ملف شامل وكامل لعمل جميع انواع الجاتوه

ملف شامل وكامل لعمل جميع انواع الجاتوه

الجاتوه
المقادير
(الاسبونج الفانيليا)
3 بيضات
4\1 كيلو اسبونج بودره فانيليا
25 مل ماء دافئ (معلقه كبيره)
(الاسبونج االشيكولاته)
3 بيضات
4\1 كيلو اسبونج بودره شيكولاته
25 مل ماء دافئ (معلقه كبيره)
(السيرب)
500 مل ماء(2كوب ونصف)
500 جم سكر(2كوب ونصف)
عصير ليمونه
(الكريمه شانتيه)
400 جم كريمه شانتيه بودر(2كوب)
1 لتر ماء مثلج(5كوب)
(جاتوه فانيليا)
صاج اسبونج فانيليا
250 مل شربات(كوب وربع)
250 جم كريمه مخفوقه(كوب وربع)
(جاتوه فاكهه)
صاج اسبونج فانيليا
250 مل شربات(كوب وربع)
250 جم كريمه مخفوقه(كوب وربع)
(الحشو)
فاكهه مكعبات(مانجو-كانتلوب-فراوله)
( جاتوه بلاك فورست)
صاج اسبونج شيكولاته
250 مل شربات(كوب وربع)
150 جم مربى كريز(كوب إلاربع)
250 جم كريمه مخفوقه
( جاتوه شيكولاته)
صاج اسبونج شيكولاته
250 مل شربات
200 جم كريمه مخفوقه (كوب)
100 جم شيكولاته سايحه(نصف كوب)
250 جم سودانى قطع(كوب وربع)
طريقه التحضير
لعمل اسبونج فانيليا
- فى الميكسرنخفق بيض وماء دافئ واسبونج بودرفانيليا ونخفقهم مع بعض كويس حتى تجانس الخليط
- نجيب صاج وندهنه سمن ونفرش فى ورقه زبدة ونصب فى الخليط
- وندخل الصاج الفرن على 180 درجه لمدة 15 دقيقه
ونسيبها تبرد خالص ونشيل الاحروف ونقعها على 3 اجزاء
لعمل اسبونج شيكولاته
- فى الميكسرنخفق بيض وماء دافئ واسبونج بودرشيكولاته ونخفقهم مع بعض كويس حتى تجانس الخليط
- نجيب صاج وندهنه سمن ونفرش فى ورقه زبدة ونصب فى الخليط
- وندخل الصاج الفرن على 180 درجه لمدة 15 دقيقه ونسيبها تبرد خالص ونشيل الاحروف ونقعها على 3 اجزاء
لعمل الكريمه شانتيه
فى الميكسر نخفق كريمه شانيه بودر مع ماء مثلج ونخفقهم مع بعض حتى يتضاعف حجمه
لعمل الشربات
- فى اناء ندوب سكر فى ماء ونرفعها على الناروبعد الغليان لمدة 13 دقيقه نضيف عصير ليمون ولمه تغلى نرفعها من على النار
جاتوه فانيليا
- ونجيب اول طبقه من الاسبونج وندهنه شربات ثم نفرد طبقه من الكريمه شانتيه ثم نضع تانى طبقه من الاسبونج وندهنه شربات ثم نفرد طبقه من الكريمه شانتيه ثم نضع ثالث من الاسبونج وندهنه شربات ثم نفرد طبقه من الكريمه شانتيه
- ونجيب سكينه ونضعها فى ماء ساخن ونضعها على شكل قطعه جاتوه ونزينها بفارمسيل
جاتوه فاكهه
- ونجيب اول طبقه من الاسبونج وندهنه شربات ثم نفرد طبقه من الكريمه شانتيه ثم نرش فاكهه ثم نضع تانى طبقه من الاسبونج وندهنه شربات ثم نفرد طبقه من الكريمه شانتيه ثم نرش فاكهه ثم نضع ثالث من الاسبونج وندهنه شربات ثم نفرد طبقه من الكريمه شانتيه
- ونجيب سكينه ونضعها فى ماء ساخن ونضعها على شكل قطعه جاتوه ونزينها بفاكهه
جاتوه شيكولاته
- فى بوله نخلط كريمه شانتيه مع شيكولاته سايحه ونقلبهم مع بعض
- ونجيب اول طبقه من الاسبونج شيكولاته وندهنه شربات ثم نفرد طبقه من الكريمه شانتيه شيكولاته ونرش سودانى ثم نضع تانى طبقه من الاسبونج شيكولاته وندهنه شربات ثم نفرد طبقه من الكريمه شانتيه شيكولاته ونرش سودانى ثم نضع ثالث من الاسبونج شيكولاته وندهنه شربات ثم نفرد طبقه من الكريمه شانتيه شيكولاته
- ونجيب سكينه ونضعها فى ماء ساخن ونضعها على شكل قطعه جاتوه ونزينها بسكر بودر
جاتوه بلاك فورست
- ونجيب اول طبقه من الاسبونج وندهنه شربات ثم نفرد طبقه من مربى كريز ثم نفرد طبقه من الكريمه شانتيه ثم نضع تانى طبقه من الاسبونج وندهنه شربات ثم نفرد طبقه من مربى كريز ثم نفرد طبقه من الكريمه شانتيه ثم نضع ثالث من الاسبونج وندهنه شربات ثم نفرد طبقه من مربى كريزثم نفرد طبقه من الكريمه شانتيه
- ونجيب سكينه ونضعها فى ماء ساخن ونضعها على شكل قطعه جاتوه ونزينها شيكولاته مبشورة
ويقدم بالف هنا وشفا


الجاتوه 2
المقادير
(اسبونج فانيليا)
6 بيضات
2\1 كيلواسبونج فانيليا جاهز(2كوب ونصف)
50 مل ماء(ربع كوب)
(اسبونج شيكولاته)
6 بيضات
2\1 كيلواسبونج شيكولاته جاهز(2كوب ونصف)
50 مل ماء(ربع كوب)
250 مل سيرب خفيف(كوب وربع)
(الحشو)
200 جم سكر(كوب)
50 مل ماء(ربع كوب)
150 جم سودانى قطع(كوب الأربع)
( كريمه الزبدة)
2\1 كيلو زبدة(2كوب ونصف)
400 جم سكر بورده(2كوب)
2 جم فانيليا سائله(نصف معلقه صغيرة)
(الديكور)
150 جم كريمه زبدة(كوب الأربع)
(شيكولاته جلاسيه بيضاء)
2\1 كيلو شيكولاته بيضاء سايحه باردة وعليها ملعقتين زيت
(شيكولاته جلاسيه غامقه)
2\1 كيلو شيكولاته غامقه سايحه باردة وعليها ملعقتين زيت
طريقه التحضير
لعمل اسبونج فانيليا
- فى الميكسرنخفق بيض واسبونج فانيليا وماء ونخفقهم مع بعض حتى تجانس الخليط حتى يتضاعف حجمه
- ونجيب صاج وندهنه زيت ونفرش فى ورق زبدة ونصب فى الاسبونج
- ندخل الصاج الفرن على 190 درجه لمدة 25 دقيقه
لعمل اسبونج شيكولاته
- فى الميكسرنخفق بيض واسبونج شيكولاته وماء ونخفقهم مع بعض حتى تجانس الخليط حتى يتضاعف حجمه
- ونجيب صاج وندهنه زيت ونفرش فى ورق زبدة ونصب فى الاسبونج
- ندخل الصاج الفرن على 190 درجه لمدة 25 دقيقه
لعمل الشربات
- فى اناء ندوب سكر فى ماء ونرفعها على النار وبعد غليان 13 دفيقه نضيف عصير ليمون ونسيبه يعمل شربات خفيف ونسيبه يبرد خالص
لعمل الكروكند
- فى اناء على النار نضع سكروماء ونسيبه يعمل كراميل ونضع فى سودانى ونقلبهم مع بعض وعلى الرخامه وندهنها زيت نصب الخليط ونفردة ونسيبها يبرد خالص ونكسره قطع صغيرة
لعمل كريمه الزبدة
- فى الميكسرنخفق زبدة مع سكروفانيلياونخفقهم مع بعض حتى تجانس
لعمل الجاتوه
- نجيب اول ديسك من اسبونج شيكولاته ونشيل من عليها ورقه الزبدة وندهنها شربات ونفرد عليها طبقه من كريمه الزبدة ونرش عليها كروكند ثم نضع طبقه من اسبونج فانيليا ونضغط عليها وندهنها شربات ثم نفرد عليها كريمه زبدة ونرش عليها كروكند ثم نضع طبقه من اسبونج شيكولاته وندهنها شربات ونفرد عليها طبقه من كريمه الزبدة ونرش عليها كروكند ثم نضع طبقه من اسبونج فانيليا ونضغط عليها وندخلها الثلاجه لمدة ساعه ونقطعها على 3 اجزاء ونشيل الاحراف
- ناخد جزاين ونلزقهم فى بعض بكريمه الزبدة يعملوا شكل هرمى ونفرد عليها كريمه زبدة وندخلها الثلاجه ساعه تتجمد ونضعها على شبكه ونصب عليها شيكولاته بيضاء وندخلها الثلاجه تاخد تجميد ونقعطها على 5 قطع
- ناخد الجزء الثالث ونقطعه على 3 اجزاء ونلزقهم مع بعض بس لازم يكونه عكس بعض على شكل شطرنج وندهنها كريمه زبدة وندخلها الثلاجه ساعه تتجمد ونضعها على شبكه ونصب عليها شيكولاته غامقه وندخلها الثلاجه تاخد تجميد ونقعطها على 5 قطع
- وتقدم وبالف هنا وشفا


تورته الفاكهه والجاتوه
المقادير
(الكيكه الاسفنجيه)
10 بيضات
250 جم سكر(كوب وربع)
5 جم فانيليا(نصف معلقه صغيرة)
350 جم دقيق(2كوب)
5 جم بيكينج بودر(معلقه صغيرة)
(السيرب)
4\1 لتر ماء(كوب وربع)
4\1 كيلو سكر(كوب وربع)
1 عصيرليمون بعد الغليان
(الحشو)
4\1 كيلو فراوله مكعبات(كوب وربع)
4\1 كيلو كنتالوب مكعبات(كوب وربع)
2 برتقال مكعبات
(الكريمه)
200 جم كريم شانتيه(كوب)
2\1 لتر ماء مثلج(2كوب)
(الديكور)
4\1 لترجيلى تلميع
فراوله انصاف
شرائح كنتالوب
شرائح برتقال
طريقه التحضير
لعمل الكيكه الاسفنجيه
- فى الميكسرناشف ونضيف نخفق سكر مع بيض وفانيليا ونخفقهم مع بعض حتى الحصول على خليط كريمى-فى بوله نخلط دقيق مع بيكينج بودر ونقلبهم مع بعض ونضيفهم على خليط البيض والسكرحبه حبه حتى تجانس الخليط
لعمل التورته
- ونجيب صينيه وندهنها سمن ونفرش فيها ورق زبدة ونصب فيها خليط الكيك وندخلها الفرن على 180 درجه لمدة 35 دقيقه
لعمل الجاتوه
- فى صاج مدهون سمن ونفرش فى ورق زبدة ونصب فى خليط الكيك ونسوى وندخل الصاج الفرن على 180 درجه لمدة 25 دقيقه
لعمل السيرب
- فى اناء ندوب سكر فى ماء ونرفعها على النار وبعد 15 دقيقه نضيف عصيرليمون ونسيبها تعمل شربات خفيف ونسيبه يبرد
لعمل الكريمه شانتيه
- فى الميكسر نخفق كريم شانتيه مع ماء مثلج ونخفقهم مع بعض حتى يتضاعف حجمه ونضعه فى كيس حلوانى
لعمل تورته الفاكهه
- نجيب الكيك ونشيل الاحراف ونقطعها على ديسكات ونجيب فورمه ونضع فيها اول ديسك وندهنها شربات خفيف بارد ونضع عليها طبقه من الكريم شانتيه ونرش عليها قطع فراوله وكنتالوب وبرتقال ونضع ديسك من الكيك وندهنها شربات خفيف بارد ونضع عليها طبقه من الكريم ونرش عليها قطع فراوله وكنتالوب وبرتقال شانتيه ونضع اخر ديسك من الكيك وندهنها شربات خفيف بارد ونغطيها بكريم شانتيه من فوق من الجانب وندخلها الثلاجه تتجمد شويه ونرش عليها انصاف فراوله ووشرائح كنتالوب وشرائح برتقال (نعملها على شكل ورده او شمس) وندهنها بجيلى تلميعوندخلها الثلاجه تاخد تجميد
لعمل الجاتوه
- نجيب ديسك الكيك ونقطعها على 3 اجزاء ونعمل مستطيل طويل وندهن اول مستطيل بشربات خفيف بارد ونضع طبقه من الكريم شانتيه ونرش عليها قطع فاكهه ثم نضع تانى مستطيل وندهنها بشربات خفيف بارد ونضع طبقه من الكريم شانتيه ونرش عليها قطع فاكهه ثم نضع ثالث مستطيل من الكيك وندهنها بشربات خفيف بارد ونضع طبقه من الكريم شانتيه ونسويها ونشيل الحراف ونقطع ها على 5 قطع جاتوه ونزينها بشرائح من الفاكهه فراوله اوكنتالوب اوبرتقال
- وتقدم وبالف هنا وشفا


تورته وجاتوة البلاك فورست
المقادير
( الكيك الاسفنجيه)
10 بيضه
كوب سكرحبيبات(200 جم)
ربع ملعقه فانيليا(5 جم)
كوب وربع دقيق مخبوزات(250 جم)
2 ملعقه كبيرة كاكاو خام(50 جم)
نصف ملعقه كبيرة بيكنج بودر(10 جم)
ربع ملعقه ملح(5 جم)
(الاسبونج)
نصف كيلو دقيق اسبونج شيكولاته
6 بيضات
نصف كوب ماء دافئ(100 مل)
(الكريمه)
2 كوب كريم شانتيه بودر(400 جم)
5 كوب ماء مثلج( لتر)
(الحشو)
5 كوب ماء مغلى ( لتر)
نصف كوب سكر(100 جم)
ربع ملعقه اسانس كريز(5 جم)
2 ونصف كوب كريز قطع(500 جم)
ملعقه نشا(25 جم)
2 ونصف ملعقه ماء مثلج (60 مل)
(الشربات)
كوب سكر(200 جم)
كوب ماء (200 مل)
ملعقه عصير ليمون (25 جم)
ملعقه اسانس كريز(25 جم)
طريقه التحضير
الشربات
- فى اناء ندوب سكر فى ماء ونرفعها على النار وبعد الغليان نضيف عصير ليمون ونسيبها تعمل شربات خفيف ونضيف اسانس كريز ونسيبه يبرد
الحشو
- فى اناء على النار ندوب سكر فى ماء وبعد الغليان نضيف كريز قطه ياخد غلاوتين وندوب نشا فى ماء مثلج ونقلبهم مع بعض ونضيفهم ونقلبهم مع بعض لحد ما يتقل شويه وياخد غلاوة ونسيبه يبرد خالص
الكريمه
- فى الميكسر نخفق كريمه شانتيه مع ماء مثلج ونخفقهم مع بعض لحد ما يتضاعف حجمها اربع مرات ونضعها فى كيس حلوانى
الكيك الاسفنجيه
- فى الميكسر نخلط بيض وفانيليا وسكرونخفقهم مع بعض حتى يتضاعف الخليط
- فى بوله نخلط دقيق وبيكنج بودر وكاكاو ونقلبهم مع بعض ونضيفهم حبه حبه على خليط البيض ونقلبهم بملعقه خشب من تحت لفوق فى اتجاة واحد حتى تجانس الخليط
- لو هنعمل الاسبونج فى الميكسر نخلط دقيق اسبونج وبيض وماء ونخفقهم مع بعض لمدة 5 دقائق
- ونجيب صاج او صينيه وندهنها سمن ونفرش فى ورقه زبدة ونصب فى خليط الكيك ونسوى لازم يكون كله سمك واحد
- وندخل الكيك الفرن على 180 درجه لمدة 30 دقيقه ونسيبها تبرد خالص( ممكن نسوى فى صاج مربع ونعمل جاتوة مربعات)
- ونجيب اول ديسك من الكيك وندهنه شربات خفيف بارد ونفرد عليه طبقه من الكريمه ونضع عليه خليط الكريز, ونضع تانى ديسك من الكيك ونضغط عليه وندهنه شربات خفيف بارد ونفرد عليه الكريمه ونرش عليها خليط الكريز ونجلس الجانب بكريمه, ونزينها بالكريمه من فوق ونرش عليها شيكولاته مبشورة وندهنه بجيلى تلميع ( لازم نجلس الجانب الاول وندخلها الثلاجه تجمد ونكمل تزين من فوق قبل ونرص عليها كريز)
- وتقدم وبالف هنا وشفا


جاتوة الارجنتال

المقادير
(بسكويت الارجنتال)
صاج فرن
ملعقه زبدة سايحه(25 جم)
ملعقه سكر بودر(25 جم)
(المارينج)
12 ابيض بيض
ربع ملعقه صغيرة ملح(5 جم)
نصف كوب سكر(100 جم)
نصف كوب سكر بودر(100 جم)
كوب الاربع دقيق(175 جم)
كوب الاربع لوزبودراو بندق بودر(175 جم)
ملعقه كبيرة نشا(25 جم)
( بترشيكولاته كريم)
12 ابيض بيض
ربع ملعقه صغيرة ملح(5 جم)
2 ونصف كوب سكر(500 جم)
2 ونصف ملعقه ماء(60 جم)
كيلو زبدة نيوزيلندى طرى
كوب شيكولاته سايحه بارده(200 جم)
طريقه التحضير
(البسكويت)
- فى الميكسر ناشف ونضيف نخفق ابيض بيض مع ملح ونضيف سكر حبه حبه حتى يتضاعف حجمه
- فى بوله ننخل سكرودقيق ولوز او بندق بودرونشا ونقلبهم مع بعض ونضيف حبه حبه من خليط الابيض بيض(ونقلبهم مع تحت لفوق علشان متهبطتش) ونقلبهم مع بعض حتى تجانس الخليط ونضعه فى كيس حلوانى
ونجيب صاج وندهنه زبدة ونبطنها سكر بودر ونعمل فى ديسك من البسكويت مدور او مربع
- ندخل الصاج الفرن على درجه حرارة 100 لمدة 4 ساعات ونسيبها تبرد خالص
(بترشيكولاته كريم)
-فى اناء على النار ندوب سكر فى ماء ونسيبها تعمل كراميل فاتح ويكون ليها عود
- فى الميكسر ناشف ونضيف نخفق ابيض بيض مع ملح ونضيف سكر حبه حبه حتى يتضاعف حجمه ونضيف مكعبات الزبدة ونقلبهم مع بعض, ونضيف عليها االكراميل لمه يبرد ونخفقهم مع بعض ونضيف عليهم شيكولاته سايحه باردة ونخفقهم مع بعض ونضعها فى كيس حلوانى
- ونجيب ديسك من البسكويت ونعمل عليها روزتات من كريمه الزبدة بالشيكولاته ونرش عليها سودانى او شيكولاته حبوب او بندق محمص ونضع عليها الديسك التانى ونزينها بكريمه الشيكولاته ونرش عليها سودانى او شيكولاته حبوب او بندق محمص او بندق فى كراميل ونسيبها يناشف ونزينه بى
- ويقدم وبالف هنا وشفا

جاتوه الجلاش

المقادير
جلاش
زيت
زبدة
3 صفار بيض
2 كوب لبن
فانيليا
كريز
توت
2 ملعقه كبيرة سكر
طريقه التحضير
- نقطع الجلاش مستطيلات وندهنه زبدة وزيت ونرش سكر على الجلاش ونعمله طبقات وندخله الفرن يحمر شويه
-فى اناء على النار نسخن اللبن وندوب فى سكر
-فى بوله نخفق صفارالبيض وفانيليا ونضيفه على شويه اللبن ونخفقهم مع بعض كويس ونضيفهم على اللبن ونقلبها مع بعض ونرفعه من على النار
- نجيب ورق الجلاش ونحشى بالخليط الكريمه ونزينه بالتوت والكريز
-وتقدم وبالف هنا وشفا


جاتوة بلاك فورست
المقادير
10 بيضات
250 جم سكر(كوب وربع)
5 جم ملح(نصف معلقه صغيره)
5 جم فانيليا(نصف معلقه صغيرة)
325 جم دقيق(2كوب)
25 جم كاكاوغامق(معلقه كبيره)
10 جم بيكينج بودر(نصف معلقه كبيرة)
كريم شانتيه
ماء مثلج
مربى كريز
شربات خفيف بارد
شيكولاته مبشورة
طريقه التحضير
1-نسخن الفرن على 180 درجه قبل البدء فى عمايل الكيكه
2-فى الميكسر نضرب البيض والسكر مع بعض لحد ما يكون السكر يدوب خالص
3-فى بوله ننخل الدقيق والبيكينج بودروالكاكاو ونضيفها على خليط البيض ونقلبها من تحت لفوق بملعقه خشبه حتى تجانس الخليط (نضيف الدقيق حبه حبه)
4-نجيب قالب الكيك وندهنه سمن ونصب فى خليط الكيكه وندخلها الفرن لمدة 35 دقيقه(ممنوع فتح الفرن قبل ال35 دقيقه) ولمه تبرد نقطعها على 3 اجزاء
5-فى الميكسر نخفق الكريم شانتيه مع ماء مثلج حتى يتتضاعف حجمه
6- نجيب الكيكه وندهنها شربات ونفرد علشها مربى كريز ونفرد عليها طبقه من الكريم شانتيه ونضع عليها طبق الكيكه ونضع عليها وندهنها شربات ونفرد عليها مربى كريز ونفرد عليها كريم شانتيه ونضع الكيك وندهنها شربات ونفرد عليها مربى وكريم شانتيه ونرش عليها من فوق شيكولاته مبشورة ونشيل الاحروف وندخلها الثلاجه تجمد
7-ولمه تجمد نقطعها مربعات او مثلثات
8-وتقدم وبالف هنا وشفا


جاتوة فروت
المقادير
10 بيضات
250 جم سكر(كوب وربع)
5 جم ملح(نصف معلقه صغيرة)
5 جم فانيليا(نصف معلقه صغيرة)
350 جم دقيق(2كوب)
10 جم بيكينج بودر(نصف معلقه كبيرة)
كريم شانتيه
ماء مثلج
شربات خفيف بارد
فواكه مشكه
جيلى لتلميع
طريقه التحضير
1-نسخن الفرن على 180 درجه قبل البدء فى عمايل الكيكه
2-فى الميكسر نضرب البيض والسكر مع بعض لحد ما يكون السكر يدوب خالص
3-فى بوله ننخل الدقيق والبيكينج بودر ونضيفها على خليط البيض ونقلبها من تحت لفوق بملعقه خشبه حتى تجانس الخليط (نضيف الدقيق حبه حبه)
4-نجيب قالب الكيك وندهنه سمن ونصب فى خليط الكيكه وندخلها الفرن لمدة 35 دقيقه(ممنوع فتح الفرن قبل ال35 دقيقه) ولمه تبرد نقعطها على 3 اجزاء
5-فى الميكسر نخفق الكريم شانتيه مع ماء مثلج حتى يتتضاعف حجمه
6- ونجيب الكيك وندهنها شربات خفيف بارد ونفرد عليها كريم شانتيه ونرش عليها فواكه مشكله ونضع طبقه من الكيك وندهنها شربات ثم طبقه من الكريم شانيه ثم طبقه من الفاكهه ثم طبقه من الكيك وندهنها شربات ثم طبقه كريمه ونشيل الاحروف ونضع فواكه مشكله على الوش وندهنها جيلى سخن
7-وندخلها الثلاجه نجمد لمدة ساعه وتقطع مربعات
8-وتقدم وبالف هنا وشفا


جاتوة شيكولاته

المقادير
10 بيضات
250 جم سكر(كوب وربع)
5 جم ملح(نصف معلقه صغيرة)
5 جم فانيليا(نصف معلقه صغيرة)
325 جم دقيق(2كوب)
25 جم كاكاوغامق(معلقه كبيره)
10 جم بيكينج بودر(نصف معلقه كبيرة)
كوب كريم شانتيه(200 جم)
نصف كوب سكر(100جم)
ملعقه كاكاو (25 جم)
2كوب ماء مثلج(400 جم)
سوادنى
شيكولاته سايحه
طريقه التحضير
1-نسخن الفرن على 180 درجه قبل البدء فى عمايل الكيكه
2-فى الميكسر نضرب البيض والسكر مع بعض لحد ما يكون السكر يدوب خالص
3-فى بوله ننخل الدقيق والبيكينج بودروالكاكاو ونضيفها على خليط البيض ونقلبها من تحت لفوق بملعقه خشبه حتى تجانس الخليط (نضيف الدقيق حبه حبه)
4-نجيب قالب الكيك وندهنه سمن ونصب فى خليط الكيكه وندخلها الفرن لمدة 35 دقيقه(ممنوع فتح الفرن قبل ال35 دقيقه) ونقطع الكيك على 3 اجزاء لمه تبرد
5-فى الميكسر نخفق الكريم شانتيه بالماء مثلج ونضيف سكر وكاكاو ونخفقهم حتى يتضاعف حجمه
6- نجيب الكيك وندهنها شربات خفيف بارد ونضع طبقه من كريم شانيه ثم نرش سودانى ثم نضع طبقه من الكيك وندهنها شربات ثم طبقه من الكريم شانتيه ثم نرش سودانى او اى مكسرات ثم نضع طبقه من الكيك وندهنها شربات ثم طبقه من الكريم شانتيه ونرش على الوش اى نوع مكسرات ونشيل الاحروف وندخلها الثلاجه تجمد لمدة ساعه ونضيف عليها شيكولاته سايحه وتقطع مربعات
7-وتقدم وبالف هنا وشفا



جاتوة فانيليا

المقادير

10 بيضات
250 جم سكر (كوب وربع)
5 جم ملح(نصف معلقه صغيرة)
5 جم فانيليا(نصف معلقه صغيرة)
350 جم دقيق(2كوب)
10 جم بيكينج بودر(نصف معلقه كبيرة)
كريم شانتيه
ماء مثلج
جوز هند مبشور
شربات خفيف بارد
طريقه التحضير
1-نسخن الفرن على 180 درجه قبل البدء فى عمايل الكيكه
2-فى الميكسر نضرب البيض والسكر مع بعض لحد ما يكون السكر يدوب خالص
3-فى بوله ننخل الدقيق والبيكينج بودر ونضيفها على خليط البيض ونقلبها من تحت لفوق بملعقه خشبه حتى تجانس الخليط (نضيف الدقيق حبه حبه)
4-نجيب قالب الكيك وندهنه سمن ونصب فى خليط الكيكه وندخلها الفرن لمدة 35 دقيقه(ممنوع فتح الفرن قبل ال35 دقيقه) ولمه تبرد نقعطها على 3 اجزاء
5-فى الميكسر نخفق الكريم شانتيه مع ماء مثلج حتى يتتضاعف حجمه
6- ونجيب الكيك وندهنها شربات خفيف بارد ونفرد عليها كريم شانتيه ونرش عليها جوز هند ونضع طبقه من الكيك وندهنها شربات ثم طبقه من الكريم شانيه ثم طبقه من الكيك وندهنها شربات ثم طبقه كريمه ونشيل الاحروف ونضع اى نوع فاكه على الجانب
7-وندخلها الثلاجه نجمد لمدة ساعه ولمه تجمد نقعها قطع مربعات
8-وتقدم وبالف هنا وشفا


جاتوة شيكولاته مع مانجو وشيكولاته جناش
المقادير
مقادير كيكة الشيكولاته
5بيضات متوسطين بدرجة حرارة الغرفة(او 4كبار) كوب ألا ربع سكر(150 جرام)
كوب ألا ربع دقيق(100جرام)
ملعقة صغيرة بيكنج بودر
ذرة ملح
30جرام كاكاو خام(2ونصف ملعقة كبيرة)
ملعقة صغيرة خلاصة فانيليا (أو باكو فانيليا )
1 ملعقة كبيرة زبدة مذابة وباردة
طريقة عمل كيكة الشوكولاتة:
أولا نحضر صينية مربعة مقاس 40 ×60وتدهن بالزبد وتبطن بورق الخبز،ونسخن الفرن على 180، ثم نحضر عجينة الكيك، أولا نضع البيض مع السكر ويخفق 5دقائق حتى يصبح خليط هش وفاتح اللون ولو رفعنا مضرب الخفق نلاحظ أن الخليط اللى نازل من المضرب لايختفى فورا ودة أسمة درجة الشريط ثم نضع الفانيليا، ،ثم ننخل الدقيق مع البيكنج بودر والكاكاو،ثم ننزل بخليط الدقيق والكاكاو حبة حبة بواسطة منخل على خليط البيض والسكر ونقلب بواسطة ملعقة خشب أو سليكون من تحت لفوق بلطف،وبعد ما ننتهى من الدقيق والكاكاو نضع الزبدة المذابة الباردة ونقلب بلطف،ثم نصب الخليط فى الصينية وندخل الصينية الفرن وتترك حوالى 15 دقيقة أو 20 حتى تنضج الكيكة،ثم بعد ما تنضج الكيكة نخرجها من الفرن وتقلب على شبكة سلك وتترك حتى تبرد تماما(ومن المفضل بعد ما تبرد تغلف بالبلاستيك وتوضع فى الثلاجة وتستعمل ثانى يوم)
وبعد ما تكون الكيكة جاهزة للحشو والزينة، نحضر موس المانجو وجناش الشوكولاتة
أولا نحضر جناش الشوكولاتة
ربع كيلو شوكولاتة خام مفرومة(250جرام)
250 ميللى كريمة لبانى(كوب).
طريقة عمل الجناش
نحضر كزرولة ونضع فيها الكريمة على نار متوسطة وتترك حتى تغلى ،وأول لما تغلى ترفع فورا من على النار ونصب فوقها الشوكولاتة المفرومة ونقلب حتى تذوب الشوكولاتة تماما،ثم نضع كريمة الجنا ش فى بولة وتترك لتبرد فى الثلاجة.
ثم نحضر موس المانجو:
كوب ونصف هريس مانجو
3\4 كوب سكر
24 جرام جيلاتين حيوانى بودرة
3صفار بيض
ملعقة كبيرة عصير ليمون مصفى
250 ميللى كريمة لبانى مخفوقة(كوب)

. طريقة عمل الموس:

نحضرالمانجو وتخفق فى الخلاط حتى تصبح هريس ناعم،ثم توضع فى كزرولة مع السكر (مع رفع 2ملعقة كبيرة من السكر لخفقها مع الصفار)،ثم نرفع الخليط على النارويترك حتى يغلى وأثناء وضع الخليط على النار نخفق الصفار مع السكر وعصير الليمون حتى يصبح فاتح اللون،ثم بعد ما خليط الماجو والسكر غلى ،نرفع الكزرولة من على النار ونصب خليط الصفار حبة حبة مع الخفق السريع بمضرب سلك يدوى ثم نرففع الخليط على النار ونقلب بسرعة لمدة دقيقة حتى يصبح كريمى،ثم نرفع الخليط من على النار،ونحضر الجيلاتين ونذوبة فى 2ملعقة كبيرة ماء مغلى ونتأكد تماما من ذوبانة ثم نصبة على خليط المانجو ونقلب بسرعة ،ثم نترك الخليط حتى يبرد فى درجة حرارة الغرفة،ثم نضيف لة الكريمة المخفوقة ونقلب بخفة حتى تمتزج تماما،،ثم نحضر طوق مربع من غير قاعدة،ويوضع على طبق مسطح ،ثم نحضر كيكة الشوكولاتة ونقطع شريحة رفيعة وتوضع فى قاع الطوق،ثم نحضر كريمة الجناش ونضع كمية مع ملاحظة أن تكون طبقة رفيعة مش سميكة، ثم شريحة رفيعة من الكيك، ثم طبقة جناش ثم طبقة موس،ثم شريحة كيك ثم طبقة موس،وندخل القالب الثلاجة ليلة حتى يتماسك الموس تماما،وبعد تماسك الموس،نخرج القالب من الثلاجةونرفع الطوق بلطف ،ثم نقطع القالب قطع جاتوة متساوية
،ثم نجهز جيلاتين التلميع، نحضر
نصف كوب عصير مانجو
ونضع علية ملعقة كبيرة جيلاتين نباتى(وهو بودرة بيضاء شبة السكر الحبيبات)
ونحضر كزرولة ونضع فيها خليط عصير المانجو والجيلاتين وترفع على نار متوسطة مع التقليب حتى يذوب الجيلاتين النباتى،ثم نحضرشرائح مانجو،ونزين بها قطع الجاتوة،ثم نحضر فرشاة و نلمع الوجة وشرائح المانجو بالجيلاتين النباتى بواسطة الفرشاة
.(ملحوظة الجيلاتين النباتى بيتماسك بسرعة جدا،فلو أثناء التزين تماسك نضعة مرة أخرى على النار حتى يذوب)
،ثم بعد ما لمعنا الوجة نزين باى شكل من أشكال الشوكولاتة،ثم نضع قطع الجاتوة فى طبق التقديم وتوضع فى الثلاجة لحين التقديم
-وتقدم وبالف هنا وشفا


جاتوه الشيكولاته

المقادير

مقادير الكيك:
4 بيضة كبيرة الحجم
2/3 كوب سكر بدرة (100 جرام)
نصف كوب كبير زيت (100 مل)
ربع كوب كبير بودرة كاكاو خام (30 جرام)
ملقعة صغيرة بيكنج باودر
ملعقة صغيرة ملح
نصف كوب كبير دقيق أبيض منخول (70 جرام)
مقادير الحشوة :
ربع كيلو شيكولاته مبشورة (250 جرام)
ربع كيلو كريمة حلويات سائلة (250 جرام)

مقادير التزيين:

كريمة زبدة للتزيين
صوص شيكولاته للدهن
طريقة التحضير
نقوم أولًا بتحضير كيك الجاتوه: نحضر المضرب الكهربائي ونضع فيه 4 بيضة كبيرة الحجم و2\3 سكر بدرة و ملعقة صغيرة ملح ونشغل المضرب على السرعة المتوسطة لمدة 10 دقائق حتى نحصل على خليط متماسك له قوام كريمي
نضيف لخليط البيض الكريمي نصف كوب كبير زيت ،و ملقعة صغيرة بيكنج باودر ،و ملعقة صغيرة ملح ،و نصف كوب كبير دقيق أبيض منخول ،و ملقعة صغيرة بيكنج باودر ،و ربع كوب كبير بودرة كاكاو خام ، ونقلبهم معًا بملعقة من أسفل لأعلى حتى يمتزج الخليط جيدًا
نحضر صينية ونبطنها بورق الزبدة ، ثم نصب الخليط على الصينة ونفرده عليها بملعقة حتى يصبح طبقة واحدة ، ندخل الصينية الفرن على درجة حرارة 180 درجة مئوية لمدة ربع ساعة حتى ينضج الخليط ويتكون طبقة من الكيك
نترك صينية الكيك لتبرد ونذهب لتحضير الحشو
حشو الجاتوه : نحضر إناء ونضع فيه ربع كيلو كريمة حلويات سائلة ونتركها على نار متوسطة حتى تسخن ، ثم نضيف عليها ربع كيلو شيكولاته مبشورة ونقلب بإستخدام ملعقة خشبية حتى تذوب الشيكولاته مع الكريمة ، نرفعها من على النار ونتركها حتى تبرد وتصبح لها قوام كريمي صالح للحشو
نحضر صينية الكيك ونقوم بتقطيعها إلى مربعات
نحضر مربع كيك ونضع عليه الحشو ،ثم نضع مربع كيك ثاني فوق الحشو ثم نضع طبقة حشو فوق مربع الكيك الثاني ثم نضع مربع كيك اخير (ليصبح لدينا ثلاث مربعات من الكيك بين كل واحدة والاخرى طبقة حشو ) ثم ندهن الوجه بصوص الشيكولاته ثم نضع قطعة صغيرة من كريمة الزبد
نرص الجاتوه بعد الانتهاء من تقطيع وتزيين كل الكيمة التي لدينا على أطباق التقديم.
-وتقدم وبالف هنا وشفا


جاتوه شاتوه بجيلى المانجو
المقادير
2 عبوة جيلى مانجو
نصف كوب ماء مغلى
نصف كوب زيت دوار شمس
نصف كوب سكر ابيض
نصف كوب لبن
2 بيضة
كوب ونصف دقيق
نصف باكو بيكنج باودر
رشة ملح
للتزيين :
كريمة مخفوقة
كيوى
طريقه التحضير
فى محضرة الطعام نضع الجيلى مع الماء المغلى ونخفقهم جيدا لحد ما الجيلى يدوب تماما ونضيف السكر ونضرب جيدا لحد ما يدوب ونضيف اللبن ونضرب جيدا ونضيف الزيت ونضرب لحد ما الخليط قوامه يتقل وناخد كوب من الخليط ونضعه فى الثلاجة
نضيف البيض على باقى الخليط ونضرب جيدا
نخلط الدقيق مع البيكنج باودر والملح ونضيفه للخليط السابق ونضرب ضربه بسيطة لحد ما المكونات تتجانس ونصب الخليط فى قالب مستطيل مدهون زيت ومبطن بالدقيق وندخله الفرن على درجة حرارة 180 حتى تمام النضج ونسيبه يبرد تماما
نصب عليه كوب الصوص ونزينه بالكريمة والكيوي
-وتقدم وبالف هنا وشفا


جاتوه الجلاش بالتفاح
المقادير
نصف كيلو تفاح
نصف كيلو جلاش
نصف ملعقة صغيرة قرفة
2‏ ملعقة كبيرة زبيب‏
2‏ ملعقة كبيرة سكر بودرة
للوجه‏
2 ملعقة كبيرة سكر بودرة
طريقة التحضير
يغسل التفاح ويقشر ويقطع مكعبات صغيرة جداً‏ً
تخلط مكعبات التفاح مع السكر والقرفة والزيت والمكسرات
تفرد ورقة من الجلاش وتدهن بالزبد السائح بواسطة فرشاة‏، ثم توضع عليها ملعقة كبيرة من الحشو المجهز وتلف بإحكام مثل الأصبع
ترص الوحدات في صينية مدهونة ويدهن الوجه بالزبد السائح‏
تخبز في فرن هاديء الحرارة حتي يصير لونها ذهبياً ويتم النضج‏
ترفع بحرص ويرش الوجه بالسكر البودرة وترص في طبق التقديم .
-وتقدم وبالف هنا وشفا


الجاتوه السريع السهل
المقادير
المقادير
كوب ونصف دقيق
كوب ونصف سكر
نصف كوب سمن
نصف كوب كاكاو
كوب لبن
2 بيض
2 ملعقة بيكينج بودر
طريقه التحضير
تضاف المقادير الجافة وتخلط معا.
يضاف السمن السائح للخليط.
يضاف البيض للخليط السابق.
يضاف اللبن.
ويعجن حتى نحصل على عجينه لينه نوعا ثم تصب العجينة فى صاج السويسرول مدهون جيدا.
تخبز فى فرن حار حتى تنضج.
تقلب على ورقة مرشوشة سكر بودرة وتترك حتى تبرد ثم تقسم الكعكه الى قسمين طولا. يغطى احد القسمين بالمربى ويوضع عليه القسم الاخر
تقطع الى قطع متساوية
ترش بالسكر البودرة
-وتقدم وبالف هنا وشفا
مع تحياتي محمد الحلوانى

كرات الجاتوه بالمكسرات
المقادير
كيك ساده محضر مسبقا +شيكولاته سايحه +شيكولاته مبشوره +جوز هند+بندق مجروش +كريم شانتي + فورميسه ملون
طريقه التحضير
نحضر ٢ بوله كبيره نفتفت في كل بوله كميه الكيك بالتساوى و نحضر اول بوله نضع بها الكريم شانتي الجاهز التحضير و جوز الهند و قليل من البندق المجروش و نقلبه جيدا بحيث يتكون خليط سهل التشكيل و نشكلو كور صغيره و نغطيها بجوز الهند
و في البوله الثانيه نضع الشيكولاته السايحه و دى طرقتها زبده هنسيحها على النارو قبل ماتغلي نشلها و بعد نشلها من النار نكون بشرين كميه من الشيكولاته نضفها و نقلب لغايت ما تزوب و نضفها علي الكيك و قليل من البندق المجروش والكريم شانتي و نقلب جيدا و نشكلو كور و نغطيه ب شيكولاته مبشوره
-وتقدم وبالف هنا وشفا


🟠جاتوه الميل فى

المقادير

(عجينه الفيتاج السريعه)
نصف كليو دقيق(2كوب ونصف)
5 جم ملح(معلقه صغيره)
250 مل ماء مثلج (كوب وربع)
500 جم زبدة مبشورة(2كوب ونصف)
100 جم نشا (نصف كوب )
(ميل فيه سكر بودر)
50 جم باستيرى كريم( ربع كوب )
100 مل ماء (نصف كوب )
250 جم شانتيه مخفوقه(كوب وربع)
سكر بودر
(ميل فيه مربى)
200 جم مربى مشمش ( كوب )
مربى مشمش
(ميل فيه شيكولاته)
50 جم كريم باستيرى( ربع كوب )
25 جم كاكاو(معلقه كبيرة)
100 مل ماء (نصف كوب )
250 جم كريمه مخفوقه (كوب وربع)
150 جم شيكولاته سايحه (كوب إلا ربع)
(ميل فيه مانجو)
50 جم كريم باستيرى ( ربع كوب )
100 مل عصير مانجو (نصف كوب )
250 جم كريم شانتيه مخفوقه (كوب وربع)
250 جم مكعبات مانجو (كوب وربع)
250 جم مانجو شرائح (كوب وربع)
(ميل فيه ريد فيلفيت)
50 جم باستيرى كريم( ربع كوب )
100 مل ماء (نصف كوب )
100 جم كريمه تشيز (جبنه كريمى) (نصف كوب )
100 جم كريمه مخفوقه (نصف كوب )
150 جم كيك ريد فيلفيت مفرومه (كوب إلا ربع)
(ميل فيه موز)
50 جم باستيرى كريم ( ربع كوب )
100 مل عصير موز مخفف (نصف كوب )
250 جم كريم شانتيه مخفوقه (كوب وربع)
300 جم موز شرائح (كوب ونصف )
50 جم زبدة (2معلقه كبيرة)
50 جم سكر (2معلقه كبيرة)

طريقه التحضير

لعمل عجينه الفيتاج السريعه
- فى الميكسر نخلط دقيق وملح وماء مثلج ونخلطهم مع بعض ونضيف زبدة مبشورة ونخفقهم مع بعض حتى تجانس الخليط ونسيبها ترتاح ربع ساعه
- نشكلها 10 كرات متساويه ونسيبها ترتاح ربع ساعه
-وعلى الرخامه نرش نشا ونفرد العجينه بسمك 3 سم ونرص كرات العجينه على بعض(ولازم نشيل بواقى النشا من على العجينه) ونسيبها ترتاح نصف ساعه, ونجيب العجينه ونرش عليها نشا ونفردها ونعملها على شكل ظرف ونرش عليها نشا ونفردها بسمك 3 سم , ونجيب صاج ونضع فى العجينه ونخرمها بشوكه ونرش عليها سكر, وندخل الصاج الفرن على 200 درجه لمدة25 دقيقه ونسيبها تبرد ونقطعها على 3 شرائح طويله
لعمل ميل فيه سكر بودر
- فى بوله نخلط كريم باستيرى فى ماء ونخفقهم مع بعض ونضيف كريمه شانتيه مخفوقه ونخفقهم حتى تجانس الخليط ونضعه فى كيس حلوانى
- ونجيب شرائح الميل فى ونضع فى الباستيرى كريم ونضع ديسك من الميل فى ثم نضع عليها باستيرى كريم ونضغط عليها ونضع ديسك من الميل فى ونقطعها على 3 قطع ونرش عليه من فوق سكر بودر
لعمل ميل فيه مربى
- نجيب شرائح الميل فيه ونضع فى اول شريحه ونفرد عليها مربى ونضع عليها شريحه من الميل ونفرد عليها مربى فى نضغط عليها ونضع اخر شريحه ونزينها بمربى مشمش ونقطعها على 3 قطع
لعمل ميل فيه شيكولاته
- فى بوله نخلط كريم باستيرى وكاكاو وماء ونخفقهم مع بعض ونضيف كريمه شانتيه مخفوقه ونضعها فى كيس حلوانى
- نجيب شرائح الميل فيه ونضع فى اول شريحه نضع عليها باسيترى كريم شيكولاته ونضع عليها شريحه من الميل فى ونضع عليها باسيترى كريم شيكولاته ونضغط عليها ونضع اخر شريحه ونزينها بشيكولاته سايحه ونقطعها على 3 قطع
لعمل ميل فيه مانجو
- فى بوله نخلط كريم باستيرى وعصير مانجو ونخفقهم مع بعض ونضيف كريمه شانتيه مخفوقه ونضعها فى كيس حلوانى
- نجيب شرائح الميل فيه ونضع فى اول شريحه نضع عليها باسيترى كريم مانجو ونرش عليه مكعبات مانجو ونضع عليها شريحه من الميل فى ونضع عليها باسيترى كريم مانجو ونرش عليها مكعبات مانجو ونضغط عليها ونضع اخر شريحه ونزينها بشرائح مانجو ونقطعها على 3 قطع
لعمل ميل فيه ريد فيلفيت
- فى بوله نخلط كريم باستيرى وماء ونخفقهم مع بعض ونضيف كريمه تشيز وكريمه شانتيه مخفوقه ونخفقهم مع بعض ونضعها فى كيس حلوانى
- نجيب شرائح الميل فيه ونضع فى اول شريحه نضع عليها باسيترى كريم ونرش عليها ريد فيافيت مفرومه ونضع عليها شريحه من الميل فى ونضع عليها باسيترى كريم ونرش عليها ريد فيلفيت مفرومه ونضغط عليها ونضع اخر شريحه ونقطعها على 3 قطع
لعمل ميل فيه موز
- فى بوله نخلط كريم باستيرى وعصير موز ونخفقهم مع بعض ونضيف كريمه شانتيه مخفوقه ونخفقهم مع بعض ونضعها فى كيس حلوانى
- فى اناء على النار نشوح موز فى زبدة وسكر ونقلبهم مع بعض ونسيبه يبرد خالص
- نجيب شرائح الميل فيه ونضع فى اول شريحه نضع عليها باسيترى كريم ونضيف عليها الموز ونضع عليها شريحه من الميل فى ونضع عليها باسيترى كريم ونضيف عليها الموز ونضغط عليها ونضع اخر شريحه ونقطعها على 3 قطع
-وتقدم وبالف هنا وشفا

#مشرفة_الاسرة_والطفولة
@منتدى المركز الدولى

۩❁#منتدى_المركز_الدولى❁۩