ملف شامل وكامل لعمل جميع أنواع المقبلات و الفطائر والمعجنات والمقرمشات والكيكات

ملف شامل وكامل لعمل جميع أنواع
المقبلات و الفطائر والمعجنات والمقرمشات والكيكات
#منتدى_المركز_الدولى 
تشيبسى بالكاتشب 
نوع من أنواع المعجنات الحادقه
المقادير 
٢٥٠ جرام دقيق =١كوب ونصف 
٧٥ جرام ماء=٥معلقه كبيرة 
١٢٥ جرام ذبده =نصف كوب 
٤٠ جرام كاتشب = ٢معلقه كبيرة 
٥جرام ملح =١معلقه صغيره 
الوجه بيضه لتلميع الوجه
طريقه التحضير
نضع في العجان او إناء بلاستك الدقيق والملح ثم بعد ذلك نضع الذبده ثم نضع الماء لتمام العجن بعد العجن تستريح العجينة لمده نصف ساعه فى الثلاجه ثم بعد ذلك نفردها رقيق جدا ثم نضعها فى صاج ونسيبه تستريح العجينة شويه ثم وهى فى الصاج تقطع مربعات ثم نلمع الوجه ببيض ثم بعد ذلك يدخل الفرن على درجة حرارة ١٥٠ درجة مئوية لمده من ١٢ إلى ١٥ دقيقه وتقدم بالف هنا وشفا
مع تحياتي محمد الحلوانى 

بلو تشيز كراكرز
نوع من أنواع المعجنات الحادقه بالجبنة 
المقادير
١٥٠ جرام دقيق =١كوب 
١٠٠ جرام ذبده =نصف كوب 
٧٠ جرام جبنه ريكفورد= ٤معلقه كبيرة 
ربع معلقه صغيرة ملح 
الوجه بيضه لتلميع الوجه
طريقه التحضير نضع في العجان او إناء بلاستك 
نضع الدقيق والذبده والملح و الجبنه ونعجنهم كويس مع بعض ثم بعد ذلك نقطع العجينه على قطعتين 
هنلف كل قطعه من ٢ على شكل اسطونة شكل اسطوانى ثم نضع كل قطعه فى كيس وتدخل الثلاجه لمده ١ ساعه ثم بعد خروجها من الثلاجه نضع كل اسطوانه من العجين فى الفلفل الأحمر الإسبانى بحيث كل اسطوانه تخد كلها فلفل أحمر اسبانى ونلفها كويس فى الفلفل الأحمر الإسبانى ثم بعد ذلك نقطع من بدايه الاسطونه قطع رقيقه على شكل دوائر ثم نلمع الوجه ببيض ثم بعد ذلك يدخل الفرن على درجة حرارة 
من ١٥٠ الى ١٦٠ درجه لمده من ١٥ الى ١٨ دقيقه 
ويقدم بالف هنا وشفا 
مع تحياتي محمد الحلوانى 

دوبر بتوس رقائق الذرة 
نوع من أنواع المعجنات المقرمشات الحادقه
المقادير 
العجينه :-
٣٠٠ جرام دقيق ذرة =١كوب ونصف 
٢٠٠ جرام دقيق ابيض=١كوب وربع
٢ معلقه كبيرة ذبده وزيت 
نصف معلقه صغيرة بيكنج بودر 
نصف معلقه صغيرة ملح 
٢ معلقه كبيرة لبن بودره 
١٨٠ جرام ماء لتمام العجن =١كوب 
نصف معلقه صغيرة خميره 
التتبيله:-
١معلقه كبيرة ثوم بودر
١معلقه كبيرة ببريكا 
ربع معلقه صغيرة جوزه الطيب 
١معلقه كبيرة فلفل ابيض
١معلقه كبيرة بصل بودر 
٢معلقه كبيرة ملح ناعم
النكهات :-
كاتشب - جبنه رومى مبشوره - زيتون مفروم
طريقه التحضير 
نضع فى العجان او إناء بلاستك الدقيق ودقيق الذره والخميره والسكر والبن البوده والبيكنج بودر والملح 
ثم بعد ذلك نضع الذبده والزيت وفى الاخر الماء لتمام العجن بعد العجن نضع على العجينه النكهه المطلوبه 
كاتشب او جبنه او زيتون ثم بعد ذلك نسيب العجينه
تستريح العجينة لمده ١٠ دقائق ثم بعد ذلك نفردها رقيق جدا ثم نقطعها مثلثات صغيره 
طريقه السوه طريقتين قلى او خبيز 
الطريقه الأول تقلى فى الزيت لمده لمده ٥دقائق 
الطريقه الثانية تخبز فى الفرن على درجة حرارة ١٥٠ لمده ١٥دقيقه بنسبه للتتبيله لو هنقلى هنتبل بعد القلى 
لو هنسوى فى الفرن هنتبل قبل دخول الفرن 
وتقدم بالف هنا وشفا 
مع تحياتي محمد الحلوانى 

شيبسى الافران الهش ( كراكرز) 
المقادير 
نصف كيلو دقيق 
100 جرام كاتشب=نصف كوب
٥جرام ملح =١معلقه صغيره 
٢٥٠ جرام ماء =كوب وربع 
٢٠جرام سكر =١معلقه كبيرة 
٥جرام بيكنج بودر =١معلقه صغيره 
٥٠ جرام زبدة =٢معلقه كبيرة 
٢٥ جرام زيت=١معلقه كبيرة 
٢٥ جرام سمنه=١معلقه كبيرة 
ملاحظات هامه جدا جدا العجينه 
نفرد العجينه برشه دقيق ونفرد حتى تكون ورفيعه ونلفها على المردانه وننقلها فى الصاج ونقطعها حسب الرغبه
وكل ما يبقى ارفع كل ما يبقى احلى وكرسبى اكتر.
للحصول علي شيبسي انعم ممكن تضيف زبده او زيت في حدود من ٥٠ الي ١٥٠ جرام للمقدار 
طريقه التحضير 
-فى العجان او إناء بلاستك نضع الدقيق ومعاه كل المقادير و نحط زبده وزيت وسمنه ونعجنهم كويس مع بعض حتى تبقى طريه 
- وبعدين نرش رشه دقيق ونفرد بالمردانه النشابه بحيث تكون رفيعه جدا كل ما تبقى رفيعه كل ما تبقى طعمها احلى 
- ونلفها على المردانه النشابه حتى ننقلها فى الصاج ماتتقطعش ونقطعها حسب الرغبه 
- تدخل الفرن على درجة حرارة 
150 درجه لمده 12 : 15 دقيقه 
وتقدم بالف هنا وشفا
مع تحياتي محمد الحلوانى 

سكونز بريطانى 
نوع ما بين الكيك والبسكوت 
المقادير
٢ بيضه كبيرة 
نصف كيلو دقيق 
١٠٠ جرام سكر =نصف كوب 
١٥٠ جرام ذبده =كوب إلا ربع 
٢٠٠ جرام لبن= ١كوب 
١معلقه صغيره ملح 
٢معلقه كبيرة بيكنج بودر 
١معلقه كبيرة بشر الليمون 
٤معلقه كبيره مكسرات مشكله
طريقه التحضير 
نضع في العجان او إناء بلاستك الدقيق والسكر والذبده 
والملح والبيكنج بودر وبشر الليمون ثم اللبن لتمام العجن ثم فى الاخر المكسرات ونعجنهم كويس ثم بعد العجن تستريح العجينة لمده ١٠ دقائق ثم نفردها بسمك ٢سم ثم نشكلها مربعات ثم بعد ذلك تدخل الفرن على درجة حرارة ١٨٠درجة مئوية لمده من ١٢ إلى ١٥ دقيقه وتقدم بالف هنا وشفا 
مع تحياتي محمد الحلوانى 

خليه النحل 
انواع من أنواع المعجنات الألمانية 
المقادير 
نصف كيلو دقيق 
١معلقه كبيرة خميرة 
٢ معلقه كبيرة لبن بودره 
٢ بيضه كبيره 
١٠٠ جرام ذبده = نصف كوب 
٢ معلقه كبيره سكر
١كوب ماء لتمام العجن 
نصف معلقه صغيرة ملح 
نصف معلقه صغيرة حبهان مطحون
الحشو:
٢٠٠ جرام جبنه موتزريلا =١كوب 
للتزيين 
١معلقه كبيرة سمسم
نصف كوب عسل نحل 
طريقه التحضير نضع في العجان او إناء بلاستك الدقيق والخميره والسكر واللبن البوده والملح ثم بعد ذلك نضع الذبده ثم البيض ثم بعد ذلك نضع الماء لتمام العجن بعد العجن تستريح العجينة لمده ربع ساعه ثم نقطعها قطع صغيرة ونكورها ثم نحشيها بالجبنة الموتزريلا ونضعها فى صنيه واحده جانب واحده على شكل خليه النحل 
ثم بعد ذلك نلمع الوجه ببيض ونرش على الوجه سمسم 
ثم بعد ذلك نسيبه خليه النحل تختمر فى مكان دافئ مغلق لمده نصف ساعه فى الصيف ومن ساعه إلى ساعه ونصف فى الشتاء ونداخل خليه النحل الفرن على ١٨٠ درجه لمدةمن ٢٥ إلى ٣٠ دقيقه ولمه تخرج من الفرن
بعد السوه تخرج من الفرن ساخنه نسقيها عسل نحل 
- ويقدم وبالف هنا وشفا
مع تحياتي محمد الحلوانى 

الكرسينا - البقسماط
المقادير
العجينه
نصف كيلو دقيق
100 جرام زيت ذره=نصف كوب 
25جرام سكر =١معلقه كبيرة 
5 جرام محسن مخبوزات=١معلقه صغيره 
10 جرام خميره=نصف معلقه كبيرة 
10 جرام ملح =١معلقه صغيره 
250 جرام ماء=١كوب وربع 
التزيين
سمسم - حبه البركه
سائل التلميع
1بيضه
5 جم فانيليا=نصف معلقة صغيرة 
5 جم ملح=نصف معلقةصغيرة 
10جم سكر=نصف معلقة كبيره 
100 جرام لبن= نصف كوب 
ملاحظات هامه للبقسماط
أولا لو العجينه أخذت مياه كتير يفرش البقسماط
ثانيا لو العجينه متعجنتش كويس فى الخدمه 
يطلع البقسماط معضم جدا جدا البقسماط
 طريقه التحضير
نضع فى العجان او اناء بلاستك الدقيق وخميرة ومحسن خبز وسكروملح وزيت ونخلطهم مع بعض ونضيف الماء حبه حبه ونخدمها بالايد ونجيب بوله ونرش فيها دقيق ونضع فى العجينه ونغطيها ونسيبها ترتاح ساعه نعملها بلوك ونقطعها اصابع ونلف الاصابع رول
سائل التلميع
فى بوله نضيف بيض وملح وفانيليا وسكرونخفقهم مع بعض ونضيف اللبن ونقلبهم مع بعض ونصفى
نجيب صاج وندهنه زيت ونمسحوا بمناديل مطبخ( علشان ميحرقش البقسماط من القاع)
ونرص الاصابع فى الصاج ونشيل الاحراف الزيادة ونلمعوا بسائل التلميع ونرش عليه سمسم وحبه البركه ونسيبه فى مكان دافى يخمر ساعه 
وندخل الصاج الفرن على 200 درجه لمدة 25 دقيقه
ويقدم وبالف هنا وشفا 
مع تحياتي محمد الحلوانى 

النواشف 
المقادير 
٤٠٠ جرام دقيق =٢ كوب ونصف
٥٠ جرام سكر =٢معلقه كبيرة 
٢٥٠ جرام سمنه نباتى= ١كوب وربع 
١٠٠ جرام لبن=نصف كوب 
٥ جرام خميره =١معلقه صغيره 
٥ جرام ملح= ١معلقه صغيره
طريقه التحضير 
نضع فى العجان او إناء بلاستك الدقيق والخميره والسكر والملح ثم بعد ذلك نضع السمنه ثم بعد ذلك نضع الماء لتمام العجن نعجن حتى تكون عجينه طريه
بعد العجن تستريح العجينة 
نشكل العجينه على شكل رول ونبططه ونحط فيه العجوه او ملبن تشكلها على شكل رول طويل وتلف العجينه على العجوه وبعدين نضغط عليها وتقطيعها ونرصها فى الصاج وتدخل فرن ساخن
لو عملنا المنين محشى ندخله على ١٨٠:١٧٠ درجه
ولو عملنا المنين ساده يدخل على ١٦٠ درجة 
وتقدم بالف هنا وشفا مع تحياتي محمد الحلوانى 

المنين الساده
المقادير 
كيلو دقيق
نصف كيلو سمنه سايحه 
20 جرام خميره = 1معلقه كبيره
5 جرام ملح =1معلقه صغيره
200 جرام ماء او لبن حسب نوع الدقيق =1كوب
80 جرام سكر = 4 معلقه كبيره
طريقه التحضير 
نحط المواد السايله معا وتقليبه وبعدين نحط المواد الجافه
نعجن حتى تكون عجينه طريه
نشكل العجينه على شكل رول ونبططه وبعدين نضغط عليها وتقطيعها وندهن الوجه بيض ونرش على الوجه سمسم او ساده ونرصها فى الصاج وتدخل الفرن على درجه حراره ١٦٠ درجة لمده 25دقيقه 
وتقدم بالف هنا وشفا 
مع تحياتي محمد الحلوانى

فطير الفطاطرى - حلو - وحادق 
المقادير
١ كيلو دقيق 
نصف كيلو ماء 
١معلقه صغيره ملح 
الحشو - الحلو
كريمه - مكسرات مشكله - بسبوسه - كنافه- قشطه كذابه
الحشو - الحادق 
تونه- لحمه مفرومه- طماطم - فلفل- زيتون -جبنه رومى
زيت - لفرد الفطير 
طريقه التحضير 
العجينه
- فى العجان او إناء بلاستك نخلط دقيق وملح ونضيف ماء ونخفقهم مع بعض حتى تجانس الخليط ونلفها رول طويل ونغطيها ونسيبها ترتاح ساعه, ونقطعها على ٦ كرات ونلفهم كرات متساويه ونضعها فى بوله مدهونه زيت وندهن كرات العجين زيت ونغطيها ونسيبها ترتاح نصف ساعه تانى
- على الرخامه مدهونه زيت نفرد العجينه بعد ما ندهنها زيت بايدينا اوبالنشابه(هنعمل 3 كرات كبيرة و3 كرات صغيرين)
- ونجيب الكرات الكبيرة ونفردها ونضع فى الكوره الصغيرة وندهن الفطيرة زيت ونضع الحشو الحلو او الحادق ونقفلها على شكل ظرف, ونجيب صينيه وندهنها زيت ونضع فيها الفطيرة على القفله( لازم نخلى القفله من تحت ) ونسيب الفطيرة ترتاح ربع ساعه ونفردها بايدينا وندهنها ذبده
- وندخل الفطيرة الفرن على من ١٨٠ إلى ١٩٠ درجه لمده من ١٠ إلى ١٢ دقيقه ولمه تخرج نصب عليها شربات ثقيل بارد او سكر بودر فى حاله الفطير الحلو 
اما الحادق ساده بدون ايه اضافه
- وتقدم وبالف هنا وشفا
مع تحياتي محمد الحلوانى 

فطائر العجوه الترسا
المقادير .
نصف كيلو دقيق
1بيضه كبيره
50 جرام ذبده=٢معلقه كبيرة 
35 جرام سكر=٢معلقه كبيرة 
5 جرام ملح= ١معلقه صغيره 
10 جرام خميره=نصف معلقه كبيرة 
225 جرام ماء=١كوب وربع
5 جرام محسن مخبوزات=١معلقه صغيره 
الحشو
عجوه
طريقه التحضير
الحشو 
عجوه طريه - جبنه فيتا
سائل التلميع
بيضه
5 جم سكر(نصف ملعقه صغيره)
5 جم ملح( نصف ملعقه صغيره)
100 مل لبن(نصف كوب)
5 جم فانيليا(نصف ملعقه صغيره)
التزيين
سمسم 
طريقه التحضير
-للعمل سائل التلميع فى بوله نخلط لبن وبيض وسكروفانيليا وملح ونخفقهم مع بعض 
 نضع فى العجان او اناء بلاستك الدقيق والخميرة والمحسن والسكر والملح ونضربهم مع بعض بعد ذلك نضع الذبده ثم البيضه ونضع الماء لتمام العجن ونعجن العجينه كويس لتكون عجينه متماسكه بعد العجن تستريح العجينه لمده 10 دقائق ثم تشكل على هيئه الترسا تقطع العجينة كرات وتفرد فى شكل بيضاوى ثم تضاف حشوة التمر على طرف العجينة بالعرض
تشرط باقى العجينة بالسكية وتلف على الحشوة وتلف فى شكل دائري وبكده تخد شكل الترسا
 -نجيب صاج وندهنه زيت ونرص فى القرص وندهن القرص بسائل التلميع ونرش سمسم او ساده
 -ندخله الفرن على نار متوسطه درجه حراره 180 لمده 20دقيقة ويقدم وبالف هنا وشفا 
مع تحياتي محمد الحلوانى 
  
قرص جبنه - عجوه 
المقادير 
العجينه
نصف كيلو دقيق
نصف كوب سمنه نباتى
ربع كوب زيت نباتى
نصف كوب لبن حليب
1معلقه كبيره سكر 
1معلقه كبيره خميره
نصف معلقه صغيره ملح 
1بيضه كبيره
الحشو 
عجوه طريه - جبنه فيتا
سائل التلميع
1بيضه
5 جم فانيليا=نصف معلقة صغيرة 
5 جم ملح=نصف معلقةصغيرة 
10جم سكر=نصف معلقة كبيره 
100 جرام لبن= نصف كوب 
التزيين
سمسم 
طريقه التحضير
 نضع فى العجان او اناء بلاستك الدقيق والخميرة والسكر والملح ونضربهم مع بعض بعد ذلك نضع الزيت والسمنه والماء ونخلط العجينه كويس لتكون عجينه متماسكه ونغطيها ونضعها فى مكان دافئ لمدة ساعتين على الاقل
 -وبعد ما تخمر نعملها على كل كور صغيرة ونضع فى نصفها قطعه جبنه او عجوة ونقفل عليها 
 -نجيب صاج وندهنه زيت ونرص فى القرص وندهن القرص بسائل التلميع ونرش سمسم او ساده
 -ندخله الفرن على نار متوسطه درجه حراره 180 لمده 20دقيقة ويقدم وبالف هنا وشفا 
مع تحياتي محمد الحلوانى 

الانجليش كيك الصيامى دايت 
المقادير 
٢٠٠ جرام سكر = ١ كوب 
١٠٠ جرام زيت ذره = نصف كوب 
١٠٠ جرام عصير عنب او تفاح =نصف كوب 
٣٠٠ جرام دقيق = ٢كوب
١٠٠ جرام عين جمل او سودانى مجروش = نصف كوب 
١٦ جرام بيكنج بودر = ١ باكو
ربع كيلو بلح رطب او عجوه
٤٠ جرام عسل اسود = ٢معلقه كبيرة 
١٠ جرام قرفه ناعمه = ١معلقه كبيرة 
ربع معلقه صغيرة ملح 
طريقه التحضير نضع فى الخلاط الكهربائي او إناء بلاستك الزيت والسكر والعصير والعسل الأسود 
ثم بعد ذلك نضع الدقيق والبيكنج بودر والملح وعين الجمل أو الفول السوداني و القرفه والبلح أو العجوه 
ثم بعد العجن يصب الخليط فى فورمه الانجليش كيك ندهنها بزيت ثم نضع فيها العجينه ويدخل الفرن على درجة حرارة ١٨٠ درجة مئوية لمده من ٣٠ إلى ٣٥دقيقه 
ويتقدم بالف هنا وشفا
مع تحياتي محمد الحلوانى 

كيك شيكولاته الصيامى دايت 
المقادير 
300 جرام سكر=١كوب ونصف 
400 جرام عصير برتقال =٢كوب
25 جرام زيت ذره=١معلقه كبيرة 
معلقه صغيره خل ابيض
375 جرام دقيق=٢كوب ونصف
25 جرام كاكاو=١معلقه كبيرة 
8 جرام بيكنج بودر=نصف باكو 
75 جرام فول سودانى =٤معلقه كبيرة 
رشه ملح 
طريقه التحضير 
لعمل الكيكه
- فى المضرب او الخلاط نخفق العصير وسكروالخل ونخفقهم مع بعض لحد ما السكر يدوب خالص ونضيف زيت ونخفقهم مع بعض. وفى بوله نخلط دقيق وملح وبيكينج بودر وكاكاو وفول سودانى ونقلبهم مع بعض ونضيفهم على الخليط السابق ونخفقهم مع بعض حتى تجانس الخليط
- ونجيب فورمه وندهنها زيت ونبطنها دقيق ونصب فيها الكيكه
- وندخل الصينيه الفرن على180 درجه لمدة25 دقيقه ونسيبها تبرد وتقدم وبالف هنا وشفا 
مع تحياتي محمد الحلوانى

الباباه
المقادير 
٣ بيضات 
١ معلقه كبيرة ونصف سكر 
١٢٠ جرام لبن= نصف كوب ومعلقه كبير
١٠ جرام خميره = نصف معلقه كبيره 
٢٥٠ جرام دقيق=١كوب ونصف 
٧٥ جرام ذبده سايحه= ٣معلقه كبيره 
الشربات
٤٠٠ جرام سكر = ٢كوب 
٥٠٠ جرام ماء=٢ كوب ونصف 
١عصير برتقاله 
١ بشر برتقاله
١عود قرفه خشب
زره فانيليا 
٢معلقه كبيرة عسل جلوكوز
الكريم شانتيه
٢٠٠ جرام كريمه شانتيه=1كوب
٤٠٠ جرام ماء مثلج=2كوب 
   الفاكهه
ربع كيلو فراوله او ايه نوع فاكهه
2 كيوى
  التلميع
١٥٠ جرام مربى مشمش=4/3كوب
٢٥ جرام ماء ساخن=1معلقه كبيرة 
طريقه التحضير 
نضرب البيض ثم اللبن مع السكر ثم الخميره ثم الدقيق ثم بعد ذلك نضع فى الاخر الذبده السايحه
ونخفقهم مع بعض حتى تجانس الخليط نلات أثناء العجن لازم تكون العجينه عامله زى الاستيك 
ثم بعد ذلك نترك العجينه لمده ساعه ثم بعد ذلك 
نجيب فورمه وندهنها سمن ونصب فى العجينه
ونضع فى كل فرمه قطعه صغيره من العجينه 
ونضعها فى مكان دافى لمدة ساعه تخمر لازم يتضاعف حجمها وندخل الباباز الفرن على 180 درجه لمدة ٢٥الى ٣٠ دقيقه ثم بعد خروجها من الفرن نسيبه يبرد
لعمل الشربات
فى اناء على النار ندوب سكر فى ماء وعسل جلوكوز ونضيف قرفه وشرائح برتقال وعصير البرتقال وفانيليا ونسيبهم يغلوا شويه ونصفى
ونجيب الباباز ونشيل الجزء اللى من تحت ونغمره فى الشربات لازم يشرب شربات كتير اوى وعلى النار
لمده ١٢ دقيقه ثم بعد ذلك نصفى ونحشى كريمه وفاكهه
لعمل الكريمه شانتيه
فى الميكسر نخفق كريمه شانتيه مع ماء مثلج ونخفقهم مع بعض حتى يتضاعف حجمه ونضيف 
ونجيب الباباز ونزينه بكريمه ا ونرص عليها شرائح فراوله وكيوى او ايه نوع فاكهه
فى اناء على النار ندوب مربى مشمش فى ماء ساخن ياخد غلاوة ونصفى ونلمع بى الفاكهه
ويقدم بالف هنا وشفا 
مع تحياتي محمد الحلوانى 

الفراوله المثلجه بالزبادى
المقادير 
نصف كيلو فراوله طازجه 
٣ علبه زبادى كامل الدسم 
نصف كوب كريمه مضروبه 
٣ معلقه كبيرة عسل نحل 
١معلقه كبيرة جيلاتينه بودر
٣معلقه كبيره ماء لجيلاتينه 
٢كوب جوز هند محمص 
١كوب مكسرات محمصه 
طريقه التحضير 
نضرب الزبادى مع الكريمه مع العسل ثم بعد ذلك نضع الجيلاتينه المذوبه في الماء ثم بعد ذلك يكون خليط 
الزبادى جاهز للااستخدام بعد ذلك نحضر الفراوله ونضع فى كل حبه فراوله خله ونغرسها في الخليط وتدخل الثلاجه تاخد تبريد شويه ثم بعد ذلك نغرسها فى جوز الهند او المكسرات تدخل الثلاجه وتقدم بالف هنا وشفا مع تحياتي محمد الحلوانى 

اللافاج
المقادير
نصف كيلو دقيق 
٥ جرام محسن مخبوزات =١معلقه صغيره 
١٠ جرام ملح =١معلقه صغيره 
١٠٠ جرام ذبده =نصف كوب 
٢٥ جرام سكر =١معلقه كبيرة 
٢٠٠ جرام ماء = ١كوب 
التوبينج على الوجه اختيارات 
١٠٠ جرام سمسم محمص = نصف كوب 
١٠٠ جرام حبه البركه=نصف كوب 
١٠٠ جرام جبنه رومى مبشوره =نصف كوب 
٥٠جرام شطه = ٢معلقه كبيرة 
٥٠ جرام زعفران =٢معلقه كبيرة 
سائل التلميع
بيضه
5 جم سكر(نصف ملعقه صغيره)
5 جم ملح( نصف ملعقه صغيره)
100 مل لبن(نصف كوب)
5 جم فانيليا(نصف ملعقه صغيره)
التوبينج مع تقديم اللافاج اختياري 
٢٠٠ جرام جبنه ريكفورد=١كوب
٥٠ جرام زبادى=٢معلقه كبيرة 
٥٠ جرام ساور كريم - القشطه الحامضيه=٢معلقه كبيره
ملاحظات هامه جدا جدا العجينه 
لو عايزين العجينه حمراء نضع ٥٠ جرام صلصه=٢معلقه 
طريقه التحضير 
-للعمل سائل التلميع فى بوله نخلط لبن وبيض وسكروفانيليا وملح ونخفقهم مع بعض 
- للعمل التوبينج فى بوله نخلط جبنه ريكفورد و ذبادى وساور كريم - القشطه الحامضيه ونخفقهم مع بعض
- للعمل العجينه فى العجان او إناء بلاستك نخلط دقيق ومحسن خبز وملح والسكر والذبده ونخلطهم مع بعض ونضيف الماء حبه حبه حتى تجانس الخليط ونسيبها ترتاح فى الثلاجه لمده ٢ ساعتين 
- ثم نفرد العجينه بماكنه المخروطة بسمك ربع سم
رقيق جدا ثم نقطعها مثلثات ثم ندهن الوجه بسائل التلميع ونرش عليها حبه البركه او سمسم او جبنه رومى مبشوره او زعفران او شطه
-وفى صاج مدهون زيت نرص الافاج ونسيبها ترتاح حبه
- وندخله الفرن على 200 درجه لمدة 25 دقيقه
ويقدم مع التوبينج اختيارى العجينه الحمره تاخد صلصة ساده -ويقدم وبالف هنا وشفا
مع تحياتي محمد الحلوانى 

مارجريتا اسبونج
المقادير
المارينج 
100 جرام سكر=نصف كوب
3 ابيض بيض
ربع معلقه صغيره ملح 
ربع معلقه صغيره فانيليا 
الكيك 
100 جرام سكر =نصف كوب
150 جرام ذبده بدرجه حراره المطبخ=كوب الاربع
3 أصفر بيض
ربع معلقه صغيره فانيليا 
100 جرام لبن =نصف كوب 
150 جرام دقيق=١كوب 
75 جرام نشا=نصف كوب
التزيين 
فراوله - كريم شانتيه - عين الجمل او فول سودانى
تفاح بكراميل او عسل ابيض - شيكولاته 
طريقه التحضير 
أولا المارينج
  نضرب الأبيض بيض مع السكر مع الفانيليا 
مع الملح وبعد مايعمل مارينج خفيف 
ثانيا الكيك
نضرب الأصفر بيض مع السكر مع اللبن مع الذبده ثم بعد ذلك نضع الدقيق والنشا ثم بعد ذلك نضيف حبه حبه من المارينج على خليط الكيك مع الضرب المستمر لحد مايخلص خليط المارينج ونخفقهم مع بعض حتى تجانس الخليط - ونجيب صنيه وندهنها زيت ونرش فيها دقيق ونصب الكيك - ندخل الكيك الفرن على 180 درجه لمدة ٢٠ دقيقه ونسيبها تبرد خالص ونقطعها على ٢ ديساك
لعمل الكريمه
- فى الميكسرنضع كريمه شانتيه مع ماء مثلج ونخفقهم مع بعض حتى يتضاعف حجمه
 ونضع الكريمه المخفوقه فى كيس حلوانى
لعمل التورته 
- نجيب قالب الكيك ونضع فى ديسك نضع طبقه من الكريم شانتيه ثم نرش عليه فراوله قطع ثم نضع طبقه من يسك الكيك نضع طبقه من الكريم شانتيه ثم نضع اخر طبقه من الكريم شانتيه فى الجانب وندخلها الثلاجه تجمد لمدة ساعه, ولمه تجمد نزينها بشيكولاته مبشورة من الجانب ونزينها بكريم شانتيه من فوق من الحرف ونرص عليها فرواله وتفاح مكرمل ونضع فى نصفها شيكولاته مبشورة وفروله وعين جمل او فول سودانى وتقدم وبالف هنا وشفا
مع تحياتي محمد الحلوانى 

طريقة عمل العجوة 
الطريقة سهلة جدا ولاتحتاج اي وقت ولا مجهود و بكدة نستفيد من التمر او البلح اللي عندنا
ونستخدمها في حشو المعجنات
وممكن نحط فيها مكسرات و هاتكون حشوة ممتازة و تشرفك قدام اي ضيوف
و الطريقة كالتالي
هانجيب التمر و يكون نوع كويس ونشيل منه النوا بتاعه و نجيب حله نحطها على النار و نحط فيها معلقه سمنه بلديثم نضع التمر عليها بعد ما تسيح 
ثم نشيله من على النار علشان مش يتحرق ونقلبه كويس لغايه مايمتزج مع بعضه ثم نعجنه بادينا بعد ما يهدى هنلاقي نعم واصبح لين جدا هنفردوا مثل الواح العجوه الجاهزه ونغلفه ونحطه في التلاجه وبكدة اصبح عندنا احلى وانضف عجوه من صنع ايدينا
ونقلب باستمرار علشان التمر يسيح ومش بياخد وقت تقريبا من 8 دقايق الي 10 دقايق حتي يلين
ويقدم بالف هنا وشفا 
مع تحياتي محمد الحلوانى 

بسكوت التوفى الشيكولاته 
المقادير
١كوب دقيق 
١كوب جوز هند 
١كوب سكر 
٣/٤كوب ذبده بدرجه حراره الغرفه
صوص التوفى
١علبه لبن محلى مكثف
نصف معلقه صغيرة ذبده 
٢معلقه كبيرة شربات تقيل 
صوص الشيكولاته 
١كوب ونصف شيكولاته دارك قطع
٢معلقه صغيره زيت ذره
الديكور او التزيين 
شيكولاته بيضاء لديكريشن نعمل بيها خطوط 
طريقه التحضير 
أولا البسكوت: نضرب الذبده مع السكر ثم الدقيق مع جوز الهند ثم بعد ذلك نصب الخليط في صاج به ورقه ذبده ويكون مربع ثم يدخل الفرن على درجة حرارة ١٨٠درجة مئوية لمده من ١٥ إلى ٢٠ دقيقه 
ثانيا:- بعد خروج البسكوت من الفرن نحضر التوفى 
نضع على حمام ماء علبه اللبن المكثف والذبده والشربات التقيل مع التقليب المستمر على النار لحد مايخد ألوان الأصفر ثم بعد ذلك نصبه على البسكوت ثم يدخل الثلاجه يتجمد ثم بعد ذلك يخرج من الثلاجه 
ثالثا : نحضر الشيكولاته الدراك مع الزيت على حمام ماء 
مع التقليب المستمر على النار لحد ماتسيح الشيكولاته 
ثم نضيفها على التوفى ثم بعد ذلك نسيح الشيكولانه 
البيضاء ثم نعمل بيها خطوط على الشيكولاته الدراك
مربعات أو دوائر على الوجه ويتقطع ويقدم بالف هنا وشفا مع تحياتي محمد الحلوانى 

كيك البرتقال والكاسترد 
المقادير 
الكيك 
٤ بيضات
٤/٣ كوب سكر
١كوب دقيق 
١معلقه صغيره بيكنج بودر 
٦٠ جرام ذبده سايحه = ٣معلقه كبيرة 
الديكور او التزيين
٤ عدد برتقاله اسيلايز باقشره 
٤كوب ماء 
٢كوب سكر
الكاسترد
2\1 لتر لبن
150 جم سكر=4/3كوب
3 اصفر بيض
باكو فانيليا
25 جم كاسترد بودر=1معلقه كبيره
طريقه التحضير 
الخطوة الأولى: الكيك
نضرب البيض والسكر ثم بعد ذلك نضع الدقيق والبيكنج بودر ثم بعد ذلك الآخر خالص نضع السمنه أو الذبده السايحه ثم يصب الخليط فى صنيه ويدخل الفرن على درجة حرارة ١٨٠درجة مئوية لمده ٢٠ دقيقه 
الخطوه الثانيه : نضع الماء والسكر والبرتقال السلايز 
لحد مايسكر البرتقال
الخطوه الثالثه: الكاسترد
فى اناء على النار نغلى لبن وفى بوله ندوب اصفر بيض وكاسترد بودر وسكر وفانيليا ونقلبهم مع بعض ونضيفهم على اللبن حبه حبه حتى الحصول على القوام المطلوب ونسيبه يبرد خالص
الخطوه الرابعه: التزيين 
نحضر صنيه ونضع فى الصنيه من تحت دوائر البرتقال
ثم نضع الكيك ونسقى شربات ثم نضع فوق الكيك 
الكاسترد وتدخل الثلاجه ثم بعد التجميد نقلبها وتقدم بالف هنا وشفا
#منتدى_المركز_الدولى