منتدي المركز الدولى


رمضان زمان للشاعر امين  الديب Ououou11

۩۞۩ منتدي المركز الدولى۩۞۩
ترحب بكم
رمضان زمان للشاعر امين  الديب 1110
رمضان زمان للشاعر امين  الديب Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا رمضان زمان للشاعر امين  الديب 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى


رمضان زمان للشاعر امين  الديب Ououou11

۩۞۩ منتدي المركز الدولى۩۞۩
ترحب بكم
رمضان زمان للشاعر امين  الديب 1110
رمضان زمان للشاعر امين  الديب Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا رمضان زمان للشاعر امين  الديب 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةأحدث الصورالتسجيلدخول
Awesome Orange 
Sharp Pointer
منتدى المركز الدولى يرحب بكم أجمل الترحيب و يتمنى لك اسعد الاوقات فى هذا الصرح الثقافى

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

 

 رمضان زمان للشاعر امين الديب

اذهب الى الأسفل 
كاتب الموضوعرسالة
الشيماء
مستشاره ادارية
مستشاره ادارية
الشيماء


الادارة

وسام الابداع

نجمة المنتدى

وسامالعطاء

عدد المساهمات : 4918
تاريخ التسجيل : 21/08/2010

رمضان زمان للشاعر امين  الديب Empty
مُساهمةموضوع: رمضان زمان للشاعر امين الديب   رمضان زمان للشاعر امين  الديب Icon_minitime1الأحد 12 يناير - 16:20

رمضان زمان للشاعر امين الديب
بسم الله الرحمن الرحيم
رمضان زمان
ــــــــــــــــ
رمضان زمان
كانت روايحه الجميله
تهل من شعبان
وله مظاهر تعبَّر
عن خشوع وايمان
والناس زمان تنتظر
الخير على قدومه
لإنه شهر الكرم
والتقوى والغفران
ــــــــــــــــــــــــــــ
فى مصر كل القرى
تعمل حساب رمضان
تلقى الرايات متعلقه
فوق المساجد
والمأذن والحيطان
ولا تختلفش المدن
غير إن مآذنها
متزوقه بكهربا
وموائد الرحمن
ـــــــــــــــــــــ
وماكانش فى الريف كهربا
ولا تلاجات
وبرغم نقص الكهربا
كان فيه حاجات
واستعدادات
وكل حي وله عادات
حتى الحوارى الضيقه
متزوقة ... ومعلقة الفوانيس
والفرحة فوق كل الوشوش
وكانه عرس عريس
وكل اسره محضّره
قلل كتير متبخّرة
والشمع والفوانيس
ولا اى جامع يتقفل
ولا اى بيت فى الشهر دا
كان يبقى له.. ترابيس
والبياعين فى الشوارع بتعلن
عن بلح وياميش
وبياعين الفواكه
والخضار والعيش
والطرشي والعرقسوس
كان لبسهم مخصوص
مميزين لبسهم
وبيلبسوا الطرابيش
ـــــــــــــــ
وبياعين الكنافة
يبنوا فى الافران
بالطين ومتزوقة
بالجير وبالالوان
ومحضرين المرايل
من قماش كتان
وكله كان يبقى جاهز
يوم هلال رمضان
ـــــــــــــــــــــ
رمضان زمان...
كان له زينات
واستعدادات
وماكانش فيه راديو...
ولا اذاعه....
ولا اسطوانات
وما كانش فيه كهربا
ويزينوا الطرقات
وكل حى وله عادات
فيه اللى ينفخ بلونات
والبعض كان ينصب رايات
فوق السطوح والبيبان
والنصبه والدواوير
والعائلات فى القري
كان عندهم دواوير
وكل عيله.. تجيب
مقرئ فقيه وقدير
يقرا لحد السحور
ويرتل القرآن
والعيله لو عندها
مقرئى من المشاهير
مقرئي مجوَّد وعالم
يعرف التفسير
يتلموا أهل البلد
من بعد فرض العشا
والسنه والتراويح
يتجمعوا كلهم
عند الفقى والشيخ
والكل صامت وخاشع
يسمع القرآن
ـــــــــــــــــــــــــــــ
رمضان زمان كان عباده
وحفظ للقرآن
ولاكانش فية البدع
ولا فية خيام رمضان
ولا فيه خراب الذمم
ولا كان لهدم القيم
والرقص عالألحان
ـــــــــــــــــــــــــــــــ
رمضان موحد
أمه كامله بأثرها
بالصوم يجمع شملها
وتوحد الديان
فارد إيديه بالسلام
ويصحصح النايمين ...
رمضان يحب اليتامى
وينصف المساكين
ومن تاريخنا المشرف
حربنا ف رمضان
النصر فيه كان مؤكد
عن ايمان ويقين
ــــــــــــــــــــــــــــــ
رمضان زمان...
كان حس تانى
وشكل تانى وطعم تانى
وله اغانى.. كاملة الالحان
تأليف جميع العيال
بلسان عفيف وفصيح
ولاكان بقلة ادب
ولا فحش اوتجريح
كان صوم صحيح
وأهم شيئ صوم اللسان
ولا فيه مياعه ومسخره
ولا فيه مقاهى أو ملاهى
أو شيش ...
ولا فيه مجون او تعريه
ولا خبط بيصم الودان
ـــــــــــــــــــــــــــــ
الناس زمان كان أكلهم
أو شربهم... من مال حلال
ولا فيه موظف يرتشي
كان يختشي
يفطر على المال الحرام
وكان يخاف من ربنا
ويخاف ما يقبلوش صيام
رمضان زمان
كان النهار كان فيه صيام
والليل ماهوش للتسليه
كان للقيام
ولا فيه فساد
ولا قهر واستبداد
ولا نصب او تزوير
ولا كازينوهات ومسلسلات
معظمها عري ومضيعه
للوقت والتبذير
رمضان زمان قبل الأدان
كان اى واحد م الجيران
لو شاف غريب مع اى جار
يحلف عليهم عالفطار
ويقول لهم الخير كتير
كان الغنى بيحس بشعور الفقير
والوالى مهما يكون كبير
رمضان لابد يذكره
الله أكبر فوق أى كبير
ويفكره ويذكره بشهر الجهاد
جهاد يقوى الإراده
ويحسن التفكير
رمضان يربى النفوس
عالعدل والمساواه
وف آخره فيه الزكاه
مفروضه للتطهير
تطهير لمال الغنى
اسعاد لكل فقير
ـــــــــــــــــ
رمضان زمان
ماكانش سوق للدراما
وحل للفوازير
ــــــــــــــــــــــــــــ
رمضان زمان
كان تزكيه للنفس
والمال الحلال
رمضان يصحى الضمير
تنعم براحة البال
رمضان بيعدل نظام
مهما أنعوج أو مال
رمضان على كل حال
شهر الصلا والصوم
رمضان بيمحى الذنوب
من غير عتاب او لوم
أهم شئ نيتك
والرك عالإخلاص
وتكون مع الناس تمللى
تنصف المظلوم
ـــــــــــــــــ
رمضان زمان ....
كان فية أمان
والبياعين ناس طيبين
مش طماعين ولا غشاشين
ولا يعرفوش غش الميزان
ــــــــــــــــــــــــــــــــ
رمضان صيامه يوحَّد
بين جموع القوم
وأى قرية مؤكد
يبقى فيها خصوم
والكل عارف وواثق
قبل شهر الصوم
فيه ناس كبار فى البلد
تصلح ما بين الناس
لانه شهر التسامح
والصلاه والصوم
رمضان زمان والنهاردة
فرق بين لاتنين
شايفين بعينا السنادى
المسلمين تايهين
شايفين فى فتح وحماس
قواد ومختلفين ...
والمسلمين كلهم
مكفرين بعضهم
شيعى وسنيين
والادهى من دا ودا
القتل باسم الدين
فى شهر رمضان بيقتل
جنودنا والجنود صايمين
وسوريا فيها الدواعش
والشعوب شايفين
تحرق وتدبح وافعالهم
تسيئ للدين
والحوثى خرب اليمن
وجيرانها مش سائلين
وليبيا فيها الدواعش
والجيران نايمين
قولولى يا مسلمين
هوّ احنا رايحين فين؟
قولولى يا مسئولين
هو انتو مش صايمين؟
قولولى مين إللى عارف
فضل شهر الصوم
وعنده رؤيا
يقول الحق ويصارح
يقدر يصالح وينهى
فتنه بين أخين
ونواجه الغرب بالوحده
وايد واحده
وخصوصى ان الصيام
بيوحد الصايمين
ــــــــــــــــــــ
وفى النهاية يا مسئولين
يا كبار شيوخ المسلمين
احموا الشباب م الفتن
ولابد للاعلام
يعرف بان الكلام
والحرب عالاسلام
بدأ بحرب الصيام
ببرامج العولمه م العم سام.
بالذات صيام الشباب
ويضيعوا الصايمين
ـــــــــــــــــــ
خلص الكلام .....
ونفسي أسأل كام سؤال
يا هلترا....
الشهر ده ..
بالشكل دا
مع البرامج والفتن
فى وسائل الإعلام
ممكن يقوى الاراده
ويطرد الاوهام؟!
وفيه صيام مع كل دا
ممكن يربي النفس ...
أو يقبل صيام ؟
وفى الختام ...
عاوزين اجابه يا مسئولين
يا كبار شيوخ المسلمين
من فضلكم
رمضان بيفتح.. باب لكم
وفرصه جاتكوا لحدكم
انهوا الخلاف مع بعضكم
احياكم الله كل عام....
وتقبلوا منى التحيه
وتقبلوا منى السلام !



‗۩‗°¨_‗ـ المصدر:#منتدي_المركز_الدولى ـ‗_¨°‗۩‗








رمضان زمان للشاعر امين  الديب Sigpic12
الرجوع الى أعلى الصفحة اذهب الى الأسفل
 
رمضان زمان للشاعر امين الديب
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة ( البت باتعه ) للشاعر امين الديب
» قصائد صوتية للشاعر امين الديب الجزء الاول والثانى
» كنا زمان اصحاب -- للشاعر احمدعامر - مصر
» رسالة إلى ترامب بقلم الشاعر امين الديب
»  الدين ماعدش يهمهم الشاعر امين الديب

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: مصريات-
انتقل الى: