ملف شامل وكامل لعمل جميع انواع المخبوزات حول العالم

ملف شامل وكامل لعمل جميع انواع المخبوزات حول العالم


ملف شامل وكامل لعمل جميع انواع المخبوزات حول العالم

🟩باجيت برايد - فرنش باجيت
العيش الفرنساوى مقاس ٦٠سم

المقادير

مقادير البوليش للعيش الفرنساوى
نصف كيلو دقيق
نصف كيلو ماء
١٠ جرام خميره =نصف معلقه كبيرة
مقادير العيش الفرنساوى
٥٠٠ جرام بوليش =٢كوب ونصف
٨٠٠ جرام دقيق =٥كوب
٤٥٠ جرام ماء=٢كوب ونصف
٢٥ جرام ملح =١معلقه كبيرة
٨ جرام خميره=نصف معلقه كبيرة
٤٠جرام سكر =٢معلقه كبيره
٤٠جرام سمنه او ذبده او زيت=٢معلقه كبيرة
٥جرام محسن مخبوزات =١معلقه صغيره

ملاحظات هامه جدا جدا
العجينه
وزن رغيف العيش الفرنساوى ٣٥٠ جرام
طول رغيف العيش الفرنساوى ٦٠ سم
وزن الرغيف الصغير ١٢٥ الطول ٣٠ سم
العيش الفرنساوى يستخدم فى حشوات
الكبده - اللحوم - الفراخ - أي انواع حشو أخرى
العيش قبل دخوله الفرن بيتفتح من فوق بسكينه
طريقه التحضير
طريقه عمل البوليش
نضع الدقيق والخميره فى العجان او إناء بلاستك ثم الماء ونعجنهم ونغطى العجينه ونسيبها تختمر وتكون جاهزه عجينه البوليش فى استخدام العيش الفرنساوى

🟩طريقه عمل العيش الفرنساوى

نضع كل مكونات العجينة فى العجانه ا ماعدا الماء ونخلط على سرعة منخفضة ثم نزيد السرعة ونضيف الماء بالتدريج ونعجن حتى تتكون لدينا عجينة غير ملتصقة مطاطة نرش قليلا من الدقيق على سطح الكاونتر الرخامه ونعجن العجينة باليد 5 دقائق ثم نكورها ونغطيها فى بولة ونتركها لمدة ساعتين حتى يتضاعف حجمها ٤. نعجن العجينة المختمرة قليلا ثم نقطعها الى 5 كرات متساوية تكون الوزن من ٣٥٠الى ١٢٥ تقريبا نفرد الكرات على شكل رول طويل بقطر 3 سنتميتر تقريبا وطول 35 إلى ٦٠ سنتميتر ثم نضع الارغفة على ورقة زبدة فى صينية الفرن بالسكين نعمل شرحات عرضية على سطح الارغفى على مسافات متباعدة وندهت وجه الارغفة بالماء المملح ونرش عليها السمسم ونتركها تخمر مرة ثانية لمدة ساعة ندخل الصينية الفرن المحمى على 220 درجة مئوية لمدة 25 دقيقة على الرف السفلي مع اخراج الارغفة بعد 10 دقائق ورشها بالماء المملح واعادتها للفرن ثم نخرجها عندما تتحمر وتنضج
- ويقدم وبالف هنا وشفا

سافت باجيت - softbag
العيش الإيطالي سافت - العيش الطرى - من المعجنات
المقادير .
كيلو دقيق
٣٠جرام خميره =معلقه كبيرة ونصف
٦٠ جرام سكر=٣ معلقه كبيرة
١٠ جرام ملح =١معلقه صغيره
٤٠ جرام ذبده=٢معلقه كبيرة
٥ جرام محسن مخبوزات =١معلقه صغيره
٤٠ جرام لبن بودره =٢معلقه كبيرة
٥٥٠ جرام ماء =٢كوب ونصف
(سائل التلميع)
بيضه
100 مل لبن(نصف كوب)
5 جم ملح(نصف ملعقه صغيرة)
5 جم فانيليا(نصف ملعقه صغيرة)
5 جم سكر (نصف ملعقه صغيرة)
ملاحظات هامه جدا جدا العجينه ومعلومات تهمك
هذه العجينه تستخدم فى عمل الفينا
وهو الفينو ويكون وزن القطعه ١٠٠ جرام
والتوست الطرى بيتسوى فى قالب التوست ويكون وزن القطعه فى القالب من ٣٥٠ جرام إلى ٣٠٠ جرام
وتسوى على درجة حرارة ١٩٠ درجة لمده ٢٥ دقيقه
هذه العجينه نوع من أنواع المعجنات الإيطالية
هو الفينا برجر برايد سافت العيش الطرى ويكون وزن البرجر هو ٥٠ جرام بعد العجن تستريح العجينة لمده ٢٠ دقيقه وبعد التشكيل يختمر لمده ساعه ويدخل الفرن
طريقه التحضير
فى الميكسر نخلط دقيق وخميرة ومحسن خبز او خل وسكر ولبن بودره وزبدة ونخفقهم مع بعض ونضيف ماء حبه حبه حتى تجانس الخليط ونضيف ملح ونخفقهم مع بعض حتى تجانس الخليط ونضعها فى بوله ونغطيها ونسيبها فى مكان دافئ تخمر لمدة ٢٠دقيقه , ونخدمها بايدينا ونقطعها كرات ونشكلها اصابع فينو او الفينا او خبز برجر او توست(بس لازم نضغط عليها بكف ايدينا ونلفه رول)
- ونجيب صاج ونرش فى دقيق ونرص الفينو او الفينا او خبز برجر او التوست فى فرمه التوست ونغطى بكيس بلاسيتك ونسيبه يخمر لمدة ساعه
- فى بوله نخلط اصفر بيض وسكروفانيليا وملح وقهوه ولبن ونخفقهم مع بعض ونضعها فى بخاجه ونرش منها على الفينو او الفينا او خبز البرجرونرش عليه سمسم او حبه البركه
- وندخل الصاج الفرن على180 درجه لمدة 25 دقيقه
- ويقدم وبالف هنا وشفا

عيش النمر
تايجر برايد - tiger bread
المقادير.
نصف كيلو دقيق
٢٥٠جرام ماء
١معلقه كبيرة سكر
١معلقه صغيره ملح
١معلقه كبيرة خميرة
١معلقه كبيرة زيت
خلطه التايجر
٤/٣ كوب لبن
١معلقه كبيرة ونصف دقيق الذره
١معلقه كبيره ونصف دقيق الرز
١معلقه كبيرة زيت
طريقه التحضير
طريقه عمل خلطه التايجر
نضرب اللبن ودقيق الذره و ودقيق الأرز وزيت مع بعض ثم بعد ذلك نسيبها تستريح لمده ١٠ دقايق وتكون جاهزه لتلميع ودهن الوجه من فوق للعيش
طريقه عمل عجينه العيش
نضع في العجان او إناء بلاستك الدقيق والخميره والسكر والملح ثم بعد ذلك نضع الماء لتمام العجن وفى إلاخر نضع الزيت ثم بعد العجن تستريح العجينة لمده ١٥ دقيقه وبعد كده نشكلها مثل عيش الباجيت الفرنساوى ثم بعد ذلك ندهن الوجه بخلطه التايجر
المستريحه من قبل وبعد ذلك نسيب العيش يختمر حولى ساعه ثم يدخل الفرن على درجة حرارة ١٨٠ درجة مئوية لمده ٣٠ دقيقه
- ويقدم وبالف هنا وشفا

الفوكاشيا برايد
نوع ايطالى مثل البيتزا
المقادير
كيلو دقيق
٢٠ جرام خميره =١معلقه كبيرة
٢٠ جرام ملح =١معلقه كبيرة
١٠٠ جرام زيت زيتون = نصف كوب
٥٠ جرام زعتر ناشف=٢معلقه كبيرة
٥٠ جرام زيتون اسود مخلى=ريع كوب
٥٠ جرام زيتون اخضر مخلى=ربع كوب
٢٥ جرام سماق=١ معلقه كبيرة
٢٥جرام سكر=1معلقه كبيرة
٥٠ جرام جبنه رومى مبشوره=ربع كوب
٥ جرام محسن خبز او خل=1معلقه صغيرة
٢٠٠ جرام بصل مبشور=١كوب
٥٠ جرام طماطم دراى ناشفه مجفف= ربع كوب
نصف كيلو ماء
(الوجه)
٢٥ جرام ثوم شرائح=١معلقه كبيرة
١٠٠ جرام زيت=نصف كوب
٢٠ جرام زعتر =١معلقه كبيرة
طريقه التحضير
-فى الميكسر نضع دقيق وخميرة وسكروملح وسماق وزعترونخفقهم مع بعض ثم نضيف زيتون اسود واحمرونضيف زيت وطماطم مجففه وجبنه رومى وبصل مقلى ونخفقهم مع بعض
- ونضيف ماء مدوب فى صلصه ونضيفها حبه حبه حتى نحصل على عجينه متماسكه طريه يسهل تشكيلها والا تلزق بايد ( فى بوله نخلط بصل وثوم وزعتر)
- ونجيب صاج مدهون زيت ونضع فى العجينه ونفردها فى الصاج وننغزها بالايد وندهنها باثوم وزيت وزعترونغطيها بكيس بلاسيتك ونضعها فى مكان دافئ تخمر لمده ساعه وبعد ساعه تنغزتانى بالايد
- وندخل الصاج الفرن على 180 درجه لمدة 25 دقيقه
- ويقدم وبالف هنا وشفا



الشباتا برايد
نواع من أنواع المعجنات الايطالية
المقادير
١كيلو دقيق
٥٠ جرام خميره =٢معلقه كبيرة
١٢٥ جرام ماء=نصف كوب ومعلقتين كبيره
٢٥ جرام سكر=١معلقه كبيرة
٥ جرام محسن مخبوزات =١معلقه صغيره
٤٠٠ جرام زيت زيتون =٢كوب
٢٠ جرام زعتر ناشف =١معلقه كبيرة
٢٠ جرام روزمالى=١معلقه كبيرة
طريقه التحضير
-فى العجان او إناء بلاستك نضع دقيق وخميرة وسكروملح و محسن وروزمالى وزعترونخفقهم مع بعض ثم نضيف الزيت ونخفقهم مع بعض
- ونضيف ماء ونضيفها حبه حبه حتى نحصل على عجينه متماسكه طريه يسهل تشكيلها والا تلزق بايد
بعد كده نضع في صنيه زيت زيتون كتير ويضع فيها العجين لمده ٦ساعات ويكون فى صنيه واسعه ثم بعد ذلك نقطع العجينه مربعات او مستطيلات
- ونجيب صاج فى دقيق ونضع فى القطع فى الصاج ونغطيها بكيس بلاسيتك ونضعها فى مكان دافئ تخمر لمده ساعه وبعد ساعه
- وندخل الصاج الفرن على 180 درجه لمدة 25 دقيقه
- ويقدم وبالف هنا وشفا
مع تحياتي محمد الحلوانى

عيش النانا برايد
نوع من أنواع المعجنات
المقادير
نصف كيلو دقيق
٥ جرام ملح =١معلقه صغيره
٧جرام خميره=نصف معلقه كبيرة
٧٥ جرام زبادى=١علبه زبادى
٢٠٠ جرام ماء=١كوب
١٥ جرام سمنه سايحه =١معلقه كبيرة
٤٥ جرام سمنه سايحه لدهن الوجه =٣معلقه كبيرة
طريقه التحضير
نضع في العجان او إناء بلاستك الدقيق والخميره والملح ثم بعد ذلك نضع السمنه ثم بعد ذلك الزبادى
وفى الاخر نضع الماء لتمام العجن بعد العجن تستريح العجينة لمده ساعه وبعد ساعه نفرد العجينة مثل عيش
البلدى الكبير مثل حجم رغيف العيش البلدى الكبير
ونسيبه لمده ساعه يختمر ثم بعد ذلك ندهن الوجه بالسمنه السايحه الباردة وبعد ذلك يدخل الفرن على درجة حرارة ٢٠٠درجة لمده ٥دقايق وبعد كده يتبصم العيش على الجرل او نكمل السوه فى الفرن من فوق ومن تحت لحد مايحمر ويقدم
- ويقدم وبالف هنا وشفا



البانتونى
نوع من أنواع البريوش
المقادير :
نصف كيلو دقيق
١٠ جرام خميره =نصف معلقه كبيرة
١٠ جرام ملح =نصف معلقه كبيرة
٥٠ جرام سكر =٢معلقه كبيرة
٢٥٠ جرام ذبده =١كوب وربع
٨٠ جرام ماء=نصف كوب
٧٥ جرام زبيب او مكسرات او فواكه مجففه=ربع كوب
٣ جرام محسن مخبوزات =١معلقه صغيره
٥٠ جرام لبن بودره =٢معلقه كبيرة
٢بيضه
٥٠ جرام قشر برتقال=٢معلقه كبيرة
طريقه التحضير
نضع في العجان او إناء بلاستك الدقيق والخميره والسكر والبن البوده والمحسن ثم بعد ذلك نضع الذبده ثم البيض تقشر البرتقال ثم بعد ذلك الماء زبيب و مكسرات و فواكه مجففه ثم بعد العجن تستريح العجينة ٥دقائق ونضع العجينه فى علبه سمنه فاضيه ٢كيلو ووزن العجينه فى علبه السمنه من ٥٥٠ جرام إلى ٦٠٠ جرام فى العلبه تختمر لمده ساعه ونصف وبعد الخمر تدخل الفرن على درجة حرارة ١٨٠ درجة مئوية لمده من ٣٠ إلى ٣٥ دقيقه
- ويقدم وبالف هنا وشفا



تشيز بريد - عيش الجبنه
المقادير
العجينه
نصف كيلو دقيق
١٥ جرام خميره =١معلقه كبيرة
٥ جرام محسن مخبوزات =١معلقه صغيره
٢٠ جرام سكر =١معلقه كبيرة
١٠ جرام ملح =١معلقه صغيره
٢٠ جرام بصل بودر=١معلقه كبيرة
١٠٠ جرام جبنه رومى مبشوره =نصف كوب
١٥٠ جرام لبن=كوب إلا ربع
١٠٠ جرام ذبده طريه او سمنه=نصف كوب
الحشو
١٠٠ جرام ذبده لينه =نصف كوب
٢٠ جرام بصل بودر =١معلقه كبيرة
٥٠ جبنه رومى مبشوره =٢معلقه كبيرة
٢٠ جرام ريحان مفروم =١معلقه كبيرة
سائل التلميع
بيضه
5 جم سكر(نصف ملعقه صغيره)
5 جم ملح( نصف ملعقه صغيره)
100 مل لبن(نصف كوب)
5 جم فانيليا(نصف ملعقه صغيره)

طريقه التحضير

للعمل سائل التلميع فى بوله نخلط لبن وبيض وسكروفانيليا وملح ونخفقهم مع بعض ,
- فى العجان او إناء بلاستك نضيف دقيق وخميرة ومحسن خبز وسكر وبصل بودر وجبنه رومى ونخفقهم مع بعض ونضيف زبدة ونخفقهم مع بعض ونضيف اللبن حبه حبه حتى تجانس الخليط ونضيف ملح ونخفقهم مع بعض حتى الحصول على عجينه سهله طريه يسهل تشكلها ونضعها فى بوله بعد العجن توضع فى كيس وندخلها الثلاجه لمدة نصف ساعة ترتاح
- على الرخامه نرش دقيق ونفرد العجينه بالنشابه بسمك متوسط ونشيل منها الدقيق خالص ونفردعليها زبدة كلها ماعدا الحروف,ونرش عليها البصل البودر و الجبنه الرومى والريحان
ونلفها رول ونضغط عليها واحنا بنلفها ونقطعها
- ونجيب فرم الكب كيك وندهنها زبدة ونرص فى شرائح العيش كل قطعه فى فرمه الكب كيك ونضغط عليها من فوق بسيط ( ولازم نخلى القفله من تحت)
ثم بعد ذلك نلمع العيش بسائل التلميع
ونسيبها تخمر فى مكان دافئ لمدة ساعه
- ندخل العيش الفرن على ٢٢٠ درجه لمدة 25 دقيقه
- ويقدم وبالف هنا وشفا

البيتا بريد
نوع من أنواع العيش الشامى
المقادير
نصف كيلو دقيق
20 جرام خميره=١معلقه كبيرة
20 جرام سكر =١معلقه كبيرة
20 جرام زيت =١معلقه كبيرة
250 جرام ماء =١كوب وربع
5 جرام ملح = ١معلقه صغيره
ملاحظات هامه جدا جدا لعجينه ومعلومات العجينه
وزن القطعه من العيش ٤٠ جرام الى ١٠٠ جرام
طريقه التحضير
1-فى العجان او إناء بلاستك نضيف دقيق وخميرة وملح وسكر نخفقهم مع بعض ونضيف زيت وماء ونخفقهم مع بعض حتى الحصول على عجينه طريه سهله الفرد
2- ونلفها رول ونقطعها على 5 قطع ونضعها فى بوله فيها رشه دقيق ونغطيها ونسيبها تستريح
3-وعلى الرخامه نرش دقيق ونفرد الخبز طولى وعرضى و يكون خفيف زى ورقه الزبدة
4- ونجيب صاج ونضع فى الخبز وندخله الفرن على 250 درجه لمدة من ٧ إلى ٨ دقيقه
- ويقدم وبالف هنا وشفا

ميلكى بريد الفينو الكبير
المقادير
نصف كيلو دقيق
٤٠ جرام سكر =٢معلقه كبيرة
١٠ جرام ملح =نصف معلقه كبيرة
١٠٠ جرام ذبده =نصف كوب
٥٠ جرام لبن بودره =٢معلقه كبيرة
١٠ جرام خميره =نصف معلقه كبيرة
٥ جرام محسن مخبوزات =١معلقه صغيره
٢ بيضه كبيره
١٧٥ جرام ماء=١كوب إلا ربع
ملاحظات هامه جدا جدا العجينه
وزن الرغيف ٥٠ جرام لكل قطعه وطول الرغيف ٣٠ سم
طريقه التحضير
فى الميكسر نخلط دقيق وخميرة ومحسن وسكر ولبن بودره وزبدة وبيضه ونخفقهم مع بعض ونضيف ماء حبه حبه حتى تجانس الخليط ونضيف ملح ونخفقهم مع بعض حتى تجانس الخليط ونضعها فى بوله ونغطيها ونسيبها فى مكان دافئ تخمر لمدة ساعه , ونخدمها بايدينا ونقطعها كرات ونشكلها اصابع فينو (بس لازم نضغط عليها بكف ايدينا ونلفه رول)
- ونجيب صاج ونرش فى دقيق ونرص الفينو ونغطى بكيس بلاسيتك ونسيبه يخمر لمدة نصف ساعه
- وندخل الصاج الفرن على180 درجه لمدة 25 دقيقه
- ويقدم وبالف هنا وشفا



مونكى بريد
المقادير
١كيلو دقيق
٨٠جرام سكر = ٤معلقه كبيرة
٥٠جرام لبن بودره =٢معلقه كبيرة
٢٠جرام خميره =١معلقه كبيرة
٢٠جرام ملح =١معلقه كبيرة
٤عدد بيضات
١٠جرام محسن مخبوزات =نصف معلقه كبيرة
٢٥٠جرام ذبده لينه =١كوب وربع
٢٨٠جرام ماء دافئ =١كوب ونصف
(سائل التلميع)
بيضه
100 مل لبن(نصف كوب)
5 جم ملح(نصف ملعقه صغيرة)
5 جم فانيليا(نصف ملعقه صغيرة)
5 جم سكر (نصف ملعقه صغيرة)
الحشو
١كوب سكر سنترفيش
٢معلقه كبيرة قرفة ناعمة
١كوب ذبده صفراء
١كوب عين جمل او بندق
ربع كوب قرفة ناعمة
طريقه التحضير
نضع في العجان او إناء بلاستك الدقيق والخميره والسكر والبن البوده والمحسن ثم بعد ذلك نضع الذبده ثم البيض ثم بعد ذلك ونضيف ماء حبه حبه حتى تجانس الخليط ونضيف ملح ونخفقهم
مع بعض حتى تجانس الخليط ونضعها فى بوله ونغطيها ونسيبها فى مكان دافئ تخمر لمدة ٢٠دقيقه , ونخدمها بايدينا ونقطعها كرات صغيره ونشكلها
ثم بعد ذلك نحضر فورمه الانجليش كيك ندهنها بزيت ثم نحضر بعد ذلك كوب السكر مع ٢معلقه القرفة ثم نأخذ كل قطع ونغرسها فى السكر بالقرفه ونرصهم فى الفرمة طبقة أولى ثم بعد ذلك نضع على النار الذبده والبندق والقرفه ثم نضع على الطبقة الاولى طبقة من الخليط ونقرر العملية لحد مايخلص العجينة
طبقه من العجينه وطبقه من الخليط ونسيبه يختمر
فى بوله نخلط اصفر بيض وسكروفانيليا وملح وقهوه ولبن ونخفقهم مع بعض ونضعها فى بخاجه ونرش منها
مونكى بريد
- وندخل الصاج الفرن على٢٠٠ درجه لمدة 25 دقيقه
- ويقدم وبالف هنا وشفا

ميلكى بريد
المقادير
١كيلو دقيق
٨٠جرام سكر = ٤معلقه كبيرة
٥٠جرام لبن بودره =٢معلقه كبيرة
٢٠جرام خميره =١معلقه كبيرة
٢٠جرام ملح =١معلقه كبيرة
٤عدد بيضات
١٠جرام محسن مخبوزات =نصف معلقه كبيرة
٢٥٠جرام ذبده لينه =١كوب وربع
٢٨٠جرام ماء دافئ =١كوب ونصف
(سائل التلميع)
بيضه
100 مل لبن(نصف كوب)
5 جم ملح(نصف ملعقه صغيرة)
5 جم فانيليا(نصف ملعقه صغيرة)
5 جم سكر (نصف ملعقه صغيرة)
ملاحظات هامه
وزن رغيف العيش الميلكى بريد ٤٠جرام

طريقه التحضير
نضع في العجان او إناء بلاستك الدقيق والخميره والسكر والبن البوده والمحسن ثم بعد ذلك نضع الذبده ثم البيض ثم بعد ذلك ونضيف ماء حبه حبه حتى تجانس الخليط ونضيف ملح ونخفقهم
مع بعض حتى تجانس الخليط ونضعها فى بوله ونغطيها ونسيبها فى مكان دافئ تخمر لمدة ٢٠دقيقه , ونخدمها بايدينا ونقطعها كرات ونشكلها اصابع الميلكى
(بس لازم نضغط عليها بكف ايدينا ونلفه رول)
- ونجيب صاج ونرص الميلكى بريد ونغطى بكيس بلاسيتك ونسيبه يخمر لمدة ساعه
- فى بوله نخلط اصفر بيض وسكروفانيليا وملح وقهوه ولبن ونخفقهم مع بعض ونضعها فى بخاجه ونرش منها الميلكى بريد ونرش عليه سمسم او حبه البركه اختيارى أو ساده
- وندخل الصاج الفرن على٢٠٠ درجه لمدة 25 دقيقه
- ويقدم وبالف هنا وشفا

عيش الباجيت الفرنسى
المقادير
للعجينة
500جرام دقيق = 3كوب
250 جرام ماء = 1 ١⁄٤ كوب ماء دافئة
10 جرام خميرة فورية= 2/1معلقه كبيره
5جرام محسن خبز = 1ملعقة صغيره
10 جرام سكر =2/1 ملعقة كبيره
10 جرام ملح =١ ملعقة صغيره
50جرام زبده او سمنه=2معلقة كبيرة
للوجه:
١ كوب ماء = 200جرام
مذاب فيه ملعقة صغيرة ملح= 5 جرام
٢ ملعقة كبيرة سمسم= 50 جرام
طريقة تحضير عيش الباجيت الفرنسي
نضع كل مكونات العجينة فى العجانة ماعدا الماء ونخلط على سرعة منخفضة ثم نزيد السرعة ونضيف الماء بالتدريج ونعجن حتى تتكون لدينا عجينة غير ملتصقة مطاطة نرش قليلا من الدقيق على سطح الكاونتر ونعجن العجينة باليد 5 دقائق ثم نكورها ونغطيها فى بولة ونتركها لمدة ساعتين حتى يتضاعف حجمها ٤. نعجن العجينة المختمرة قليلا ثم نقطعها الى 5 كرات متساوية نفرد الكرات على شكل رول طويل بقطر 3 سنتميتر تقريبا وطول 35 سنتميتر ثم نضع الارغفة على ورقة زبدة فى صينية الفرن بالسكين نعمل شرحات عرضية على سطح الارغفى على مسافات متباعدة وندهت وجه الارغفة بالماء المملح ونرش عليها السمسم ونتركها تخمر مرة ثانية لمدة ساعة ندخل الصينية الفرن المحمى على 220 درجة مئوية لمدة 25 دقيقة على الرف السفلي مع اخراج الارغفة بعد 10 دقائق ورشها بالماء المملح واعادتها للفرن ثم نخرجها عندما تتحمر وتنضج ثم تقدم
- ويقدم وبالف هنا وشفا

عيش الباجيت الاسمر
المقادير.
كيلو دقيق
نصف أسمر و نصف أبيض
10 جرام ملح =نصف معلقه كبيرة
20 جرام خميرة فورية =١معلقه كبيرة
10 جرام محسن خبز =١معلقه صغيره
حسب الرغبة
30 جرام سكر =١معلقه كبيرة ونصف
600 مل ماء دافي =٣كوب
دقيق سيمولينا
طريقة التحضير
اخلطي الدقيق مع الملح والخميرة ومحسن الخبز والسكر والماء في العجان
اتركيه يخمر من 2 إلى 3 ساعة ثم شكليه طويل ورفيع
ضعيه فوق صينية فرن مبطنة بدقيق سيمولينا واصنعي فتحات في العجينة مستخدمة السكين
رشيه مستخدمة بخاخ الماء وادخليه الفرن ويفضل أن يكون هناك حلة ماء مغلي في أسفل الفرن وقدميه ساخنا أو باردا ويتقدم
- ويقدم وبالف هنا وشفا



عيش التميس
نوع من أنواع العيش السعودى مثل العيش الشامى
المقادير .
١كوب ونصف دقيق قمح
١معلقه كبيرة سكر
١معلقه كبيرة خميرة
نصف معلقه صغيرة ملح
تلت اربع كوب ماء لتمام العجن
طريقه التحضير نضع في العجان او إناء بلاستك الدقيق والخميره والسكر والملح ثم بعد ذلك نضع الماء لتمام العجن بعد العجن تستريح العجينة لمده ١٠ د دقائق وبعد
كده نقطع العجينه كور ونكورها ونفردها مثل العيش الشامى بعد الفرد نغرم العيش بالشوكه ثم بعد ذلك يدخل الفرن على درجة حرارة ١٨٠ درجة مئوية لمده ١٥ دقيقه يسوى على البلاطه ويقدم
- ويقدم وبالف هنا وشفا

عيش اثيوبى
المقادير .
٥كوب دقيق
١ بيضه كبيرة
نصف كوب عسل نحل
١معلقه كبيرة كثبره مطحونه
١معلقه صغيره قرفه ناعمه
نصف معلقه صغيرة قرنفل ناعم
١معلقه صغيره ملح
نصف معلقه كبيره بيكنج بودر
١كوب لبن دافئ
٥ معلقه كبيرة ذبده لينه
١بيضه ولبن لدهن الوجه
طريقه التحضير
نضع فى العجان او إناء بلاستك الذبده والعسل ثم
نضع البيضه ثم نضع الدقيق والكثبره والقرفه والقرنفل والملح والبيكنج بودر فى الاخر نضع اللبن لتمام العجن بعد ذلك تدخل العجينه الثلاجه لمده ١٠دقايق ثم بعد ذلك نفردها فى صنيه
ونضع بيض ولبن وندهن الوجه ثم تدخل الفرن على درجة حرارة ١٧٥ درجة مئوية لمده من ٣٥الى ٤٠ دقيقه
وبعد خروجه من الفرن ونقطعها مثلثات وتقدم
- ويقدم وبالف هنا وشفا

عيش لوى كانز
نوع من أنواع المعجنات الحادقه
المقادير :
نصف كيلو دقيق
٢٥٠ جرام ماء=١كوب وربع
٥٠ جرام ذبده =٢معلقه كبيرة
١٠ جرام ملح =نصف معلقه كبيرة
٢٥ جرام سكر=١معلقه كبيرة
١٥ جرام لبن بودره =١معلقه كبيرة
١بيضه
٥جرام محسن مخبوزات =١معلقه صغيره
١٠جرام خميره =نصف معلقه كبيرة
الحشو
تونه - لانشون - خلطه جبنه - مخلل
خلطه الجبنه
٢٥٠ جرام جبنه شيدار =كوب
١٥٠ جرام جبنه فيتا=كوب إلا ربع
١٠٠ جرام ذبده =نصف كوب
طريقه التحضير
طريقه عمل خلطه
هنضرب الجبنه مع الذبده وكده تكون جاهزه للحشو
طريقه عمل العيش
نضع في العجان او إناء بلاستك الدقيق والخميره والسكر والبن البوده والمحسن ثم بعد ذلك نضع الذبده ثم البيض ثم بعد ذلك الماء ثم بعد العجن تستريح العجينة ٥دقائق ونضع العجينه فى علبه سمنه فاضيه ٢كيلو ووزن العجينه فى علبه السمنه من نصف كيلو إلى فى العلبه تختمر لمده ساعه وبعد الخمر تدخل الفرن على درجة حرارة ١٨٠ درجة مئوية لمده من ٣٠ إلى ٣٥ دقيقه ثم بعد خروجها من الفرن نقطعها شرائح ونحشى بين كل طبقه وطبقه تونه ولانشون وخلطه الجبنه ومخلل وتقدم
- ويقدم وبالف هنا وشفا



عيش البطاطس
نوع من أنواع التوست
المقادير.
١كوب ونصف دقيق
ربع كيلو بطاطس مسلوقة ومهروسه
١معلقه كبيرة خميرة
١بصله متوسطه مقطعه ومحمره ذات الوان الذهبى
١معلقه كبيرة ذبده
١معلقه كبيرة سكر
نصف معلقه كبيرة ملح
١ معلقه صغيره فلفل أسود مجروش
ربع كوب ماء دافئ
١بيضه كبيره
١معلقه ماء لدهان الوجه
نصف معلقه كبيره فلفل أسود للوجه
طريقه التحضير
نضع فى العجان او إناء بلاستك الدقيق والخميره والسكر والملح والفلفل ثم بعد ذلك نضع البطاطس والبيضه ثم بعد ذلك نضع الماء لتمام العجن ثم بعد ذلك نضع البصله المقطعه المحمره ثم بعد العجن نضع العجينه فى فرمه الانجليش كيك
ونسيبها تختمر وبعد التخمير يلمع الوجه بلماء ويرش على الوجه فلفل أسود ثم بعد ذلك يدخل العيش الفرن على درجة حرارة ١٨٠ درجة مئوية لمده من ٢٥إلى ٣٠دقيقه وبعد خروج العيش من الفرن يقطع شرائح
ثم يدخل الفرن مره تانيه يتحمص او يتشوى على الشويه او نسيبه طرى ويقدم
- ويقدم وبالف هنا وشفا

عيش باللحمه المفرومه
المقادير:
نصف كيلو دقيق
١معلقه كبيرة خميرة
١معلقه كبيرة سكر
نصف معلقه صغيرة ملح
٢معلقه كبيرة لبن بودره
٢معلقه كبيرة ذبده أو زيت
١بيضه كبيره
٢٥٠ جرام ماء
الحشو
لحمه مفرومه معصجه بالبصل والفلفل

طريقه التحضير
نضع في العجان او إناء بلاستك الدقيق والخميره والسكر والبن البوده ثم بعد ذلك نضع الذبده والبيضه ثم بعد ذلك نضع الماء لتمام العجن بعد العجن تستريح العجينة ٥دقائق ثم نكورها ونحشى العيش لحمه مثل القرص ثم نسيبه يختمر وبعد الخمر تدخل الفرن على درجة حرارة ٢٠٠ درجة مئوية لمده ٢٥ دقيقه
- ويقدم وبالف هنا وشفا

خليه النحل
انواع من أنواع المعجنات الألمانية
المقادير
نصف كيلو دقيق
١معلقه كبيرة خميرة
٢ معلقه كبيرة لبن بودره
٢ بيضه كبيره
١٠٠ جرام ذبده = نصف كوب
٢ معلقه كبيره سكر
١كوب ماء لتمام العجن
نصف معلقه صغيرة ملح
نصف معلقه صغيرة حبهان مطحون
الحشو:
٢٠٠ جرام جبنه موتزريلا =١كوب
للتزيين
١معلقه كبيرة سمسم
نصف كوب عسل نحل
طريقه التحضير نضع في العجان او إناء بلاستك الدقيق والخميره والسكر واللبن البوده والملح ثم بعد ذلك نضع الذبده ثم البيض ثم بعد ذلك نضع الماء لتمام العجن بعد العجن تستريح العجينة لمده ربع ساعه ثم نقطعها قطع صغيرة ونكورها ثم نحشيها بالجبنة الموتزريلا ونضعها فى صنيه واحده جانب واحده على شكل خليه النحل
ثم بعد ذلك نلمع الوجه ببيض ونرش على الوجه سمسم
ثم بعد ذلك نسيبه خليه النحل تختمر فى مكان دافئ مغلق لمده نصف ساعه فى الصيف ومن ساعه إلى ساعه ونصف فى الشتاء ونداخل خليه النحل الفرن على ١٨٠ درجه لمدةمن ٢٥ إلى ٣٠ دقيقه ولمه تخرج من الفرن
بعد السوه تخرج من الفرن ساخنه نسقيها عسل نحل
- ويقدم وبالف هنا وشفا



لابريوش فرنسى - حلو - وحادق
المقادير
٦٠٠ جرام دقيق =٤كوب
٢ بيضه كبيرة
٨٠ جرام ذبده =٤معلقه كبيرة
٧٥ جرام سكر =معلقه كبيره
١٦ جرام خميره =١معلقه كبيرة
٢٠٠ جرام لبن =١كوب
٢ معلقه كبيرة زيت
١معلقه صغيره ملح
١معلقه كبيرة لبن بودره
١٠٠ جرام ماء لتمام العجن =نصف كوب
الحشو - الحلو
شيكولاته سايحه - مهلبيه - قشطه - كاسترد وزبيب
الحشو - الحادق
لانشون - جبنه رومى مبشوره ناعم
سائل التلميع -
بيضه
5 جم سكر(نصف ملعقه صغيره)
5 جم ملح( نصف ملعقه صغيره)
100 مل لبن(نصف كوب)
5 جم فانيليا(نصف ملعقه صغيره)
للوجه فى حاله الحلو - شربات ثقيل بارد لدهن
الاشكل لا بريوش هى
كور - او ضفير مدور او طويل - اوخليه النحل او مدوره
- ساليزونات - او فى فورمه الكب كيك - او فى فورمه الانجليش كيك ايه شكل اختيارى
طريقه التحضير
- فى العجان او إناء بلاستك نضع الدقيق والخميره والسكر والبن البوده والملح ثم بعد ذلك نضع
الذبده والزيت ونخفقهم مع بعض لحد ما يكون خليط رملى ونضيف اللبن والماء لتمام العجن ونخفقهم مع بعض حتى تجانس الخليط
- ونغطيها ونسيبها فى مكان دافئ لمدة ساعه تخمر
- وبعد الساعه نرش الرخامه دقيق ونفرد عليها العجينه ثم ندخلها الثلاجه ترتاح لمده ساعه ونشكلها اى شكل يعجبك كور - او ضفير مدور او طويل - اوخليه النحل او مدور - ساليزونات - او فى فورمه الكب كيك - او فى فورمه الانجليش كيك نفردها ونحشيها
حشوات لا بريوش - الحلو
شيكولاته سايحه - مهلبيه - قشطه
كاسترد وزبيب - او كاسترد وقرفه - او شيكولاته
حشوات لابريوش - الحادق - لانشون - جبنه رومى
- سائل التلميع فى بوله نخلط كل من اللبن والبيض والسكروفانيليا ونخفقهم مع بعض كويس
- ونجيب صاج ندهنه زبدة ونرص فى لا بريوش وندهنه بالخليط السابق بعد ما يخمر وممكن نرش عليها سكر
فى حاله لا بريوش الحلو
- ونداخل البريوش الفرن على 180 درجه لمدة 30 دقيقه ولمه تخرج من الفرن ندهنه شربات ثقيل بارد فى حاله الحلو - ويقدم وبالف هنا وشفا

البريوش الالمانى
المقادير
نصف كيلو دقيق
٥٠ جرام سكر =٢معلقه كبيرة
٢٠٠ جرام لبن دافئ =١كوب
١معلقه صغيره ملح
١معلقه كبيرة خميرة
٢ بيضه كبيرة
١٠٠ جرام ذبده سايحه =نصف كوب
سائل التلميع
بيضه
5 جم سكر(نصف ملعقه صغيره)
5 جم ملح( نصف ملعقه صغيره)
100 مل لبن(نصف كوب)
5 جم فانيليا(نصف ملعقه صغيره)
التزيين : - تقدم مع
مربى خوخ - مربى جزر - مربى فراوله - مربى حرنكش
طريقه التحضير
سائل التلميع فى بوله نخلط كل من اللبن والبيض والسكروفانيليا ونخفقهم مع بعض كويس
نضع في العجان او إناء بلاستك الدقيق والخميره والسكر والملح ثم بعد ذلك نضع الذبده ثم البيض ثم بعد ذلك نضع اللبن لتمام العجن بعد العجن تستريح العجينة لمده ربع ساعه ثم بعد ذلك نقطع العجينه كور ونضع كل قطعه من البريوش فى فورمه الكب كيك
ونعمل لها فاتحه من النصف ثم تلمع بسائل التلميع
ثم تختمر وبعد التخمير تدخل الفرن على درجة حرارة
٢٠٠درجه ماويه لمده ٢٠ دقيقه ثم بعد خروجها من الفرن نضع في الفاتحة إلا فى النصف مربى ايه نوع اختيارى - ويقدم وبالف هنا وشفا

عيش الفوكاشيا
نوع من أنواع المعجنات الإيطالية
المقادير
١كوب ونصف دقيق
ربع معلقه صغيرة ملح
نصف معلقه كبيره سكر
١معلقه صغيره خميره
نصف كوب ماء دافئ
١معلقه كبيرة زيت
التوبينج
٢معلقه كبيرة زيت زيتون
رزمالى - زعتر - ملح - زيت زيتون او زيت ذره- ريحان
طريقه التحضير
-فى العجان او إناء بلاستك نضع دقيق وخميرة وسكروملح ونخفقهم مع بعض ثم نضيف زيت ونضيف ماء ونضيفها حبه حبه حتى نحصل على عجينه متماسكه طريه يسهل تشكيلها والا تلزق بايد
( فى بوله نخلط رزمالى - زعتر - ملح - ريحان)
- ونجيب صاج مدهون زيت ونضع فى العجينه ونفردها فى الصاج وننغزها بالايد وندهنها باثوم وزيت رزمالى - زعتر - ملح - ريحان
ونغطيها بكيس بلاسيتك ونضعها فى مكان دافئ تخمر لمده ساعه وبعد ساعه تنغزتانى بالايد
- وندخل الصاج الفرن على 180 درجه لمدة 25 دقيقه
- ويقدم وبالف هنا وشفا



عيش الشاباتا
نوع من أنواع المعجنات الإيطالية
المقادير
ساوردو - عيش خميره - او البولش
نصف كوب دقيق
نصف معلقه كبيره زيت
ربع كوب ماء دافئ
١معلقه صغيره خميره بيره او فوريه
طريقه عمل البولش
نضع الدقيق والخميره فى العجان او إناء بلاستك ثم الماء والزيت ونعجنهم ونغطى العجينه ونسيبها تختمر
لمده من ٢ساعتين ونصف إلى ٣ساعات
وتكون جاهزه عجينه البولش فى استخدام العيش
ثم بعد ذلك نعجن باقى المقادير بساوردو او البولش
المقادير
٤/٣كوب ماء دافئ للعجن
٢معلقه كبيرة زيت
١معلقه صغيره ملح
١معلقه كبيرة سكر
١كوب ونصف دقيق
نصف كوب سميد بسبوسه
١معلقه صغيره خميره

طريقه التحضير
نضع كل المكونات نضع الدقيق والخميره والسكر والملح ثم نضع عجينه البولش ثم الزيت ثم بعد ذلك نضع الماء لتمام العجن بعد العجن نحضر صنيه فيها سميد البسبوسه ونضع العجينه فى الصنيه ونسيبها فى الصنية تختمر لمده ٣٠ دقيقه ثم بعد ذلك نقطع العجينه بسميد البسبوسه زى ماهو على شكل رغيف الفينو عشوائي ثم يختمر وبعد الخمر يدخل الفرن على درجة حرارة ١٩٠ درجة مئوية لمده من ١٧ الى ٢٠ دقيقه
او على ١٨٠ - ويقدم وبالف هنا وشفا



عيش البانينى
المقادير
نصف كيلو دقيق
٢معلقه كبيرة زيت
١معلقه كبيرة خميرة
١معلقه كبيرة سكر
١معلقه صغيره ملح
٢٥٠ جرام ماء
طريقه التحضير
نضع في العجان او إناء بلاستك الدقيق والخميره والسكر والملح ثم بعد ذلك الزيت ونضع الماء لتمام العجن بعد العجن تستريح العجينة فى الثلاجه لمده ٢ ساعتين او يوم ثم بعد ذلك تشكل مثل رغيف العيش الفينو الكبير وتختمر ثم تدخل الفرن على درجة حرارة
١٨٠ او ١٩٠درجة مئوية لمده من ١٢ إلى ١٥ دقيقه نسوى
نصف سوه ثم بعد ذلك نحضر إعداد السندوتش
وهو عباره عن مقادير السندويشات هى كالتالى شرائح باذنجان مشوى - شرائح كوسه مشويه
شرائح فلفل مشوى - شرائح طماطم مشويه
جبنه سايحه - ١معلقه كبيرة زيت زيتون ونحشى بالحشوات العيش ثم بعد ذلك يضع على الشويه من الجانبين يتبصم على الشويه
- ويقدم وبالف هنا وشفا



عيش الزيتون
المقادير
نصف كيلو دقيق
كوب وربع لبن دافئ
ربع كوب زيت زيتون او زيت ذره
ربع معلقه صغيرة ملح
١معلقه كبيرة سكر
٢معلقه صغيره خميره
١معلقه كبيرة زعتر أخضر
١كوب زيتون أسود او اخضر
طريقه التحضير
نضع في العجان او إناء بلاستك الدقيق والخميره والسكر والملح ثم بعد ذلك نضع الزيت ثم بعد ذلك نضع اللبن لتمام العجن بعد العجن ثم فى الاخر الزعتر والزيتون ونعجنهم كويس ثم بعد العجن تستريح العجينة لمده نصف ساعه ونشكل العجينة مثل عيش
الفينو الكبير او نصبه في فورمه الانجليش كيك ثم بعد ذلك نسيبه فى مكان دافئ يخمر نصف ساعه
ويدخل العيش فى الفرن على ١٩٠ درجه ماويه
لمدة 25 دقيقه ويقدم وبالف هنا وشفا



عيش البنجر
المقادير
نصف كيلو دقيق
٢٥٠ جرام ماء =١كوب وربع
١كوب بنجر مبشور
٣معلقه كبيره سكر
١بيضه كبيره
٣معلقه كبيره ذبده
نصف معلقه صغيرة ملح
١معلقه كبيرة ونصف خميره
طريقه التحضير نضع في العجان او إناء بلاستك الدقيق والخميره والسكر والملح والبنجر المبشور ثم بعد ذلك نضع الذبده ثم البيضه ثم بعد ذلك نضع الماء لتمام العجن بعد العجن تستريح العجينة لمده ربع ساعه ثم بعد ذلك نحضر فورمه الانجليش كيك ندهنها بزيت ثم نضع فيها العجينه ونتركها تختمر وبعد التخمير تدخل الفرن على درجة حرارة ١٩٠ درجة مئوية لمده من ٢٠ إلى ٢٥ دقيقه
- ويقدم وبالف هنا وشفا



عيش الجزر
المقادير
نصف كيلو دقيق
٢٥٠ جرام ماء =١كوب وربع
١كوب جزر مبشور
٣معلقه كبيره سكر
١بيضه كبيره
٣معلقه كبيره ذبده
نصف معلقه صغيرة ملح
١معلقه كبيرة ونصف خميره
طريقه التحضير نضع في العجان او إناء بلاستك الدقيق والخميره والسكر والملح والجزر المبشور ثم بعد ذلك نضع الذبده ثم البيضه ثم بعد ذلك نضع الماء لتمام العجن بعد العجن تستريح العجينة لمده ربع ساعه ثم بعد ذلك نحضر فورمه الانجليش كيك ندهنها بزيت ثم نضع فيها العجينه ونتركها تختمر وبعد التخمير تدخل الفرن على درجة حرارة ١٩٠ درجة مئوية
لمده من ٢٠ إلى ٢٥ دقيقه
- ويقدم وبالف هنا وشفا



عيش الفول السودانى
المقادير
نصف كيلو دقيق
100 جرام فول سودانى مفروم= نصف كوب
100 جرام ذبده =نصف كوب
2بيضه كبيره
1معلقه كبيره خميره
1معلقه كبيره بيكنج بودر
3معلقه كبيره لبن بودره
200 جرام ماء = 1كوب
2معلقه كبيره سكر
نصف معلقه صغيره ملح
التزيين:-
2بيضه
نصف كوب فول سودانى
طريقه التحضير
نضع في العجان او فى اناء بلاستك الدقيق والفول والخميره والبيكنح بور واللبن البودرة والسكر والملح ثم بعد ذلك الذبده ثم بعد ذلك البيض وفى الاخر الماء لتمام العجن ثم بعد العجن تستريح العجينه 10دقائق وبعد كده نشكلها مثل القرقيش المنين الساده
او نعمله في فرمه الانجليش كيك
ثم نلمع الوجه بيض ونضع على الوجه الفول المجروش ثم يدخل الفرن على درجه حراره 180 درجه
لمده 25 دقيقه
- ويقدم وبالف هنا وشفا



عيش القرع العسلى
المقادير:
نصف كيلو دقيق
١كوب دقيق شعير
١كوب ونصف قرع عسلى مسلوق
ماء حسب العجينة
١معلقه ونصف كبيره خميره
١معلقه كبيرة سكر
١معلقه كبيرة يانسون او عصير مانجو
ربع معلقه صغيرة ملح
طريقه التحضير نضع في العجان او إناء بلاستك الدقيق والخميره والسكر ودقيق الشعير واليانسون ثم بعد ذلك القرع العسلى ثم بعد ذلك نضع الماء لتمام العجن بعد العجن تستريح العجينة لمده ٥دقائق وبعد كده نشكلها مدفر على شكل دفيره طويله مدفرها ثم بعد ذلك ندهن الوجه ببيض ونرش عليه يانسون وتدخل الفرن على درجة حرارة ١٨٠ لمده ٢٠دقيقه
- ويقدم وبالف هنا وشفا



عيش الهوسكا البرازيلي

المقادير:
نصف كيلو دقيق
1 معلقه كبيره خميره
نصف كوب لبن حليب
3 معلقه كبيره سكر او
نصف كوب لبن مكثف
نصف كوب زيت زيتون
1 كوب ماء
1 معلقه صغيره ملح
١بيضه
200 جرام زبيب او كريز او قرصيا او ساده =١كوب
الحشو مربى
طريقه التحضير نضع في العجان او إناء بلاستك الدقيق والخميره والسكر أو البن المكثف والزيت والبيضه والبن
فى الاخر نضع الماء لتمام العجين ثم نضع الزبيب والكريز والقرصيا او ساده ده اختيارك ثم بعد ذلك تستريح العجينة لمده ١٠ دقائق وبعد كده نقسمها كور صغيره ونفتح العجينه من النصف ونضع فى كل قطعه مربى ونقفلها بقطعه من العجينه و
ونضعها فى فرمه أو فرمه الكب كيك
يمكن ان تشكلي العجينة بأشكال لولبية أو ظفائر، وتضعيها في صواني الخبز واتركيها حتى يتضاعف حجمها او ممكن ندهن الوجه ببيض ونضع على الوجه قطع من الزبيب او الكريز ونسيبها تختمر وبعد التخمير تدخل الفرن على درجة حرارة ١٨٠ درجة مئوية لمده من ٢٠ الى ٢٥ دقيقه
- ويقدم وبالف هنا وشفا



عيش البيدا التركى
المقادير.
نصف كيلو دقيق
1علبه زبادى
3معلقه كبيره زيت زيتون او المتوفر عندك
1معلقه كبيره ونصف خميره
2معلقه كبيره سكر
1كوب لبن او حسب العجينه
1معلقه صغيره صغيره ملح
سمسم - حبه البركه ترش على الوجه
1 بيضه لدهن الوجه بيض
طريقه التحضير
نضع فى العجان او اناء بلاستك الدقيق والخميره والسكر والملح ثم بعد ذلك الزيت ثم بعد ذلك الزبادى
وفى الآخر نضع اللبن لتمام العجين ثم بعض العجن
تستريح العجينه لمده عشر دقائق ثم بعد ذلك نفرد العجينه فى صنيه ونشكلها على شكل حجاب
ثم ندهن الوجه بيض ونرش على الوجه سمسم او حبه البركه ثم نسيب العيش يختمر ثم يدخل الفرن على درجه حراره 180لمده 25دقيقه
- ويقدم وبالف هنا وشفا

كراكرز
نوع من أنواع المعجنات الحادقه
المقادير:
٧٥٠ جرام دقيق = كيلو إلا ربع
٢٥٠ جرام رده ناعمه= ربع كيلو
٥٠٠ جرام ماء = نصف كيلو
٣٥٠ جرام ذبده = كوب ونصف
٥ جرام ملح = ١معلقه صغيره
طريقه التحضير
نضع في العجان او إناء بلاستك الدقيق و الرده والملح ثم بعد ذلك الذبده وفى الاخر الماء لتمام العجن بعد ذلك تدخل الثلاجه لمده نصف ساعه بعد نصف ساعة
نفرد العجينة بسمك رقيق ثم نغرم العجينه بالشوكه
ثم بعد ذلك تقطع بسكينه ٣×١٠ سم او زى ما تحب
وتدخل الفرن على درجة حرارة ١٨٠درجة مئوية لمده من ١٥ الى ١٧ دقيقه
- ويقدم وبالف هنا وشفا

#مشرفة_الاسرة_والطفولة
#منتدى_المركز_الدولى




ملف شامل وكامل لعمل جميع انواع المخبوزات حول العالم