ملف شامل وكامل لعمل جميع انواع مشروبات رمضان 2023/1444

ملف شامل وكامل لعمل جميع انواع مشروبات رمضان 2023

🟢التمر هندى 
المقادير
نصف كوب تمرهندى(100 جم)
نصف كوب كركريه(100جم)
كوب الاربع سكر(150جم)
لتر ماء مغلى
طريقه التحضير 
- فى اناء على النار نضع فى ماء مغلى تمرهندى وكركريه وسكرونقلبهم مع بعض ونسيبهم يغلوا مع بعض ونسيبه منقوع لمدة يوم كامل ونضربه فى الخلاط او بالهندبلندر ونصفى
- نصب التمرهندى فى برطمان بس لازم يبرد خالص الاول ونحتفظ بى فى المطبخ لحين الاستخدام, , وعند الاستخدام نضيف كوب على كل 5 كوب ماء مثلج
- ويقدم وبالف هنا وشفا



🟢قمرالدين 
المقادير
كوب وربع قمر الدين قطع(250 جم)
كوب الاربع سكر(150 جم)
ملعقه ماء زهر(25 جم)
لتر ماء مغلى
طريقه التحضير 
- فى اناء على النار فى ماء مغلى قمر الدين وماء زهر وسكر ونقلبهم مع بعض ونسيبهم يغلوا مع بعض ونسيبه منقوع لمدة يوم كامل ونضربه فى الخلاط او بالهندبلندر ونصفى
- ونصبه فى زجاجه او برطمان محكم الاغلاق ونحتفظ بى فى المطبخ لحين الاستخدام, وعند الاستخدام نضيف كوب على كل 5 كوب ماء مثلج ونخلطهم مع بعض
- ويقدم وبالف هنا وشفا



🟢العرقسوس 
المقادير
كوب بودرة عرقسوس(200 جم)
نصف ملعقه بيكنج بودر(10 جم)
نصف كوب ماء مثلج(100 مل)
طريقه التحضير 
فى بوله فيها بودره عرقسوس وبيكربونات الصوديوم ونقلبهم مع بعض ونضيف عليه ماء ونقلبهم مع بعض, ونجيب صينيه او صاج ونضع فى العرقسوس ونغطى ونسيبه فى المطبخ لمدة 5 ساعات, ونضعه فى كيس اونضعه فى برطمان محكم الاغلاق ونضعه فى المطبخ لحين الاستخدام
- وعند الاستخام نضع ملعقه على كوب ماء مثلج
- ويقدم وبالف هنا وشفا



🟢الدوم 
المقادير
كوب وربع دوم مجروش(250 جم)
كوب وربع سكر(250 جم)
لتر ماء مغلى
طريقه التحضير
- فى اناء على النار نضع فى ماء مغلى ودوم وسكرونقلبهم مع بعض ونسيبهم يغلوا مع بعض ونسيبه منقوع لمدة يوم كامل ونضربه فى الخلاط او بالهندبلندر ونصفى
- نصب الدوم فى برطمان بس لازم يبرد خالص الاول ونحتفظ بى فى المطبخ لحين الاستخدام, , وعند الاستخدام نضيف كوب على كل 5 كوب ماء مثلج
- ويقدم وبالف هنا وشفا



🟢الخشاف 
المقادير
نصف كوب زبيب(100 جم)
كوب الاربع تين مجفف قطع(150جم)
كوب الاربع مشمشيه مجفف قطع(150جم)
كوب الاربع قراصيا مجفف قطع(150جم)
لتر ماء مغلى
فانيليا
طريقه التحضير 
- فى بوله نخلط تين وزبيب ومشمشيه وقراصيا وفانيليا وماء مغلى ونقلبهم مع بعض ونسيبه منقوع لمدة ساعه
- ويقدم وبالف هنا وشفا



🟢الخروب 
المقادير
كوب وربع خروب مجروش(250 جم)
كوب الاربع سكر(150 جم)
لتر ماء مغلى(1000 مل)
فانيليا
طريقه التحضير
- فى اناء على النار فى ماء مغلى وخروب وسكر وفانيليا ونقلبهم مع بعض ونسيبهم يغلوا مع بعض ونسيبه منقوع لمدة يوم كامل ونضربه فى الخلاط او بالهندبلندر ونصفى
- نصب الخروب فى برطمان بس لازم يبرد خالص الاول ونحتفظ بى فى المطبخ لحين الاستخدام, , وعند الاستخدام نضيف كوب على كل 5 كوب ماء مثلج
- وتقدم وبالف هنا وشفا



🟢عصير برتقال مركز


المقادير
كيلو جزر مبشور(1000 جم)
كيلو برتقال فيليه(1000 جم)
نصف كيلو سكر(500 جم)
قشر برتقاله مبشورة
قشر ليمونه مبشورة
طريقه التحضير
- فى بوله نخلط برتقال وجزر وسكر وقشر ليمونه وبرتقاله ونقلبهم مع بعض ونضعهم فى اناء على النار ونسيبه يغلى لمدة 20 دقيقه ونضربه فى الخلاط او الهندبلندر
- ونصبه فى زجاجه او برطمان محكم الاغلاق ونحتفظ بى فى المطبخ لحين الاستخدام, وعند الاستخدام نضيف كوب على كل 5 كوب ماء مثلج ونخلطهم مع بعض
- ويقدم وبالف هنا وشفا



🟢قمرالدين المركز بالمشمش
المقادير
كيلو مشمش طرى ومنظف
كيلو سكر
70 جم عسل ابيض=3معلقه كبيرة 
5 مل عصير ليمون =1معلقه صغيرة 
طريقه التحضير
- فى اناء على النار نضع مشمش وسكر وعسل ونسيبهم يغلوا مع بعض لحد ما يكون معجون لمدة ساعه ونضربه فى الخلاط ونصفى ونضعه تانى على النار, ونضيف عصير ليمون ونسيبه يغلى لحد ما يكون ثقيل ونسيبه يبرد ونصبه فى برطمان ونضعه فى الثلاجه لحين الاستخدام وعند الاستخدام نضع ملعقه على كل يوم ماء( بس لازم نقلبه كل شويه لحد ما يستوى)
- ويقدم وبالف هنا وشفا



🟢 قمرالدين المركز بالخوخ 
المقادير
كيلو خوخ طرى ومنظف
كيلو سكر
70 جم عسل جلوكوز=3معلقه كبيرة 
5 مل عصير ليمون =1معلقه صغيرة 
برطمان
طريقه التحضير
- فى اناء على النار نضع خوخ وسكر وعسل ونسيبهم يغلوا مع بعض لحد ما يكون معجون لمدة ساعه ونضربه فى الخلاط ونصفى ونضعه تانى على النار, ونضيف عصير ليمون ونسيبه يغلى لحد ما يكون ثقيل ونسيبه يبرد ونصبه فى برطمان ونضعه فى الثلاجه لحين الاستخدام وعند الاستخدام نضع ملعقه على كل يوم ماء( بس لازم نقلبه كل شويه لحد ما يستوى)
- ويقدم وبالف هنا وشفا



🟢قمرالدين المركز بالجوافه
المقادير
كيلو جوافه لحم بدون بذر ومنظف
كيلو سكر
70 جم عسل جلوكوز=3معلقه كبيرة 
5 مل عصير ليمون =1معلقه صغيرة 
طريقه التحضير
- فى اناء على النار نضع جوافه وسكر وعسل ونسيبهم يغلوا مع بعض لحد ما يكون معجون لمدة ساعه ونضربه فى الخلاط ونصفى ونضعه تانى على النار, ونضيف عصير ليمون ونسيبه يغلى لحد ما يكون ثقيل ونسيبه يبرد ونصبه فى برطمان ونضعه فى الثلاجه لحين الاستخدام وعند الاستخدام نضع ملعقه على كل يوم ماء( بس لازم نقلبه كل شويه لحد ما يستوى)
- ويقدم وبالف هنا وشفا



🟢خشاف الخوخ 
المقادير 
1 كيلو خوخ ناشف
1 كوب سكر(200جم)
1 لتر ماء
نصف ملعقه فانيليا سائله 
طريقه التحضير 
فى اناء على النار نضيف ماء وسكروالفانيليا ولمه يغلى نضيف الخوخ ولمه يستوى نسيبه يبرد وندخله الثلاجه
ونصبه فى كاسات او اطباق 
ويقدم وبالف هنا وشفا


🟢مشروب النعناع المركز
المقادير
40 جرام ورق نعناع (ربع كوب)
200 جرام سكر(كوب)
250 جرام ماء(كوب وربع)
1 معلقه صغيره رائحه النعناع (5جم)
طريقه التحضير 
نضع الماء على النار و السكر وبعد كده نضع ورق النعناع لمده ساعه على نار هاديه و قبل النزول من على النار بخمس دقائق نضع رائحه النعناع وبعد ماينزل نضيف نقطه صغيره لون صناعي أخضر خام
ويتقدم بالف هنا وشفا



🟢مشروب قمرالدين
المقادير
150 جم قمرالدين مركز(كوب الاربع)
لتر ماء
 مكعبات ثلج
طريقه التحضير
- فى الخلاط نضع قمرالدين مع ماء مع مكعبات ثلج ونخفقهم مع بعض
- ويقدم بالف هنا وشفا




🟢مشروب التمرهندى بالكركريه
المقادير
تمر هندى
اوراق كركريه
سكر
ماء مغلى
ثلج
طريقه التحضير
1-فى اناء على النار نضيف اوراق الكركريه والتمر هندى ونسيبهم يغلوا مع بعض ونصفى ولمه يبرد
2-فى الخلاط نضيف الكركريه والتمر هندى والسكر والثلج ونضربهم مع بعض كويس
3-ونصبه فى كاسات التقديم
4-ويقدم وبالف هنا وشفا

 

🟢مشروب العناب
المقادير
250 جم كركديه(كوب وربع)
1 لتر ماء مغلى
100 جم تمر هندى(نصف كوب)
ربع لتر ماء مغلى(كوب وربع)
200 مل شربات خفيف(كوب)
10 مكعبات ثلج
طريقه التحضير
1-فى اناء على النار فى لتر ماء نغلى الكركديه, فى اناء اخر فى ماء مغلى نغلى التمر هندى ونسيبهم يبردو خالص ونصفى
2-فى الخلاط نضيف الكركديه والتمر والشربات ومكعبات الثلج ونضربهم مع بعض فى الخلاط
3- ونصبه فى كاسات التقديم
4-وتقدم وبالف هنا وشفا

 

🟢كوكتيل الرمان والعنب
المقادير
رمان
عنب
ماء
ثلج
سكر
طريقه التحضير
1-فى الخلاط نضع رمان وعنب وسكر وماء ونخلطهم مع بعض كويس ونصفى فى مصفاة
2-فى كاسات نصب الكوكتيل ونضع عليه الثلج
3-ويقدم وبالف هنا وشفا


🟢السحلب 
المقادير
(الخلطه)
ربع كوب دقيق(50 جم)
ربع كوب سكر بودر(50 جم)
ربع كوب جوزهند ناعم(50 جم)
ربع كوب سمسم محمص(50 جم)
ملعقه نشا(25 جم)
ربع ملعقه قرفه بودر(5 جم)
(السحلب)
5 كوب لبن( لتر)
ملعقه فانيليا(25 جم)
5 ملعقه خلطه السحلب(125 جم)
مكسرات وقرفه بودر وجوزهند ناعم
طريقه التحضير
-فى بوله نخلط النشا ودقيق الارزوسكر وجوزهند وقرفه وسمسم ونخلطهم مع بعض
-فى اناء على النار فى لبن مغلى نضيف 5 ملعقه من السحلب ونضيف فانيليا ونقلبهم مع بعض حتى الحصول على القوام المطلوب ( كل كوب لبن عليه ملعقه خليط السحلب)
- وفى كاسات التقديم نصب السحلب ونزينه بالقرفه وجوزالهند والمكسرات
-ويقدم وبالف هنا وشفا


🟢عصير تمر باللبن
المقادير
150 جم تمرطرى بدون بذر (كوب إلا ربع)
250 مل ماء مغلى (كوب وربع)
5 جم بيكربونات الصوديوم (معلقه صغيرة)
400 مل لبن مغلى(2كوب)
30 جم عسل(2معلقه كبيره)
(الديكور)
تمرقطع
طريقه التحضير
-فى اناء على النار فى ماء مغلى ونضيف البيكربونات الصوديوم ونضيف البلح يغلى ( لازم يكون البلح طرى خالص) ونضربه فى الخلط
- ونضيف عليه اللبن والعسل ونخفقهم مع بعض كويس
-فى كاسات التقديم نصب التمر ونزينه بقطع التمر
-وتقدم وبالف هنا وشفا


🟢عصيرالعناب
المقادير
250 جم كركديه(كوب وربع)
1 لتر ماء مغلى
100 جم تمر هندى(نصف كوب)
ربع لتر ماء مغلى(كوب وربع)
200 مل شربات خفيف(كوب)
10 مكعبات ثلج
طريقه التحضير
1-فى اناء على النار فى لتر ماء نغلى الكركديه, فى اناء اخر فى ماء مغلى نغلى التمر هندى ونسيبهم يبردو خالص ونصفى
2-فى الخلاط نضيف الكركديه والتمر والشربات ومكعبات الثلج ونضربهم مع بعض فى الخلاط
3- ونصبه فى كاسات التقديم
4-وتقدم وبالف هنا وشفا



🟢الكركديه البارد أو الساخن 
المقادير
1كوب من ورق الكركديه
4 اكواب ماء
سكر حسب الذوق
طريقه التحضير
ينقع الكركديه في ماء مغلي
يترك بعدها من ساعة الى ساعتين بعدها يشرب ساخن بعد غليه غلوه ويقدم ساخنا ويصفى تماما مثل الشاي الورقي أما بالنسبة للون فجمال اللون يعتمد ان كان جديد او قديم وكذلك من حيث مرورته واما بارد فبعد تصفيته البعض يضيف له ماء الوريد ويبرد في الثلاجه ويقدم بارد 



🟢السوبيا 
المقادير
25 جم ارز بودر(ملعقه كبيرة)
25 جم كريم شانتيه بودر (ملعقه كبيرة)
50 جم جوزة هند ناعم(2 ملعقه كبيرة)
100 جم سكر بودر(نصف كوب )
100 جم لبن بودر(نصف كوب)
100 جم بودره ايس كريم (نصف كوب)
5 جم فانيليا(باكو)
طريقه التحضير
- فى بوله نخلط ارز بودروكريم شانتيه بودروجوزهند وسكر بودرولبن بودرة وايس كريم بودروفانيليا ونقلبهم مع بعض ونضعه فى برطمان محكم الاغلاق ونحتفظ بى فى المطبخ( ناخد ملعقه كبيرة على كل كوب ماء مثلج
- وتقدم وبالف هنا وشفا


🟢مشروب السوبيا
المقادير
25 جم سوبيا بودر(معلقه كبيره)
100 جم سكر(نصف كوب)
2\1 لتر لبن(2 كوب ونصف)
مكعبات ثلج
طريقه التحضير 
- فى الخلاط نخلط سوبيا وسكر وماء ولببن ونخفقهم مع بعض كويس حتى تجانس الخليط
- ونصبها فى كاسات التقديم
- وتقدم وبالف هنا وشفا


 

🟢سوبيا مززة
المقادير
لتر لبن
5 حبوب مستكه
250 جم لبن مغلى=1كوب وربع 
50 جم جوزهند=2معلقه كبيرة
5 جم ملح ليمون=1معلقه صغيرة 
100 جم لباب خبز=نصف كوب 
250 مل لبن دافئ=1كوب وربع 
100 جم ارز مسلوق=نصف كوب
5 جم اصانص جوزهند=1معلقه صغيرة
 
طريقه التحضير
لعمل لبن بجوزالهند
- فى اناء نغلى لبن ونضيف جوزهند ونسيبه منقوع فى اللبن شويه ونصفى
- فى اناء على النار نضع لبن ومستكه ولمه يكون دافئ نضيف الارز ونقلبهم مع بعض كويس ولمه يغلى نخفض النار ونسيبه يستوى على نار هاديه ونسيبه يبرد( لازم نقلبه كل شويه لحد ما الارز يستوى)
- فى بوله نخلط لبن ولبابه الخبز واصانص جوزهند ونقلبهم مع بعض كويس ونسيبها تخمر
- فى الكبه نضيف خليط الارزواللبن ونضيف خليط الخبز ونضيف ولبن جوزهند ونخفقهم مع بعض لحد ما يكون ناعم خالص, ونضعها فى اناء على النار تاخد غلاوة ونضيف عليه ملح ليمون ونرفعه من على النار ونصبه فى بولات او برطمانات
- وتقدم وبالف هنا وشفا


سوبيا حلوة
المقادير
لتر لبن مغلى
5 حبوب مستكه
180 جم سكر=1كوب 
250 مل لبن=1كوب وربع 
50 جم جوزهند=2معلقه كبيرة 
100 جم لباب خبز=نصف كوب 
100 جم ارز مسلوق=نصف كوب 
5 جم اصانص جوزهند=1معلقه صغيرة 
5 جم ملح ليمون=1معلقه صغيرة 
طريقه التحضير
لعمل لبن بجوزالهند
- فى اناء نغلى لبن ونضيف جوزهند ونسيبه منقوع فى اللبن شويه ونصفى
- فى اناء على النار نضع لبن ومستكه ولمه يكون دافئ نضيف الارز ونقلبهم مع بعض كويس ولمه يغلى نخفض النار ونسيبه يستوى على نار هاديه ونسيبه يبرد( لازم نقلبه كل شويه لحد ما الارز يستوى)
- فى بوله نخلط لبن جوزالهند ولبابه الخبز واصانص جوزهند ونقلبهم مع بعض كويس ونسيبها تخمر
- فى الكبه نضيف خليط الارزواللبن ونضيف خليط الخبزونضيف سكر ونخفقهم مع بعض لحد ما يكون ناعم خالص, ونضعها فى اناء على النار تاخد غلاوة ونضيف ملح ليمون وياخد غلاوة ونرفعه من على النار ونصبه فى بولات او برطمانات
- وتقدم وبالف هنا وشفا

#مشرفة_الاسرة_والطفولة 
《#منتدى_المركز_الدولى》