طريقة تجهيز شنطة الحج للنساء وأهم احتياجاتها

طريقة تجهيز شنطة الحج للنساء وأهم احتياجاتها
​i
رحلة الحج مش بتتكرر كتير في العمر، فلو ربنا قدّر لك ومنّ عليكي، وهتسافري للحج السنة دي، فلازم تتأكدي إنك عاملة حسابك في كل احتياجاتك، لإن أي حاجة بسيطة تنقص، هتفرق معاكي في رحلة الحج كلها، وهتكوني في بلد انتي غريبة عنها، فمش عارفة أماكن شراء أي حاجة. علشان كده، في المقال ده، هنقول لك على الحاجات اللي لازم تحطيها في شنطة السفر وانتي رايحة الحج، وأيًا كانت إقامتك في فندق، أو في بيت، في حاجات ما ينفعش تستغني عنها في حقيبة الحج، ولا تقللي عددها، وهنقول لك على كل احتياجاتك ومستلزمات شنطة الحج للنساء هنا بالتفصيل.


مستلزمات مناسك الحج للنساء

مصحف
كتاب شرح مناسك الحج
كيس صغير لتجميع الجمرات
عباية خفيفة ومريحة جدًا
حذاء طبي ومريح ومش جديد، ويفضل يكون رياضي علشان المشي الكتير.
حجاب قطن ثابت.
لبس قطن مريح تحت العباية.
شراب قطن مريح.
سجادة صلاة
دواء لتأخير الدورة الشهرية
لو مش متاح ليكي غسيل الملابس، في المكان اللي انتي متواجدة فيه، يبقى لازم تاخدي عدد من كل حاجة، علشان تقدري تغيري على طول، وتحافظي على نضافتك الشخصية طول الوقت.


مستلزمات السفر للحج للنساء
شنطة صغيرة كروس عملية، تحطي فيها باسبورك وكل أوراقك وفلوسك.
ملابس مريحة للسفر، ومناسبة للطقس.
موبايل
شاحن موبايل
باور بانك
كمامات.
كحول مطهر.


مستلزمات الإقامة في السعودية
ملابس خروج مناسبة
ملابس للنوم
ملابس داخلية كتير
لبس للصلاة
شبشب للبيت والحمام


مستلزمات النضافة الشخصية في حقيبة الحج للنساء
شامبو وصابون بدون رائحة.
فرشاة شعر ومشط.
فرشاة أسنان ومعجون.
كريم بشرة طبي مرطب دون رائحة.
صن بلوك دون رائحة.
فوط كبيرة وصغيرة
مزيل للعرق بدون رائحة أو شبّة.
وايبس
فوط صحية يومية وعادية.
قصافة ومقص ضوافر


أدوية ضرورية في شنطة الحج للنساء
فيتامين سي الفوار.
مسكن وخافض حرارة.
فازلين وكريم للالتهابات.
كريم مسكن للمفاصل والعضلات.
قطرة غسول للعين وبخاخ غسول للأنف.
لاصق جروح.
مضاد حيوي لالتهاب الحلق.
حبوب للإسهال.
حبوب للحساسية والأنفلونزا ونزلات البرد .
حبوب مطهرة للحلق.
أدوية الأمراض المزمنة (كأدوية الضغط والسكر والربو).


ولو انتي من هواة التصوير، خدي معاكي كاميرا بروفشنال بكل لوازمها.

ودي أشهر 7 أماكن لبيع العبايات في السعودية

وربنا يتقبل منك الحج وصالح الأعمال.