منتدي المركز الدولى


 الست ام حسنى الخياطه قصة حقيقية باللهجة المصرية Ououou11

۩۞۩ منتدي المركز الدولى۩۞۩
ترحب بكم
 الست ام حسنى الخياطه قصة حقيقية باللهجة المصرية 1110
 الست ام حسنى الخياطه قصة حقيقية باللهجة المصرية Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا  الست ام حسنى الخياطه قصة حقيقية باللهجة المصرية 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى


 الست ام حسنى الخياطه قصة حقيقية باللهجة المصرية Ououou11

۩۞۩ منتدي المركز الدولى۩۞۩
ترحب بكم
 الست ام حسنى الخياطه قصة حقيقية باللهجة المصرية 1110
 الست ام حسنى الخياطه قصة حقيقية باللهجة المصرية Emoji-10
عزيزي الزائر / عزيزتي الزائرة يرجي التكرم بتسجبل الدخول
ونحيطكم علما ان هذا المنتدى مجانى من أجلك أنت
فلا تتردد وسارع بالتسجيل و الهدف من إنشاء هذا المنتدى هو تبادل الخبرات والمعرفة المختلفة فى مناحى الحياة
أعوذ بالله من علم لاينفع شارك برد
أو أبتسانه ولاتأخذ ولا تعطى
اللهم أجعل هذا العمل فى ميزان حسناتنا
يوم العرض عليك ، لا إله إلا الله محمد رسول الله.
شكرا لكم جميعا  الست ام حسنى الخياطه قصة حقيقية باللهجة المصرية 61s4t410
۩۞۩ ::ادارة
منتدي المركز الدولى ::۩۞۩
منتدي المركز الدولى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي المركز الدولى،منتدي مختص بتقديم ونشر كل ما هو جديد وهادف لجميع مستخدمي الإنترنت فى كل مكان
 
الرئيسيةأحدث الصورالتسجيلدخول
Awesome Orange 
Sharp Pointer
منتدى المركز الدولى يرحب بكم أجمل الترحيب و يتمنى لك اسعد الاوقات فى هذا الصرح الثقافى

اللهم يا الله إجعلنا لك كما تريد وكن لنا يا الله فوق ما نريد واعنا يارب العالمين ان نفهم مرادك من كل لحظة مرت علينا أو ستمر علينا يا الله

 

  الست ام حسنى الخياطه قصة حقيقية باللهجة المصرية

اذهب الى الأسفل 
كاتب الموضوعرسالة
ايه
مشرفة
مشرفة
ايه


المشرفة الموميزة

شعلة المنتدى

اوفياء المنتدى

وسامالعطاء

عدد المساهمات : 1343
تاريخ التسجيل : 04/11/2010

 الست ام حسنى الخياطه قصة حقيقية باللهجة المصرية Empty
مُساهمةموضوع: الست ام حسنى الخياطه قصة حقيقية باللهجة المصرية    الست ام حسنى الخياطه قصة حقيقية باللهجة المصرية Icon_minitime1الأحد 27 يناير - 12:27



  الست ام حسنى الخياطه قصة حقيقية باللهجة المصرية
  الست ام حسنى الخياطه قصة حقيقية باللهجة المصرية
  الست ام حسنى الخياطه قصة حقيقية باللهجة المصرية
  الست ام حسنى الخياطه قصة حقيقية باللهجة المصرية
 الست ام حسنى الخياطه قصة حقيقية باللهجة المصرية 004510
 الست ام حسنى الخياطه قصة حقيقية باللهجة المصرية 154858478161691

فى حيينا القديم فى محرم بك عرفناها ..

ايوه عرفناها كده .. اسمها ام حسنى الخياطه .. وزى معظم جيلنا .. مكناش بنروح لها الا لما الاعياد تقرب
عشان تفصل لنا البيجامات الكستور .. اللى كنا بنستلم قماشها بكوبون من عمر افندى ..
ويمكن حتى ستات الشارع مش بيزوروها الا ف الموسم ده تقريبا ..

كانت لوحدها بتفصل بيجامات الشارع بتاعنا والشوارع اللى حوالينا .. بنات والاد ..

ومفيش مانع كمان تعمل جلابيتين لامى واختى ..
وعشان كده ماكينه الخياطه بتاعتها كنا نسمعها طول الليل .. عشان تلحق تخلص حاجة الناس ..كان لها اولاد فى سننا تقريبا .. كنا بنلعب معاهم ..
وكننا كلنا شبه بعض ..

لان احوالنا كلنا زى بعض ..
كلننا بنلبس بالكوبون من عمر افندى او شركة بيع المصنوعات ..

ويتصادف ان القماش ينزل تشكيله واحده ..

فكلنا نلبس نفس اللون ونفس الشكل ..

ويمكن كمان نفس تسريحة الشعر وعمل فرق على جنب ..

وف رجلينا صندل من باتا .. نقضى بيه ليلة الوقفه .
وجزمه برضه من باتا ليوم العيد .. كانت الناس بسيطه وطيبه ..

ومكانوش بيبخلوا على بعض بحاجه ..

الى يقدر على حاجه بيعملها ..

كلنا كننا عارفين ظروف بعض ..

كان مثلا لو امى عملت حلة بليله ..
كانت تعملها ف الحله الكبيره ..

لانها عارفه ان الشارع كله هياكل منها ..

وكانت ترجع الاطباق برضه مليانه ..
بانواع مختلفه من الحلويات ..

او حتى اى حاجه مطبوخه ..

العيان كانوا ابهاتنا يلموا نفسهم المغرب يروحوا له ..
ويحطوا له الظرف فيه الفلوس اللى لموها من بعض تحت المخده ..

والعيانه كانت ستات الشارع تروح لها برضه بالظرف ..

واللى تنضف لها الشقه والى تحمى لها عيالها .. والى تطبخ لها ..

كنا مكملين بعض ..

حتى فى دراستنا ..

اللى واقف معاه حاجه يشوف مين المدرس او اللى المدرسه الى ف الشارع يروح له عشان يفهمهاله ..
دكتور وديع رزق الله ..

كان صاحب بيتنا الى ساكنين فيه ..

كان دكتور صيدلى .. اللى كان تعبان كان يروح يسال الدكتور وديع او ابنه دكتور عبد الله ..
ينصحه يروح لدكتور متخصص او لو الامر بسيط يدى له علاج من عنده ..

حتى لما جت الست فاطمه السويسيه دخلت شارعنا مهجره من السويس ..

احتضنتها الست ام حسنى الخياطه , لحد ما رجالة الشارع يوفروا لها السكن ..
والى يقدر يجيب كنبه يجيب ..

اللى يقدر يجيب سرير يجيب ..

اللى يقدر يجيب لها طبليه او ترابيزه يجيب ..
لحد ما كملت شقتها من كله ..

واتدفع لها كمان ايجار الشقه اربع شهور ..
كنت صغير جداا ..
بس كنت باشوف وبالمح وباركز واعرف كل واحد بيعمل ايه ..

حتى عم ابراهيم المكوجى ..

كان ياخد بؤجه الهدوم يكويها ..

وابوك وهو راجع من شغله يحاسبه ..
فيه ماشى ..

مفيش يبقى لما يبقى فيه ..
بس الست ام حسنى كان لها مهمه اكبر شويه من انها تبقى خياطه بس ..
اهالينا زمان اغلبهم مكانوش كملوا تعليمهم او يمكن حتى مدخلوش مدارس ..

وكان الحياء سمه من سمات امهاتنا ..
فكان الى عندها بنت فى سن البلوغ ..

كانت تبعتها للست ام حسنى الخياطه تفهمها ..

وتنصحها ..

وتعرفها يعنى ايه بنت ويعنى ايه شرف ..
وعشان كده مكانوش شايلين هم المصارحه مع بناتهم ..
ومكانش حد فينا يقدر يبص لبنت من الشارع ..

استحاله ..

ومفيش حاجه اسمها بيكلمها عشان عاوز يتجوزها ..
لو عاوز يتجوزها اهله يروحوا يطلبوها ..

كانت الاصول كده ..

وعشان كده كانوا بيعتبروا ان الست ام حسنى هى اللى ربت بنات الشارع الشوارع الى حوالينا ..
فى نظر الكثير انه دور بسيط ..
لكن بالعكس كان دور حيويى وقوى ..

ربى اجيال تعرف العيبه ومتعملهاش ..

شارعنا ف حيينا لم يخرج منه حامل مؤهل متوسط الا نادر ..

كل ولاد شارعنا كلهم مؤهلات عليا ..

بل وحصلوا على درجات الماجيستير والدكتوراه فى مواقع مختلفه ..

وظباط بحريين تجاريين وبحريين عسكريين ..
وظباط داخليه وجيش وقضاه ووكلاء نيابه ...

رغم بساطه اغلب اهالينا فى التعليم ..
رحم الله اجيالا علمت اجيال ..

ان بالحب والتكافل والاخلاق ,,ترقى وترتقى المجتمعات

انتهت
منقول



 الست ام حسنى الخياطه قصة حقيقية باللهجة المصرية 154858478161691














الست ام حسنى الخياطه قصة حقيقية
الست ام حسنى الخياطه قصة حقيقية
الست ام حسنى الخياطه قصة حقيقية
الست ام حسنى الخياطه قصة حقيقية

 الست ام حسنى الخياطه قصة حقيقية باللهجة المصرية 004510

 الست ام حسنى الخياطه قصة حقيقية باللهجة المصرية O_o_oo12

 الست ام حسنى الخياطه قصة حقيقية باللهجة المصرية Y_od10

 الست ام حسنى الخياطه قصة حقيقية باللهجة المصرية Iy_oo_11

الرجوع الى أعلى الصفحة اذهب الى الأسفل
 
الست ام حسنى الخياطه قصة حقيقية باللهجة المصرية
الرجوع الى أعلى الصفحة 
صفحة 1 من اصل 1
 مواضيع مماثلة
-
» الست المصرية بقلم محمد فتحى
» قصيدة وداع باللهجة المصرية
» تعليم النطق للأطفال .. باللهجة المصرية
» تعليم النطق للأطفال .. الماكولات .. باللهجة المصرية
» قائمة بأمثال مصرية شعبية باللهجة المصرية

صلاحيات هذا المنتدى:لاتستطيع الرد على المواضيع في هذا المنتدى
منتدي المركز الدولى :: الادب والشعر والنثر[ Section literary ] :: منتدى -قصص روايات/Stories/ - حكايات - قصة قصيره-
انتقل الى: