يتابعه مثلا ويكرر قياسه تاني
لأ
هل يروح لطبيب يستشيره ويسأله يعمل إيه
لأ
يبتدي يختر مبررات لإرتفاع سكره
وكأنه بيلتمس لسكره العذر في ارتفاعه
يقولك أصلي كنت زعلان وقت ما قست السكر
أصلي كنت لسه واكل حاجة حلوة🥧
أصلي بقالي فترة مضغوط نفسيا
أصلي مرهق جدا في الشغل
لو ريحت شوية السكر هيتظبط
أصل أجهزة السكر اللي في الصيدليات دي بتبقى بايظة من كتر الإستعمال
المهم أي تفسير بالنسباله مقبول إلا
التفسير_المنطقي الوحيد، اللي هو إن عنده مرض السكر
دا إحنا لو بنلتمس الأعذار دي لبعض زي ما بنلتمسها لإرتفاع السكر كانت الحياة بقت جنة
أنا معاكم
إن تقبل الشخص لإصابته ب#مرض_مزمن مبيكونش سهل
، لكن إنكار الحقائق لا يغيرها
يعني لما حضرتك تعرف إنك مريض سكر وتتعالج
، هتعيش حياتك طبيعي جدا زي أي حد
، ناس كتير بقالهم عقود متوالية من الزمن متعايشين مع السكر عادي جدا
لكن لما تتجاهل الحقيقة وتنكرها
، ممكن السكر يسببلك في خلال سنتين تلاتة، مضاعفات مسببهاش لناس مرضى بيه من 30 سنة
فيا جماعة من فضلكم
، تابعوا قياسات_السكر بشكل دوري، حتى لو مفيش أعراض، حتى لو مفيش في تاريخ عيلتك كلها حد جاله سكر، حتى لو قسته قبل كده كذا مرة وطلع طبيعي ده مش معناه إنه لا يمكن يعلى
ده هيقلل كتير جدا من مضاعفات السكر اللي فعلا
مش بسيطة بالمرة ولا حد يحب يفكر بس
إنه مصاب بيها لا قدر الله
.
وربنا🤲 يحفظ الجميع من شر جميع الأمراض ويديم عليهم نعمة الصحة والعافية، ويمن على جميع المرضى بالشفاء العاجل
.
۩❁
[ندعوك للتسجيل في المنتدى أو التعريف بنفسك لمعاينة هذا الرابط]❁۩
.